رد: قنبله تنظيف وتنظيم البيت حته حته مجمع معلومات فقط
يلا بينا على ترويق الشقه وش
- عيزاكو تقولو سبحان الله 33 مره والحمد لله 33 مره والله اكبر 34 مره قبل النوم هيديكو نشاط ماشاء الله وهتشوفو ده بنفسكو
- يلا بينا
1-نفتح كل الشبابيك علشان الشقه تتهوى
2- هتفضى حوض المطبخ خاااالص وبعدين تحطى فيه الكوبيات بسسسسس وامليها كلها مايه دافيه من الحنفيه يعنى عادى هتشغلى الحنفيه عليهم لحد ما يتملو وتسبيهم وتمشى يعنى بمعنى اصح هتنقعيهم
3- هتجيبى باسكت الزباله الكبير بتاع المطبخ او اى كيس كبير ومعاكى اكياس بعدد البساكتات الموجوده فى الشقه كلها وتدخلى اوضه اوضه والحمام وتفضى كل باساكت فى الكيس الكبير و الباسكت الكبير وكل واحد تفضيه تكيسيه تانى ها سهل كده
4- نروح نغسل الكوبات ونسيبهم يتصفو ومكانهم نحط فيه كل الاطباق ونفتح عليهم الميه لحد ما يتملى ونسيبهم يتنقعو
5- نجيب معانا ملمع الخشب والزجاج والحته والمكنسه الكهربا او العاديه الى موجود وندخل على اوضه النوم اول حاجه هنشيل الكراكيب اى كركوبه موجوده هنشيلها وبعد ما لمينا الهدوم وعلقناها ولمينا الكراكيب الى على الوش كلو دلوقتى وش بس واستنو هنعمل عميق عميق بس واحده واحده خلاص شيلنا كل حاجه وبالذات التسريحه الى بيبقى عليها فرح العمده لو فى اى حاجه رتبيها وانا بعد كده هقولك هتعمليها ازاى
وبعدين هنلمع الخشب علي السريع ونلمع الزجاج
وبعدين نفرش السرير ونرتبو وخلاص هتقفلى الشباك او البلكونه و هتطلعى من الاوضه ايه ياريمى نسيتى الكنيس لا استنو
6-نروح نغسل الاطباق ونرص الكوبيات وطبعا الغسيل هيكون سهل لان كل حاجه لانت وبعدين نحط كل المعالق والشوك والسكاكين فى نفس الميه وننقعهم بنفس الطريقه
7- هتدخلى اوضه الاطفال لو فيه وهتعملى نفس الوضوع ولو فى اى كراكيب لعب الاطفال هتحطيها فى مكان واحد مؤقتا بس ياريت فى مكان مش باين ونقفل الشباك ونطلع
8-تروحى تغسلى المعالق والشوك والسكاكيين هيتغسلو بسرعه جدا وتنقعى كل الطاسات بميه سخنه
9- تدخلى اوضه المعيشه او الصاله اى حاجه المهم المكان الى بتقعدو فيه وتروقيها من على الوش ولو فى حاجه تلمعيها على السريع
10-تروحى تغسلى الطاسات هتتغسل بسهوله جدا جدا وتنقعى الحلل ولو فى حله محروقه هتحطيها على النار بميه مغليه وشويه ملح لمون لو مش عندك يبقى شويه خل ولمونه وشويه ملح ده للاستانلس
11-تدخلى الرسيبشن بردو نفس النظام تلميع سريع مش عميق كلو مؤقتا على السريييييع خلاص كدا الشقه شكلها نضيف
12- تغسلى كل الحلل المنقوعه وبعدين تحطى كل البلستكات فى طبق كبير او فى الحوض عادى وتنقعيهم
13- هنجيب المكنسه ونمشى بيها على الشقه كلها ورا بعض لكن لو مكنسه عاديه وانا مش بفضلها اوى المهم هتكنسى فى الاول علشان الحاجه الى لمعتيها مش تتبهدل
14- تدخلى المطبخ هتلاقى كلو تمام التمام ومش هتزهقى منه وتغسلى البلستكات والرخامه ويكون المطبخ خلص من غير تعب ورا بعض
15- هتعملى الاكل عادى وياريت اى حاجه تستخدميها طبق كوبايه تتغسل علطول وبكده مش هتلاقى مواعيين خاالص ومش هتعملى الى عملتيه الصبح تانى لانك اصلا مش هيكون فى حاجه فى المطبخ وبعد الغدا يدوب هتغسلى البوتجاز والرخامه و مواعيين الغدا اعلطول هيكونو قليلين وتانى يوم يادوب هتغسلى مواعيين العشا فقط دا لو مكنتيش قروبه وغسلتيهم اصلا. وطبعا بليل الحاجات الي في الباسكت الكبير يترمي مش عايزاه يبات في البيت طبعا الي بقول عليه ده مش هايكون كل يوم لان المفروض من نسيب مواعين بالشكل ده بس انا دلوقتي بتقظ مايمكن انقاظه علشان نكون كلنا فله وانا عايزاكوا تشجعوني وانا اشجعكوا يلا اسيبكوا واشوفكوا المشاركه الجايه ومتنسوش مفيش رد الرد علي الجروب التاني الي ف اللينك وارجو من المشرفه مراقبه الموضوع لان ان شاء الله هابزل كل مجهودي فيه وان شاء الله يكون قنبله معلومات باااااي اممممموووواااااه