شعر عن غزة 2025 , عبارات حزينة عن غزة , قصيدة حزينة عن اهل فلسطين , أروع ما
شعر حزين عن غزة, ابيات شعر قوية عن غزة, عبارات عن فلسطين المحتلة, صور عن غزة, كلمات حزينة عن غزة, عبارات حب لغزة, دعاء اهل غزة, كلمات عن الحرب, عبارات حربيه, رمزيات غزة, صور غزه, فلسطين, صور علم فلسطين, شعر عن اهل فلسطين, شهداء, الحصار,
شعر عن غزة 2025 , عبارات حزينة عن غزة , قصيدة حزينة عن اهل فلسطين , أروع ما قيل عن غزة الفلسطينية
غزة
هذي غزة ارض العزة
فيها الشجر وفيها الحجر عاش بعزة
فيها الشب وفيها العاجز مات بعزة
فيها البنت وفيها الطفل بات برعبة
هذي غزة .........
كانت غزة تنام بسلام ...
صارت غزة في الاحلام...
راح الشجر ... وراح الحجر ... راح الشب وراح العاجز
ماتت غزة ....
هذي غزة
غزة تقاوم .... لا ماتساوم ....احنا نكابر والله ياغزة....
مين يقاوم ...كيف نقاوم ... وين نقاوم ..
زنانة بتكشف ..
عملا بتعرف ...
اباتشي واف16 بتقصف ..
دبابة وجرافة بتجرف ...
ودم اطفال غزة بينزف ...
هذي غزة...
راحت دور ...
بنت قبور ...
وكل ارضك صارت بور ..والله ياغزة
كل العالم شاف غزة ...
كل العالم ناصر غزة ...
كل العالم صاح وقال ...سقطت غزة ..
احنا في غزة لا ما سقطنا ......
احنا في غزة والله صبرنا ........
احنا في غزة جعنا وقلنا .....
بنموت وبتحيي يا غزة ....
بنموت وبتحيي يا غزة
هذي غزة ....
فيها البيت راح ادمر ...
فيها الام قلبها اتحسر ....
فيها الطفل صاح وكبر ...
الله يحميكي ياغزة ....
هذي غزة .....
صاحت نادت وين الامة تصون العزة ....
قامت أمة ...
نامت أمة ....
وسابت أطفالك يا غزة .. تعيش بظلمة ...
هذي غزة ...
كل شي بغزة فيها راح ....
وصارت مدينة أشباح ...
ما بتسمع غير صوت سلاح ...
سلاح بيضوي ...
اسعاف بيدوي ....
والشهداء فوق الالاف ......
هذي غزة ....
كل حاكم فيها تاجر ....
حتى الطير هج وهاجر .....
سابوا غزة هربو وشردوا...
والجيش ارتكب المجازر ...
هذي غزة ....
صار الموت فيها عادي .....
اسطورة للعدو النازي ......
اقصف .. اقتل .... دمر ..... خرب ....
واشفي صدور هاالاعادي ....
هذي غزة ..........
قطعوا الكهرب وقطعو المي .......
وسابو الشهدا بكل حي ........
فيها الطفل عاش اتشرد .....
بدون مأوى وبدون بي ........
هذي غزة .....
كنا بغزة بنبني احلام ....
نحلم لنعيش بسلام ....
فجأة صحينا ...
قمنا اجرينا ....
لقينا غزة في الاوهام .....
هذي غزة .........
كل شي بغزة فيها اتقلص ......
حتى العمر نفذ وخلص ....
هدموا قصورك .....
دكوا حصونك .....
والمتخبي بجحروا ظل .....
هذي غزة .........
يمكن بكرة يصير حل .....
والمتخبي بيظهر ويطل ....
بيحمل راية ...
بيروي رواية ....
والشعب بيهتف للكل ....
هذي غزة.........
احنا بغزة بين الموت ......
ما بنعرف نطلع ونفوت ......
يمكن نطلع ...
ومش حنرجع .....
وبيستنانا شبح الموت ..........
هذي غزة ..........
فيها الطفل كبر بليله .....
والشب شاب بليله .....
واليتيم بدون عيلة ....
تحميه من هالبرد .........
هذي غزة .....
كل العالم طلع أتظاهر ....
مافي واحد منهم كابر .....
رفعوا علمنا .....
حملوا رايتنا ....
بشعار الله عالظالم ......
هذي غزة .......
كل العرب حلف أتوعد.....
وأكثر شي هدد وندد.....
وما في واحد منهم صعد ....
لانو العربي ما بيتوحد.....
هذي غزة ..........
صغير غزة صار كبير ....
والكبير متخبي في بير ....
وماظل فيها والله أمير ......
ولاواحد بيستجري يبين .......
هذي غزة .........
ما بيختلف نهار وليل .....
كلنا في غزة ذقنا الويل ......
والظالم ياويله ويل .....
من الله رب الكل ......
هذي غزة ......
أحنا بغزة برقبة مين .؟؟؟؟
شو بيستنوا صلاح الدين ؟؟؟؟
ولا حجارة من سجين ؟؟؟؟
تنزل على راس المحتل ....
هذي غزة ...
كبار غزة هجوا ورحلوا ....
اكلوا وشربوا ونهبوا وسرقوا ....
والي ظلوا بنفق اتخبوا ....
وبنستنى منهم يحكواااا؟؟؟؟؟؟
هذي غزة.....
لكبار احنا اعرفناهم .....
والي برة الله يمحاهم ....
دمروا غزة ...
وباعوا ترابا ...
وسابوا اهلها تعيش بغابه ....
وتقولوا الله يحماهم ..؟؟؟؟
هذي غزة ....
كل شي بغزة صار مسيس ....
بدك تحيا روح تحيز ....
مابدنا فتح ولا حماس ....
ولا بدنا جبهه ولا جهاد ...
والله زهقنا ....
والله قرفنا ....
والله بدنا نعيش يا ناس ....
هذي غزة ......
صارت غزة سوق سودة ...
بدك شغلة بتبعت سوقة ....
حتى العيشة صارت سودة ....
بأسوارك والله ياغزة ....
هذي غزة .....
شافت غزة أعنف حرب ....
على كرسي والله مالو جنب ...
راحو فيها ناس كثيرة ....
والله ما الهم ولاذنب ....
هذي غزة ....
يلا اتحدوا شدو الهمه ....
على الله تزول هالغمة ....
وترجع بيناتنا اللحمة ....
ونحيا بوطن مالو هم ....
هذي غزة .....
والله يا عالم احنا غلابه .....
ما بدنا نعيش بهالغابه .....
ولا بدنا أسود ولا ذيابه ....
تنهش فينا من كل جنب .....
هذي غزة ....
أحنا بغزة بدنا سنين ....
لتشفى جراح الغاليين ....
الي استشهد ....
والي اتقطع .....
والي بيقضي عمروا أنين ......
هذي غزة ....
احنا بغزة بكل حارة ....
بتيجي علينا كل يوم غارة ...
والعالم بلبس نظارة .....
وما في عندو غير يا خسارة ......
هذي غزة .........
ما بتقبل ذل ولا عار .....
بصمودك كبروا الثوار .....
يا غالي يا أبو عمار .......
هذي غزة .....
اخر كلمة بدي اقولها ....
والعالم كلوا لازم يقولها ......
يرحم شهدائك ياغزة ....
يشفي جرحاكي ياغزة .....
يحرر أسراكي يا غزة .....
رد: شعر عن غزة 2025 , عبارات حزينة عن غزة , قصيدة حزينة عن اهل فلسطين , أرو
إظهار التوقيع
توقيع : حياه الروح 5
التوقيع لا يظهر للزوار ..
رد: شعر عن غزة 2025 , عبارات حزينة عن غزة , قصيدة حزينة عن اهل فلسطين , أرو
إظهار التوقيع
توقيع : ام سيف 22
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| خلفيات جالكسي كتابية حزينة 2025 ، خلفيات جالكسي كتابية 2025 ، خلفيات جالكسي كتاب | ريموووو | موبايلات - جوالات | ||
| عبارات حزينة عن وفاة الاب - كلمات مبكية عن وفاة الاب - خواطر حزينة جدا عن الاب المتوفي - قصيدة حزينة عن فقدان الاب | لوكا موكا | منوعات x منوعات - مواضيع مختلفة | ||
| صور حزينة عن وفاة الاب 2025 - صور مكتوب عليها عبارات عن وفاة أبي - رمزيات حزينة عن وفاة أبوي | لوكا موكا | صور x صور | ||
| قصيدة قصيرة عن وفاة أمي 2025 - خاطرة حزينة عن وفاة الام - كلمات مؤلمة عن وفاة امي | لوكا موكا | المنتدي الادبي | ||
| أشعار حزينة عن وفاة الام - عبارات مبكية عن وفاة أمي - أبيات شعر قوية عن وفاة الام | لوكا موكا | المنتدي الادبي | ||
الساعة الآن 04:53 PM
جميع المشاركات تمثل وجهة نظر كاتبها وليس بالضرورة وجهة نظر الموقع