أو

الدخول بواسطة حسابك بمواقع التواصل

#1

افتراضي بحبه وهو كمان لكن ......................

[FONT=""][COLOR=""][SIZE=""]السلام عليكم
يارب الاقي عندكم حل لمشكلتي وشكرا لكل اللي هترد عليا
ﺍﻭﻝ ﻣﺮﻩ ﺍﻛﺘﺐ هنا ﺑﺲ ﺍﻧﺎ ﻓﻌﻼ ﺗﻌﺒﺎﻧﻪ ﻗﻮﻱ
ﻭﻣﺤﺘﺎﺟﻪ ﺍﺧﺪ ﻗﺮﺍﺭ
ﺍﻧﺎ ﺑﻨﺖ ﻣﻦ ﻣﺤﺎﻓﻈﻪ ﺗﺒﻌﺪ ﻋﻦ ﺍﻟﻌﺎﺻﻤﻪ ﺳﺎﻋﺘﻴﻦ ﺗﻘﺮﻳﺒﺎ
ﺍﺗﻘﺪﻡ ﻟﻲ ﻭﺍﺣﺪ ﻣﻦ ﺍﻟﻌﺎﺻﻤﻪ ﻭﺑﻴﺸﺘﻐﻞ ﻓﻲ ﺑﻠﺪ ﻋﺮﺑﻲ
ﻭﺑﻌﺪ ﻟﻤﺎ ﺍﺗﻘﺪﻡ ﻟﻲ ﺑﻴﻮﻣﻴﻦ ﻛﺎﻥ ﻣﻴﻌﺎﺩ ﺳﻔﺮﻩ
ﻭﺍﻧﺎ ﺭﻓﻀﺖ ﺍﺗﺨﻄﺐ ﺍﻻ ﻟﻤﺎ ﺍﺗﻌﺮﻑ ﻋﻠﻴﻪ ﻋﻠﺸﺎﻥ ﻣﺘﺘﺤﺴﺒﺶ
ﻋﻠﻴﺎ ﺧﻄﻮﺑﻪ
ﻭﻓﻌﻼ ﺍﺑﺘﺪﻳﻨﺎ ﻧﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻛﻞ ﻳﻮﻡ ﺍﻭ ﻛﻞ ﻳﻮﻣﻴﻦ
ﻭﺍﺗﻌﺮﻓﺖ ﻋﻠﻴﻪ ﻭﻋﻠﻲ ﺷﺨﺼﻴﺘﻪ ﻭﺍﺭﺗﺤﺖ ﺟﺪﺍ ﻣﻌﺎﻩ ﻭﻫﻮ
ﻛﻤﺎﻥ ﺍﺭﺗﺎﺡ
ﻭﺍﺑﺘﺪﻳﻨﺎ ﻧﺤﻠﻢ ﺑﺤﻴﺎﺗﻨﺎ ﻣﻊ ﺑﻌﺾ ﺑﻌﺪﻳﻦ
ﻭﺍﺑﺘﺪﻱ ﻳﻄﻠﺐ ﻣﻨﻲ ﺍﻫﺘﻢ ﺑﺠﺴﻤﻲ ﻭﺍﻫﺘﻢ ﺑﻨﻔﺴﻲ
ﻭﻓﻌﻼ ﺍﺑﺘﺪﻳﺖ ﺍﻋﻤﻞ ﻛﻞ ﺣﺎﺟﻪ ﻫﻮ ﻳﻄﻠﺒﻬﺎ ﻭﺍﻧﺎ ﻓﺮﺣﺎﻧﻪ
ﻭﻣﻦ ﺿﻤﻦ ﺍﻟﻄﻠﺒﺎﺕ ﺍﻧﻲ ﺍﺧﺲ ﻭﻓﻌﻼ ﻧﺰﻟﺖ ﺗﻘﺮﻳﺒﺎ 6 ﻛﻴﻠﻮ
ﻭﻓﺮﺣﺖ ﺟﺪﺍ ﻻﻧﻲ ﺑﻘﻴﺖ ﺍﺣﺲ ﺍﻧﻲ ﺣﺪ ﺗﺎﻧﻲ
ﻛﻞ ﻃﻠﺒﺎﺗﻪ ﻛﺎﻧﺖ ﻟﻤﺼﻠﺤﺘﻲ
ﺍﻟﻤﻬﻢ ﻓﻲ ﺍﻟﻮﻗﺖ ﺩﻩ ﻭﺍﻟﺪﺗﻪ ﺍﺗﺼﻠﺖ ﺑﻴﻨﺎ ﻣﺮﺗﻴﻦ
ﺍﻣﺎ ﺍﻧﺎ ﻭ ﻭﺍﻟﺪﺗﻲ ﻛﻠﻤﻨﺎﻫﺎ ﻛﺘﻴﺮ ﻛﻨﺖ ﺑﻘﻮﻝ ﻫﻲ ﻫﺘﻜﻮﻥ
ﻭﺍﻟﺪﺗﻲ ﻭﻻﺯﻡ ﺍﺑﺮﻫﺎ ﻭﺍﺗﻌﺮﻑ ﻋﻠﻴﻬﺎ ﻭﺍﺧﺪ ﻋﻠﻴﻬﺎ ﻭﻫﻲ ﻛﺎﻧﺖ
ﻟﻮﺣﺪﻫﺎ ﺑﻌﺪ ﻟﻤﺎ ﺟﻮﺯﺕ ﺍﺧﺮ ﺑﻨﺖ ﺑﻌﺪ ﻟﻤﺎ ﺍﺗﻘﺪﻣﻮﻟﻲ ﺑﺸﻬﺮﻳﻦ
ﺍﻟﻤﻬﻢ ﺍﻧﻪ ﺑﻴﻨﺰﻝ ﻛﻞ ﺷﻬﺮﻳﻦ ﺍﺳﺒﻮﻋﻴﻦ ﺍﺟﺎﺯﻩ
ﺑﻌﺪ ﺷﻬﺮﻳﻦ ﻛﺎﻥ ﻣﻴﻌﺎﺩ ﺍﻣﺘﺤﺎﻥ ﻟﻴﻪ ﻻﻧﻪ ﺑﻴﺤﺎﻭﻝ ﻳﺤﺴﻦ ﻣﻦ
ﻧﻔﺴﻪ ﺍﻋﺘﺬﺭ ﻋﻦ ﺍﻟﺘﺎﺧﻴﺮ ﻭﺍﻧﺎ ﻗﻠﺖ ﻣﺶ ﻣﺸﻜﻠﻪ ﺍﻟﻤﻬﻢ ﻫﻮ
ﺑﻌﺪﻫﺎ ﻗﺎﻟﻲ ﻫﺎﺧﺪ ﺍﻣﻲ ﺯﻳﺎﺭﻩ ﻓﺮﺣﺖ ﺟﺪﺍ ﻻﻥ ﻛﺎﻧﺖ
ﻧﻔﺴﻴﺘﻬﺎ ﻣﻀﺎﻳﻘﻪ ﺑﻌﺪ ﻟﻤﺎ ﺑﻘﺖ ﻟﻮﺣﺪﻫﺎ ﻭﻋﺪﻱ 4 ﺷﻬﻮﺭ
ﺍﻟﻤﻬﻢ ﺍﻧﻪ ﻧﺰﻝ ﻣﺼﺮ ﻫﻮ ﻭ ﻭﺍﻟﺪﺗﻪ
ﻭﻗﺎﻟﻲ ﺍﻧﻪ ﻫﻴﺠﻲ ﻳﻘﻌﺪ ﻣﻌﺎﻳﺎ ﻳﻮﻣﻴﻦ ﻓﺮﺣﺖ ﺟﺪﺍ ﺧﺼﻮﺻﺎ
ﺍﻧﻲ ﻛﻨﺖ ﺍﺗﻌﻠﻘﺖ ﺑﻴﻪ ﺟﺪﺍ
ﻭﻓﻌﻼ ﺟﻪ ﻟﻮﺣﺪﻩ ﻭﻛﺎﻥ ﺍﻟﻤﻔﺮﻭﺽ ﻫﻴﺘﻔﻖ ﻣﻊ ﻭﺍﻟﺪﻱ ﻋﻠﻲ
ﺍﻟﺮﺳﻤﻴﺎﺕ ﻭﺗﻔﺎﺻﻴﻞ ﻛﺘﺐ ﺍﻟﻜﺘﺎﺏ
ﻭﻗﻌﺪ ﻣﻌﺎﻧﺎ 3 ﺍﻳﺎﻡ ﻭﻣﻘﺎﻟﺶ ﺍﻱ ﺣﺎﺟﻪ ﻭﻓﻲ ﺍﺧﺮ ﻳﻮﻡ ﻗﺎﻟﻲ
ﺍﻥ ﺍﺧﻮﻩ ﺭﺍﻓﺾ ﺍﻧﻪ ﻳﺘﺠﻮﺯ ﻣﻦ ﺍﻱ ﻣﻜﺎﻥ ﻏﻴﺮ ﺍﻟﻌﺎﺻﻤﻪ
ﻃﺒﻌﺎ ﺍﻧﺼﺪﻣﺖ ﻭﺣﺎﻭﻟﺖ ﺍﻣﺴﻚ ﻧﻔﺴﻲ ﻭﺍﺳﺘﺎﺫﻧﺖ ﻭ ﻗﻤﺖ
ﻭﺳﻴﺒﺘﻪ ﻳﻘﻌﺪ ﻣﻊ ﻭﺍﻟﺪﻱ
ﻭﺑﻌﺪﻳﻦ ﺻﻠﻴﺖ ﻋﻠﺸﺎﻥ ﺍﻫﺪﻱ ﻭﻓﻌﻼ ﻫﺪﻳﺖ ﻭﺍﺑﺘﺪﻳﺖ ﺍﺗﻨﺎﻗﺶ
ﺍﻧﺎ ﻭﻫﻮ ﻓﻲ ﺍﻟﻤﻮﺿﻮﻉ ﻭﻋﺮﻓﺖ ﻣﻨﻪ ﺍﻥ ﺍﺧﻮﻩ ﺑﻴﻘﻨﻊ ﻭﺍﻟﺪﺗﻪ
ﺍﻧﻬﺎ ﻣﺶ ﺗﺤﻀﺮ ﻫﻲ ﻛﻤﺎﻥ
ﻭﺳﺎﻟﻨﻲ ﺍﺫﺍ ﻛﺎﻥ ﻳﻨﻔﻊ ﻳﺘﻤﻢ ﻛﻞ ﺣﺎﺟﻪ ﺑﺪﻭﻥ ﺣﻀﻮﺭ ﺍﻫﻠﻪ
ﻓﺮﻓﻀﺖ ﻭﻗﻠﺖ ﻟﻪ ﺍﻭﻝ ﺗﻘﻨﻌﻬﻢ




ﻭﺗﺎﻧﻲ ﻳﻮﻡ ﺳﺎﻓﺮ ﺍﻟﺼﺒﺢ
ﻭﺍﺗﻜﻠﻤﻨﺎ ﺑﺲ ﻣﺶ ﻓﺘﺤﻨﺎ ﺍﻟﻤﻮﺿﻮﻉ ﺩﻩ
ﻭﻓﻲ ﺗﺎﻟﺖ ﻳﻮﻡ ﻟﻘﻴﺘﻪ ﺑﻴﺘﺼﻞ ﺑﻴﺎ ﻭﻫﻮ ﻣﺨﻨﻮﻕ ﻓﺴﺄﻟﺘﻪ ﻓﻲ
ﺍﻳﻪ ﻗﺎﻟﻲ ﺍﻥ ﺍﺧﻮﻩ ﺑﺎﻟﺒﻴﺖ ﻋﻨﺪﻫﻢ ﻭﻗﺎﻟﻪ ﻟﻮ ﻋﺎﻳﺰ ﺗﺮﻭﺡ ﺭﻭﺡ
ﻟﻮﺍﺣﺪﻙ ﺑﺪﻭﻥ ﺍﻣﻚ
ﻭﺍﻥ ﻭﺍﻟﺪﺗﻪ ﺳﺖ ﻛﺒﻴﺮﻩ ﻭﻣﺶ ﻋﺎﻳﺰ ﻳﺒﻬﺪﻟﻬﺎ ﻭﺍﻧﺎ ﻗﻠﺖ ﻟﻪ ﻫﻲ
ﺑﺲ ﻫﺘﻴﺠﻲ ﻭﻫﺘﻘﻌﺪ ﻣﻌﺎﻧﺎ ﺑﺎﻟﺒﻴﺖ ﻭﻣﻔﻴﻬﺎﺵ ﺑﻬﺪﻟﻪ ﻭﻻ
ﺣﺎﺟﻪ
ﻭﺍﻗﻨﻌﺘﻪ ﻳﺮﻭﺡ ﺍﻟﺒﻴﺖ ﻭﻳﻘﻨﻌﻬﻢ ﺑﺎﻟﺮﺍﺣﻪ ﻭﻓﻌﻼ ﺭﻭﺡ ﻭﺑﻌﺪﻩ
ﺏ 4ﺳﺎﻋﺎﺕ ﺍﺗﺼﻞ ﻭﻗﺎﻟﻲ ﺍﻥ ﻭﺍﻟﺪﺗﻪ ﻭﺍﻓﻘﺖ ﻭﻫﺘﻴﺠﻲ ﻣﻌﺎﻩ
ﻓﺮﺣﺖ ﺟﺪﺍ ﺑﺲ ﺗﺎﻧﻲ ﻳﻮﻡ ﺍﺧﻮﻩ ﺟﻪ ﺗﺎﻧﻲ ﻭﺍﻗﻨﻌﻬﺎ ﺑﺎﻟﻌﻜﺲ
ﻓﺒﻜﻴﺖ ﻭﺍﻧﺎ ﺑﻜﻠﻤﻪ ﻭﻛﺎﻥ ﻗﺎﻟﻲ ﻗﺒﻠﻬﺎ ﺍﺣﻜﻲ ﻻﺑﻮﻳﺎ ﻭﺍﻣﻲ ﻭﺍﻧﺎ
ﻛﻨﺖ ﺣﻜﻴﺖ ﻟﻬﻢ ﻭﺍﺩﻳﺖ ﻟﻤﺎﻣﺎ ﺍﻟﺘﻠﻴﻔﻮﻥ ﺗﺘﻜﻠﻢ ﻣﻌﺎﻩ ﻭﻗﺎﻝ ﻟﻬﺎ
ﺍﺳﺘﻨﻮﺍ ﻋﻠﻴﺎ ﻳﻮﻣﻴﻦ ﺍﻭ ﺍﺟﻲ ﻟﻮﺣﺪﻱ ﻣﺎﻣﺎ ﻗﺎﻟﺖ ﻟﻪ ﺍﻧﺖ
