أو

الدخول بواسطة حسابك بمواقع التواصل

#1

افتراضي انا مخنووووووووووووق اوى من جووزى

المشكله باختصار انى فى يوم كنت نازله مع والدتى قالتلى هشتريلك لبس بتصل بجوزى بقوله نازله مع مامتى تجبلى لبس قالى لا متجبيش حاجه ( جوزى حاليا مش شغال) قولتله دى مامتى مش حد غريب وبعدين ده هديه منها المهم ماما جابتلى اللبس ولما عرف قالى اللبس ده مش داخل البيت وعمال يتخانق جامد قولتله لا هايدخل قالى طب لا انتى ولا الفستان ده داخلين بيتى واهلى كلموا باباه وطبعا هو فى صف ابنه وقولناله طالما قولت انها مش داخله بيتك عايزه تعالا انت خدها من عندنا ومن ساعتها جوزى ولا سال عليا ولا على بينته خاااااالص وهى لسه بيبى انا عايزه اعرف انا غلطانه ولا ايييييييه وزعلانه ان جوزى مش بيسال على بنته ولا يشوف هى عامله ايه يا ريت تقولولى رايكوا ايه







#2

افتراضي رد: انا مخنووووووووووووق اوى من جووزى

بصي ياقمري انتي غلطتي في الاول هو قالك لا يبقي خلاص اعرفي ان عزة نفسه منعته والمفروض تفرحي بيه مش تعملي مشكلة
الحل دلوقتي انك تحاولي تكلميه بالتليفون لانه طبعا مش هاييجي خالص ياخدك ولا حاجة الا لو كلمتية وبصراحة انا شايفة ان فيه زعل او تاتش كده خلاه يخرج مع حكاية الفستان راجعي كده تعاملكم سوا هل عدم شغله دلوقتي انتي محسساه انه مقصر معاكي ولا هو فعلا مقصر وهو حاسس بده وده مضايقه وجت حكاية الفستان دي تحسسه انه مقصر اوي
ان حتي لبسك مامتك الي بتشتريهولك
وشوفي كده بالعقل تفاصيل حياتكم ايه وراجعي نفسك وحاولي مع نفسك تاوصلي لسبب المشكلة ايه وعلي فكرة العند مش بينفع في المشاكل الي زي دي كان ممكن سيبتي اللبس عند مامتك ولما يهدي تبقي تاخديه
المهم دلوقتي استعيني بالله وروقي كده والتمسي العذر دايما للناس وربنا يهديه يارب ويمكن هو مش عاوز يرجعك علشان محدش يقوله انت غلطان والكلام ده
ويارب العدولات يكون عندهم نصائح احسن مني
إظهار التوقيع
توقيع : لولو حبيب روحي
#3

افتراضي رد: انا مخنووووووووووووق اوى من جووزى

ربنا يصلح لك الحال
إظهار التوقيع
توقيع : حورية وطن
#4

افتراضي رد: انا مخنووووووووووووق اوى من جووزى

انا رأي من رأي لولو
بصي انتي غلطتي كنتي إعملي الي هو قال عليه وبعد فتره هو نفسه هيحنلك ويخليكي تعملي الي انتي عاوزاه
انا رأيي تتصلي بيه وتصالحيه مع شويه كلام حلو هيرجعلك تاني
إظهار التوقيع
توقيع : حياه الروح 5
#5

افتراضي رد: انا مخنووووووووووووق اوى من جووزى

يعنى يا قمر عاجبك حالك دلوقتى؟؟
زعلتى جوزك وسيبتى البيت عشان حتت فستان؟؟
اكيد انتى غلطانه
مش كل راجل بيحب حد يصرف على مراته او يحسسه بالنقص والعازه
اتصلى بيه وبينى له انك ندمانه وانك انتى الغلطانه واعتذرى منه واوعديه ان الحاجه دى مش حتتكرر

وربنا يصلح حالكم
إظهار التوقيع
توقيع : ريموووو
#6

افتراضي رد: انا مخنووووووووووووق اوى من جووزى


المشاركة الأصلية كتبت بواسطة لولو حبيب روحي
بصي ياقمري انتي غلطتي في الاول هو قالك لا يبقي خلاص اعرفي ان عزة نفسه منعته والمفروض تفرحي بيه مش تعملي مشكلة
الحل دلوقتي انك تحاولي تكلميه بالتليفون لانه طبعا مش هاييجي خالص ياخدك ولا حاجة الا لو كلمتية وبصراحة انا شايفة ان فيه زعل او تاتش كده خلاه يخرج مع حكاية الفستان راجعي كده تعاملكم سوا هل عدم شغله دلوقتي انتي محسساه انه مقصر معاكي ولا هو فعلا مقصر وهو حاسس بده وده مضايقه وجت حكاية الفستان دي تحسسه انه مقصر اوي
ان حتي لبسك مامتك الي بتشتريهولك
وشوفي كده بالعقل تفاصيل حياتكم ايه وراجعي نفسك وحاولي مع نفسك تاوصلي لسبب المشكلة ايه وعلي فكرة العند مش بينفع في المشاكل الي زي دي كان ممكن سيبتي اللبس عند مامتك ولما يهدي تبقي تاخديه
المهم دلوقتي استعيني بالله وروقي كده والتمسي العذر دايما للناس وربنا يهديه يارب ويمكن هو مش عاوز يرجعك علشان محدش يقوله انت غلطان والكلام ده
ويارب العدولات يكون عندهم نصائح احسن مني
انا مع راى لولو
إظهار التوقيع
توقيع : سألت الله فأعطانى
#7

افتراضي رد: انا مخنووووووووووووق اوى من جووزى

حبيبتى انتى طبعا غلطتى
الراجل مش بيحب يحس بالنقص والعجز مع بيته حتى ولو هو ع قد الحال
لازم يحس انه كافى بيته وانه مش مقصر اصبرى حبيبتى معاه وان شاءالله بكره يتيسر الحال ويجبلك كل اللى نفسك فيه
ولازم تصلحيه وتراضيه وترجعى بيتك حتى ولو مش هو اللى جه يا اخدك
إظهار التوقيع
توقيع : ♥ احبك ربى ♥
#8

افتراضي رد: انا مخنووووووووووووق اوى من جووزى

انا من راى البنات انتى غلطانة حاولى تصلحى الغلط وتتصلى بيه وتعتذريله وربنا يصلح ما بينكم
إظهار التوقيع
توقيع : محبه لله
#9

افتراضي رد: انا مخنووووووووووووق اوى من جووزى

انا رديت على نفس موضوعك فى منتدى تانى وقلتلك ان اللى عملتيه غلط واكبر غلط طبعا
#10

افتراضي رد: انا مخنووووووووووووق اوى من جووزى

اناا مع لولو وريموو انتى غلطانه اكيييييييد

يا اما مكنتيش قولتى يا اما كنتى سمعتى كلامه
وبعدين انتى لازم تكونى اول واحده تخاف على شعوره وتعذره فى ازمته
إظهار التوقيع
توقيع : Frawla
#11

افتراضي رد: انا مخنووووووووووووق اوى من جووزى

طبعا انا مع البنات حبيبتى انتى غلطتى لمامش عملتى اللى قالك عليه من الاول المفروض تحترمى رايه هو مش عايز حد يصرف عليكى وخصوصا انه مش شغال يعنى حس بالتقصير معاكى ودى كبيره عنده اكيد مكنتيش تكبرى الموضوع اهو انتى دلوقت حبيبتى كسبتى الفستان وزعلتى جوزك
وده طبعا مش صح
ربنا يهدى الحال واتصلى بيه واعتذرى وان شاء الله حترجعى بيتك بالف سلامه
إظهار التوقيع
توقيع : هبه شلبي
#12

افتراضي رد: انا مخنووووووووووووق اوى من جووزى


المشاركة الأصلية كتبت بواسطة لولو حبيب روحي
بصي ياقمري انتي غلطتي في الاول هو قالك لا يبقي خلاص اعرفي ان عزة نفسه منعته والمفروض تفرحي بيه مش تعملي مشكلة
الحل دلوقتي انك تحاولي تكلميه بالتليفون لانه طبعا مش هاييجي خالص ياخدك ولا حاجة الا لو كلمتية وبصراحة انا شايفة ان فيه زعل او تاتش كده خلاه يخرج مع حكاية الفستان راجعي كده تعاملكم سوا هل عدم شغله دلوقتي انتي محسساه انه مقصر معاكي ولا هو فعلا مقصر وهو حاسس بده وده مضايقه وجت حكاية الفستان دي تحسسه انه مقصر اوي
ان حتي لبسك مامتك الي بتشتريهولك
وشوفي كده بالعقل تفاصيل حياتكم ايه وراجعي نفسك وحاولي مع نفسك تاوصلي لسبب المشكلة ايه وعلي فكرة العند مش بينفع في المشاكل الي زي دي كان ممكن سيبتي اللبس عند مامتك ولما يهدي تبقي تاخديه
المهم دلوقتي استعيني بالله وروقي كده والتمسي العذر دايما للناس وربنا يهديه يارب ويمكن هو مش عاوز يرجعك علشان محدش يقوله انت غلطان والكلام ده
ويارب العدولات يكون عندهم نصائح احسن مني
كلامك صح يالولو 100% ،راجعى نفسك ياحبيبتى وكلمى جوزك وحاولى تراضيه وربنا يهدى سرك يااااااااارب
إظهار التوقيع
توقيع : ابنى نور حياتى
#13

افتراضي رد: انا مخنووووووووووووق اوى من جووزى

أولا عنوان موضوعك المفروض تعكسيه .. زوجك اللي مخنوف منك مش انتي
طبعا انتي غلطانة ونص مش واقفة الدنيا على كم لبسة تدمري حياتك على خاطرها المفروض تفرحي انه زوجك عنده عزة نفس الطبع هذا انقرض للأسف ومدام زوجك ما يشتغل اتحملي ظروفه ووضعه ونفسيته واعيدي حسباتك وكلميه ولمي شملك وكوني أعقل من كذا وحياتكم مع بعض أغلى من اللي اشتريتيه.
الله يوفقك
#14

افتراضي رد: انا مخنووووووووووووق اوى من جووزى

حبيبتى انتى فعلا غلطتى لانك حسستيه بالعجز وانه مش قادر يصرف عليكى

المفروض كنتى سمعتى كلامه من الاول علشان مايزعلش منك

وشئ طبيعى انه ما يسالش عنك لحد دلوقتى لانك جرحتى كرامته والمفروض بقى انتى اللى تصالحيه علشان خاطر بنتكم

وربنا يصلحلكم الحال
إظهار التوقيع
توقيع : ست الحسن
#15

افتراضي رد: انا مخنووووووووووووق اوى من جووزى

حسسته بان عاجز مناجل فستان تخرب بيتك اطلبي من السماح مع شويت دلع وحتشوفى
#16

افتراضي رد: انا مخنووووووووووووق اوى من جووزى

من راى كنتى سبتى الفستان عند ماما وبعدين لما تروحى تاخديه بالسياسه وكلمتين حلوين ولما يلائيقلى زعلانه كان هيقولك جبيه والمشكله كانت خلصت
#17

افتراضي رد: انا مخنووووووووووووق اوى من جووزى

السلام عليكم ورحمة الهله

اختي الفاضلة سأرد على حسب فهمي للموضوع

هوما الازواج كلهم يشعرون بالنقص في حال تدخل اهل الزوج في امور بنتهم متل شراء لها اشياء سواء كان اكل او لبس او اثاث للبيت وهذا امر يضايق الرجل جدا مثلا حتى ولو كان هذا الزوج غير شغال فانه لا يحب ان تشتري لك امك اي شيئ من نقودها يعني هوما يفهموها تقليل او تصغير من شأنهم ... هو صحيح الامريعتبر عادي ان امك تشتري لك اغراض لكن الامر حساس ايضا بالنسبة لهم وكان المفروض لما قال لك لاتشتري لك ام اغراض لازم وقتها كنتي سمعتي كلامه حتى وان كنت في أمس الحاجة لتتك الاغراض الا اذا كان هذا الغرض دواء او اشياء لها علاقة بحياة او موت فهنا صح اصر ان اقبل لاي احد من اهلي شراء لي هذا الامر المهم ..لكن ملابس او اشياء اضافية بالامكان الاستغناء عنها وقتها كان المفروض ان لا تكون هي العائق بين وبين اي احد

هذا رأي اختي فان اصبت وكان رأي صائب فالحمد لله وان أخطأت ولم يعجبكم رأي فاسمحي لي واعتبري وقتها كلامي هذا مجرد همس بسيط لا يأثر


واتمنى ان تتصلح الامور بينكم وان شاء الله راح يرجعك لبيتك اعطيه فرصة ممكن هو متعصب شويا فقط .......
#18

افتراضي رد: انا مخنووووووووووووق اوى من جووزى

اللهم صلي وسلم علي سيدنا محمد .


قد تكوني مهتمة بالمواضيع التالية ايضاً
الموضوع كاتب الموضوع المنتدى
بتغيرى اوى على خطيبك لا وايه هو بيستفزك طيب ورايا انا ام جنى وبس ام جنى وبس فتيات تحت العشرين
خد بالك اوى شقاوة آنثى أقلام عدلات الذهبية
انا خايفه اوى sweet heart2 فضفضة وحل المشاكل
ملابس اطفال من Chloe - ازياء اطفال طعمين اوى حسناء ازياء وملابس الاطفال
صنع دمية من جوارب البنوتات Princess mourning اعمال يدويه لتزيين المنزل


الساعة الآن 04:41 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل