أو

الدخول بواسطة حسابك بمواقع التواصل

#1

مميز 7نصائح لتظهرى اناقتك وتوفرىفلوسك فى الشتاء

كبر مشكلة بتقابلنا مع موضة الشتاء هي الأسعار الخيالية اللي بتكون موجودة على كل قطعة من قطع الملابس اللي بتعجبنا؛ أسعار غالية بسبب الخامات اللي بتستخدم في ملابس الشتاء ولظروف تانية كتيرة..

هنعمل إيه في المشكلة دي؟!! وإزاي نظهر في الشتاء بكامل شياكتنا من غير ما الميزانية تتأثّر ولا ندفع فلوس كتيرة؟!! هو ده اللي هنتكلّم عنه في عدد النهارده، وهنقول نصايح بسيطة وسريعة ممكن تعمليها علشان تتغلّبي على المشكلة دي.

1- حددي هدفك قبل ما تشتري
علشان تحددي إنتِ محتاجة تشتري إيه بالظبط، لازم قبل ما تعرفي بالظبط إيه اللي الحاجات اللي عندك من الشتاء اللي فات؛ لأن ممكن يبقى عندك حاجة وإنتي ناسياها، وتنزلي تشتري حاجة قريبة منها، لكن لما تراجعي إيه اللي عندك بالظبط في دولابك هتقدري تحددي إيه هي الحاجة اللي ناقصاكي ولازم تشتريها.

وعموما أهم حاجة لازم تبقى عندك؛ هي البالطو الطويل، أو الجاكيت، ويكون لونهم محايد علشان يتناسبوا مع معظم الألوان اللي عندك، وده لأنك هتحتاجي له في الأيام اللي بتكون برد جدا، وتقدري تلبسيه على أي حاجة قديمة عندك من غير ما تبقي مقيدة بلونه.

2- لبس الشتاء اللي فات مش موضة قديمة
مش دايما كل سنة بتتغير الموضة من أولها لآخرها، يعني ممكن تنزلي المحلات تلاقي إن الموديلات هي نفسها اللي كانت موجودة من الشتاء اللي فات، وده اللي حاصل فعلا السنة دي، إن الموديلات واحدة تقريبا؛ يعني خامات زي الجلد والفرو والموهير لسه موضة، ويمكن الفرو والجلد واخدين مساحة أكبر في الفاترينات، لكنهم كانوا موجودين برضه من الشتاء اللي فات.

يعني أكيد هتلاقي في دولابك جاكيت جلد أو تونيك فيه فرو، تقدري تلبسيهم، وتبقي لسه على الموضة من غير ما تدفعي ولا مليم.





3- قطع ملابس الصيف تغنيكي عن شراء ملابس جديدة
مش معنى إن الشتاء جه إنك تشيلي كل اللبس اللي كنتي بتلبسيه في الصيف؛ لأنك ممكن تستخدمي معظم لبسك الصيفي مع ملابس الشتاء، خاصة إن موضة ألوان الشتاء السنة دي مش مقتصرة بس على الألوان الغامقة زي البني والأسود والرمادي، كمان الألوان الصيفية الجريئة ظاهرة بشكل قوي جدا؛ زي الفوشيا والتركواز واللبني والبيج والأبيض والموف والأخضر.

يعني ممكن تلبسي الشيميزات الصيفي اللي عندك وعليها كارديجان أو جاكيت، ومن تحت تلبسي بنطلون جينز، كمان الباديهات ممكن تلبسيها على جيب شتوي وعليها جاكيت قصير أو بوليرو.

مش بس كده، ده إنتي ممكن تستغلي البنتاكورات الصيفي اللي عندك، وتلبسيها ومعاها بوت برقبة طويلة.
4- غيّري من شكل ملابسك علشان تناسبك
موضة الفساتين الطويلة موضة من سنتين أو أكتر، وأكيد عندك أكتر من فستان قديم لبستيه كتير وزهقتي من شكله أو موضته راحت، ممكن بمنتهى البساطة إنك تقصّيه من تحت وتعمليه تونيك طويل، وتلبسي عليه بالطو وبوت برقبة طويلة.

5- إكسسوارات الشتاء إضافة أنيقة لملابسك القديمة
فصل الشتاء معروف دايما بإكسسواراته الأنيقة؛ زي: الكوفية الصوف والإسكارف والشال والحزام، وممكن باستخدام كل إكسسوار منهم تظهري بمظهر جديد كل يوم بنفس الملابس اللي عندك.

يعني لو عندك تونيك واحد سادة، ممكن تلبسيه ومعاه حزام على الوسط، أو إسكارف مشجر، أو تلبسي عليه كوفية صوف بألوان زاهية أو تلبسي عليه شال، وفي كل مرة هتحسّي إن شكلك جديد ومختلف.

علشان كده احرصي دايما إنك مع بداية كل شتاء تشتري أكتر من قطعة من الإكسسوارات دي بأشكال وألوان مناسبة مع موضة السنة؛ علشان تظهري وكإنك كل سنة بتجيبي مجموعة كاملة وجديدة من الملابس المناسبة مع الموضة.

6- ضيفي لمسة شتوية للشُنط والأحذية القديمة
فيه موديلات كتير من الأحذية والشنط ممكن تلبسيها في الصيف والشتاء؛ زي: الأحذية الجلد المقفولة والشنط الجلد، إنتي كمان تقدري تضيفي لهم بعض اللمسات البسيطة علشان تدي لهم طابع شتوي خاص، يخليكي تحسي إنك بتلبسيهم لأول مرة.

يعني لو عندك حذاء جلد مقفول لونه أسود أو بني أو رمادي، وكنتي بتلبسيه في الصيف وشكله مناسب إنه يبقى شتوي، ممكن تلبسيه ومعاه الجوارب التريكو الطويلة، بأي لون مناسب مع ملابسك ومع لون الحذاء، وبكده يبقى كإنك اشتريتي بوت جديد، وعلى فكرة الجوارب دي موجودة في محلات كتير وأسعارها مش غالية.

أما الشنط فممكن تربطي على الإيد بتاعتها إسكارف شيك بألوان شتوية تكون مناسبة مع ملابسك.

7- خليكِ ناصحة واشتري في الـsale
في آخر الشتاء دايما بتلاقي الحاجات اللي كان نفسك تشتريها من أول الشتاء موجودة، وبسعر أقل بكتير من سعرها في أول الموسم، علشان كده خليكِ ناصحة واشتريها والـsale، وبكده تبقي ضربتي عصفورين بحجر واحد، يعني تبقي اشتريتي الحاجة اللي نفسك فيها، وفي نفس الوقت يبقى عندك قطع جديدة تقدري تلبسيها السنة اللي جاية.

وفي الآخر لازم تعرفي إن مسايرة الموضة واللبس الغالي مش هم بس اللي هيخلوكي شيك وأنيقة، لكن الأهم إنك تعرفي تختاري الاستايل المناسب مع شخصيتك ومع طبيعة جسمك وتقدري تمزجي الألوان المناسبة مع بعضها.


إظهار التوقيع
توقيع : ام القمرات
#2

افتراضي رد: 7نصائح لتظهرى اناقتك وتوفرىفلوسك فى الشتاء

مشكووووورة
إظهار التوقيع
توقيع : عابره طريق
#3

افتراضي رد: 7نصائح لتظهرى اناقتك وتوفرىفلوسك فى الشتاء

شكرا لكى حبيبتى
إظهار التوقيع
توقيع : ام القمرات
#4

افتراضي رد: 7نصائح لتظهرى اناقتك وتوفرىفلوسك فى الشتاء

رد: 7نصائح لتظهرى اناقتك وتوفرىفلوسك فى الشتاء

اقبلي مني هالورد تعبيرا عن شكري
إظهار التوقيع
توقيع : نسيم البحر
#5

افتراضي رد: 7نصائح لتظهرى اناقتك وتوفرىفلوسك فى الشتاء

ربنا يخليكى ليا حبيبتى
إظهار التوقيع
توقيع : ام القمرات
#6

افتراضي رد: 7نصائح لتظهرى اناقتك وتوفرىفلوسك فى الشتاء

عذرا أختي الموضوع مكرر
 رد: 7نصائح لتظهرى اناقتك وتوفرىفلوسك فى الشتاء نصائح علشان تظهرى اناقتك فى الشتاء وتوفرى فلوسك
إظهار التوقيع
توقيع : رحيق


قد تكوني مهتمة بالمواضيع التالية ايضاً
الموضوع كاتب الموضوع المنتدى
اسباب زيادة الوزن في الشتاء ونصائح للتغلب عليها ام مالك وميرنا الرجيم والرشاقة
اسباب تجعل الولادة فى الشتاء افضل من الصيف mareoma مرحلة الحمل والولاده
حكة الشتاء نصائح لتجنب جفاف البشره فى فصل الشتاء هبه شلبي العناية بالبشرة
نصائح علشان تظهرى اناقتك فى الشتاء وتوفرى فلوسك ام نونا ازياء وملابس شتوية
7 نصائح لتظهرى اناقتك فالشتاء وكمان توفرى فلوسك ام نيرة اناقة موضة ازياء وملابس


الساعة الآن 09:37 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل