يادبلة الخطوبة .. نصايح للمخطوبات ياحلوين
يادبلة الخطوبه .. عقبالكم كلكم
وتبنوا طوبة طوبة فى عش حبكم
ازاى هتبنوا طوب فى عش حبكم
ازاى هتحطوا فيه طوب
العش ده من القش ....صح
بس ممكن اوى يكون فيه طوب وزلط واسمنت مسلح كمان
بتحطيه انتى وهو من البدايه بدون قصد
من اول ما بتسمحيله انه يلبسك .....العمه
....قصدى الدبله
راجعى قول رسولنا الكريم
قال رَسُولُ اللَّهِ صَلَّى اللَّهُ عَلَيْهِ وَسَلَّمَ
"لأَنْ يُطْعَنَ فِي رَأْسِ أَحَدِكُمْ بِمِخْيَطٍ مِنْ حَدِيدٍ خَيْرٌ لَهُ مِنْ أَنْ يَمَسَّ امْرَأَةً لا تَحِلُّ لَهُ"
لازم تعرفى ان الخطبه لغة وعرفا وشرعا غير الزواج
هى مجرد حجز الخاطب للمخطوبه بحيث
يحظر على الغير خطبتها
قال رسول الله صلى الله عليه وسلم
"لا يخطب أحدكم على خطبة أخيه"
رواه البخاري (5142)، ومسلم (1412)،
واللفظ لأبي داود (2081)، والنسائي (3238) من حديث ابن عمر – رضي الله عنهما-
بمجرد ما لبستى الدبله فى ايديكى كدا يبقا كأنك بتقولى لكل الناس..خلاص،
الخط مشغول
حلم جميل،
مهما تشترى من دهب وخواتم ومجوهرات تفضل
لـ"الدبله" مكانتها الخاصه جداً عند البنات،
ومستحيل واحده تشتريها لنفسها كنوع من الحُلى او الزينه، لازم تيجى منه "هو" وبس
هاتى الدبله وتعالى بقى ..
لازم تعرفى انك فى مرحله خطيره ..
وان كان الجواز عسل .. فالخطوبه هو لدغ النحل ..
النحل اللى هيجيب العسل يافالحه ..
لازم تحطى ف بالك حاجتين .. علشان هنعوزهم بعدين
انك اتخطبتى اه .. بس لسه متجوزتيش
.. عزيزتى المخطوبه ..
بمجرد ما يعلن الخطيب (( مش اللى بيلعب كوره )) خطبتك
ويوافق ولى امرك على الخطبة
لابد وان تقلع تروس مخك معلنه ببداية المعركه .. ومنذ هذه اللحظه
تبدأى تطرطقى ودانك .. تفتحى عنيكى .. وتخلى مناخيرك ع الويتنج .. استعداد لتعقب
رائحة اى اثر للجريمه
..
الخطوبه هى مفتاح الجواز .. والباب الذهبى للسعاده
وماتش الافتتاح .. ولو لعبتيه صح ياقمر .. يبقى مبروك عليكى الكاس
هتتهاونى فيه .. انتى حره بقى هتنزلى دورى الدرجة التانية
مبدأيا كده يابنت الناس .. خطيبك ده ايا كان مين ؟حسام حسن .. بركات ملك الحركات
.. ملاك ونزل م السما
يقولك هاتى ايدك .. ورينى جمال خطوتك .. توريله العين الحمرا ع طول
يقولك اشوف شعرك بس طوله كام علشان اشتريلك شامبو هديه ..
اشوف رقبتك قطرها كام مللى .. علشان هجيب لمامتك خاتم ف عيد الام
تقسيله عرض اكتافه .. وتبعتيه ع اقرب نجار .. يختار نعشه كيفما يريد
..... الخطوبه دى فتره علشان تعرفى البطيخه
قصدى زوج المستقبل فيها وصفاته وايه مشترك بينكم؟
وهو بيحب ايه (( علشان متبقيش تعمليه ))
طبعا
وهو مبيحبش ايه (( علشان تخنقيه بيه وتطبخيه كل يوم ))....
ده اكيدوتتعرفى ع اهله وحياته وتشوفى هينفع معاكى ولا تشوفيلك بطيخه غيره
لكن لعب مراهقين بقى .. الفراغ العاطفى ده .. لا لا لا مينفعش
انتو داخلين ع حياه جديده عايزين ربنا يسترها عليكم ومعاكم ...
كمان هاتى ودانك كده
.. هو انتى ما صدقتى ؟ .. اقولك هاتى ودانك تدهالى
احنا قلنا ايه؟ .. اى حد يقولك هاتى حاجه متدهالوش ابدننننن
خطيبك هيطلب منك التنازلات دى .. تحت احتمالين
احتمال انه بيختبرك .... اه مااهو كمان عاوز يعرف البطيخه اصلها ايه؟
.. هو انتى فاكره انتى بس اللى ناصحه
والاحتمال التانى .. انه فعلا عايز يمسك ايدك .. بس اول ماهيمسكها وياخد غرضه منها
ويحس بخشونتها ويسيبها .. الشيطان هيبدا يوسوس له بقى ..
ويقوله لا .. ما هى بتمسك اهى .. شكلها مش اول مسكه ياابو الشباب
انت هتتخم ولا ايه
..؟؟؟؟؟هيقولك امسك ايدك يانسمه .. هتقليله لا يافوزى
هيقولك ماهو محمود بيمسك ايد خطيبته .. ومصطفى ومعتز
وعلاء بيمسك ايد البت حبيبته من قبل مايخطبها
ويعمل بقى انه مضايق وانه شريف ابن شداد اللى خطيبته مش واثقه فيه
وياخد جنب وعنيه شويه وهينفجر منها الساحل الشمالى
اوعى تنخى .. اوعى تتنازلى ياحنينه
..حتى لو هددك انه لو ممسكش ايدك هيبعتلك ورقتك
اوعى يهمك ياهبله هو اصلا لسه معندوش ورق يبعتهولك
وكمان تعالى نحسبها ..
هيمسك ايدك ف الخطوبه .. شويه وهيشوف شعرك
.. وسلسلة التنازلات هتبدا
خلاص راحت زهوة الجواز يابنتى ..
ممكن نشترى لبس جديد كل يوم ونلبسه
لكن لبس العيد بيبقى ليه طعم تانى ولبس اول يوم مدرسه ولبس اول يوم جامعه
كل حاجه بعيده وجميله ليها زهوه تانيه
(( الممنوع مرغوب))..متقوليش انها حاجه بسيطه ..
ايه يعنى ايدى .. ماهو لبسنى الدبلهماهو ده اساس المشكلة
وده اللى بتكلم فيه
هو مسك صوباع .. خدى بالك م بقية الصوابع
لو بدأ التنازل يافوزيه .. مش هتعرفى تلميها من فين ولا من فين ..
سيبك انتى كمان .. انتى ايش عرفك ان ده اللى ربنا هيتمملك على خير معاه
مايمكن لا قدر الله .. تحصل اى مشكله تعرقل سير الزواج
.. وتنتزع منها الدبلة
يعنى من الاخر
ربنا لا هيكون راضى على كده ..
الشخص نفسه هتبداْى تقلى فى نظره ..
حتى لو اتجوزتوا هتفضل دى حاجه بعبع وراكى ..
هتروح زهوة الحاجات دى اللى اتنازلتى عنها ف اوقات غلط
لما تيجى تعمليها ف اوقاتها الصح ..
مش كل خطوبه نهايتها جواز
..لكن كل جواز كان اوله خطوبه الا حالات قليله
مش هقولكم زى مين؟
وأخيرا هننقل كلاما لفضيلة الشيخ ابن عثيمين رحمه الله في هذه المسألة :
( دبلة الخطوبة عبارة عن خاتم ، والخاتم في الأصل ليس فيه شيء ( يعني أنه مباح ) إلا أن يصحبه اعتقاد كما يفعله بعض الناس يكتب اسمه في الخاتم الذي يعطيه مخطوبته ، وتكتب اسمها في الخاتم الذي تعطيه إياه زعماً منهما أن ذلك يوجب الارتباط بين الزوجين ، ففي هذه الحال تكون هذه الدبلة محرّمة ، لأنها تعلّق بما لا أصل له شرعاً ولا حسّاً ، كذلك أيضاً لا يجوز في هذا الخاتم أن يتولى الخاطب إلباسه مخطوبته ، لأنها لم تكن زوجه بعد ، فهي أجنبيّة عنه ، إذ لا تكون زوجة إلا بعد العقد ) .
الفتاوى الجامعة للمرأة المسلمة
منقول للفائدة ..
رد: يادبلة الخطوبة .. نصايح للمخطوبات ياحلوين
إظهار التوقيع
توقيع : ♥ احبك ربى ♥
التوقيع لا يظهر للزوار ..
رد: يادبلة الخطوبة .. نصايح للمخطوبات ياحلوين
المشاركة الأصلية كتبت بواسطة lenai
وان كان الجواز عسل .. فالخطوبه هو لدغ النحل ...موضوع فى غايه الروعه ...تسلمى
وتسلمى يارب من كل شر ..
رد: يادبلة الخطوبة .. نصايح للمخطوبات ياحلوين
رد: يادبلة الخطوبة .. نصايح للمخطوبات ياحلوين
رد: يادبلة الخطوبة .. نصايح للمخطوبات ياحلوين
المشاركة الأصلية كتبت بواسطة نوارا
يارب يباركلك بجد موضوع جميل وعجبني وياريت الناس تعمل بية علشان نعرف نحافظ علي نفسنا وبنتنا وبكدة نكون نرضي ربنا
المشاركة الأصلية كتبت بواسطة r o k a
جمييييييييل جدااااااا هو لبسني الدبله بعد كتب الكتاب اصل كانت شيله واحده ههههه تسلمي
منورين دبلة الخطوبة
رد: يادبلة الخطوبة .. نصايح للمخطوبات ياحلوين
موضوع جميل جدا وهيفيد كل المخطوبات والمقبلين كمان
تسلم ايدك
يا عثل
تسلم ايدك
يا عثل
إظهار التوقيع
توقيع : ملك قلبى
التوقيع لا يظهر للزوار ..
رد: يادبلة الخطوبة .. نصايح للمخطوبات ياحلوين
المشاركة الأصلية كتبت بواسطة ملك قلبى
موضوع جميل جدا وهيفيد كل المخطوبات والمقبلين كمان
تسلم ايدك
يا عثل
تسلم ايدك
يا عثل
رد: يادبلة الخطوبة .. نصايح للمخطوبات ياحلوين
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| تخطي تجربة الخطوبة الفاشلة بنجاح | حياه الروح 5 | فتيات تحت العشرين | ||
| 20 علامة تشير ان خطيبك ليس الزوج المناسب لك | نايلية وفخر ليا | الحياة الزوجية والاسرية | ||
| معلومات عن الخطوبةوشروطها | سألت الله فأعطانى | فتيات تحت العشرين | ||
| فساتين الخطوبة - اجمل فساتين الخطوبة - فساتين حلوة خطوبة | حسناء | فساتين زفاف وخطوبة 2022 | ||
| lll;;;lاروع نصايح لحواءlll;;; | متوكلة ع الله | فتيات تحت العشرين | ||
الساعة الآن 11:10 PM
جميع المشاركات تمثل وجهة نظر كاتبها وليس بالضرورة وجهة نظر الموقع