أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

انا منهاره الحقونى

إضافة رد  أضف للمفضلة
https://3dlat.com/showthread.php?t=108510
18758 27
#1

افتراضي انا منهاره الحقونى

انا عندى مشكله كبيره جدا يا ريت تحاولوا معايا فى حلها انا فضلت مع زوجى 16 سنه اولا بيت عيله مفككه صاحبتكم اتشمللت وعملت نفسها ضحيه واستحملت كل حاجه فى مقابل ان زوجى يكون احسن اخواته السبعه وكل ما تتخيلوهفى بيت العيله ومعاه حصلى واستحملته واتغربت معاه كمان وبرده الحلوه الحموله استحملت ولغت نفسها نهائى علشان حبيبها يكون نفسه مكنش فيه مصروف لى الا لما اطلب واختكم مبتحبش تتطلب كتير حاولت اخرج اشتغل رفض ورفض يسيبنى فى مصر علشان اشتغل ذى زمايلى انا جامعيه وعندى ولد واحد 14 سنه ومفيش اطفال تانى بدون سبب لا منى ولا منه المهم هما حياتى وذى ما ضحيت علشان زوجى ابنى كمان كل حياتى وبس ونسيت اقول ان زوجى قليل الكلام معى وانا دائما اللى بتكلم وقولت طبع وحاولت معاه بكل الطرق اللى قريتها مفيش فايده حتى فى .....انا اللى بقوم بكل الجوانب يعنى يا حبيبى بأهل نفسى من لبس وعطور وكمان معلهش لازم اكتبها باللفظ ده وادلع واهنن لحد ميخلص ومفيش قبل الا لو انا اللى بدأت يفتكر وساعتها بتكون بارده وبمنتهى السرعه مع اى دائما اقبله فى كل وقت وبصعب على نفسى لما اقعد جمبه اخد ايده واحطها على خدى او كتفى تفضل كما هى الا ان اتركها فيرجعها مكانها على فكره انا جميله وكل الناس لما ازورهم واكون مهتمه نصف اهتمامى فى البيت يقولو ازاى زوجك تركك تخرجى اكيد هيعمل ويسوى لما ترجعى المهم الى يحرق بقى اننا الايام دى حصل انى طلبت مصروف محدد لى شهرى وكنت فاكره ان ده ابسط حقوقى بعد ما كون نفسه ولم يحدد لى من نفسه قولت يمكن منتظرنى ابدأدى كل حاجه فطلبت فقالى انا هعطيكى 300 تصرفى 100 وتعينى الباقى لاأنى هحتاجه بعد كام شهر فسبته وقمت بكيت لوحدى كالعاده وبعدين سكت وطالما سكت خلاص لما افك ابقى اتكلم ولو طولت فى عدم الكلام وعاوز .....بلا حرف يغلق الباب ويهزنى اصح ...... ويقوم يروح غرفته وبس فخلاص مبقيتش بستحمل فى المره دى بعد ما خلص وخرج واغلق الباب لقيت نفسى ببكى بصوت عالى ومش عاوزه ابطل ولا عارفه فالصوت خرج من عندى لحد ما سمع وجاء نام بجانبى بعيد وبس لمدة ساعه او اكثر ولا كوب ما ولا لمسه ولا اى شئ الا قال بعد ساعه او يزيد انت مش هتبطلى تنويحولما انا تعبت وربى رحمنى وبدأت انام خرج وبس وفضلت مبتكلمش على كده وهو كل ما يحب يجامعنى بلا كلام وفاتت ثلاث شهور على كده وابنى فى المقابل بدأت يستهون بى ويعلى صوته على امامه وهو برده لا يعلق ويقول مثلا متعليش صوتك على امك عيب اى حاجه والولد قالى ملكيش دعوه بيا ملكيش دعوه بيا فخاصمته وتعبت جدا يومها صداع ورشح وعطس وكله وهما سامعينى ولا كلمه ولا حاجه سخنه ولا علاج ولا حاجه فدخت غرفه ونمت محدش جالى وصحيت عملت الفطار وخرجوا ولا كلمه اعمل ايه طبطبوا انتوا على انا وحيده لو كان عندى بنت كانت طبطبت على وقالتلى مالك يا ماما معلهش طولت عليكم منا مليش غيركم