ﺭﺍﺟﻞ ﺑﺲ ﺍﻟﺒﻨﺖ ﻋﺎﻳﺰﻩ ﺗﺘﺸﺮﻑ ﺑﺄﻫﻠﻚ ﻗﺪﺍﻡ ﻋﻤﺎﻣﻬﺎ
ﻭﻋﻤﺎﺗﻬﺎ ﻭﺧﻴﻼﻧﻬﺎ
ﺑﻌﺪﻫﺎ ﺑﻴﻮﻡ ﺑﻌﺖ ﻟﻲ ﺭﺳﺎﻟﻪ ﻗﺎﻟﻲ ﻓﻴﻬﺎ ﺍﻧﺎ ﺟﺒﻨﺖ ﺍﻧﻲ ﺍﺗﻤﻢ
ﺣﺎﺟﻪ ﺑﺪﻭﻥ ﻭﺟﻮﺩ ﺍﻫﻠﻲ ﻭﻣﺒﺎﺭﻛﻪ ﺍﻣﻲ
ﺭﺩﻳﺖ ﻋﻠﻴﻪ ﻗﻠﺖ ﻟﻪ ﺍﻧﺖ ﻟﻴﻪ ﻛﻨﺖ ﺑﺘﻠﻌﺐ ﺑﻴﺎ
ﺭﺩ ﻗﺎﻟﻲ ﺍﻧﺎ ﻣﻜﺘﺌﺐ ﻭﺯﻋﻼﻥ ﺍﻛﺘﺮ ﻣﻨﻚ ﻻﻧﻲ ﺑﻐﺮﺑﻪ ﺑﻘﺎﻟﻲ
ﺳﻨﻴﻦ ﻭﻛﺎﻥ ﻧﻔﺴﻲ ﺍﺳﺘﻘﺮ
ﻭﻣﻦ ﻳﻮﻣﻬﺎ ﺍﻧﻘﻄﻊ ﺍﻻﺗﺼﺎﻝ ﺑﻴﻨﺎ
ﻭﻛﻨﺖ ﻋﺎﺭﻓﻪ ﺍﻧﻪ ﻫﻴﺴﺎﻓﺮ ﻳﻮﻡ ﺍﻟﺠﻤﻌﻪ ﺍﻟﻠﻲ ﻓﺎﺗﺖ ﺍﻟﺒﻠﺪ
ﺍﻟﻌﺮﺑﻲ
ﻭﻓﻌﻼ ﺳﺎﻓﺮ ﻭﺍﺗﺼﻞ ﺑﺎﻟﻮﺳﻴﻂ ﺍﻟﻠﻲ ﻛﺎﻥ ﺑﻴﻨﺎ ) ﺍﻟﻠﻲ ﻋﺮﻓﻨﺎ
ﺑﻴﻪ ﻣﻦ ﺍﻻﻭﻝ(
ﻭﻗﺎﻟﻪ ﺍﻧﺎ ﺑﺤﺒﻬﺎ ﺑﺲ ﺧﺎﻳﻒ ﺍﻋﻞ ﺣﺎﺟﻪ ﺑﺪﻭﻥ ﺍﻫﻠﻲ
ﻭﺑﻜﻲ ﻣﻌﺎﻩ
ﻭﺍﻟﻮﺳﻴﻂ ﻋﻠﺸﺎﻥ ﻳﻔﺮﺣﻨﻲ ﺍﻧﻲ ﻣﺮﻏﻮﺑﻪ ﺍﺗﺼﻞ ﺑﻮﺍﻟﺪﻱ
ﻭﺣﻜﺎﻟﻪ
ﻭﻟﻸﺳﻒ ﺑﺪﻝ ﻣﺎ ﻳﻔﺮﺣﻨﻲ ﺷﻴﻠﺖ ﺍﻟﻬﻢ ﺍﻛﺘﺮ
ﺍﻧﺎ ﺑﺤﺒﻪ ﻭﺍﻟﻠﻪ ﺑﺤﺒﻪ ﺟﺪﺍ ﻭﺍﺗﺄﻟﻤﺖ ﻗﻮﻱ ﻟﻤﺎ ﻋﺮﻓﺖ ﺍﻧﻪ ﻛﻤﺎﻥ
ﺑﻴﺤﺒﻨﻲ ﻭﻋﺎﻳﺰﻧﻲ ﺯﻱ ﻣﺎ ﺍﻧﺎ ﻋﺎﻳﺰﺍﻩ ﻭﺍﻛﺘﺮ ﻟﻜﻦ ﺍﺧﻮﻩ ﻭﺍﻗﻒ
ﻓﻲ ﺍﻟﺠﻮﺍﺯﻩ ﻭﺩﻩ ﻣﺶ ﺯﻣﺒﻲ ﻭﻻ ﺯﻣﺒﻪ
ﺍﻣﺒﺎﺭﺡ ﻭﺍﺣﺪﻩ ﺻﺤﺒﺘﻲ ﺍﺧﺪﺕ ﺭﻗﻤﻪ ﻣﻦ ﺗﻠﻴﻔﻮﻧﻲ ﻭﻛﻠﻤﺘﻪ
ﻭﻗﺎﻟﺖ ﻟﻪ ﺍﻧﻲ ﺯﻋﻼﻧﻪ ﻭﺑﺒﻜﻲ
ﻗﺎﻝ ﻟﻬﺎ ﻭﺍﻧﺎ ﻋﺎﻳﺰﻫﺎ ﺑﺲ ﺍﻫﻠﻲ
ﻳﺎﺭﻳﺖ ﺗﻼﻗﻴﻠﻨﺎ ﺣﻞ
ﺍﻧﺎ ﻣﺤﺘﺎﺟﻪ ﺣﻞ ﻭﺍﻟﻠﻪ ﻭﻫﻮ ﻛﻤﺎﻥ
ﻳﺎﺭﺏ ﺗﻘﻮﻟﻮﺍ ﻟﻲ ﻋﻠﻲ ﺣﻞ
ﻣﻊ ﺍﻟﻌﻠﻢ ﺍﻥ ﺍﻫﻠﻲ ﻣﻮﺍﻓﻘﻴﻦ ﺍﻧﻪ ﻳﺠﻲ ﻟﻮﺣﺪﻩ ﺑﺲ ﺍﻫﻢ ﺣﺎﺟﻪ
ﻳﺘﺄﻛﺪﻭﺍ ﺍﻥ ﻭﺍﻟﺪﺗﻪ ﻣﻮﺍﻓﻘﻪ
ﺍﻩ ﺣﺎﺟﻪ ﺗﺎﻧﻴﻪ ﺍﻧﺎ ﻣﺶ ﻫﻌﻴﺶ ﺑﻤﺼﺮ ﺍﻧﺎ ﻫﻌﻴﺶ ﻣﻌﺎﻩ
ﺑﺎﻟﺪﻭﻟﻪ ﺍﻟﻌﺮﺑﻴﻪ
ﺑﺎﻟﻠﻪ ﻋﻠﻴﻜﻢ ﺑﺎﻟﻠﻪ ﻋﻠﻴﻜﻢ ﺗﻘﻮﻟﻮﺍ ﻟﻲ ﺍﻋﻤﻞ ﺍﻳﻪ ﻭ ﻫﻮ ﻛﻤﺎﻥ
ﻳﻌﻤﻞ ﺍﻳﻪ ﻭﺍﺯﺍﻱ ﻳﻘﻨﻊ ﺍﺧﻮﻩ ﻭﺍﻣﻪ
ﻳﺎﺭﺏ ﺍﻻﻗﻲ ﺍﻟﺤﻞ ﻋﻨﺪﻛﻢ[/SIZE][/COLOR][/FONT]


#2

افتراضي رد: بحبه وهو كمان لكن ......................

بصراحة انا مش عارفة اقولك ايه اولا لازم تثقى ان كل دا نصيب ولو ليكو نصيب مع بعض هتاخديه حتى لو الدنيا كلها منعتكو..لكن اللى انا مش فهماه هو ازاى اتقدملك ف الاول وازاى الموضوع اتعقد بعد كدا من عنده هو؟؟؟
إظهار التوقيع
توقيع : امووول
#3

افتراضي رد: بحبه وهو كمان لكن ......................

ربنا ييسرلك الحال ويجعله من نصيبك
يارب
إظهار التوقيع
توقيع : Frawla
#4

افتراضي رد: بحبه وهو كمان لكن ......................

باختصار هو لازم يراضى اهله يا حبيبتى يعنى لو مش حينفع برضاهم يبقى مش حينفع ولا حترتاحو الحل هو انه يحاول جاهدا يقنعهم وتصبرو شويه لو متمسكين ببعض
#5

افتراضي رد: بحبه وهو كمان لكن ......................

ربناييسرلك الحال ياحبيبتى ويقدم لك الى فيه الخير
إظهار التوقيع
توقيع : شقاوة آنثى
#6

افتراضي رد: بحبه وهو كمان لكن ......................

لو عايزك بجد حيقنع أمه وأخوه كمان وفي الاول والأخير كل شيء قدر ومكتوب
ما قدرش أقول غير يارب يسرلكم وتتهنوا ببعض
#7

افتراضي رد: بحبه وهو كمان لكن ......................

هو لوعايزك بجد يحاول يلح على اهله ويقنعهم لانه هو راجل ومسئول من نفسه يعنى محدش بيصرف عليه اذا كانت البت فى الايام ديه محدش يقدر يغصبها على جوازه مش برضها ما بالك بانه هو الراجل اصبرى وادعى ربنا انه لو هو خير لكى ييسرلك امورك ويجعله من نصيبك واذا الموضوع مكنش فى صالحك برضوا متزعليش اكيد هيكون ده برضه الخير لك لانه ربنا وحده هو اللى يعلم الغيب وكل شى قسمه ونصيب قولى يا رب وان شاء الله هتتحل من عند الله
إظهار التوقيع
توقيع : محبه لله
#8

افتراضي رد: بحبه وهو كمان لكن ......................

بصى يا حبيبتى ده نصيب لو ليكى نصيب فيه هتاخديه حتى غصب عن اهله
وانا كنت زيك كنت اتخطبت لجوزى ده فترة وسيبنا بعض حوالى سنتين وبعدين رجعنا لبعض تانى بس أهله مش كانو موافقين من الكبير للصغير ولما عاشؤونى وعرفونى الحمد لله الحمدلله الحمدلله عرفو انهم غلطو فى حقى كتير
وده طبعا بأدبى واحترامى ومعاملتى الطيبة معاهم

هو لو شاريكى واهلك وانتى حاسين انه انسان كويس خليه يجى وتممو كل حاجة
وادام ان انتى هتقعدى معاه بره يعنى هتكونى بعيده عنهم ولما تبقى تنزلى اجازة تعامليهم احسن معامله وانتى بالخارج تكلمى والدته يوميا وتطمنى عليها وحتى لو هما عاملوكى وحش او ما سألوش عليكى انتى اعملى اللى يخلصك قدام ربنا وبس
وربنا يصلحلك الحال ويقدم ليكى ما فيه الخير
ونصيحه من اختك فى الله ما تدخليش ولا صاحبتك ولا اى حد غريب بينكم وانتو بالتفاهم هتحلو المشاكل لان لما حد غريب بيدخل فى الموضوع المشاكل بتكبر
إظهار التوقيع
توقيع : semsemahasan
#9

افتراضي رد: بحبه وهو كمان لكن ......................

ربنا يوفقكم مع بعض انا مش هقدر اضيف حاجه اكتر من اللى البنات قالوه
ويهديهم عليكى ان شاء الله
إظهار التوقيع
توقيع : قصرالاحلام
#10

افتراضي رد: بحبه وهو كمان لكن ......................

انا حاقولك اتاكدي الاول ان مامته مش رفضاكي واذا الشاب كويس وافقي بس الاول
صلي حبيبتي استخارة والي ربنا عايزه هو الي راح يصير
وربنا يوفقك ويتمملك على خير
إظهار التوقيع
توقيع : فلسطين
#11

افتراضي رد: بحبه وهو كمان لكن ......................

ربنا يهييئلك الخير
ولازم تعرفى انك مش بتتجوزى الشخص بس
انتى بتجوزيه معاه اهله وده بيقصر بعدين بدريكيه
لازم حد يدخل ويلطف الجو
إظهار التوقيع
توقيع : ♥ احبك ربى ♥
#12

افتراضي رد: بحبه وهو كمان لكن ......................

الله يهدي الحال بس ازاي واحد بيشتغل ومستقل بحياته في الغربة واخوه يتدخل في حياته كدة ويمنع جوازه للسبب الواهي ده ! معرفش مش مقتنعه

إظهار التوقيع
توقيع : نيڨين
#13

افتراضي رد: بحبه وهو كمان لكن ......................

اول حاجة امه موافقة و دا الاساس ، اخوه يقرر اموره و ليس امور اخوه.
تاكدي ان امه موافقة عليك وتممي باقي الامور عادي انت راح تتزوجيه مش اخوه.
- تاكدي من كل الخيوط قبل الارتباط و من انها ليست خدعة ليتهرب منك و الله يتمم على خير
إظهار التوقيع
توقيع : tinhinane111
#14

افتراضي رد: بحبه وهو كمان لكن ......................

ربنا معاكي يا حبيبتي
بس الاول صلي صلاة استخارة مرة واتنين وتلاتة
وتدعي ربنا ييسرلك الخير اذا كان فية او في غيرة
بس في شرط انك تصلي وانت في حياد تام
وشكرا ياقمر وربنا يوفقك لما فية الخير
#15

افتراضي رد: بحبه وهو كمان لكن ......................

يسر الله امرك

اللهم اقدر لها الخير حيث كان وارضها به
#16

افتراضي رد: بحبه وهو كمان لكن ......................

بصراحة انا مش مقتنعة بالاسباب المانعة اللي ذكرتيها وممكن فيه حاجات ما حكيتيهاش وانت لوحدك اللي عارفة الحالة كاملة,فكري كتير وعاودي شريط الاحداث متل ماصار وليس مثلما تشوفيه انت بعينك الولهانة عليه,وقلبك لي يغفرله تقصيره في دفاعه على حبه حطي نفسك مكانو شو ممكن تساوي وانت بنت,فما بالك شو يقدر يكافح لاجل حبو وقرار هو وهو وحده اللي ليه الحق يتخذه ومش من حق اي شخص ثاني انه يتدخل فيه لا اخوه ولا غيرو*انا عارفة انك بتفكري اننا نقولو هذا الكلام من برا ومش حاسين بيك,لكن انا اقترح عليك تفكري بتفكيرنا لانه اوسع مو محدود بفكرة انك بتحبيه ومش حتعيشي من غيرو,على فكرة هذه مسلسلات تركية يعني دراما لكن الواقع غير [مكانش واحد يموت لاجل واحد]*سامحيني انا فعلا قاسية عليك ولكن هذه تبقى وجهة نظري الخاصة ولا احد ملزوم بها***- ربي يعاونك ويكون معاك في محنتك ويصبرك اكثر شيء.سلام
#17

افتراضي رد: بحبه وهو كمان لكن ......................

ربنا يهديلك الحال
#18

افتراضي رد: بحبه وهو كمان لكن ......................

برن ييسرك الحل
#19

افتراضي رد: بحبه وهو كمان لكن ......................

اولا لازم تهدى وتعرفى ان الزواج نصيب بايد ربنا ولو ربنا مااردش يبقى دى مشيئته ولا اعتراض انا هاقولك حكايتك زى حكايتى باظبط ان من طنطا وهو من البحيرة والفرق بنا اقل من 3 ساعات حاجات بسيطة وجه شافنى وقال هايجيب اهله وفعلا جاب والده ووالدته وخلال الفترة دى 3 اسابيع كنا بدانا نتكلم فى التليفون واتعلقت بيه جدا جدا بمعنى حبيته بدون مااقوله وهو نفس النظام المهم بعد اسبوع الى متفق يجى مع اهله جه لوحده من غير مايقولى فى التليفون عشان مايزعلنيش وقال لوالدى ان والده مش موافق عشان المسافات بنا وانه تعبان وعشان والدتى مابتخرجش وكده المهم والدى رفض بشدة لانه بيحب الرسميات وقاله بنتى هاتعيش معاك انت واهلك مع انى كنت هاسافر معاه بره مصر بس والدى بص لقدام المهم مشا من عندنا اتصلت بيه على طول وسالته قال والده تعبان وبيقول المسافة كبيرة قلتله يعنى بيرفضنا بالادب عموما دا نصيب وصرحته بمشاعرى من كلمات رسميه يعنى ان هو الشخص الى اتمنى ارتبط بيه ولكن النصيب مش عاوز خلاص وقفلنا على كده وانا فى حزن شديد جدا مع الدعاء والصلاة بضمير لامتناهى الخميس الى بعده يعنى بعد 6 ايام لقيته بيتصل وبيقول انهم جايين بكرة يتمم الامر فرحت جدا وبلفت والدى وفعلا جه هو والده واعمامه واخواته وكانت فرحة غامرة والحمد لله هو دلوقتى ابو دعاء برغم مشاكل كتير ايام الخطوبة بس الحمد لله نصيب وعرفت بعد كده ان حمايا اعجب بوالدى لما رفض ابنه من غير اهله وقال ان دى من اصول الناس وحمايا اتوفى بعد جوازى بسنة بس قبل مايموت قالى ان كنت مش موافق عليكم عشان المسافة وكده بس انا مش هالاقى لابنى احسن منك الله يرحمه ويجعل مسواه الجنة
الى عاوزة اوصله ليكى انه يقدر يقنع اخوه وامه بسهوله او بصعوبة حتى المهم يقنعهم لانكم رفضتوه لوحده يعنى انتم مش عاوزين واحد من غير اهله زى ماناس كتير بيدورو وفى نقطة كمان انه استسلم بسهوله ان مش شايفة ان فى اسباب تمنع يعنى مامته ماتجيش غير فى الرسميات بس واخوه يجى فى كل حاجة ايه المشكلة
بصى ياحبيبتى الجدجد واللعب لعب الظاهر انه استسهل الكلام ولما لقى الامر جد اتحجججججججججججج باى شىء انتى ماكنش لازم تستمرى بالكلام من غير ارتباط لانه كان ممكن يعزر صراحتك معاه من باب الخطوبة لكن يعزر صراحتك معاه دلوقتى من باب ايه انا اسفة انى بقولك كده لكن لازم تهدى وتوزنى الامور وتفكرى صح وماتلتمسيش له العذر لان مافيش سبب يستاهل العذر وانا اسفة للاطاله بس حبيت اقولك الى حصل للاستفادة وربنا يوفقك ويكتبلك الخير
#20

افتراضي رد: بحبه وهو كمان لكن ......................

ربنا يقدملك اللى فيه الخير ليكى فى الدنيا والاخره ويسعد قلبك
إظهار التوقيع
توقيع : Loka Khaled


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصص القرآن الكريم .. حبيبة أبوها القرآن الكريم
تميز بما شئت لكن لا تتكبر ابدا om tareq منوعات x منوعات - مواضيع مختلفة
تكفينى ابتسامه هبه شلبي المنتدي الادبي
أفعل ما شئــت بكيزة هانم المنتدي الادبي
تمنى ما شئت bota12 منوعات x منوعات - مواضيع مختلفة


الساعة الآن 03:58 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل