دوامة الحياة
الجاكته ..
والروشته ..
الساعه سته وصوت حليم ..
والمهدئ والمنّوم ..
والقميص المش مقلّم ..
والوجع جواك معلم ..
زى شرخ فـ بيت قديم ..
الشتا بيخبط فـ كتفك ..
والحنين كتّف دراعك ..
حتى انت مش فـ صفك ..
حتى قلبك مش بتاعك ..
سبت نفسك للشوارع ..
والقهاوى والحكاوى والصحاب ..
حلمك المربوط فـ نجمه ..
متداريه فـ السحاب ..
كنت متاخد خوانه وكنت متاخد غياب ..
وإتسألت عن اللى جايلك ..
قومت باصص للى فات و إبتسمت عشان تدارى ..
قومت ميت مـ العياط
اتسابت وسبت لحد ما خدت ..
مـ الفُرقه ومـ الحزن كفايتى ..
عودت عنيا تبص كتير ..
للنص الفاضى فـ كوبايتى ..
وشربت الناس سُكر بره ..
وحضنت الخوف مليون مره ..
للدرجه اللى تخلينى بقيت ..
مبحسش للحاجه بقيمه ..
للدرجه اللى تخلينى بكيت ..
على أتفه أفلام السيما ..
والنكته اللى بقولها قديمه ..
لكن بتلخص أهى حكايتى ! وضربت ودع ..
وضربنى وجع ..
وبنيت أحلامى على الرمله ..
وحلمت فارقت ..
وفهمت فـ فوقت ..
ما القصه أساسا مش كامله ..
وانا وانتى وناس غيرنا اتقابلوا ..
بالصدفه اتفارقوا كمان صدفه ..
وازاى وانا حاضنك يوم هـ أدفى ..
وحياتنا سناريوا كبير لكن ..
بنهايه أساسا مش هادفه !
مسألة مبدأ يا باشا ..
فـ خد كلامى عشان مهم ..
مش مجرد شو فـ شاشه ..
أو فصال على سعر دم ..
وإنى جيت علشان أقولك ..
ان إيدك سابقه عقلك ..
وعجبي
منقوول
إظهار التوقيع
توقيع : حنين الروح123
التوقيع لا يظهر للزوار ..
رد: دوامة الحياة
المشاركة الأصلية كتبت بواسطة مريم 2
إظهار التوقيع
توقيع : حنين الروح123
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| حكم واقوال عن الحياه حكم واقوال جميله حكم عن الحياه اقوال مأثورة | سوبر مامى | حكم واقـوال | ||
| حكم وأقوال واقتباسات في الحياة | اماني 2011 | حكم واقـوال | ||
| أجمل ..........وأقصى شئ فى الحياة | صاحبة القلب الحالم | منوعات x منوعات - مواضيع مختلفة | ||
| لمسات نفسيه في الحياة الزوجيه | ★н̃̾ɑ̃̾ı̃̾σ̃̾ѕн̃̾ɑ̃̾★ | الثقافة والتوجيهات الزوجية | ||
| جميله هي الحياااااه عندما | رانيا الزناتى | حكم واقـوال | ||
الساعة الآن 11:17 AM
جميع المشاركات تمثل وجهة نظر كاتبها وليس بالضرورة وجهة نظر الموقع