كيفية العناية بالرقبة من الالف للياء لتكون لديكى رقبة جذابة وفاتحة

الموضوع منقوووووووول

انا انهردة حتكلم عن حاجة مهمة ويجب الاهتمام بها مثلها
مثل باقى اجزاء الجسم وعدم اهمالها ابدااا

حنتعلم ازاى نهتم بها وعمل الماسكات المخصصة لها
لكن الاول لازم نعرف شوية حاجات بدائية لو عملتيها
من ضمن اساليب العناية بنفسك ستتمتعين برقبة
جذابة وخالية من الغمقان
الحاجات دى هى


1- يجب عند عمل اى سكرب للجسم اى سنفرة تأخذى معك رقبتك
لانها من ضمن الاجزاء التى بتتكون عليها جلد ميت فيجب ازالة الجلد الميت اول باول مثل باقى اجزاء الجسم لان تراكم الجلد الميت من
اسباب اسمرار الرقبة
وللاسف فى بنات بتعانى من اسمرار الرقبة

2- عند عمل اى ماسك لبشرة الوجه وخاصة ماسكات التفتيح
يجب تضعى الماسك ع بشرة الوجه والرقبة
لان الرقبة امتداد لبشرة الوجه وليكون لديكى لون بشرة موحدة
بين بشرة وجهك ورقبتك

3- يجب عمل مساج للرقبة بحنيه وبرفق لان جلدها رقيق
طريقة المساج
باطراف بطن اصابعك ومن تحت لفوق اى
تبدئى من نحية زورك وتطلعى فى اتجاه الذقن لمدة دقيقة

4- عند استخدام الفاوندشن ( كريم الاساس)
يجب وضعه عبشرة الوجه والرقبة عشان مش يكون لديكى اختلاف بين بشرة وجهك ورقبتك

5- عمل تمارين بسيطة للرقبة

6- يجب غسل الرقبة جيدا مع غسل الوجه يوميا اولا ما تقومى من النوم
7- يجب دهن الرقبة باى لوشن لتقومى بترطيبها وتنعيمها

للاسف فى بنات تعانى من رقبة فيها غمقان

وفى بنات تعانى من تجاعيد وترهل فى الرقبة
وخاصة الترهل لان فى بنات بتبقى طخينة ولما تخس بيحصل ليها ترهل فى منطقة الرقبة احيانا
تعالوا يلا دلوقتى نبتدى بوصفات للعناية بالرقبة لتكون
لديكى رقبة جذابة وفاتحة اللون ومشدودة

بســــم الله والصلاة والسلام على اشرف خلق الله
سيدنا محمد المختار صلى الله عليه وسلم

وصفات العنــايـــة بالرقبة

مــــاسكات لتفتيح ونعومة الرقبة

الماسك الاول
(ملعقة عسل+ نصف ليمونة +
3 ملاعق نشا او ارز مطحون او دقيق + نص ملعقة جلسرين)
توضع عالرقبة لمدة ربع ساعة ويتم التدليك وتشطف بالماء البارد
مرتين فالاسبوع
فوائد المكونات
العسل تغذية البشرة
الليمون التفتيح
الارز المطحون او النشا او الدقيق للتفتيح
الجلسرين للنعومة

الماسك الثانى

(ملعقة جلسرين + ملعقة ليمون + ملعقة كبيرة
زيت عطرى زيت ياسمين )

يخلط الخليط جيدا ويوضع عالرقبة لمدة ربع ساعة ثم يشطف بالماء البارد مرتين بالاسبوع
فوائد المكونات
الجلسرين للتنعيم
الليمون للتفتيح
زيت الياسمين لريحة حلوة وتنعيم

الماسك الثالث
مكوناته
(ارز مطحون + نشا+ دقيق+ زيت ورد+ زيت لوز مر+ زيت لوز حلو+
جلسرين+ ليمون + كبسولة فيتامين e)
الطريقة التحضير
تضعى بنسب متساوية
(ارز مطحون+ نشا + دقيق )
تضعيهم فى علبة وتتركيهم لحين الاستعمال حيبقوا عاملين زى البودرة خليهم عندك لحين الاستخدام
طريقة الاستخدام
تأخذى فى طبق
نسب متساوية من الارز المطحون والنشا و الدقيق
ثم تضعى عليهم الاتى
ملعقة مسطحة من (جلسرين و اليمون و زيت الوز الحلو والمر و كبسولة فيتامين e)+
ملعقة كبيرة زيت ورد

فوائد المكونات
الجلسرين التنعيم
الارز المطحون والنشا والدقيق و الليمون للتفتيح
زيت الورد ريحة حلوة وتفتيح
زيت اللوز المر والحلو للترطيب والتفتيح
كبسولة فيتامين e للتفتيح

الماسك الرابع
غسول يومى لتفتيح الرقبة

مكوناته
(البابونج + عسل + زيت ورد+
ماء ورد او ماء عادى المتاح لديكى )

