ازيكم ياحبايبى انا دايما مشغوله باللى بيحصل بمصر دلوقتى ومشغوله بالاحداث المهم نمت حلمت ان ايه
فى واحده جارتنا اسمها ام سلامه دا حقيقى دى جارتى حقيقى انا شوفتها فى المنام قاعده فى السوق وانا معاها وكانى بقطع للحمه او حمش عارفه بعمل ايه فى اللحمه المهم كان واحده من امن الدوله جت وكانها هتاخدنى معاها ندهت عليه وانا روحتلها لما روحتلها قالتلى هاتى ام سلامه معاكى فانا فى نفسى قولت طيب ماهى اللى تقولها دلوقتى ام سلامه تفكر انى انا اللى عايزه اخودها معايا المهم اخدتنا احنا الاتنين وكانى عنت اللحمه عند ام سلامه وروحنا امن الدوله وكاننا كنا قاعدين على الارض ومعانا ناس تانيه فلاقيت راجل عجوز جاى ومعاه عصايه وجاى يضربنى او يهوشنى بيها كده ويقولى انتى قاعده كده ليه تعالى هنا قصده يعنى ابعد عن المكتب وعن الحاجات اللى تخصهم المهم انا اعدت اعيط كانى مش ببكى لا بتباكى ونزلت دموع انا كنت بتباكى علشان الفت انتباه السيسى ليه وكنت بعيط بصوت لكنى بتباكى بصوت ونزلت دموع وفعلا السيسى انتبه ليه وجيه وكلمنى بمنتهى الادب والاخلاق لدرجه انى كنت سعيده وقولت دول بيعاملو الناس كويس اهو مش زى مبنسمع انا كنت بكلم نفسى فى المنام المهم كاننا خرجنا وانا روحت كانى دخلت عند حماتى هى معايا فى نفس البيت المهم دخلت وفضلت قاعده ساكته ولاقيت سلفتى تحت وزوجها وانا عماله افكر ازاى هجيب اللحمه من ام سلامه وهطلبها منها ازاى انا محرجه اطلبها منها المهم قعدت وفضلت افكر وكانى دخلت عند ناس جيرانا تانيين بس فى بلد بابا مش فى البلد اللى انا متزوجه فيها علشان اجيب اللحمه بس الحته دى مش واضحه فى الحلم المهم زوج سلفتى طلع وبعدها هى كانت طالعه وحماتى تقولها اقعدى وهى تقولها لا هطلع وانا مكلمتهاش خالص فى المنام ولاهى كلمتنى المهم حماتى قالتلها ابقى خللى توفيق يجيب الفلوس بتاعه الستاير توفيق دا اللى هو زوج سلفتى الصراحه انا فرحت ان حماتى هتاخد فلوس منهم لان حماتى بتفرق فى المعامله فانا قولت معقوله دى بتطلب الفلوس وهتاخدها بكلم نفسى فى المنام وكان حماتى كانت حاطه فلوس سنداها على الحيطه كده فزوجى جيه وبيقولى ايه الفلوس دى قولتلو دى بتاعه مامتك هى اللى حطاهم سيبهم لاقيته جبهم واداهم لها بس هما الفلوس يعنى كانو مسندوين على الحيطه عند حماتى بس لما زوجى جيه يجيبهم كانو فى شقتى ياريت حد يفسرهولى ويقول ليه دعوه بالاحداث بتاعه مصر اه نسيت اقول ان ام سلامه كان خمارها ونقابها لونهم اسود هى اصلا فى الغالب بتلبسهم اسود فى الحقيقه بس انا فى المنام جاى فى بالى سمارهم تقيل وحلو وكا لما افكر فى الحلم افتكر ام سلامه بخمارها ونقابها اللى سمارهم لونه حلو مش باهت لا سمار تقيل
انا صاحيه من الحلم سعيده جدا انا منتقبه وزوجى ملتحى وانا تعبانه من الاحداث اللى بتحصل بسبب اضطهاد اللحيه والنقاب جارتى ام سلامه منتقبه وهى بياعه سمك بس هى لابسه النقاب علشان وشها فيه بقع الدكتور هو اللى قالها تلبس النقاب علشان يحمى بشرتها لكن هى مش ملتزمه انسانه عاديه
فيه حلم تانى انا هكتبه لانه باردو فيه الرئيس مرسى لو ليهم علاقه ببعض فسريه لو لا خلاص معلشى بتعبك معايا
انا نمت حلمت ان فيه بلد جنبنا اسمها طوخ البلد طوخ دى فى محافظه الدقهليه كان الناس اهلها فى شط بتاع البحر عندهم امتداده يودى على فرنسا بس البلد دى اصلا مفيهاش بحر دى قريه فالناس جابت خرسانه وصبت وبنت فى البحر من تحت علشان يبقى مش غويط علشان لو نزلو يعومو فيه ميغرقوش يبقى البحر مش غويط يعنى المهم انا لاقيت البنات نازله تعوم وقالعين فزعلت اوى ان هما عرايا كده وعادى فقولت لزوجى انا قلبى وجعنى لما شوفت منظر الناس والبنات قاللى وانا كمان وكان الدكتور مرسى واقف وتقريبا والله اعلم مش عاجبه الوضع لانه تقريبا كان زعلان المهم بعدها لاقيت الرئيس مرسى بيقول انا دفعت 10000 جنيه عشر الاف جنيه مكالمات عن شهرين مكالمات من السعوديه بس تقريبا مش هو اللى كان متكلمها او هو مش عارفه بس بيتهيالى مش هو صاحب المكالمات بس انا بقول لزوجى عشر الاف جنيه فى شهرين طيب ماكدا حرام عليه بس وخلص على كده
ياريت حد يطمنى وجزاكم الله خيرا ربنا يجمعنا مع بعض فى الجنه
انا مش عارفه ارد جمايلك ازاى الله يباركلك ويجعل تعبك فى ميزان حسناتك
بسم الله الرحمن الرحيم
جزاكي الله خيرا
ومصر ان شاء الله بخير باهلها المصرين
رؤيا حلم لمصر يارب يكون خير
قد تكوني مهتمة بالمواضيع التالية ايضاً