كروكات بالبطاطا,طريقه عمل كروكات بالبطاطا,كروكات بالبطاطا الجزائريه
المقادير
2 حبات بطاطا مهروسة ماشي مرحية في الرحاية لانها ما تحكمش مليح في القليان
كمية من المرقاز حوالي 10 حبات او لحم مرحي او حتى صدردجاج مرحي يكون متبل وطايب من قبل
معدنوس مهم جدا
1م ك بصل مرحي
توابل ملح
1بيضة مغليا ومرابيا
1م ص موطارد
1م ك هريسة
عصرة قارص
فرماج طري للحشو انا نفضل بربار
فرينة وبيض مخفوق وشابلير التحظير
اولا نهرس البطاطا والبيض
ونحط جميع المقادير والمرقاز نعمل عصرة قارص
نحاول نخلط غير بالشوية باش يبقى الخليط ما شي معجن
ناخذ شوية باليد ونحط طرف فرماج ونغلق عليه
تحبي تشكليه شكل بيضوي او اقراص
ثم في الفرينة ثم البيض ثم في الشابلير
نقليهم في زيت غزير وسخون حتى يحمارو