رسالة: دى عن ,الغربة والفراق
ازيكوا يا قمرات وحشتونى خاااااااااااالص قلت اما اطل عليكوا بموضوع جديد واهو ناخد وندى مع بعض فى الكلام ونعرف راى بعضينا فى الموضوع
بصوا بقى انا دلوقتى فى غربة والغربة دى خلتنى اكتشف حاجة مهمة خالص على الاقل بالنسبة ليا وعشان تعرفوا وتفهموا الاكتشاف ده لازم احكيلكوا من الاول يلا معايا يا قمرات نقرا الموضوع ونرد علية وتقولولى رايكوا ايه ماشى والا :angry:ده بيحصل اما بزعل يرضيكوا الميزانية تخلص على كده
بصوا يا بنانيت انا قبل اما اسافر واتغرب واتجوز كنت ساكنة فى مدينة اسمها 15 مايو فى حلوان اتولدت واتربيت هناك بس فى الاصل بابا وماما من الزقازيق فطبعا فى الاجازات والاعياد كنا بننزل الزقازيق نقضيها هناك ونرجع تانى لحلوان فى الدراسة واوقات مكناش بننزل يعنى كله بيتوقف على شغل بابا واجازات المدارس المشكلة بقى ان انا واخواتى مكناش بنحب ننزل الزقازيق بحكم ان معندناش اصحاب هناك وبحكم ان منعرفش الناس هناك وخاصة ان الناس هناك كلهم بيبقوا عارفينك بحكم قرابتهم ومعرفتهم
ببابا وماما وانتى متعرفيش حد والموضوع ده كان بيبقى مضايق بابا قوى ومزعلة والناس فى البلدكانوا بيبقوا فاكرين ان احنا بنكبر عليهم بحكم ان هما فى ارياف واحنا المصراوية زى ما بيقولواواحنا المشكلة كانت بتبقى فى المكان والناس
المكان لانه فى المدينة فى اسفلت وفيه جناين وفى نظام والمكان نضيف انما فى الريف التراب والناس اللى راقبتها ملوحة معاكى منين
ما تمشى وانتوا عارفين قعدة المصاطب والناس فى المدينة فى حالها وبتمشى براحتك انما فى الريف بحكم ان كلهم يعرفوا بعض وانتى اللى بيبان عليكى انك مش من هناك
فتلاقى الكل متابعك بعينه
وكنا بنعتبر ان احنا فى البلد فى غربة لان كان فى راينا ان المشكلة مش مشكلة مكان انما هى مشكلة ناس ساكنة فى المكان وعادات
واسلوب حياة مختلف
بس لما اتغربت لاقيت ان المكان اللى مكنتش بحب ابقى قاعدة فيه بيوحشنى وان الناس اللى انتى كنتى بتختلفى معاهم على طول الخط نفسك تشوفيهم وان المكانين المدينة والريف فى بالك وصورتهم فى خيالك بنفس القدر ده ليكى فيه ذكريات وده ليكى فيه حكايات
واكتفشت ان الغربة مش بس غربة عن وطن او عن مكان كنتى ساكنة فيه لا دى كمان غربة عن ناس عيشتى معاها وناس حبيتيها وحتى اللى اختلفتى معاها بتلاقيها فى بالك وتلاقيكى نفسك تشوفيها
ايه رايكوا يا بنات انتوا فى الموضوع ده
الغربة .... غربة مكان ووطن ....ولات غربة اصحاب واحباب..... ولا الاتنين مع بعض....؟؟؟
ارجو لا تنسوه التقيم
زاهرة الياسمين
شكرا ليكم
إظهار التوقيع
توقيع : زاهرة الياياسمين
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| حلول لمشاكل الكمبيوتر | العدولة هدير | الكمبيوتر والانترنت | ||
| أجمل 219 رسالة حب رسائل حب رومانسية | حڸآۉة آڸرۉح | المنتدي الادبي | ||
| رسالة أنقذتني | لؤلؤة الايمان | قصص - حكايات - روايات | ||
| رسالة للحبيب الغائب 2025 , رسالة للنسيان2024 | زاهرة الياياسمين | رسائل وتوبيكات | ||
| تفريغ حلقات من سلسلة (رسالة إلى..)شيخنا مسعد أنور | ابدأ بنفسك | صوتيات ومرئيات اسلامية | ||
الساعة الآن 11:18 PM
جميع المشاركات تمثل وجهة نظر كاتبها وليس بالضرورة وجهة نظر الموقع