أو

الدخول بواسطة حسابك بمواقع التواصل

#1

اسئلة واجابات عن مشكلات الشعر والبشرة

أسئلة وإجابات عن مشكلات الشعر والبشرة



لكن قبل ما نبدأ تعالوا نعرف مع بعض إزاي نخزّن الملابس الشتوية ونحافظ عليها سليمة وريحتها حلوة للسنة الجاية..

بالنسبة للجاكتات سواء الفرو أو العادية.. علشان نخزّنه بطريقة صحيحة؛ هنغسله الأول بأي مسحوق للغسيل في ميه ساقعة ونسيبه ليلة كاملة، وبعدين نشطفه ونسيبه يتصفّى، وبعدين نحطّ شوية بلسم في ميه، وحطّي فيه الجاكت لمدة 8 ساعات، ودي طريقة كويسة للجاكت لو فيه فرو أو موهير.

ولو الجاكت محتاج غسيل كتير نغسله في غسالة أوتوماتيك وبعد الغسيل نحطّ عليه كله بلسم من جوا وبره وبعدين ندخلها تانى تتشطف أو تتساب يوم كامل منقوعة في ميه بالبلسم وبعدين نصفّيه.





بالنسبة للبوت.. سواء متبطّن أو لأ، لازم نشيله وهو مغسول، وطريقة غسيله بسيطة جدًا، الأول هنغسل النعل من تحت ببلسم أو شاور جيل، وبعد كده نغسله من جوه بالبلسم ونسيبه ينشف كويس أوي، وقبل ما نشيله لازم نحشيها من جوه بالورق الأزاز، أو بالفِل اللي بييجي مع البوت علشان نحافظ على شكله.



ودلوقتي تعالوا نشوف بعض الأسئلة اللي وصلتني منكم والرد عليها..

أنا عروسة واستعملت كريمات التفتيح التروسيد والليكوسيد لمدة 6 أيام، وعملت لي التهابات جامدة؟


لو رجعتي لحلقة الكريمات دي هتلاقي طريقة الاستعمال المضبوطة، وواضح إنك استخدمتيها بطريقة غير اللي قلتِ عليها لأنك بتقولي إنك عملتي ازالة للشعر بالموس علشان مش بتتحملي السويت أو الشمع، بس طبعا ده صعب جدًا وكمان السويت هيساعد مع الكريمات؛ لأنها بتعمل تقشير زيادة للجلد وهيخلّي الجلد نضيف وبنعملها مرة واحدة قبل ما نستعمل الكريمات.

وكمان قلت إننا هنستعمل التروسيد كمرطب للمنطقة وبعد فترة هنستعمل البانثينول وواضح من رسالتك إنك غيّرتى في الترتيب اللي قلت عليه، وممكن يكون هو ده اللي عمل الالتهاب.. يعني لو مشيتي على الترتيب مضبوط هيجيب نتيجة كويسة.

وعموما أنا هعيد الترتيب مرة كمان، وهو إننا بنعمل إزالة للشعر وبعدين نحط الليكوسيد لمدة ساعة ونشطفه وبعدين نحط التروسيد المرطب، وبعد فترة شهر مثلا أو شهرين نغيّره ونستعمل البانثينول، وأنا كنت محذّرة إن الليكوسيد من الكريمات اللي بتختزن تحت الجلد. وعلشان كده أنا قلت إننا هنستعمل السويت أو الشمع مرة واحدة في الشهر؛ لأن ده هيقشّر طبقة الجلد وهيعمل طبقة اسمرار خفيفة وتهييج للجلد، وده مقصود علشان نكمّل باقي استعمال الكريم، جرّبي الترتيب ده مضبوط ولو فيه أي مشكلة ابعتي لنا تاني وإن شاء الله نرد عليكي.

هل زيت السمسم من الحاجات اللي بتفتح الجسم ولا لأ؟

زيت السمسم من الحاجات اللي بتنعّم الشعر والجسم جدا لكن مش بتفتح الجسم واللي بيفتح الجسم من الزيوت هو زيت اللوز الحلو سواء للبشرة أو الجسم.

إزاي نستخدم الصن بلوك؟

الصن بلوك بنحطّه على الوش قبل ما ننزل بمدة حوالي 15 : 30 دقيقة بالكتير، وبعد ما ننزل نبتدى نحطّه تاني كل ساعتين، وطبعا الصن بلوك مش بنحط عليه ماكياج كتير لأنه زيتي شويه، يعني ممكن نحط لوس باودر بسيط أوي وشادو وروج.

إزاي نعرف إذا كان الطين المغربي أصلي ولّا لأ؟ ونغسل وشنا بصابون الطين كم مرة؟

الطين فيه منه أنواع؛ فيه الطين اليابس أوي زي اللي استعملناه في حلقات فاتت، وده بندوّبه في ميه أو لبن حسب الماسك اللي هنعمله، وفيه نوع بيكون طري جدًا وده بنعمل بيه ماسك على البشرة على طول.

لو البشرة فيها حبوب واضحة بنغسل وشنا يوميا لمدة شهر بالكتير 5 مرات في اليوم، ونحط بعدها مية ورد ومرطبات وماسكات مغذية للبشرة؛ لأن لما بتكون البشرة فيها حبوب كتير وعايزين نفتّحها بنكثف الغسيل في الأول لمدة شهر، علشان نتخلص من الحبوب وبعدين نبدأ نستعملها مرة أو مرتين في اليوم بس طبعا أهم حاجة نحط مية ورد بعدها علشان ترطّب البشرة؛ لأن الطين من الحاجات اللي بتنشّف البشرة، يعني على قد ما هو كاسح للدهون والحبوب لكن بينشّف البشرة؛ فعلشان كده لازم نهتم إننا نحط كل يوم مرطبات؛ زي: ماسك الخيار، أو ماسك الزبادي والعسل والليمون.





إيه رأيك في ماسك الزبادي والعسل والليمون؟ وأنا بستعمله بدل ماسك الأرز وحبة البركة؟

الماسك ده من الماسكات الهايلة جدا واللي بتمشي على كل أنواع البشرة، بس طبعا طالما فيه ليمون يبقى أهم حاجة إنك ما تتعرضيش للضوء أو الشمس وبعد ما نغسله نستخدم مية الورد على البشرة كمرطب،والماسك ده بيروّق وبيدي رونق للبشرة أما ماسك الأرز من الماسكات اللي بتفتّح البشرة أكيد.

أنا فرحي بعد 5 شهور وكنت عاملة حنة فرد لشعري من 7 شهور وعايزة أصبغ شعري؟

أولا أنا عايزة أؤكد على حاجة مهمة، وقلت عليها قبل كده إن مفيش حاجة اسمها حنة فرد، وأنا ضد الفرد بكل أنواعه، وعموما إنتي عاملاها من 7 شهور، يعني من فترة طويلة وهتلاقي الشعر من الجذور بيطلع لونه الأصلي، وإنتي ممكن تصبغيه عادي وبعدين تقصّيه وتعملي حمامات الزيوت اللي قلنا عليها في الحلقات اللي فاتت.

وما انصحكيش إنك تعملي ألوان صارخة لأنك عاملاه بحنة سوداء يعني لو حبّيتي تعمليه أصفر هتضطري تحطّي بودرة تفتيح على شعرك، وعلشان كده من الأفضل إنك تحاولي تعملى ألوان هادية علشان ماتهلكيش شعرك.

أنا عندي مشكلة الرؤوس السوداء في منطقة الأنف؟

منتجات بايوديرما من المنتجات الهايلة وعموما أي منتجات فرنسية جيدة جدا، وعايزة أقول إن مشكلة الرؤوس السوداء من المشكلات اللي بتحتاج لمتابعة مستمرة ولو عملتي ماسكات من اللي قلنا عليها قبل كده زي ماسك الترمس أو الردة أو حبة البركة وكمان الماسكات اللي استخدمنا فيها مية الأوكسجين، وأنا قلت إننا بنركز فيها على منطقة الأنف ودي هتساعد على ظهور الرؤوس بشكل أقل بنسبة 30 أو 40 %، وكمان الخيار والسنفرة الطبيعية بتروّق البشرة بشكل كبير.

منقول


إظهار التوقيع
توقيع : ام نونا
#2

افتراضي رد: اسئلة واجابات عن مشكلات الشعر والبشرة

رد: اسئلة واجابات عن مشكلات الشعر والبشرة
إظهار التوقيع
توقيع : rasouma
#3

افتراضي رد: اسئلة واجابات عن مشكلات الشعر والبشرة

يسلموووو رائع
جزاكى الله خيرا
إظهار التوقيع
توقيع : نجمة منورة
#4

افتراضي رد: اسئلة واجابات عن مشكلات الشعر والبشرة

مشكورة كتيييير ام نونا
بس عندي سؤال
شعري كان كثيف من زمان بس هلأ كتير خفيف ياترى شو ممكن اعمل حتى يرجع متل قبل واكتر وشكرا


قد تكوني مهتمة بالمواضيع التالية ايضاً
الموضوع كاتب الموضوع المنتدى
العناية القصوى بالشعر من الألف الى الياء Mariam Wahid العناية بالشعر
الاسباب المختلفة لتساقط الشعر ماما نونا العناية بالشعر
خلطات لتطويل الشعر . خلطات لتنعيم الشعر . خلطات لتكثيف الشعر τнє τɪмє σf sυиsєτ العناية بالشعر
افضل النصائح للعنايه بالشعر ومعرفه افضل الزيوت للشعر فتاة بالحياء تجملت العناية بالشعر
فرد الشعر بـ ٩ علاجات منزليه , طريقة فرد الشعر بـ ٩ علاجات منزليه العدولة هدير العناية بالشعر


الساعة الآن 08:39 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل