أو

الدخول بواسطة حسابك بمواقع التواصل

#1

افتراضي مجموعة زيوت لعلاج تساقط الشعر


مكوّناته عبارة عن:

  • ملعقة زيت زيتون
  • ملعقة زيت لوز
  • ملعقة زيت صبار "بيكون لونه أصفر أو أخضر ولزج"
  • ملعقة زيت خروع "بيكون لزج جداً"
  • ملعقة زيت جوز الهند "بيكون لونه أبيض ولزج جداً"







الطريقة:
هنخلط كل المكوّنات دي مع بعضها لغاية ما تندمج كلها، وعند استخدام الزيت ده لازم يكون الشعر مغسول كويس جداً مرتين بالشامبو، وبننشف شعرنا كويس، وبعد كده ندهن الجذور الزيت ده، وبناخد منه كمية صغيرة جداً وندهن بها باقي شعرنا، وبكده يبقى الكمية اللي عملناها دي ممكن تكفي إننا نعمل بها حمام زيت مرتين، وبنعد بحمام الزيت ده لمدة 3 ساعات، وممكن إننا ننام به ونغسله تاني يوم.

وعايزة ألفت نظركم لغلطة بنات كتير بتعملها، وهي إنهم يسيبوا الزيت على شعرهم من غير غسيل أكتر من يوم؛ لأن الزيت مش المفروض إنه يفضل على الشعر لأكتر من 24 ساعة، وخصوصاً المحجبات؛ لأنك كده بتكتمي شعرك وتضريه أكتر ما تفيديه.







الليمون والعسل لعلاج القشرة الموسمية
بالنسبة بقى لمشكلة القشرة، هنعمل دلوقتي ماسك سهل جداً، ومكوّناته موجودة في كل بيت..

الماسك عبارة عن:

  • عصير 2-3 ليمونة "على حسب الحجم"
  • ملعقة كبيرة عسل



الطريقة:
بنقلّب المكونات كلها مع بعض كويس لغاية ما العسل يذوب في الليمون، وبنبدأ نوزّع الخليط ده على جذور الشعر باستخدام فرشة الصبغة، وبنحرّكها أكثر من مرة على فروة الرأس علشان نحرّك القشرة.

وفيه طريقة تانية سهلة أوي ممكن نوزع بها الماسك ده على شعرنا، وهي إننا نحط الخليط ده في زجاجة عطر قديمة، وعند الاستخدام بنرج الزجاجة كويس، ونبدأ نرّش منها على فروة الرأس، وبنسيب الماسك على الشعر لمدة ساعة واحدة بس، وبعد كده بنشطف الشعر كويس أو نغسله.

وممكن إننا نعمل إضافة بسيطة على الماسك ده بعد ما نوزّعه على فروة الرأس؛ وهي إننا نضيف عليه قطعة صغيرة من حمام الكريم، ونبدأ نوزّعه على باقي الشعر، والطريقة دي بنعملها علشان الماسك ماينشّفش الشعر مع الاستخدام، ويفضل طري وبيلمع.


#2

افتراضي رد: مجموعة زيوت لعلاج تساقط الشعر

مشكورة
#3

افتراضي رد: مجموعة زيوت لعلاج تساقط الشعر

بالتوفيق ان شاء الله


قد تكوني مهتمة بالمواضيع التالية ايضاً
الموضوع كاتب الموضوع المنتدى
موسوعه كامله للعنايه بالشعر, موسوعه للعنايه بالشعر Marwa El-shazly العناية بالشعر
ملف شامل للعنايه بالشعر وصفات وخلطات لتطويل وتنعيم وفرد الشعر المجعد والمقصف والضعي ام طاطو العناية بالشعر
علاج تساقط الشعر - الدليل الكامل! ЙǑŏƒ العناية بالشعر
تساقط الشعر لدى النساء - الاسباب العرضية ! 2025 ЙǑŏƒ العناية بالشعر
وصفات لعلاج تساقط الشعر و غيرها اللحن الحزين العناية بالشعر


الساعة الآن 07:24 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل