10 طرق تساعد طفلك يتخلص من اضطرابات النوم
بمجرد ما تبقى أم بتروح سنين النوم براحتك بذات فى الشهور الأولى من عمر الطفل لحد ما يتعود على الدنيا و مواعيد النوم.
اضطرابات النوم عند الأطفال فى الغالب بتكون في الفترة ما بين السنة الأولى والثانية من عمر الطفل.
ساعات بتكون لفترة مؤقته و بعدين تروح لحالها و فى حالات تانية بتكون مُزمِنَة و بتستمر مع الطفل لفترة طويلة.
أيه بيخلى الطفل عنده اضطرابات فى النوم ؟
السبب ممكن يكون :
- نفسي يعنى نتيجة موقف أو حاجة جديدة حصلت للطفل ذى مثلا مشاكل فى المدرسة أو الحضانه ، خوف من أى نوع بتسبب له الأرق النفسى.
- ممكن كمان يكون نتيجة مرض عضوى بيعانى منه الطفل بس مش عارف يوصفه.
- أو أجتماعى نتيجة مشاكل فى البيت اى كان السبب بيخلى الطفل يصحى خايف و مزعور.
نوبات الذعر الليلى: حالة خوف شديدة بتصحى الطفل من عز النوم.
عادتا الحالة دى بتيجى لللأطفال قبل سن المدرسة و بتخليه يحس بالضعف .
كمان بتظهر على وشه علامات قلة النوم و الإجهاد ذى :
- التنفس المتعب
- عدم التركيز
- ضريبات قلب سريعة
- الخوف لأن قلة النوم بتخليك تحس بحاجات غريبة و تتوهم حاجات مش موجودة.
- ممكن يوصل لمشكلة المشى و هو نايم و لما نصحيه مش بيفتكر أيه كان مخوفه.
بيقال أن الولاد بيكونوا عرضه للنوع ده أكتر من البنات.
و بيفتكر تفصيل الكابوس لما يصحى و الحالة دى بتخف كل ما الطفل يكبر.
المشي أثناء النوم برده ممكن يظهر فى النوع ده كمان و بيكون فى حوالى 10 % من الحالات.
غالبا بيحصل مع الإطفال فى سن المدرسة و بيختفى كل ما يقرب الطفل من مرحلة المراهقة.
أغلب حالات الفزع و المشى وقت النوم بتكون عادية عند الأطفال و كمان بتختفى بالتدرج كل ما يكبر.
ده طبعا بعد ما نعمل شوية أختبارات تأكدلنا أن مفيش مشكلة نفسية أو عصبية أكبر ذى مثلا أن الطفل معندوش ” صرع الفص الصدغي” .
مع بعض ممكن نساعد الطفل فى أنه يطمن كمان العلاج بيكون سهل عليه يرجع لحياته الطبيعية.
النوم الأنتيابي: و ده اضطِّراب بسبب نوبات النوم خلال النهار و الجمود والشلل النومي اللى بيخلى الطفل نعسان طول النهار عشان مبيعرفش ينام بالليل.
لأنه مش بيلحق ينام بالليل فمجرد ما عينه تغم تجيله كوابيس و أحلام القلق خلال نوم الريم و يضطر يصحى مفزوع وفاكر الحلم كويس.
و ده بيصعب عليه أنه ينام مرة تانية فبيضطر للنوم النهارى المرهق.
فى الغالب بيكون سببه جيني وبيظهر فى مرحلة المراهقة كمان بيجى للبنات أكتر من الولاد.
طبعا لو الطفل أتشخص لأى نوع من الأنواع دى طبعا بعد ما يتعمله مجموعة أختبارات بيحتاج يتابع مع دكتور نفسى بيحدد أسلوب العلاج سواء بالدواء أو الجلسات أو الأتنين مع بعض.
10 طرق تساعد طفلك يتخلص من اضطرابات النوم
- نطمن الطفل و نوفرله الأمان كمان نبعده عن الخلافات العائلية
- بلاش العقاب وتأنيب الشديد مع مراعاة حالته النفسية.
- ممكن نستخدم وناسة نور ونسيب باب غرفة الطفل مفتوح.
- بلاش نسيبه يتفرج على أفلام فيها مشاهد عنيفة
- قراءة كتاب يحبه الطفل الحدوتة ساعات بتساعد على النوم الهادى.
- كوب لبن و حمام سخن قبل النوم للطفل
- عمل روتين ثابت لأوقات الأكل ،اللعب والنوم كمان لازم نحافظ على أننا منغيرش الورتين فجأه.
- ممكن كمان نحاول نعمل أنشطة كتير طول اليوم و نخرج و نلعب عشان الطفل يخرج طاقته ويستعد للنوم.
- نخلى شكل غرفة نوم الطفل مريح نفسياً ممكن نحط صور و ألوان يحبها
- نستخدم ستائر تحجب الضوء عشان غرفة الطفل تكون مظلمة لمنع دخول ضوء الصباح ليها.مهم أننا نطمن الطفل مهما وجهته مشاكل أو اضطرابات لازم يحس أن الأم و الأب واقفين معاه و بيدعموه دايما.
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| بدء الطعام لطفلك الرضيع | اوزاريس | العناية بالطفل | ||
| تغذية طفلك ملف هام لكل ام | شوشو السكرة | العناية بالطفل | ||
| الأغذية المهدئة للأعصاب | مايا علي | الطب البديل | ||
| الارق – هروب النوم | لؤلؤة الايمان | العيادة الطبية | ||
| حيل و خطوات لتعويد اﻷطفال علي النوم مبكراً ، ارشادات لاقناع طفلك بأهمية النوم | نَقاء الرُّوح | العناية بالطفل | ||
الساعة الآن 12:20 AM
جميع المشاركات تمثل وجهة نظر كاتبها وليس بالضرورة وجهة نظر الموقع