أو

الدخول بواسطة حسابك بمواقع التواصل

#1

افتراضي ممكن تساعدونى ضرورى(ضرب الزوج)

[font=""][color=""][size=""]انا عندى 24 سنة ومتجوزة من 3 سنين وعندى طفل بس كل مشكلتى ان زوجى اى مشكلة تحصل بيضربنى ضرب غير طبيعى والكلام دة يمكن من بعد فرحنا بااسبوعين وكان علطول يضربنى وانا حامل ومرة جابلى نزيف فى عينى ومرة كسر سنانى دة غير العلامات اللى فى جسمى وكل مرة يجى يصالحنى وانا تعبت بس مستحملة علشان ابنى بس مش قادرة اكتر من كدة ارجوكم قولولى اعمل اية[/size][/color][/font]


#2

افتراضي رد: ممكن تساعدونى ضرورى

لا اله الا الله

اسمعى حبيبتى

انا مش عاوزه اعمل لك مشاكل وكفايه عليكى اللى انتى فيه

بس حقول لك قصه وحده قرايبى

جوزها على طول يضربها وعصبى جدا معاها

وزى ماقلتى ضرب على العين والجسم كله وهى حامل زيك بالزبط

الاول استحملت بس لما جابت البنت بقى استقوت

اخر مره ضربها اخدت نفسها وراحت على قسم البوليس وعملت له محضر

ومن يوميها اخدوا عليه تعهد مايلمسها خالص والا الحبس

ومن يوميها ما رفع ايده عليهاابداا

حبيبتى اناعارفه انك ممكن تكونى شاريه العشره بيناتكم

بس والله الرجاله دول ملهمش امان والزم ماعليكى صحتك ونفسك

لو مش عشانك عشان الصغير ابنك

دنتى ممكن تطبى ساكته من سبب ضربه

صح ولا لا؟؟

الضرب شئ مريع ومش حضارى ابدا

ربنا يعينك
إظهار التوقيع
توقيع : ريموووو
#3

افتراضي رد: ممكن تساعدونى ضرورى(ضرب الزوج)

لا يبنتى المفروض ميضربكيش مقولتيش ليه لحد من اهلك او اهله يوقفه عند حده
#4

افتراضي رد: ممكن تساعدونى ضرورى(ضرب الزوج)

بقولك ايه ياحبيبتي انا مش هلف وادور عليكي الراجل ده مينفعكيش يااما تعملي قعده للعيله معاه يتعهد فيها انه ما يمدش ايده عليكي تاني ياما انفصلي عنه صدقيني سعات البتر بيكون احسن من الموت احسن ما يعطيكي خبطه تموتى فيها واللي يعيش يتيم ابنك المسكين انا عارفه ان خراب البيوت مش بالساهل بس كده انتى هضيعي عمرك على الفاضي مع واحد همجي ودلوقت انتى معاكي طفل واحد وعلى فكره شقة الزوجيه من حقق تعيشي فيها طلما ابنك لسه معداش 13 سنه روحي لاي محامى يعملك قرار من النيابه بتمكينك من الشقه ده في حالة الانفصال واحسن تربي ابنك بدل ما يكبر ويطلع معقد من منظر ابوه وهو بيضربك حتى لو انضرتي تشتغلي وتربيه ربنا هيرزقك برزقه رغم انك برضوا ممكن تغدي نفقة ابنك من حبابى عينه خليكي ست قويه ومتسبيش نفسك لشخص زى ده يبهدلك والله المستعان سمحيني لو ضيقتك بس مش عايزه اضحك عليكي واقولك استحملى على اللى انتى بتحكيه ده صعب تحمله وربنا معاكي
#5

افتراضي رد: ممكن تساعدونى ضرورى(ضرب الزوج)

يا حببتى مفيش حاجه اسمها كده انتى من حقك يبقى ليكى كرامه لان ابنك الى بيشوف امه وهى بتضرب ده اكيد مش حاجه صحيه ليه لازم تخدى موقف حازم جدااا معاه
وتخذريه انه لو ضربك تانى هدخلى اهلك فى الموضوع
وفعلا لو كررها دخلى اهلك وخليهم يخدو منه موقف قوى كمان
ده ربنا ميرضاش بكده ابد ربنا قال بالمعروف
وعلى فكره الراجل الشرقى مش بيحب الست الضعيفه بالعكس الراجل بيحب الست الذكيه والقويه والى ليها شخصيه
اجمدى كده وخليكى قويه وبلاش الضعف ده
ربنا يصلحلك حالك يارب ويهديهولك
إظهار التوقيع
توقيع : امة الله
#6