طريقة التحضير
تضعى عالنار كوب الا ربع ماء ورد او ماء عادى ولما يسخن شوية
تضعى فوقة ملعقة كبيرة من البابونج ويغلى كويس جدا
لما يغلى تقومى بتصفيته فى ا ى وعاء لديكى
بعد ما تصفيه حيطلع ليكى لوسيون البابونج
تضعى فوقة نصف ملعقة عسل+ ملعقة مسطحة زيت ورد
وتقلبيه جيدا ويوضع فى زجاجة وفالثلاجة
ويستخدم كغسول يومى للرقبة
فوائد المكونات
البابونج للتفتيح
زيت الورد ريحة حلوة و تفتيح
ماء الورد لانتعاش البشرة ونضارتها
العسل للتغذية


ماسكات لشد وتفتيح وترطيب الرقبة

الماسك الاول
(بياض بيضة+ ليمونة + ملعقة زبادى او لبن )
يخلط الخليط جيدا ويوضع عالرقبة لمدة تلت ساعة
مرتيت بالاسبوع ويشطف بالماء البارد

فوائد الماسك
بياض البيض للشد
الليمون للتفتيح
اللبن اوالزبادى ( الياغورت ) باللهجة الجزائرية
او الروب باللهجة اللبنانية
للترطيب والتغذية

الماسك الثانى
(بياض بيضة+ ملعقة عسل ابيض + ليمونة )
يخلط الخليط جيدات ويوضع عالرقبة لتلت ساعة ويشطف مرتين بالاسبوع
فوائد المكونات
بياض البيض للشد
العسل للتغذية




الليمونة للتفتيح

الماسك الثالث
( بياض بيضة + ملعقة عسل+ ليمونة +
8 ملاعق زيت زيتون) يخلط الخليط جيدا ويوضع فى علبة زجاج وفالثلاجة وبعد مرور يوم كامل على وضعه فالثلاجة تبتدئى تستخدميه يستخدم يوميا تضعيه عالرقبة لمدة نصف ساعة
ثم تشطفى الرقبة كويس جدا بأى شاور جيل لازالة رائحة زيت الزيتون
فوائد المكونات
بياض البيض للشد
العسل للتغذية
الليمون للتفتيح
زيت الزيتون للترطيب اى مش يجعل الجلد جاف

ماسك لتغذية الرقبة

مكوناته
(قطعه صغيرة من شمع العسل + ملعقة صغيرة عسل+ ربع ملعقة زيت ورد )
الطريقة
تقومى بتسيح شمع العسل عالنار هادئة
ولما يسيح تشليه من عالنار وتضعى العسل وزيت الورد
وتقلبيه جيدا وفى علبة صغيرة وفالثلاجة ويستخدم
ممكن يوميا او يوم ويوم او 3 مرات بلاسبوع يوضع عالرقبة لمدة ساعة ويشطف بعدها جيدا
فوائد المكونات
شمع العسل والعسل للتغذية
زيت الورد ريحة حلوة وتفتيح

كريم من صنع يديكى
لمنع تجاعيد الرقبة
ورجوع شبابها مرة اخرى

المكونات
(2 ملعقة كبيرة عسل ابيض +2 ملعقة صغيرة زيت زيتون
2 ملعقةصغيرة زيت سمسم )
الطريقة
يخلط الخليط جيدا ويوضع فالثلاجة بعد ما يوضع فالثلاجة لعدة ساعات
حتلاقى الخليط بقى فى ملمس كريمى مثل الكريم
تضعى عالرقبة لمدة نصف ساعه ويستخدم 3 مرات بالاسبوع
فوائد المكونات
العسل للتغذية
زيت الزيتون للترطيب
زيت السمسم يحتوى على مضادات للاكسدة قوية
تعمل على حماية الجلد من التجاعيد

عند حدوث ترهل للرقبة او اى جزء فجسمك
عليكى استخدام الاتى

وصفة شد اى جزء بالجسم
تضعى فى زجاجة رشاش كوب ماء ورد+ نص كوب خل تفاح وترجيهم كويس
طريقة الاستخدام:
بعد الشاور ترشى جسمك كله وجسم مندى بالمية وتدعكى جسمك باللوسيون شد الجسم ده بعد ما رشيتى عليه عشان البشرة جسمك تتشربة وتلبسى هدومك عادى وبعد ساعتين تدخلى تغسلى او تشطفى جسمك
مدة الاستخدام : تستخدميها ل 3 شهور مش اقل ممكن يوميا وممكن يوم ويوم وممكن 3 مرات بالاسبووع بس يفضل يوميا


وتمتعى معى برقبة جذابة وفاتحة اللون
وقولى من انهردة وداااعااااااااا لغمقان الرقبة
ولو رقبتك غامقة متزعليش تعالى فتحيها معايا واعتنى بها