ارجوكم ساعدونى

السلام عليكم ياهدوء الربيع متتخنقيش وتزعلى اهدى كده وصلى على سيدنا محمد عليه افضل الصلاه والسلام
عشان انتى عايزه الهدوء وتفكرى بعقل واعى ومركز جدا لان القرار اللى انتى هاتخديه مهم جدا جدا وقرار مصيرى
بصى حبيبتى تعالى بالراحه كده نفكر مع بعض بس خدى بالك فى حاجه مهمة لازم تاخدى بالك منها ان لنفسك عليكى حق
على فكرة انا مش بامرك لا سمح الله بحاجه وحشه احنا اخوات وانا واجبى اقف جمبك والفت نظرك لشئ انتى مش واخده بالك منه
او حاجه غايبه عنك بس حطى فى دماغك انك وحدك صاحبة القرار والراى الاول والاخير لانك انتى صاحبة المشكلة فخدى الاراء اللى
هنا ودوريها فى دماغك وشوفى ايه اللى ينفع معاكى واعمليه لانك انتى اكتر واحده ادرى بنفسك وبظروفك
معلش رغيت كتير بس كان لازم اوضح ليكى وجهة نظرى لا تفهمى كلامي غلط
المهم بصى ياستى هوه جوزك ماشى مقلناش حاجه بس انتى فكرى فى نفسك اه صحيح انتى مش كاتبه ان عندك اولاد ولا لاء
ما علينا مش هيفرك وجودهم كتير لانك فى كلا الحالتين انتى المسؤلة عن البيت وانتى الراجل والست من حيث الدور والرعايه
لان الزوج مقعد ربنا يشفيه يارب عشان نفسه لان المض ده صعب قوى واللهى وكتر خيره انا كنت هاقولك اتحمليه يمكن هوه عصبي
عشان مرضه لكن انتى بتقولى ان ده طبعه من الاول وكمان زاد وحكاية الطلاق الكتير دى مشكله لوحدها
ورعايه الست لزوجها المريض لها عظيم الاجر والثواب دنيا واخره بس مع مراعاه ان يكون فى حب بينكم وتفاهم وعشره طيبة
تخليكى ما تتخليش عنه ويكون مقدر واقفتك جمبه ومراعيكى حتى بالاحساس والكلمة الحلوة وده يشجعك اكتر
انتى ست نفسك ليها عليكى حق ومن حقك انك لو هتتعبى معاه انك تشوفي حياتك مع حد تانى عارفه ليه عشان تحافظى على
نفسك من الفتنه وتعفى نفسك وماتكونيش سامحينى انا اسفه فى اللفظ مطمع لضعاف النفاس ومحدش بيسيب حد فى حاله
والنفس امارة بالسوء واحنا بشر ومحدش معصوم من الخطا بالذات لو واحده فى ظروفك ممكن الناس الوحشة تستغل سوالك
اة انك عايزه حد يجبلك طلباتك ابسط حاجه السباك الكهربائى بتاع الانابيب انا مش بقول كل الناس وحشه لا قدر الله
بس الفساد والعرى بقي منتشر قوى واسفه ممكن يطمع فيكى الذى فى قلبه مرض وهوه عارف ان مفيش حد يدافع عنك
او يظن فيكى بعد الشر ظن السوء اسفه يمكن كلامى جارح بس دى الحقيقة وانتى اكيد بتسمعى وبتشوفى التليفزيون والجرايد
وعموما انتى لو محتارة ومعرفتيش توصلى لقرار عليكى بصلاه الاستخاره وحطى امرك بين ايدين ربنا وهوة هيعملك
الصالح حتى لو رجعتى لجوزك دا لحكمة ربنا برضه ولو تعبتى معاه يبقى ده قدرك ونصيبك واصبرى واحتسبى لوجه
الله وربنا واللهى مش هايسبك مدام استخرتيه وتوكلتى عليه وثقى تماما انه هايعملك اللى فيه مصلحتك حتى لو تعبتى
دلوقتى يبقى ان شاء الخير كله جايلك قدام بس اصبرى
ولو كلامى عجبك ابقى اسالى الشيخ واستفسرى اكتر
يارب يارب يارب اكون قدرت افيدك ولو جزء صغير
امانة عليكى لا تياسى من رحمه ربنا وخلى عشمك فيه وتوكلك عليه
يلا ابتسمى ليا ابتسامة نونو خالص انا ها شوفها من عندى هنا
يلا سلام واسيبك فى حفظ الرحمن

كل ما هو فى استطاعتى اننى ادعو لكى ان ربنا يهدى لكى الأحوال

لا حول ولا قوة الا بالله لازم هو ير وح معاكي دار الافتاء والشيخ يسأله بنفسه هل كانت في نيته الطلاق
وانتي لوحدك تعرفي هاتقدري تكملي معاه ولا لا لان كل واحدة ليها ظروفها ومحدش هايحس بالوجع غيرك لكن لو تقدري تستقلي بحياتك ولو ليكي دخل خلاص اشتري عمرك وحياتك وعيشي بعيد عن النكد ده وربنا يعوضك خير في ولادك لو عندك ولاد او تعيشي حياتك من جديد مع انسان جديد لان الي فيه طبع مش بيبطله ربنا يهديهولك يارب ويصبرك قلبي معاكي

كل الي اقدر اقولهولك ربنا يصلحلك الاحوال ويهديلك العاصي
اما الامر االاخر بأيد دار الافتاء لانه امر خطير لايصح الافتاء فيه الا من ذوي الخبرة
وربنا يجعل صبرك في ميزان حسانتك