افتراضي رد: ممكن تساعدونى ضرورى(ضرب الزوج)


المشاركة الأصلية كتبت بواسطة مرمورة
بقولك ايه ياحبيبتي انا مش هلف وادور عليكي الراجل ده مينفعكيش يااما تعملي قعده للعيله معاه يتعهد فيها انه ما يمدش ايده عليكي تاني ياما انفصلي عنه صدقيني سعات البتر بيكون احسن من الموت احسن ما يعطيكي خبطه تموتى فيها واللي يعيش يتيم ابنك المسكين انا عارفه ان خراب البيوت مش بالساهل بس كده انتى هضيعي عمرك على الفاضي مع واحد همجي ودلوقت انتى معاكي طفل واحد وعلى فكره شقة الزوجيه من حقق تعيشي فيها طلما ابنك لسه معداش 13 سنه روحي لاي محامى يعملك قرار من النيابه بتمكينك من الشقه ده في حالة الانفصال واحسن تربي ابنك بدل ما يكبر ويطلع معقد من منظر ابوه وهو بيضربك حتى لو انضرتي تشتغلي وتربيه ربنا هيرزقك برزقه رغم انك برضوا ممكن تغدي نفقة ابنك من حبابى عينه خليكي ست قويه ومتسبيش نفسك لشخص زى ده يبهدلك والله المستعان سمحيني لو ضيقتك بس مش عايزه اضحك عليكي واقولك استحملى على اللى انتى بتحكيه ده صعب تحمله وربنا معاكي
لا يا قمر متوصلش اننا نستخدم اسهل الحلول وهو الطلاق كده على طول ده بيت وكيان واسره ازاى يتهدو بسهوله كده
انا راى انها تدخل اهلها ومفيش مانع انها تسيب البيت فتره
ولما ترجع ترجع بشروطها وانها تعمل لنفسها شخصيه معاه
لكن الطلاق ده مش سهل
ياريت تتقبلى كلامى
إظهار التوقيع
توقيع : امة الله
#7

افتراضي رد: ممكن تساعدونى ضرورى(ضرب الزوج)

عندك حق امه الله خراب البيت مش بالساهل هي تحط حد للموضوع وتشتكي لاهلها ومتديهوش فرصه يهنها كده وربنا ييسرلها الخير ويهديه ان شاء الله
إظهار التوقيع
توقيع : نوارا
#8

افتراضي رد: ممكن تساعدونى ضرورى(ضرب الزوج)

لو ضربك تانى سيبى البيت وروحى بيت اهلك ولازم تعرفيهم انة بيضربك وخدى ابنك او بنتك معاكى واعملوا قاعدة عيلة وخليهم يشرطوا علية انه لو ضربك تانى هيبقى فيها كلام تانى ويخفوة
#9

افتراضي رد: ممكن تساعدونى ضرورى(ضرب الزوج)

مش غارفه اقولك ايه
ربنا يهدهولك علشان خاطر ابنك
إظهار التوقيع
توقيع : لميا 25
#10

افتراضي رد: ممكن تساعدونى ضرورى(ضرب الزوج)

حبيبتي امة الله انا طبعا متقبله كلامك لكن لو بصتي انا قولتلها في الاول اعملي قاعده للعيله يتعهد فيها بعدم ضربك ولو منفعش متستناش بقى لما يموتها في ايده حرام بتقول مره نزيف في عينها ومره كسر في سننها مش فاكره خالد سعيد مات من ايه من الضرب والممثله المغموره جيلانه مهي برضوا ماتت في عز شببها بسبب علقه من جوزها علشان كده انا نصحتي ليها الأنفصال لو فضل على كده لكن لو ربنا صلح حاله وبطل يمد ايده عليها بالطريقه دي تستحمل وتعيش علشان ابنها حتى لو في اهانه بس متوصلش للموت او العجز برضوا تستحمل بس انا عايزة انصحك نصيحه امة الله انك تقوي شويه قدمه ووقفيله الرجاله اللي في اهلك في رجاله نوعيتهم كده يخافوا مايختشوش وربنا معاكي
#11

افتراضي رد: ممكن تساعدونى ضرورى(ضرب الزوج)

هو عاوز وقفه من اهلها ولو له حد كبير تستنجد بيه بس فعلا لو استمر على ضربها مينفعش تعيش معاه خصوصا لو الابناء موجودين وكبروا حيهينها كتير قدامهم ويقلل من قيمتها بس ده لو استمر

ربنا يهديلك الحال
#12

افتراضي رد: ممكن تساعدونى ضرورى(ضرب الزوج)

طب يابنات ليا رجاء عندكم ان كل واحده تدخل وتقرا الموضوع تفتكر تدعيلها دعوة وهي ساجده في الصلاة ادعولها ربنا يهديه لها ويبطل الضرب ده وربنا يهيئ لها الخير ويصلح لها الحال ويهدي لها العاصي وكل اللى يجي ببالكم لأن الملائكه هتقولكم ولكي مثلها واحنا في ايام مفترجه رحمة ربنا حولنا في كل مكان ان شاء الله دعائنا يستجاب ليها ولينا كمان يصلح احولنا جميعا يارب العالمين
#13

افتراضي رد: ممكن تساعدونى ضرورى(ضرب الزوج)


المشاركة الأصلية كتبت بواسطة مرمورة
طب يابنات ليا رجاء عندكم ان كل واحده تدخل وتقرا الموضوع تفتكر تدعيلها دعوة وهي ساجده في الصلاة ادعولها ربنا يهديه لها ويبطل الضرب ده وربنا يهيئ لها الخير ويصلح لها الحال ويهدي لها العاصي وكل اللى يجي ببالكم لأن الملائكه هتقولكم ولكي مثلها واحنا في ايام مفترجه رحمة ربنا حولنا في كل مكان ان شاء الله دعائنا يستجاب ليها ولينا كمان يصلح احولنا جميعا يارب العالمين
والله انتى قمره ربنا يكرمك يااااارب
وربنا يصلحلها حلها ويهديهولها ياااااارب
إظهار التوقيع
توقيع : امة الله
#14

افتراضي رد: ممكن تساعدونى ضرورى(ضرب الزوج)

يابنات ربنا يهدى النفوس وياحبيبة قلبى صاحبة المشكله

بصى انا هقوللك اللى المفروض يتعمل لان انا جربت العيشه الصعبه

هى صحيح مكنش فيها ضرب ولااهانه ولامدة ايد لكن كانت اصعب وجحيم
اعملوله قعده واهلك يلزموه بحسن المعاشره والحياه واحترامك فى بيته كإنسانه
إما كدا والا ملهاش الا الطلاق واعذرينى انا عشت واتجوزت واتطلقت صغيره جدا
ولوبصيتى ف ملفى انا عندى 18سنه ودى حقيقه وعندى بنت كمان عندها سنتين و3شهور
يعنى انا اتجوزت على 16واسبوعين بس ربنا مأذنش بالعييشه وهو كمان مقدرش بنت الناس
اللى اخدها امانه من بيت اهلها وربنا كرمه بيها

حبيبتى اعذرينى ومتزعليش من كلامى

وكلمه اخيره
يااما تعيشى بكرامه يااما تنفصلى عشان تحفظى الكرامه دى
لانك لو ابنك كبر وشاف الوضع دا قدامه هيستقوى عليكى اذا
ربنا موضعش فقلبه الرحمه شوفى حل فاصل يالطلاق ياتاخدو عليه
مواثيق وشروط ميخلش بيها


وربنا يقدملك اللى فيه الخير
#15

افتراضي رد: ممكن تساعدونى ضرورى(ضرب الزوج)

معقولة يابنتى اهلك معرفوش لغاية دلوقتى لية مبترحيش ولا بيصبروكى على الازى علشان مترجعيش بعيل لازم يتصرفو دانت ضناهم

امانا لو فى موقفك ومتقوليش جمدة لان دة بيجيب نتيجة مع الناس وحصلت قدامى

اغضبى بس لوحدك لو فطمة ابنك محدش حيطيق جوزك من اهلة وهيرجعوكى بشروطك

دة لويهمة ابنة لو غير كدة اصبرى واحتسبى
#16

افتراضي رد: ممكن تساعدونى ضرورى(ضرب الزوج)

حبيبتى واختى انتى خايفه على بيتك من الخراب بس اللى انتى متعرفيهوش ان الخراب اصلا حصل يوم ما مد ايده عليكى وانتى رضيتى بالذل عشان ابنك طب لو كان ابنك ده كبير وشاب مثلا وشافك بتنضربى كده تفتكرى هيسكت راجعى نفسك كرامتك وكبريائك قبل كل شئ وياجماعه متقولوش ان خراب البيت مش سهل لا والف لا بيبقى سهل جدا فى الحالات دى صدقونى عشان ده انسان ميستاهلش نعمة ربنا ادهالو الا وهى مراته وابنه لانه بيضربها من وهى حامل يعنى لا باقى عليها ولا على ابنه يبقى ميستاهلش حتى انها تفكر فيه سامحونى ده رأى مش هغيره وبحبكم كلكم
#17

افتراضي رد: ممكن تساعدونى ضرورى(ضرب الزوج)

ايوة حبيبتى الضرب دة شئ مش حضارى خالص وبعدين الراجل الضعيف بس هو اللى ميقدرش يعمل حاجة غير انة يضرب اوعى تسمحيلة يعمل كدة تانى ومتسكتيش وقفية عند حدة جيبلة حد يكون بيخاف منة او بيعملة احترام فى الغيلة ولازم يتكلم معاة
إظهار التوقيع
توقيع : نونا الشعنونة
#18

افتراضي رد: ممكن تساعدونى ضرورى(ضرب الزوج)

ربنا يصلح حاله ويهديه يارب بس انتى يا حبيبتى لازم تعملى لنفسك وضع معاه لو ضربك تانى روحى بيت اهلك ومتروحيش لو جه ياخدك لوحده لاء هاتى حد من اهله علشان يبقى شاهد وربنا يهديه عليكى يارب
#19

افتراضي رد: ممكن تساعدونى ضرورى(ضرب الزوج)

لا حول ولا قوة الا بالله
انا شايفة ان كلام الاخوات صح يعنى لازم تحطى حد لكده وتبقى قوية وحاولى طيب ماترديش عليه خالص وخليكى باردة وهو متعصب ساعات بتجيب فايدة ربنا يهديه
#20

ترحيب رد: ممكن تساعدونى ضرورى(ضرب الزوج)

انا مش عرفة اقالك اية انابس عيزة اعرفك ان مهما عملتى الراجل مش بيتغير طبعة بس لازم تاخدى وقفة انت واهلك وتبعدى عنة شوية عشان يحس الفرق بين وجودك انت وابنة ادامة وبين بعدكم عنة وادعيلة وانت بتصلى ديمن ربنا يهدى
إظهار التوقيع
توقيع : رانيا الجندى
#21

افتراضي رد: ممكن تساعدونى ضرورى(ضرب الزوج)

ربنا يهديه ويهديكى ويصلح احولكو واحوال المسلمين
إظهار التوقيع
توقيع : نجمة منورة
#22

افتراضي رد: ممكن تساعدونى ضرورى(ضرب الزوج)

ربنا يهديلك الحال اختى مفيش عندى جديد اقوله ياحبيبتى اخواتى قالوا الصح
ربنا معاكى
#23

افتراضي رد: ممكن تساعدونى ضرورى(ضرب الزوج)

ربنا يهديه بس انتى غلطى فى الاول بسكوتك من اول مره على ضربه ليكى وعموما انا هقولك على حاجه عملتها صحبتى الانتيم فى جوزها بسبب ضربه ليها وهى خلته وهو بيضربها وفى عز غضبه قامت حدفته بالفازه فى دماغه وبالتانيه فى ايده ففتحتله دماغه وكسرت ايده ومن ساعتها عرف انها مجنونه ممكن تشوهه فخاف ومبقاش يضربها تانى حاولى تعملى كده الموضوع جاب نتيجه هايله وربنا يهديه ياما يهده
#24

افتراضي رد: ممكن تساعدونى ضرورى(ضرب الزوج)

انا مع مشرفة العنايه والجمال في كلامها لان ماكو غير هذا الحل

والله يهدي زوجك ويصلح امره

#25

افتراضي رد: ممكن تساعدونى ضرورى(ضرب الزوج)

rba esbrek bas lazm w2fa kberaaaaaa mn ahlek anty bnt nas
#26

افتراضي رد: ممكن تساعدونى ضرورى(ضرب الزوج)

انا راى من راى امة الله

وربنا يهدى
إظهار التوقيع
توقيع : ام روان وعمر


قد تكوني مهتمة بالمواضيع التالية ايضاً
الموضوع كاتب الموضوع المنتدى
انا عندى مشكله وبتمنى انكم تساعدونى Ana Abeer فضفضة وحل المشاكل
ممكن تساعدونى ببرنامج الفوتو شوب او فلتر مورا موكا الطيبة طلبات التصاميم
عايزه اكمل تعليمى ممكن تساعدونى حبى الوحيد فضفضة وحل المشاكل
ممكن تساعدونى ضرورى nicegirl فضفضة وحل المشاكل
انا فى ورطة ومحتاجكم ممكن تساعدونى انش انوش فضفضة وحل المشاكل


الساعة الآن 04:48 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل