تعالى اتعلمى ازاى تنتظمى فى الصلاه

1- الدعاء لازم تدعي ربنا إنه يعينك على الصلاة في وقتها وإنه يتقبل منك ويجعلك من الصالحات

2- تحسي من جواكي إن الأذان ده نداء من ربنا ليكي
لما والدك بينادي عليكي بتعملي ايه ؟
بتقولي هاخلص اللي بعمله وبعدين اشوفه عايز ايه ولا بتسيبي اللي في ايدك وجري تشوفيه عايز ايه ؟
طيب لما ربنا بينادي عليكي ويقولك حي على الصلاة ؟ مين اجابة نداؤه اولى ؟
عايزاكي تتخيلي الأذان نداء ليكي علشان تقومي تصلي

3- أول ما تسمعي الأذان فورا تسيبي اللي في ايدك وتقومي تصلي

4- ممكن تتفقي مع والدتك او حد من اخواتك انكم تصلوا جماعة وميصلوش من غيرك

5- ممكن تعلقي في غرفتك ورقة فيها عبارات تذكرك بالصلاة او ايات واحاديث فيها عقوبة تارك الصلاة بحيث اول ما تشوفيها تفتكري وتقومي على طول .





6- كمان اقري عن عذاب القبر وعذاب النار ودايما تفكري فيهم ولما الشيطان يجي يكسلك افتريهم على طول وقومي

7- ممكن كمان تتفقي مع واحده صاحبتك محافظة على الصلاة ترن عليكي او تنبهك باي طريقة وقت الصلاة

8- ممكن تعملي عقوبة صعبة على نفسك كل ما تسيبي فرض

9- ممكن تعملوا جروب خاص بالمحافظة على الصلاة وكل يوم تدخلوا تقولوا مين صلى كل الصلوات وتعملوا ليه جايزة يومية واللي مش هتصلي فرض يكون ليها عقوبة ربنا يبارك فيكم وينبتكم نباتا حسنا ويعينكم على طاعته