#2

افتراضي رد: انا منهاره الحقونى

على فكرة معظم الرجالة اصبحوا قاسيين لايهمهم غير نفسهم وبس واوعي تفتكري ان البنات كلهم حنينين في بنات بتبقى قاسية اكثر من الولاد ادعي ربنا يهديلك زوجك وابنك وربنا يفكها عليكي يارب
#3

افتراضي رد: انا منهاره الحقونى

معلش ربنا معاكي..
ربنا يهديهولك..
إظهار التوقيع
توقيع : الـمـتـألـقـة
#4

افتراضي رد: انا منهاره الحقونى

والله حبيبتى انا بجد مش عارفة اقولك اية ومصدومة جدا جدا من كلامك دا
الله يعينك على اللى انتى فية ويقويكى على كمية البرود اللى انتى عايزة معاها
انا اسفة انى بقول كدة عليهم بس والله معنديش كلمة اخف من دى
مش عارفة لية وصل معاكى للدرجة دى وحتى ابنك بقى كدا لية
قوليلى طيب انتى محاولتيش تتكلمى معاة بالبداية وليش مش بيقوليلة ان الحاجات اللى بيعملها دى بتتعب اى ست بالدنيا
تعالى نفكر مع بعض يمكن يكون عارف واحدة تانية وانتى مش عارفة
انتى اللى تعرفى
وشكلك انتى اللى عودتية ان كل حاجة انتى اللى بتعمليها والله بجد حرام حرام
يكون معاة انسانة زيك وتتعامل كدا
الله يصبرك حبيبتى ويهديلك زوجك وابنك يارب
#5

افتراضي رد: انا منهاره الحقونى

لا حول ولا قوة الا بالله
إظهار التوقيع
توقيع : ام هنى
#6

افتراضي رد: انا منهاره الحقونى

مشكلتك انك عملتيه محور حياتك وهو ده الغلط كمان كان لازم تعرفى طباعه ايه يعنى مش بيحب الكلام الكتير لو اتكلمتى انتى تفتكرى حيبقى مبسوط واضح انه مش رومانسى بالمرة لو حاولتىمعاه يمكن تخنقيه
انتى انكرتى حياتك وجيتى على نفسك ومش كل الرجاله بتعترف بجميل الزوجه ده غير ان انتى مطلبتيش من الاول حقوقك تفتكرى حييجى هو بعد 16 سنه وبعد ما اتعود على كده حييجى من نفسه كده ويقولك اتفضلى؟
ومتصبريش نفسك بقوله لو معايا بنت مين عالم ممكن تورث القسوة من باباها وتكون عبء اكتر عليكى ومحدش فى الزمن ده بيمسح دمعه حد
لا يحك جلدك الا ظفرك لملمى شتات نفسك وكملى الرحله عشان فرض عليكى ع الاقل عشان ابنك لكن ما تتعشمي فى حد اشغلى وقتك وتفكيرك بالعباده والقرآن والقراءة واى حاجه وحاولى تنسى واعرفى ان النوع ده ده اخره كده لانه مريح نفسه من كل حاجه واخد ع الراحه ده غير انه ده طبعه
#7

افتراضي رد: انا منهاره الحقونى

حبيبتي ربنا يفرجها عليكي ويفك ضيقتك يارب
إظهار التوقيع
توقيع : Ħêβā Ħáβøşħ
#8

افتراضي رد: انا منهاره الحقونى

السلام عليكم
زوجك علي ما تعوديه وأبنك علي ما تربيه
يعني أنتي ربيتي العادة عند زوجك أنك تقدري تقفي علي رجلك حتي في أقصي الظروف وفجأة تطلبي منه؟؟؟؟؟
وأبنك لانه الوحيد لازم من تربية جيدة حتي لا يرفع صوته مجددا ولا يتمادي في سلوكه السئ ولان الاب غائب عنه فكوني له صديق ورقيب
أسأل الله العظيم رب العرش العظيم أن يهدي لك زوجك وأبنك
إظهار التوقيع
توقيع : كاندي أم أنس
#9

افتراضي رد: انا منهاره الحقونى

ربنا يكون بعونك حبيبتي
بس الواضح انه زوجك عنده برود ولا مبالاة وعاجبه انه يفظل ساكت ومنطنش ومريح راسه
انا برايي داويه باللتي كانت هي الداء طنشيه ع الاخر خليه يتمنى يسع صوتك
وما ترحميه بالطلبات اطلبي كل شي من حقك ولو رفض ارجعي اطلبي لانه من النوع اللي اذا انتي سكتتي عن حقك هو بيطنش
حطي هدف براسك لحد ماتوصليله
مابده يحكي معك متل كل الناس ما بتحكي وبتفش خلقها لبعضها هو حر لكن اهم شي حقوقك ما تنفي نفسك مشانه ولا تجوري على نفسك مشان ترضيه خليكي دايما صريحه وكل لما يعمل شي مش عاجبك انتقديه بوجهه وما تخافي على مشاعره
ربنا معاكي حبيبتي ويسخرلك زوجك وابنك
إظهار التوقيع
توقيع : om tareq
#10

افتراضي رد: انا منهاره الحقونى

حببتى ربنا يصبرك ويكون فى عونك متزعليش نفسك ربنا يهديهملك يارب ويسعدك ويفرح ايامك وتكونى اسعد وحدة بالدنيا اللهم امين
وفى الاخر لازم تصبرى علشان خاطر ابنك
بس ابنك لازم يتشد عليه شويه مش تخصميه ولا هيفكر فيكى لا عقاب
#11

افتراضي رد: انا منهاره الحقونى

لا حول و لاقوة الا بالله
الله يكون في عونك حبيبتي و يصبرك
ده وضع يجيب المرض ربنا يقثويكي عليهم
بس ابنك اوعي تضيعيه ربيه المسألة لسه في ايديك
عشان عمرك ما يبقاش راح هدر اكسبي ابنك و ربيه
و عليكي و على ربك و الدعاء
ربنا يفرجها عليكي يا رب
إظهار التوقيع
توقيع : ام هنا
#12

افتراضي رد: انا منهاره الحقونى


المشاركة الأصلية كتبت بواسطة لافالانتينا
مشكلتك انك عملتيه محور حياتك وهو ده الغلط كمان كان لازم تعرفى طباعه ايه يعنى مش بيحب الكلام الكتير لو اتكلمتى انتى تفتكرى حيبقى مبسوط واضح انه مش رومانسى بالمرة لو حاولتىمعاه يمكن تخنقيه
انتى انكرتى حياتك وجيتى على نفسك ومش كل الرجاله بتعترف بجميل الزوجه ده غير ان انتى مطلبتيش من الاول حقوقك تفتكرى حييجى هو بعد 16 سنه وبعد ما اتعود على كده حييجى من نفسه كده ويقولك اتفضلى؟
ومتصبريش نفسك بقوله لو معايا بنت مين عالم ممكن تورث القسوة من باباها وتكون عبء اكتر عليكى ومحدش فى الزمن ده بيمسح دمعه حد
لا يحك جلدك الا ظفرك لملمى شتات نفسك وكملى الرحله عشان فرض عليكى ع الاقل عشان ابنك لكن ما تتعشمي فى حد اشغلى وقتك وتفكيرك بالعباده والقرآن والقراءة واى حاجه وحاولى تنسى واعرفى ان النوع ده ده اخره كده لانه مريح نفسه من كل حاجه واخد ع الراحه ده غير انه ده طبعه
حبيبتي الله يعينك في اللي انتي فيه وعلى رأى لافالانتينا ماتتعشميش في ان لو عندك بنت ان الأحوال كانت حتبقي أحسن لا بالعكس كانت حتبقي نسخة منه وكمان ماكانتشي حتبقي راضية بالوضع اللي حطيتي نفسك فيه شاغلي نفسك وحياتك بالمفيد وتجاهليهم تماما لان ماقدامكيش حل غير كده وربنا يعينك أنا عارفة ان الردود حتصدمك بس انتى استحملتى لسنين طويلة وعايزة تصلحى الأمور دلوقتي صعب حبيبتي انك تغيريها دلوقتى لانك عودتيه من الأول ربنا يهدى الأحوال
إظهار التوقيع
توقيع : مايا علي
#13

افتراضي رد: انا منهاره الحقونى

ربنا معاكي حبيبتي ويهديهم ليكي
إظهار التوقيع
توقيع : بطه
#14

افتراضي رد: انا منهاره الحقونى

بصى حبيبتى فى البدايه عايزه اقولك انك غلطانه
ايوه فعلا غلطتى فى حق نفسك ورضيتى انهم يعيشو على حساب اعصابك وعلى حساب نفسك
التضحيه حلوه مقلناش حاجه بس انتى مضحتيش انتى ظلمتى نفسك ظلم كبير ورضيتى انك تعيشى تضحى براحتك وسعادتك وراحة بالك عشان الباقى يعيش وادى النتيجه
جوزك خد منك على كده ومبقاش مهتم بيكى ولا بالكلام معاكى واتعود خلاص على انه ياخد ميديش بمعنى اصح اتعود يجى يلاقى كل حاجه جاهزه وعلى اكمل وجه ولما يتعب عارف انه هيلاقى اللى تخدمه وتشيل وتحط فيه ولما يفلس عارف انه هيلاقى اللى تدبر المعيشه وتروح وتتغرب معاه وتقف جمبه ولما يزعل عارف انه هيلاقى اللى تصالحه وتراضيه وانا اسفه فى الكلمه ولما يعوز .......عارف انه هيلاقيكى على سنجة 10 وجاهزه 24 قيراط وعارف كمان انك لما تزعلى هتروحى تعيطيلك شويه فى الاوضه التانيه وهتهدى يبقى خلاص بقى هو عاوز ايه تانى مانتى موفراله كل حاجه
كان الكلام ده هيبقى كويس اوى لو كان بيقدرك وبيحافظ على شعورك كنت ساعتها قلتلك ضحى كمان طالما واخد باله منك بس للاسف اللى حصل العكس اتعود ياخد وميديش ولا يهتم وللاسف ابنك شرحه زى ابوه بالظبط
طب الحل ايه دلوقتى؟
الحل انك تفوقى لنفسك ومديتهومش اى اهتمام واللى عليكى اعمليه وبس من غير زياده ولا نقصان وتجاهليهم هما الاتنين ومتتكلميش معاهم خالص ولا كأنك شايفاهم لازم يحسو انك واخده موقف وشوفى حاجه تسليكى سواء تنزلى تشتغلى او النت او التليفيزيون صدقينى لما يحسو بالاختلاف وان حنفية الحنان اللى مفتوحه عالفاضى وعالمليان اتقفلت وبتنزل بحساب هيتجننو ويحاولو يرضوكى عشان ترجعى زى الاول
بس لو حتى راضوكى اوعى ترجعى تخضعى تانى زى الاول لأ لازم تبقى فى الحدود برضه
بالنسبه لأبنك فالمفروض انك متستنيش ابوه يقوله عيب متزعقش لأمك
لأ انتى المفروض يبقى ليكى شخصيه قويه عليه عشان يتعامل معاكى كأبنك مش جوزك لأنه للاسف واضح انه بيقلد ابوه بالحرف
بمعنى انه لو زعقلك تانى لازم تزعقيله وتعنفيه جامد عشان ميكررهاش تانى وخليه يعمل حاجته بنفسه كعقاب عشان يعرف قيمتك يعنى يحضر لنفسه الاكل مثلا ويشيل ويغسل الاطباق اللى كل فيها او يروق الاوضه بتاعته وحاجات زى كده
ربنا يهديهوملك حبيبتى ويريح بالك ويجازيكى خير
#15

افتراضي رد: انا منهاره الحقونى

ربنا معاكي ياقمر بجد وجعتي قلبي ربنا يهديلك االحال هو طبعه كده خلاص ربنا يصبرك دوري علي حاجة تشغلك احفظي قرءان اي حاجة مفيده اشتركي معانا هنا هاتلاقي الي يشغلك والله انا لما بيكون جهازي شغال
من ساعة مااصحي لحد مانام هنا ربنا يهديلك الحال يارب ويحنن قلبه عليكي
إظهار التوقيع
توقيع : لولو حبيب روحي
#16

افتراضي رد: انا منهاره الحقونى

ربنا يهدي لك الاحوال ياحبيبتى بس صلى وخل املك ف ربنا كبير
إظهار التوقيع
توقيع : شقاوة آنثى
#17

افتراضي رد: انا منهاره الحقونى

يتصفح الموضوع حالياً : 4 (3 عدلات و 1 زائرة)
إظهار التوقيع
توقيع : شقاوة آنثى
#18

افتراضي رد: انا منهاره الحقونى

بصي انا مع رأي باقي اخواتي هنا انك غلطانه التضحيه متبقاش بالطريقه دي ومش كل العمر ده
ما فكرتيش في يوم تتغيري وتخدي موقف عموما مش هطول عليكي هقولك خدي اقري الموضوع ده وياريت تبتدي تعملي باللي فيه الموضوع ده غير كتير من حياتي وانقذني من الانهيار ياريت تقريه كلمه كلمه وحرف حرف
ولو الموضوع مش هتشوفيه كامل لانك زائرة ياريت تسجلي معانا وتشوفيه اتفضلي اهو
عيشي حياتك لاتحصري اهتمامك برجل
#19

افتراضي رد: انا منهاره الحقونى

انا مع لافالانتينا بس الاول اهم حاجه (انما الاعمال بالنيات ) يعنى لا ضرر ولا ضرار بصى يا حبيبتى الاعلاقه الخاصه بين الرجل والست ربنا سبحانه وتعالى قال( وقدموا لأنفسكم )ومقدمات الجماع على الرجل مش الست يعنى لازم الحنان والحب هى مش علاقه بهائميه يعنى ما ينفعش تاخدى ايده وتحطيها على خدك لأ لازم انوثتك تحسى بيها
اولا عامليهم بما يرضى الله ولكن وانت واخده موقف زى ما البنات قالولك كمان لازم الولد يعرف قيمتك مش مشكل لما تهملى شويه فى طلباته علشان يعرف قيمته من غير امه وحياته ملهاش معنى وهو مش صغير وعليكى بالدعاء واوعى تعيطى وتعلى صوتك انا المرحوم لما كنت بعمل كدد كان بيحس بالانتصر لأ خليكى مؤمنه فرحانه بعلاقتك مع ربنا وربنا يسعدك ويهدى الحال
إظهار التوقيع
توقيع : سكاسك
#20

افتراضي رد: انا منهاره الحقونى

عليكِ بالدعاء حبيبتى واصبرى واحتسبى الاجر عند الله

نصيحة :اشغلى نفسك عنهم شوية بلاش يكونوا محور حياتك الا طبعا واجبتهم لازم تعمليها على اكمل وجة علشان ربنا يعوضك خير ..

اصبرى وربنا هيعطيكِ اجر الصابرين ان شاء الله ولا تنسى الدعاء فله مفعول اكيد
ربنا يصلح حالك وييسر امرك ويسعد قلبك يارب
#21

افتراضي رد: انا منهاره الحقونى

والله حبيبتي من خلال خبرتي في الحياة بقول ان جوزك على ماعلمتيه انتي مفروض تكوني صارمة شوية برود منه وبرود منك حياتكم تبقى ملهاش طعم حاولي حبيبتي معاه بكل الطرق لانه جوزك وشاريك وحاولي تخرجي لمكان لوحدكم وتغيري روتين حياتك وتفهميه انه هو الراجل وانتي الست وربنا يهديه ويخليلكم ابنكم يارب قلبي معاكي واكسبي ابنك والحقيه
إظهار التوقيع
توقيع : صمت الورود
#22

افتراضي رد: انا منهاره الحقونى

ربنا معاكى يا حببتى بس احب اقول لك قربى من ابنك اكتر وربنا يهديهم يارب
#23

افتراضي رد: انا منهاره الحقونى

استحملي حبيبتي وعليكي بالدعااااااااااء وربنا يفك كرررربك ويهدهملك ياااااااااااارب
واعتبريني بنتك ودا شئ يسعدني جدااااااا يا امي

إظهار التوقيع
توقيع : حبيبة نوناا
#24

افتراضي رد: انا منهاره الحقونى

حبيبتي الغالية.المشكل ليس في المصروف لكنها ترسبات سنين للمعاملة الجافة لهذا الزوج طيلة 16 سنة جعلتك حساسة بسبب تراكم التجاهل و الاهمال.
انا ارى ان انسان يعيش بنفس التصرفات طول هذة المدة فهي ضمن شخصيته التي لن تستطيعي تغييرها بمعاملته بالمثل للاسف لان من شب على شيء شاب عليه.
سانصحك بما فعلت انا لقد خلقت لنفسي اهتمامات و هوايات املا بها وقتي من ضمنها الخياطة و هذا حتى لا يبقى زوجي مركز الكون لدي فاذا خاصمني تزلزلت الدنيا تحت قدمي و اصابني الاضطراب.
عندما يراك منشغلة عنه سيرغب في التواصل معك لان كل ممنوع مرغوب و من جهة اخرى تنمين مهاراتك و تحسين بتقدير الذات بعيدا عن وجود زوجك.
إظهار التوقيع
توقيع : farcha
#25

افتراضي رد: انا منهاره الحقونى

ربنا يهديللك جوزك اهم حاجة اتجهوا لربنا الاول وربنا هيفرجها عليكو ان شاء الله
#26

افتراضي رد: انا منهاره الحقونى

ربنا يكون معاكي ويهديهم هما الاثنين المهم ان تعاودي الوقوف مرة اخرى وتتوكلي على ربنا
إظهار التوقيع
توقيع : ام حامد
#27

افتراضي رد: انا منهاره الحقونى

ربنا يصبرك يارب هوا انتى اتنازلتى اوى عشان كده مش فارقة معاه اوى حاولى تغيرى نمط حياتك للى شايفة انه يريحك واعتبرية مش موجود وعيشى عشان ولادك بس ولما يطلبك زى ماهوا ساكت اسكتى ومتفتحيش معاه فكلام خالص انتى هتتعبى شوية بس هوا اكيد هيلاحظ وربنا يحنن قلبه عليكى يارب
#28

افتراضي رد: انا منهاره الحقونى

ربنا يهديلك ابنك واطلبي عشان لازم يتعود علي كده


قد تكوني مهتمة بالمواضيع التالية ايضاً
الموضوع كاتب الموضوع المنتدى
انا منهاره ومخنوقه ايه رايكم فى الراجل ده عطرى الجنة فضفضة وحل المشاكل
الحقونى وشورا علية طم طم 2013 سؤال وجواب
الحقونى عريس غريب اوى اوى بيعمل ايه الحقونى حنين ونغم فضفضة وحل المشاكل
فاكرين لما قولتلكم الحقونى وردة امل فضفضة وحل المشاكل


الساعة الآن 06:26 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل