أو

الدخول بواسطة حسابك بمواقع التواصل

#1

129127 ايه اللي تغير فيكي بعد حملك السعيد؟فيدي واستفيدى

السلام عليكم ورحمة الله وبركاته

ازيكم ياأحلى عدولات

كنت عاوزة اسأل كل حامل من يوم ماربنا كرمها بالحمل

ايه اللي اتغير في عاداتها اليومية؟

اتغيرت ازاى في تفكيرها؟

بقيتي هادية ولا عصبية أكتر؟

ايه النصايح اللى تلقيتيها من قرايبك ولا جيرانك عشان تقدرى تحافظى بيها

على حملك لحد ماتقومي بالسلامة ان شاء الله؟





وايه النصيحة اللي تحبي تقدميها لكل حامل جديدة؟

بتمني تفاعلكم بموضوعي عشان تفيدوا وتستفيدوا

وربنا يقوم كل حامل بالسلامة ان شاء الله

ولكم من تمنياتي لكم بالسلامة ليكي انتى والنونو السعيد


إظهار التوقيع
توقيع : مايا علي
#2

افتراضي رد: ايه اللي تغير فيكي بعد حملك السعيد؟فيدي واستفيدى

بصي ياقمر بتبقي تجربه جديده وربنا يرزق كل البنات المتزوجات بتبقي حاسه احساس جميل ان فيه روح جواكي بتبقي حاجه حلوه وطبيعي لازم نهدي لان ده غلط علي الجنين وعليكي العصبيه غير مستحبه بالمره في الحمل وأكيد حاجات كتير بتتغير حتي تعامل اللي حواليكي معاكي بيتغير وانتي لازم تكوني أول واحده تخاف علي نفسها يعني الحاجات اللي كنا بنسمعها في الافلام ان الحامل ماتشيلشي حاجه تقيله طلعت صح هههههههه والله تجربه جميله بس أخرها صعب الولاده
#3

افتراضي رد: ايه اللي تغير فيكي بعد حملك السعيد؟فيدي واستفيدى

فعلا بتبقي تجربة جميلة ربنا مايحرم حد منها أبدا
بالنسبالي أنا كنت عصبية كتير في أول ثلاثة شهور وكمان كان عندى اكتئاب رهيب لظروف الحمل الصعبة عندى من أول يوم وكمان تجربتي المريرة مع ولادتى السابقة بس الحمد لله دلوقتى بقيت أفضل كتير وطبعا أنا مش بسمع لنصايح أى حد الا اذا كنت متأكدة منه تماما لان مش شرط اللي مشي مع واحدة تانية يمشي معايا وأى حاجة بتحصل لازم بتصل بطبيبتي علطول عشان ألحق الحاجة من أولها والحمد لله اتزمت أكتر بصلاتى وصلاة قيام الليل وواظبت على مواعيد الصلاة والأذكار وقراءة القرآن بعد ماكنت أهملت الموضوع ده شوية استغفر الله سامحني يارب على اهمالى
إظهار التوقيع
توقيع : مايا علي
#4

افتراضي رد: ايه اللي تغير فيكي بعد حملك السعيد؟فيدي واستفيدى

رد: ايه اللي تغير فيكي بعد حملك السعيد؟فيدي واستفيدى
إظهار التوقيع
توقيع : مايا علي
#5

افتراضي رد: ايه اللي تغير فيكي بعد حملك السعيد؟فيدي واستفيدى

موضوع جميل بجد
بصي كان شعور جميل اوي فوق الوصف لما عرفت اني حامل بس كان ليا ظروف خلتني اجهد نفسي في البيت بس اول ماحصلي اجهاد منذر رحت للدكتورة واخدت حقن تثبيت ومن وقتها وانا بقيت اهتم بنفسي اولا واهمل كل اللي معايا ودة مش طبعي

كمان عايزة أنصح كل حامل هتولد قيصري متستعجلش علي ميعاد الولادة حتي لو الدكتور قالها ممكن اولدك اول التاسع لالالالا .. تستني لاول يوم في الاسبوع الاخير للتاسع ودي عن تجربة لاني ولدت في اول التاسع لاني كنت مستعجلة اني اشوف ابني بس نزل علي الحضانة
ربنا مايكتبها علي اي ام يارب
وبالنسبة للحاجات اللي اتغيرت فيا
بقيت باكل تمر ولبن كل يوم
قيام الليل
حسن معاملة أمي وابي
بكاء بسبب وبدون سبب
باخد الدواء بانتظام
لو نازلة اشتري حاجة ضروري لنفسي بلاقي نفسي اشتريت حاجة تانية للبيبي ملهاش لازمة



كمان



إظهار التوقيع
توقيع : كاندي أم أنس
#6

افتراضي رد: ايه اللي تغير فيكي بعد حملك السعيد؟فيدي واستفيدى

أهلا بيكي ياكاندى منورة موضوعى وربنا يكتبلك الشفا يارب
وفعلا بتبقي التجربة صعبة لما البيبي بيدخل الحضان والآصعب انك تروحي من غيره عشان كده فعلا لازم الواحدة ماتستعجلش في الولادة عشان ربنا يكرمها وتقوم بالسلامة هي وطفلها ويرجعوا مع بعض بالسلامة لكن أحب طبعا أوضح ان مش كل حالة تقدر تستحمل وأى حاجة تلاحظها الحامل غير طبيعية حي لو من الشهر السابع أو الثامن أو في بداية التاسع جرى على الدكتور أو الدكتورة وماتجازفش لانى لسه في حالة كانت عند طبيبة قريبتي مخلياها لآخر اسبوع ومش قادرة احكيلكم عاملة ازاى؟
للأسف من كتر احتباس المياه بجسمها وعشان الدكتورة عايزة تولدها طبيعي للأسف وشها اتعوج تماما والناحية التانية الجلد اتفتح من كتر الاحتباس ربنا مايكتبه على حد أبدا يارب عشان كده نصيحتي لكل حامل تلاحظ كويس أى تغيير تشك فيه عشان تقوم بالسلامة هى وطفلها
إظهار التوقيع
توقيع : مايا علي
#7

افتراضي رد: ايه اللي تغير فيكي بعد حملك السعيد؟فيدي واستفيدى

ربنا يكرم كل ست ويرزقهم الذريه الصالحه ويفرح قلبهم

التغيرات من ابرزها العصبيه

انا اصلا عصبيه خلق فمابالك مع الحمل؟؟
بقيت نار وولعت
بس بقيت اهتم باكلى واى حاجه اشوف انها مفيده حتى لو مش بحبها باكلها
ونصيحتى لكل ست تحمل انها تهتم بنفسها اوى بالشهور الاولى ومتقلش انا صغيره وبنيتى قويه وحشيل وحعمل لان ده روح جواكى ولازم تهتمى بيه وتحافظى عليه لانه نعمه من عند ربنا

ربنا يرزق كل مشتاقه
إظهار التوقيع
توقيع : ريموووو
#8

افتراضي رد: ايه اللي تغير فيكي بعد حملك السعيد؟فيدي واستفيدى

فعلا ياريموووو العصبية بتبقي صعبة جدا بس يعني الواحدة تحاول قدر الامكان تتحكم وتضبط أعصابها شوية لان العصبية بتأثر كتير عالبيبي تسلمي ياريموووو لمشاركتك الغالية
إظهار التوقيع
توقيع : مايا علي


قد تكوني مهتمة بالمواضيع التالية ايضاً
الموضوع كاتب الموضوع المنتدى
روايتي الثانيه ...( في خطوتك .. سكتي) عندما تعشق الشوكولاته أقلام عدلات الذهبية
مدونتي ~إبتساامه~ تسنيم عادل مدونآت الاعضآء!
عوزة اتجوز مانوlove قصص - حكايات - روايات
غلط فظيع يا بجد .. ادخلي يمكن تفهمي قصدي ايه ربي رضاك والجنة فتيات تحت العشرين
غلط فظيع يا زهرتي بجد .. ادخلي يمكن تفهمي قصدي ايه ست الحسن فتيات تحت العشرين


الساعة الآن 06:37 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل