حدوتة القطة بسبوسة وبيضة الفرخة-جميلة جدا -
بسم الله
كان ياما كان ياسعد يااكرام ولا يحلا الكلام الا بذكر النبى عليه الصلاة واذكى السلام
كان فى قطه صغنتوته اموره اسمها ( بسبوسه)
بسبوسه بدأت تكبر وتشوف العالم من حواليها وكانت ذكيه وبتحب تتعلم كل حاجه وبتسأل على كل حاجه
-دى اسمها ايه ياماما
-دى اسمها ورده
-ودى اسمها ايه ياماما
-دى اسمها شجره
ودى اسمها ايه ياماما
-دى اسمها بيضه
الله القطه بسبوسه عجبها شكل البيضه قوى
وقالت لماما
البيضه دى جميله قوى وكمان طعمها لذيذ
احنا بنجيب البيضه منين ياماما؟
_الفرخه ياحبيبتى هى اللى بتبيض البيضه
تعجبت بسبوسه اكتر واكتر وقالت
الفرخه؟
وفضلت بسبوسه مشغوله بالحكايه دى وبتفكر
***- *
وبعد كام يوم بسبوسه كانت بتتمشى شافت الست فرخه
بسبوسه قالت
صباح الخير ياست فرخه
الفرخه قالت بصوت عالى
بك بك بكاااااااك بك بك بكاك بك بك بكاك
وكانت عماله رايحه جايه اكنها بتدور على حاجه وقعت منها فى الارض
القطه بوسى اتخضت في ايه يافرخه
صباح الخير
برضه الفرخه قالت بصوت عالى
بك بك بكاااااااااك بك بك بكاك بك بك بكااااك ولسه رايحه جايه
القطه قالت يانهار ابيض فيه ايه؟ صباح الخير يافرخه
الفرخه قالت بصوت عالى
بك بك بكااااك بك بك بكااااااااك
بك بك بكااااااااااااااك
وباضت بيضه
واتنهدت وردت
صباح النور يابسبوسه معلش اصلى كنت ببيض بيضه
القطه كانت مذهوله وفرحانه فى نفس الوقت
اول مره تشوف الحكايه دى وقالت يااااااااااااااه
دى الحكايه بسيطه خالص
وجريت على مامتها
ياما ياماما ياماما الحقى ياماما انا اتعلمت ازاى الفرخه بتبيض بيضه
انا دلوقتى أعرف ابيض بيضه
ماما بصت لها واستغربت
وقالت
يالف نهار ابيض ياصلاة النبى ياصلاة النبى بيضى ياختى
بسبوسه زعقت وقالت
بك بك بكاااااك بك بك بكاااااااااك بك بك بكااااااااااااااك
ومافيش بيضه
وحاولت تانى
بك بك بكاااااااك بك بك بكاااااااااااااك بك بك بكااااااك
برضه مافيش بيضه
القطه بسبوسه الصغننه كانت زعلانه خالص
وحاولت كمان مره
بك بك بكاااااااك بك بك بكااااااك بك بك بكااااااااااااك
مافيش فايده مافيش بيضه
القطه بسبوسه ماعرفتش تبيض زى الفرخه
وساعتها ماما ضحكت وقالت
ههههه ياحببتى القطه مابتبضش الفرخه بس هى اللى بتبيض
علشان الفرخه من الطيور وزى ماانتى مابتعرفيش تبيضى الفرخه برضه مابتعرفش تصطاد الفيران
بسبوسه فهمت واتعلمت درس كبير وان مش لازم نقلد غيرنا علشان ننجح المهم اللى احنا بنعمله مش اللى غيرنا بيعمله
وتعلمت كمان ان ربنا خلق كل واحد لعمله وسهله عليه ويسره ليه علشان كده النبى صلى الله عليه وسلم قال
(اعملو فكل ميسر لما خلق له)
وتوته توته خلصت الحدوته
إظهار التوقيع
توقيع : قطر الندا
التوقيع لا يظهر للزوار ..
رد: حدوتة القطة بسبوسة وبيضة الفرخة-جميلة جدا -
إظهار التوقيع
توقيع : τнє τɪмє σf sυиsєτ
التوقيع لا يظهر للزوار ..
رد: حدوتة القطة بسبوسة وبيضة الفرخة-جميلة جدا -
رد: حدوتة القطة بسبوسة وبيضة الفرخة-جميلة جدا -
إظهار التوقيع
توقيع : انوثه شرقيه
التوقيع لا يظهر للزوار ..
رد: حدوتة القطة بسبوسة وبيضة الفرخة-جميلة جدا -
إظهار التوقيع
توقيع : قصرالاحلام
التوقيع لا يظهر للزوار ..
رد: حدوتة القطة بسبوسة وبيضة الفرخة-جميلة جدا -
إظهار التوقيع
توقيع : هبه شلبي
التوقيع لا يظهر للزوار ..
رد: حدوتة القطة بسبوسة وبيضة الفرخة-جميلة جدا -
إظهار التوقيع
توقيع : جويريه
التوقيع لا يظهر للزوار ..
رد: حدوتة القطة بسبوسة وبيضة الفرخة-جميلة جدا -
إظهار التوقيع
توقيع : جويريه
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| بسبوسة الشكولاته طريقه عمل بسبوسه الشكولاته 2025 مقادير عمل بسبوسة الشكولاته | ريموووو | الحلويات الشرقية والغربية | ||
| بسبوسة كراميل بالمكسرات كيك للشيف حسن , طريقة بسبوسة كراميل , طريقة بسبوسة بالمك | سارة سرسور | الحلويات الشرقية والغربية | ||
| كيف تفهم لغه قطتك | هبه شلبي | عالم الحيوانات والطيور | ||
| لماذا تحمل القطة أبناءها بفمها من رقبتهم .. ؟ | نسائم الرحمة | عالم الحيوانات والطيور | ||
| لماذا تحمل القطة أبناءها بفمها من رقبتهم .. ؟ | سوسو الامورة | عالم الحيوانات والطيور | ||
الساعة الآن 02:26 PM
جميع المشاركات تمثل وجهة نظر كاتبها وليس بالضرورة وجهة نظر الموقع