أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

معقول فى ناس كدا

إضافة رد  أضف للمفضلة
https://3dlat.com/showthread.php?t=75945
5648 21
#1

افتراضي معقول فى ناس كدا

بسم الله الرحمن الرحيم اخواتى فى الله انى محتاره وتعبانه ومش عارفه اعمل ايه/ ارجوكم ساعدونى انا مكتوب كتابى على ابن عمتى من سنه ونصف وبعد الخطوبه بشهر سافر لانه يعمل بره ومشى الحال بيتصل عليا كل يوم والحمد الله كنا متفاهمين مع بعض حتى ان حصلت مشكله كنا بنسيطر عليها ومعظم المشاكل الى مبنا كانت بسب اهله برغم انهم الى خطبونى له المهم احنا بنجهز للفرح وهما كمان كانو بيجهزو فى الشقه والى بيجهز الشقه اخو وعندو25سنه ومكنش بيطيق منى اى تعليق او اى فكره اقولو عليها ولما اقولى لخطيبى يقولى معلش هو اسلوبو كدا متزعليش منو قلت عادى وبرغم من انى خطيبى الى كان يطلب منى انى اروح وشوف الشقه وبيقول لاهله اعملولها الى هى عايزهوالله مفيش مره رحت الشقه الا وان بشكر فى اخو جوزى واقولو تسلم ويلم زقوقك يعنى تشجيع شويه لحد موصلنا لسراميك ورحت اخترت وكلو تمام وبعد كام يوم خطيبى قالى معلش روحى شوفى سيراميك غيرو اصلى دا مش موجود ورحت تانى وتكررنفس الموضوعوقالى روحى تانى انا كنت بروح انا وابويا بعدين ابويا رفض انى اروح وقلى لا انا حجيبلك تختارى وانت فىالبيت اصلى صعب شويه وكان قبل كدا خطيبى وعمتى هما الى طلبو من والدى انو يروح والحو على ذلك وقد كان وراح يعينى وملقيش حاجه جديده بس المفاجاه ان يتصل اخو خطيبى بولدى ويقلو انت حتشغلنى على مزاجك انا حعمل الاانا عاوزه وانت متتدخلش ونسى انو دا خالو والله ابويا مرد غير انو قالو يبنى اقفل انا جيلك الصبح عشان يرد على اهله ولكن لقى اخوتو الى اصغر منووعندها 22 سنه بتتكلم وتغلط وابوهم يزعق ويه بقيت خناقه كل دا عادى المصيبه الكبر انهم يوصلو لخطيبى كلام كدب انى لادا احنا الا بدانا بلغلط واحنا الى شتمنا ووووو هوعمل ايه بقى صدق كل دا ومرديش حتى يسمع منى ولاكلمه مصدق امه طبعا ودخلت نا س كتير فى الموضوع عشان الصلح وهه جم البيت المفروط عشان يتاسفو يعنى ف انا بقى قلت لازم اعمل حاجه يعرف الحقيقه بيها خطيبى قلت لما اسجل الكلام كله من الاول وفعلا سجلت على الموبايل وهما الى جاين يتاسفو لا اتريهم جينى يزيدو الطين بال وشتيمه بقى وسب ومشيو وابويا حلف لازم يطلاق بنتى وكررو نفس الى حصل الاول وقالو لن ابويا واخويا الى غلطو فيهم وهو العبيط اه والله عبيط صدق حاولت كتير اتصل عليه مبيردش ويقلولو طلق يقول لا انا بحب مراتى اتصل عليه ابويا وقلو اسمع التسجيل وعرف مين الى غلاطان قال لامسمعش حاجه اهلى مش بيكدبو وداى على الحال دا بقالى شهرين ونسيت اقلكم ان كان نازل اجازه من شهر عشان مفروط كنا نتجوز لاغى الاجازه وقال مشاكل فى الشغل وبعتلى رساله بيقول ان اهله مغلطوش فى حد واناسمعت ان اهله هما ال قالو اوعى تتصل عليا ولاتكلمها وانا خلاص تعبت ومش عارفه اعمل ايه اصر على الطلاق وانقذ نفسى ولا اصبر شويه يمكن يفهم انا مش عارفه اعمل ايه ومعلش طولت عليكم بس انا عايزه طرف محايد يرد عليا بعيد من العيله .ارجوكم قولوى اعمل ايه







#2

افتراضي رد: معقول فى ناس كدا

يااه ربنا يصبرك
اسمعى حبيبتى
هو بالاول كان مقتنع بيكى وبيقول خلوها تختار كل حاجه على زوئها
يعنى كان شاريكى وشارى راحتك
بس كتر الزن على راسه وتوصيل الكلام الغلط له هو سبب كرهه وعماه
فانا من رائيي خليكى اعقل منه شوى واتحملى
وحاولى تانى توصلى له التسجيل عن طريق احد اصدقائه او حد من اهلك عشان حرام انتوا اهل يحصل بينكم كل ده

حتى عيب دنتى بنت خاله يعنى مش حتتطلقوا بس حتى العيله كلها حتبقى فريقين
فكونى انتى همزه الوصل فى العيله وحاولى تصلحى الموضوع بشويت ذكاء وصبر ومعلش اتجنبى اهله عشان تعيشى انا عارفه اهل الزوج والله عقارب حتى لوكنتى منهم

ربنا يعينك حبيبتى
إظهار التوقيع
توقيع : ريموووو
#3

افتراضي رد: معقول فى ناس كدا

والله منا عارفه اقولك ايه مشكله صعبه والخراب وحش بس اهل الزوج قادرين على خلق مشاكل دلوقت وبعدين وواضح ان عشرتهم مش سهله وخطيبك منساق ليهم
على كل حاولى معاه اصبرى شويه ولو نصيبك ربنا حيكتبلك الحياة معاه وربنا معاكى
#4

افتراضي رد: معقول فى ناس كدا

انا من رأي البنات اصبري وان شاء الله الحقيقة تظهر وتتصلح الامور
ربي معاك
إظهار التوقيع
توقيع : ايمان المقصبي
#5

افتراضي رد: معقول فى ناس كدا

انا مش عايزة اسخنك
بس انت مقلتيش هتتجوزي مع أهل جوزك وللا بره؟
لو بره يكون افضل واصبري شوية لحد الامورما تهداوربنا يصلح الحال
اما لو شقتك معاهم في نفس البيت يبقى راجعي نفسك قبل ما تقرري الاستمرار لأن المشاكل دي هتتكرر كتير طول ما انت عايشة وسطهم والله يعينك
استخيري ربنا أولا وأخيرا والأمر كله لله من قبل ومن بعد
إظهار التوقيع
توقيع : رحيق
#6

افتراضي رد: معقول فى ناس كدا

واتفق معكم يا عدولات
اصبرى شوية وربنا يهدى الحال
والافضل ان يكون بيتك للزوجية مستقل عنهم تماما
وربنا يوفق يارب
إظهار التوقيع
توقيع : حسناء
#7

افتراضي رد: معقول فى ناس كدا

ربنا يصلح الحال
#8

افتراضي رد: معقول فى ناس كدا

[FONT=""][COLOR=""][SIZE=""]شكرا ليكم بس للاسف انا حتجوز مع اهله فى البيت وكان ناوى ان احنا نسافر بعد الجواز بشهروحتى فى تجهيز الورق لسفر يعنى جواز السفر عشان الاستقدام والله ابويا هو الى عملهولى بعد مااخو رفض ان يعملوبس اقول ايه ناس ميتمرش فيها وابويا صبر عليهم ودلوقتى مصر على الطلاق انا كل الى عايزه منكم انكم تقولو حسبى الله ونعم الوكيل فى امه واختو زى مفرقو بنا ولانه دلوقتى عمتى سمعت انها بتقول انى انا مفتريا وطلاباتى كتير والله سنه ونصف مطلبت منهم حاجه ولاحتى خطيبى كان يبعتلى فلوس ومكنتش اتكلم عشان احنا اهل وعادى يعنى بس هما مقدروش دى وعاملين يقولو كلام يفور الدم حسبى الله ونعم الوكيل.[/SIZE][/COLOR][/FONT]
#9

افتراضي رد: معقول فى ناس كدا

ربنا يهديلك الحال يارب ويهيئلك خير
إظهار التوقيع
توقيع : ♥ احبك ربى ♥
#10

افتراضي رد: معقول فى ناس كدا

ربنا يصلحلك الحال يارب وينتقم من كل ظالم ومتزعليش كل واحد ليه يوم حسبنا الله ونعم والوكيل
إظهار التوقيع
توقيع : نوارا
#11

افتراضي رد: معقول فى ناس كدا

ربنا معاكي بس دي عينة من الي جاي بعدين هو لو مصدقكيش ووقف جمبك تبقي حياتك بعد كدة ربنا يستر ودي موجودة قدامنا كتير لو هو مخدش صفك دلوقتي تبقي هتتعذبي معاه اوي وخلي بالك هما عاوزين يفركشو لو بتحبية تمسكي بيه اوي وكلميه قوليله عاوزنا نكمل وتحميني ولا نبقي اخوات ولو نصيبك معاه صدقيني هتكملي بس لازم تحافظي ع كرامة ابوكي لانك لسه في بيته وده حصل امال لما تتجوزي وبعدين دول ممكن يخلوه مايخدكيش معاه ودي عن تجربة متاكدة منها شوفي انتي عاوزه ايه واتكلمي معاه بصراحة ومن غير تجريح في امه وطالما في اخت في الموضوع يبقي ربنا معاكي وينتقم من كل ظاااااااااااالم ابقي طمنينا يازائرة
إظهار التوقيع
توقيع : لولو حبيب روحي
#12

افتراضي رد: معقول فى ناس كدا

[FONT=""][COLOR=""][SIZE=""]بجد بجد انا عاجز عن الشكر ليكم لان كل وحده قدمت نصيحهتا بشكل حلو وحبا اشكر لولو وبقولك هو دا الى انا خايفه منو ان ميخدنيش معا بعد الجوز ويفضل منساق ليهم فان حقررانى اطلق دلوقتى احسن مجيب اطفال يبقى ملاهاش ذنب تتظلم معانا بس ادعولى ربنا يصبرنى ويعوضنى .[/SIZE][/COLOR][/FONT]
#13

افتراضي رد: معقول فى ناس كدا

حبيبتى آجرك الله فى مصيبتك واسمحيلى اسميها مصيبه لأنها فعلا مصيبه الموضوع مش هزار ده جواز يعنى حياه جديده مش معقول تبتديها بالصراعات والنكد
الأول ما تظلميش جوزك على اللى عمله لأنه معذور دول أهله برضه !1
جرت العاده عندنا كمجتمع شرقى اننا بنعتبر فتره الخطوبه دى كأنها جواز وان البنت اللى تفسخ خطوبتها يبقى قيها حاجه غلط مع ان فتره الخطوبه دى معموله للتعارف الشرعى بين الطرفيين لأن البنت الملتزمه اكيد ما كانتش تعرف حاجات كتير عن خطيبها قبل كده يعنى ما تعرفش شخصيته لأنهم ما اتكلموش مع بعض فمش عييب اننا نتخطب وبعدين لو اكتشفنا اننا مش قادرين نتوافق مع بعض نفسخ خطوبتنا ويادار مادخلك شر لأن دى حياتك الجديده لازم تقضيها هاديه مسالمه علشان كده اسمعى كلام بابا وسيبيه وربنا هيعوضك وتلحقى نفسك من الأول بدل ما تندمى بعد كده وانتى بتقولى انكم فى نفس البيت وواضح ان اهله بتوع مشاكل وما بيعرفوش ربنا فاسمعى الكلام وسيبيه وربنا يجازيكى بالأفضل واتمنى لك التوفيق حبيبتى
ربنا معاكى

#14

افتراضي رد: معقول فى ناس كدا

حبيبتي الله يعينك الصبر مفتاح الفرج الله يفرجها عليك
إظهار التوقيع
توقيع : روزة
#15

افتراضي رد: معقول فى ناس كدا

من تجربة الجأي لله عزوجل وكثري من الاستغفار والدعاء واحرصي على قيام الليل وابكي لله واشكي له همك واسأألي الله أن يلهمك الصواب وأن يحنن قلب زوجك وأهله عليك فالقلوب بيد الله يقلبها كيف شاء
تضرعي لله واطلبي من مالك كل شئ أن يسخر لك قلب زوجكك وقلوب أهله وداومي على الاذكار والاستغفار وأنت موقنة بنصر الله
استخيري الله في أمر الزواج وإن كان فيه خير سيتم
لاحظي أن الصلح خير ف اطلبي من الله صلاح الأحوال
انتبهي من وجهة نظري أن لا تذكري أهل زوجك أمامه بسوء أبدا بل امدحيهم بالخير لأن الرجل الأصيل لا يرضى أن يسب أحد أهله لأنه لما يسمعك تذكرينهم بالخير وهم يسبوا فيك بإذن الله سيزيد لك احترام وتقدير وتكبري في عينه
وادعي في كل وقت وكل صلاة أن يسخرهم لك ويهدي بالهم
بالنسبة لأخته ممكن الغيرة تعمي بعض النساء فحاولي مصاحبتها والتقرب لها واستشارتها واهدي لها هدايا بنية تليين قلبها فالهدية لها مفعول قوي وكرري الاهداء بين فترة وأخرى ( تهادوا تحابوا ) وما تحصلين عليه بإذن الله من الإهداء أغلى من الهدية اللي تهديها مع الدعاء المستمر لله أن يجعلك حبيبة لديها
قال الله تعالى (ادفع بالتي هي أحسن فإذا الذي بينك وبينه عداوة كأنه ولي حميم زما يلقاها إلا الذين صبروا وما يلقها إلا ذو حظ عظيم)
وتنازلي عن بعض الأمور حتى لو وضعوا في الشقة شئ لا يعجبك تجاهلي وقولي : إنا لله وإنا إليه راجعون اللهم أجرني في مصيبتي واخلف لي خيرا منها : وتأكدي أنه بعد هذا الدعاء سيعوضك الله
فعلاقتك مع زوجك أهم من الشقة وادعي الله أن يجعل الشقة أحسن مما تتمني ويجمعك بزوجك ويحبك زيادة هو وأهله
وتذكري أن الشيطان أحب شئ عنده الفرقة بين الزوجين
وواضح إن زوجك أمير وطيب وأصيل مثلك ربي يجمع بينكما قريبا
أسأل الله الكريم أن يريح بالك ويسعد قلبك ويسخر لك زوجك ويحببك لأهله
تأكدي أن الاستمرار في الدعاء لله ليل نهار أنه مفتاح الفرج والسعادة والخير وابشري ياغالية
بشرينا عنك.
إظهار التوقيع
توقيع : رووية ورهوف
#16

افتراضي رد: معقول فى ناس كدا

اختي نصيحه فكري كويس جداااااااااااااااا قبل تتجوزي
إظهار التوقيع
توقيع : ام سيف
#17

افتراضي رد: معقول فى ناس كدا

[FONT=""][COLOR=""][SIZE=""]شكرا لنصايح الغاليه دى بس والله عمرى مغلط فى اهله قدامه بلا بلعكس كنت دايما بشكر فيهم واخد رايهم فى كل حاجه وهو دا الى خلاهم يتطاولو لان مش كل الناس ينفع معها الاسلوب دا لان دول حسبى الله ونعم الوكيل فيهم بحق مخربوا حياتى والمشكله مش فى الشقه اكيد حبى لى واستقرارى اهم من اى شى ب دا لو هو سمعنى اصلا دا مصدق كل كلامهم ورفض حتى ان يسمع الحيققه الى كانت فى تسجيل موبايل بصوتهم واعتبر انى اسجلهم دى اهانه ليهم بس انا كنت عايزه اكدلو انهم بيكدبو عليه بس الموضوع دلوقتى بقى كرامه ابويا واخويا ولو على اختو انا عملته كويس كتيررررر وطلبت منها كمان انه هى الى ترص العفش وترتب الشقه على ذوقها وحجات والله كتير والمشكله انى خطيبى مش لاقيه اساسا خلاص انا تعبت وانا لله وان اليه راجعون .[/SIZE][/COLOR][/FONT]
#18

افتراضي رد: معقول فى ناس كدا

عليكي بالأستخارة يا أختي في كل وقت وربنا هو اللي يهديك للصلاح بأمر الله

ربنا معاك ويفك كربك يا رب
إظهار التوقيع
توقيع : لولومونو
#19

افتراضي رد: معقول فى ناس كدا

استخيري ربنا واهدى ياقمر وهو هايختار ليكى الصالح
بس ماتفرطيش ف كرامتك وكرامه اهلك لان بعد كده بتخسري كتيروعن تجربه قدامى
ولو هتقدري تخليه ياخدك معاه خير وبركه انفدى بجلدك منهم
بس عمتك ليه بتعمل كده دا مهما ان كان اخوها ربنا يهديهم يارب
ويختار ليكى الخير من عندة
#20

افتراضي رد: معقول فى ناس كدا

انا راى انك تخلصى منهم من دلوقتى وربنا يصلح حالك
#21

افتراضي رد: معقول فى ناس كدا

ربنا يصلح الاحوال اللهم امين
#22

افتراضي رد: معقول فى ناس كدا

اسأل الله العظيم رب العرش ان يفرج كربك


قد تكوني مهتمة بالمواضيع التالية ايضاً
الموضوع كاتب الموضوع المنتدى
أنا طبعي كدا رباط الحب المنتدي الادبي
ده حبيبي يا ناس البرنسيسة2000 المنتدي الادبي
معقول فى ناس كدا الجزء الثانى غير مسجل فضفضة وحل المشاكل
بس بس ايوة انتى ادخلى كدا وقوليلى رأيك monnnna فتيات تحت العشرين
ناس ............ وناس ؟؟؟ تعالوا نشوف الناس!!! نونو حسن المنتدي الادبي


الساعة الآن 10:55 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل