أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

اعمل ايه يا بنات

إضافة رد  أضف للمفضلة
https://3dlat.com/showthread.php?t=207339
2273 14
#1

افتراضي اعمل ايه يا بنات

اهلا حبيباتي وحشتوووووووووني. صدقوني احبكم في الله علشان كدة لما تضيق بيا الدنيا اجيلكم.
انا من مدةطويلة انا في مشاكل انا و زوجي. الحقييقة هي خناقات هايفة لكنها تكدر الحياة .كل يوم زعل و ساعات يسيب غرفة النوم علشان ابني كسر كاس ولا صحن ولا لقى حاجة مش منظمة.يعني حاجات هايففة لكن استمرارها نكد و بقيت احس باوجاع و ضيق في قلبي .




بقالنا 4 سنين على هذا الحال و انا ما عدتش قادرة .
اخر حاجة انا كان لي صديقتي من ايام الجامعة كنت افضفض لها و احكيلها ومرة خليت الحساب مفتوح فهو دخل و قرا كل الحورات اللي عليه و زعل جامد جدا وكان ينوي الفراق و قالي انت خنتي بيتك وزوجك و بتحطي اسرارنا قدام كل الناس.
وبعد المشكلة ديا هداه ربنا و رضاني و حسيت انو عاوز يصلح زواجنا.
المهم يا بنات انا مكسوفة جدا من الي حاحكيه لكن هو دا اللي جوايا.
انا بقيت احن لانسان ثاني حبيتو قبل الزواج ايام الجامعة و بقيت افكر انو لو استنيت كانت حياتي احلى و احسن و بقيت اقارن بينو و بين جوزي ازاي الاول اجتماعي و متفهم و كول و ازاي جوزي رسمي جدا و ما يتحملش غلط الانسان العادي.
قولولي اعمل ايه يا بنات اتمنى انجح زواجي و اطرد هالوساوس من دماغي.
استنى ردكم .
احبكم في الله.


#2

افتراضي رد: اعمل ايه يا بنات

حبيبتى ولهى الحياه والعيله كل شىء فى الدونيا انا كنت الايام الفاتت كانت حياتى مهدد بطلق ومن سنه ونص ارتاحت وباين كده هترجع تانى الناصحه والواعيه هى الى تساير امور جوزه وبيته اعملى كل حاجه ربنى يقدرك عليه وهوه لما يلقيكى مهتمه بى وبالعيال هيحس وهيراجع نفسو واعملى جو حلو فى البيت وحسسيه انو اهم حاجه فى حياتك وفى البيت هتلقى فوه بيعمل نفس الحاجه دى وربنى معاكى ويرشتك على الطريق الصح معلش الحياه مش صعبه عليكى انتى بس وعلى الكل كمان الحمد الله
#3

افتراضي رد: اعمل ايه يا بنات

استعيني بالصبر والصلاة علي قضاء حوائجك حبيبتي قربي من ربنا
وفكري دايما في بيتك وجوزك وابنك وربنا يعينك علي طرد الوساوس من دماغك فكري ان صديقك القديم انتي عرفتيه مجرد من الخارج لكن هل انتي تعرفي لو هو متجوز بيعامل مراته ازاي بيبقي كول برضه ولا بيبقي زي معظم الرجالة
حلوين اوي مع صديقااتهم لكن الحقيقة لاتظهر الا بعد الزواج واالعشرة وخلي بالك ممكن تكوني مقصرة معاه في حاجة
المعروف ان الانسان مش بيعمل مشكلة علي الفاضي الا اذا كان فعلا من جواه حاجة مضايقاه مش قادر يتكلم فيها فبيطلع غضبه في اي حاجة هايفة بصي لجوزك بنظرة تانية هاتلاقي فيه مميزات اكتر بكتير من الي بتشوفيه لان الانمسان دايما مش بيشوف الحلو في شريك الحياة بيشوف كل الحلو في اي حد تاني وبيشوف الوحش بس في اقرب الناس ليه
كل انسان فيه الحلو وفيه الوحش لازم تتكلمي معاه وتعرفي ايه الي مخليه متنرفز وزعلان وبيسيب الاوضه اكيد في حاجة في قلبه مش بيقولك عليها انتي بس تقدري تجاوبي علي السؤال ده
واسواء حاجة علي الراجل ان مراته تقول اسراره لناس تانية احمدي ربنا انه سامحك رغم اني عارفة انك كنتي بتفضغضي
زي ماكلنا بنفضفض
إظهار التوقيع
توقيع : لولو حبيب روحي
#4

افتراضي رد: اعمل ايه يا بنات

صلى على النبى يا حبيبتى واطردى الشيطان اللى بيوسوس بحاجات مينفعش دلوقتى انك تفكرى فى حد غير جوزك كدة حرام اللى مترضهوش على نفسك ماترضهوش على جوزك والواحدة الكويسة متزعليش منى متديش لحد اسرارها او تتكلم مع حد تانى بس الظروف بردة والله بتكون اقوى مننا فانتى حطى فى عقلك انك مش هتفكرى بالواحد الاولانى دة تانى وحاولى تعيشى وتتعايشى مع جوزى وعلتك وربنا يهدى يا حبيبتى
إظهار التوقيع
توقيع : شروق ملكة زمانى
#5

افتراضي رد: اعمل ايه يا بنات

[size="5"]كان لي صديقتي من ايام الجامعة كنت افضفض لها و احكيلها ومرة خليت الحساب مفتوح فهو دخل و قرا كل الحورات اللي عليه و زعل جامد جدا وكان ينوي الفراق و قالي انت خنتي بيتك وزوجك و بتحطي اسرارنا قدام كل الناس.


الي صاحبة الرسالة/ اذا كان قالك انك خنتي زوجك وبيتك لما عرف انك حكيتي مع صحبتك فكيف لو عرف انك كلمتي حد كانت تربطك به علاقة سابقة

عزيزتي ارجعي الي رشدك وفكري في ابنك ولاتضعي علي كتفه وصمة عار لانه لايصح ان تكوني متزوجة وام وتنشئي علاقة او تستعيدي علاقة سامحيني فالدواء مر فما ذنب ابنك او ابوكي او اخوكي افيقي لنفسك فحياتك ليست ملكك الان ولاتصلحي الغلط بغلط اكبر منه
ارجعي الي ربك واستغفري واكثري من الطاعات وفكري دون انانية بالطفل المسكين وفكري في اسعاده واسعاد زوجك
وتذكري دائما هذه الجملة(ونفسك ان لم تشغلها بالطاعات ...شغلتك هي بالمعاصي)
في حاجة تانية احب اقولها لكي ان مفيش حد بياخد زوجة او حد بياخد زوج حد واعلمي انك اخدتي نصيبك الي ربنا قسمه لكي واعلمي ايضا ان ربنا اختار لكي الاصلح وربما يكون الرجل الاخرلو كان نصيبك لكانت حياتك اصبحت اكثر شقاءا لانك لاتجيدي حسن تبعل زوجك قال الحبيب صل الله عليه وسلم هو جنتك ونارك اي هو سبب دخولك الجنة والنار
وايضا احب ان اعرفك ان ياعزيزتي حتي لو تركتي زوجك وتزوجتي بالرجل الاخر فستكون حياتك كلها صدقيني متعبة لانه مش هيامن لك ويخاف لان تعملي علاقة مع غيره صدقيني ده تفكير الرجل الشرقي ناهيكي عن ماتفعليه في نفس ابنك سامحيني انا قلت لك ان الدواء مر وانا مقدرتش اشوف بيت بينهار واسكت ..فالساكت عن الحق شيطان اخرس

[/size]
إظهار التوقيع
توقيع : ام الزهراء
#6

افتراضي رد: اعمل ايه يا بنات

اشكركم يا بنات كلامكم يريح و الله.
اختي فاطمة الزهراء اعوذ بالله اني اكون اكلم راجل اجنبي .انا قلت هي وساوس تجيني و افكار من المشاكل اللي ا عيشها.
بالنسبة لحسن التبعل ارجو انكم تنصحوني ازاي .
و اشكركم جدا
#7

افتراضي رد: اعمل ايه يا بنات

حسن التبعل يعني شوفي تقدري تسعديه ازاي من وجهة نظرك جددي حياتك غيري في نفسك الملل بيقتل كل حاجة حلوة
انتي النص الحلو في حياة جوزك فلازم انتي الي تحلي ايامه
فيه طرق واسليب كتير ومواضييع كتيرة اوي هنا في قسم الحياة الزوجية
بس كل ست والي تقدر عليه حاولي تكوني الصدر الحنين في دنيته تبقي ستره وهناه شوفي ايه الي بيضايقة وغيريه صدقني انتي اكتر واحدة تكوني عارفة جوزك بيحب ايه وبيكره ايه بس دايما حركة تغيير وتجميل من الست برقه وشياكة بتفرق كتير مع زوجها ربنا يهيديلك الحال ياقمر ويوفقك واستعيني بالله
إظهار التوقيع
توقيع : لولو حبيب روحي
#8

افتراضي رد: اعمل ايه يا بنات

انصحك حبيبتى بالتقرب من الله والدعاء واطردى الافكار والوساوس من دماغك وحاولى ترضى جوزك يعنى تشوفى ايه اللى بيسعده ويريحه وتعمليه وصدقينى مفيش بيت بيخلو من المشاكل ومادام المشاكل دى بسيطة وهايفة زى مابتقولى يبقى تحاولى تتعايشى معاها علشان خاطر بيتك وابنك وربنا يصلحلك الحال يارب ويهدى سرك

إظهار التوقيع
توقيع : ابنى نور حياتى
#9

افتراضي رد: اعمل ايه يا بنات

حبيبتي انا هرد عليكي بكلام الحبيب صل الله عليه وسلم وهاحاول اوضح
لـو كنـت آمر احــداً ان يسجد لغير الله لأمرت المرأة ان تسجد لزوجها )) ابن حبان و ابن ماجه وغيرهم .
تحري رضا زوجك

لقول الرسول صلى الله عليه وسلم (( أيما امرأة ماتت و زوجها عنها راض دخلت الجنة )) رواه الترمذي وخاصة قبل نومك لقوله عليه الصلاة والسلام : (( إذا دعا الرجل امرأته الى الفراش فلم تأته فبات غضبان عليها ، لعنتها الملائكة حتى تصبح )) متفق عليه .

لا ترفعي صوتك في وجه زوجك فذلك اكره ما يكون لنفس الزوج ولا تكثري ولا تلحي على الطلبات التي فوق قدرته انما يجب ان تقف بجانبه في المواقف الصعبة والظروف الحرجة واعتبري من قول رسول الله صلى الله عليه وسلم لزوجه عائشة رضي الله عنها حين قال لها : (( يا عائشة ، إذا أردت اللحوق بي فليكفك من الدنيا كزاد الراكب ، وإياك ومجالسة الأغنياء ، ولا تستخلعي ثوباً حتى ترقعيه )) الترمذي . فكوني بارك الله فيك صابرة راضية ، محتسبة عند ربك .
اعتذري لزوجك وان كان هو المتسبب بالخطاء وتذكري قول الرسول صلى الله عليه وسلم (( نسائكم من اهل الجنة : الودود ، الولود ، العؤود على زوجها ؛ التي اذا غضب جاءت تضع يدها في يد زوجها ، . قالت : هذه يدي في يدك . لا اذوق غمضاً حتى ترضى )) النسائي .

أبهجي قلبه حينما يعود من العمل بمظهرك الجميل وابتسامتك العذبة ومنزلك المعطر المرتب وطعامه الجاهز وأطفاله بالملبس النظيف ، و اجلي كل ما يضايقه من طلبات وأخبار إلى وقت غير هذا الوقت ، واعلمي أن هذا الوقت هو مفتاح سعادة يومك .
اعلمي ان زوجك في حقيقته – طفل كبير – اقل كلمة حلوه تسعده ؛ فعامليه على هذا الأساس بأن تختاري له اسما مثل : ( حبيبي ) ( روحي ) .. وان تمدحيه وتشكريه و تبيني له حسناته ومواقفه الرجولية وانك سعيده بان الله جعله زوجا لك وان تهيئى له الجو العاطفي والرومانسي ولا تحاولي صده اذا ما طلبك
لا تفشي سراً لزوجك ولا تسربي خلافاتكم الزوجية ولا تبوحي بأسرار الفراش فتكوني من شر الناس عند الله يوم القيامة ، و قال رسول الله صلى الله عليه وسلم (( فلا تفعلوا ؛ فإنما ذلك مثل الشيطان لقي شيطانةً في طريق ، فغشيها والناس ينظرون )) احمد .


احذري أن تذهبي إلى بيت اهلك لحظة الغضب فساعتها لا تنتظري أن يأتي ليصــالحك .
تجنبي التصرف في ماله أو إدخال أي شخص المنزل أو الذهاب إلى أي مكان إلا باذنه .

عدم التدخل في شؤونه الخاصة التي لا تعنيك .

امدحي أهله وأصدقائه ولا تحقريهم وأحسني استقبال ضيوفه وشجعيه على صلة رحمه ولا تحاولي التفريق بينه وبين أهله وخاصة أمه ، فلا تأمني لرجل خذل والديه أن لا يخذلك واعلمي أنهم أولى عليه منك عند الله ورسوله فأتقي نار جهنم يرحمك الله .
لا تلعني أو تسبي زوجك أو صغارك ؛ قال رسول الله صلى الله عليه وسلم : (( يا معشر النساء ؟ تصدقن ؛ فإني رايتكن اكثر اهل النار )) فقلن : وبم يا رسول الله ؟
قال : (( تكثرن اللعن ، وتكفرن العشير )) البخاري .
اتقي غضب الله ولا تطلبي الطلاق على أتفه الأمور لقوله عليه الصلاة والسلام (( أيما أمرأة سألت
زوجها طلاقاً من غير بأس فحرام عليها رائحة الجنة )) أبو داوود والترمذي وغيرهم
إظهار التوقيع
توقيع : ام الزهراء
#10

افتراضي رد: اعمل ايه يا بنات

ربنا يهديلك الحال يا حبيبتى واصبرى قادر ربنا يهديهولك وبالنسبة للاسان التانى ابعدى عن دماغك فكرة التفكير فيه لان ده رد فعل طبيعى من خناقاتك مع زوجك
إظهار التوقيع
توقيع : حنين الروح123
#11

افتراضي رد: اعمل ايه يا بنات

الله يصلح حالك غاليتي
وان شاء الله يكون لك كل الخير

خصوصا بعد كل الردود الراقية دي
إظهار التوقيع
توقيع : منون حبيبتي
#12

افتراضي رد: اعمل ايه يا بنات

اشكركم حبيبااااااااااتي
بعد ردودكم استغفرت الله وفعلا واحد ساعات ما يحمدش ربنا على نعمتو.
انو عطا ني ولد زي القمر وانا بتفكيري و عنادي ما فكرتش فيه.
حتى جوزي فيه ايجابيات و خيرو كثير و الحمد لله
هو صحيح بينرفزمني لانو يروح يلقي البيت مش منظم رغم اني احاول وطول اليوم شغل لكن من غير فايدة ودا بيزعلو باستمرار.
ححاول انظم نفسي و احسن من روحي و عائلتي و قبل كل شيء احسن علاقتي بربي.
ادعولي يا بنات و ربنا يخليكو يارب
#13

افتراضي رد: اعمل ايه يا بنات

بصي انتي معشرتيش التاني علشان تقرني بس مفيش حد كامل فمتديش فرصه للشيطان يستغلك
#14

افتراضي رد: اعمل ايه يا بنات

ربنا يصلح لك الحال ويهدى عليكى زوجك بس بلاش المقارنات لانهى هتخليكى تتضايقى اكتر
إظهار التوقيع
توقيع : هدوء نسبى
#15

افتراضي رد: اعمل ايه يا بنات

اللهم صلي وسلم علي سيدنا محمد


قد تكوني مهتمة بالمواضيع التالية ايضاً
الموضوع كاتب الموضوع المنتدى
يوميات عدلات ومحروس كاملة هـــدوء قصص - حكايات - روايات
الحقوووووووني مش عارفة اعمل ايه amira alzlam سؤال وجواب
حد يساعدنى ياجماعه مش عارفه اعمل ايه غير مسجل فضفضة وحل المشاكل
اعمل ايه snowwhitevido فضفضة وحل المشاكل
طب اعمل ايه مش عارفة؟ شقاوة آنثى فضفضة وحل المشاكل


الساعة الآن 05:54 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل