حلمت بخطيبي .. فسروهولى بسرعه ارجوووكم

انا عندى مشاكل مع خطيبي وتقريبا انفصلنا بقالنا شهر ونص
وصليت كذا استخاره وكنت بفسرها والحمد لله حجات مبشره
بس حلم اتفسر ان دا حسد وحلم اتفسر عادى
ومش ببطل دعاء ليل نهار

امبارح ف وقت السحر استغفرت كتير ودعيت وقولت يارب طمنى باى حاجه انا مش عاوزه ايأس لو حتى بحلم بس ولو كان حلم وحش انا مش هياس وادعى اكتر عشان لا يرد القدر الا بالدعاء
وفعلا حلمت

المهم طولت عليكوا معلش
انا حلمت ان خطيبي وماما واخوويا الصغير على سفره كبيره
هوجمبى وماما واخويا الصغير قدامنا ف السفره وكلنا
واننا كنا اتصالحنا خلاص وهو بيقولى على برنامج على الموبايل اذا كنت بدخل منه نت ولا لاء
(لان هو مش بيحبنى ادخل نت اصلا ) قلتله لا ووالله انا مش بدخل ولا بعمل بيه حاجه
وشويه قمنا على اساس نحاسب انا مردتش اخليه يدفع وقولتله انت عليك لسه سفر عشان هو من محافظه تانيه
قولتله هات 50 بس وخدت من ماما الباقى كان 40 تقريبا وروحت ادفع عند الكاشير
لقيت الراجل بيهزر معايا هو اضايق وقاله يلا لو سمحت الفاتوره وزعق
وانا قلتله يلا انا مستعجله ومشينا على اساس اننا خارجين لوحدنا اليوم دا
بس وقمت على اذان الظهر ومبسوطه جداااااا على غير العاده يعنى
يارب يتفسر بسرعه

مع العلم ان هيكون لسه ف كلام تانى على موضوعنا كمان شهر





انا عندى21 سنه وانسه مسلمه الحمد لله وابتديت اقرب لربنا جدا الفتره اللى فاتت دى الحمد لله