ممكن تقولولى دى من ايه

يارب يشفيكي وتطمنى وحد يفيدك وان شاء الله خير انا بتحصلي حاجات اشد من كدة بس مش عايزة اوهمك طب انتى لما بتيجي تصحي بتكونى بتحلمي بكابوس مثلا وانك بتقعي من مكان عالي ولحكة اصطدامك بالارض بتصحي ؟ رقم 2 انتى حالتك النفسية ايه في موضوع شاغلك خايفة من حاجه او علي حد عزيز عليكي شوفتي حاجة خوفتك فيلم رعب او حادثة قدامك رقم 3 لما بتفوقي بتحسي ان جسمك فيه تنميلة خصوصا الاطراف ايديكى ورجليكى حاسة ان في حجر كاتم علي صدرك ومش قادرة تاخدى نفسك زى ما قولتلك في اول كلامى انا عايزة اوهمك ان شاء خير ومفيش عندك حاجة لو تردى علي اسئلتي ماشي ارتحتي واطمنتي خلاص المهم تكونى كويسة

انا نفسيتى تعبانه الايام دى بسبب موضوع شاغل بالى وكمان انا بقرا قراءن الحمد لله وسورة البقرة وايه الكرسي قبل النوم بس معرفش ليه بيحصلي كدا من ايه

مش عارفه يا قمر اول مرة اسمع عن حاجه زى كدا

ياستي الحمد لله انتى زى الفل معندكيش اى حاجة انا متوقعة ان في موضوع شاغلك وان نفسيتك مش كويسة كل اللى بتحسي بيه ده نفسي بحت ومن الزعل ومن ان عقلك الواعى مشغول علي طول وبتفكري وانتى صاحية لما بتنامي بقي عقلك الباطن بيشتغل وبيعد كل اللى كنتي بتفكري فيه وانتى واعيه من غير ما تحسي يعنى ده من عقلك الباطن لانه بيخزن كل حاجه زى الفيديو انا كلامى ده كلام الدكاترة الكتير بتوع المخ والاعصاب اللي بروح لهم وكمان انا بقرا في علم النفس والدكتور ابراهيم الفقي رحمه اللهوليه كتاب حلو خالص اسمه قوة العقل الباطن هتذهلي لما تقريه وتعرفي انه ليه كل القدرة دى انا لكيت كتير اتمنى اكون افدتك
حاولى لما تيجى تنامى بعد اية الكرسي واذكار النوم ولو عندك الورد بتاع الايام تقري ورد كل يوم سورة يس حلوة وسورة يوسف والملك والواقعة والزلزلة والصافات هية طويلة بس ممكن اول 10 ايات دول حلوين يبعدوا عنك الشيطان والجان
استغفار 10مرات+صلاة علي النبي (ص)+سبحان الله والحمد لله والله اكبر ولاحول ولا قوة الا بالله 10مرات العدد قليل للتخفيف احسن من الكتير وتقوليهم يوم ايوة ويوم ﻻء

اهم شئ المداومة وحطى جدول عبادة ثابت قبل النوم حتي ابدائي ب3حاجات وبعد كدة زودى ولو قدرتى على وضوء وتنامى بيه وفي كمان اوائل سورة الحديد واواخر الحشر
واول الكهف 10ايات واواخر البقرة ظبطى مع نفسك واكتبيهم في ورقة عشان متنسيش ونوعي كل يوم حسب طاقتك تذكري قليل دائم افضل من كثير متقطع

الحاجة التانية المهمة حاولى قد ما تقدرى قبل النوم علي طول تفكري في حاجة حلوة او تحلمى حلم يقظة ان مشكلتك اتحلت يعنى اضحكى علي نفسك عارفة ليه عشان تبقي نايمة علي تفكير ايجابي والافضل ممكن تقولى اى ذكر سبحان الله مثلا وتنامى وانتى بترددى لحد ماتروحى في النوم
وبس كدة
سلامتك