أو

الدخول بواسطة حسابك بمواقع التواصل

#1

افتراضي خطيبى السابق رجع وعطشان



السلام عليكم
انا كان متقدملى شخص الشخص دا كان زميلى ف الكليه وكان فيه اعجاب بينى وبينه و بعد التخرج فعلا اتقدم ليا لكن تانى يوم قرايه الفاتحه حصل اختلاف فى الاتفاقات مامتى اتصلت بيهم كانت عايزه تجيب حاجه بدل حاجه فهما تقريبا معجبهمش ومحصلش نصيب بس من طرفهم هما
دعيت ربنا كتير برجعهم وان ربنا يجعلى فيه نصيب

حلمت :
ان كنت نايمه ولقيت ماما جايه بتصحينى وبتقولى احمد ( الشخص اللى كان متقدملى ) و باباه و مامته رجعوا تانى
فانا مصدقتهاش افتكرتها بتهزر فقومت ولقيتهم جم فعلا فلقتنى بكلم حد ف التليفون زى ما يكون بكلم صاحبتى وبقولها
" ماما لقيتها بتصحينى بتقولى انهم رجعوا وانا افتكرتها بتهزر ببص لقيتهم رجعوا فعلا "
بعدها شفت احمد دا قاعد وباباه ومامته و بابا (متوفى ) قاعد ومعاه زى كتاب او جرنال مش فاكره و بيبص فيه
فانا دخلت المطبخ عشان اعملهم شاى قلت اجيب الكاتيل اعملهم فيه وبعد ما غليت المايه قلت الكاتيل جديده فعشان المايه تكون حلوه و مايكونش الشاى كارف لازم اغلى مايه فيها الاول وارميها بعدين اعمل المايه بتاعت الشاى عشان المره اللى فاتت لما هما جم وعملتلهم شاى مكنش مظبوط وخفيف المره دى هظبطه (دا حصل ف الحقيقه ) و فعلا رميت المايه اللى اتغلت عشان احط فيها مايه جديده والشاى يكون مايته حلوه و مش كارف وشفت نفسى زى ما يكون بصب الشاى الجديد وقاعده بزوق الكوبايات الشاى بقهوه او بحاجه كده زى الكابيتشينوا لما بنزوقه بقوه فوقيه




بعدين نزلت قلت هشترى كابيتشينوا اعملهولهم وانا نازله وبشترى اكياس الكابيتشينوا لقيت ان المحلات كلها مقفوله نصها كده و لما سألت هما قفلين ليه قالولى عشان بيصلوا دا وقت صلاه ولقيت محل فيه 3 بنات واقفه بتبيع وجيت اشترى منهم ببص ع اكياس الكابيتشينوا كانت طويييله اوووى عامله زى اكياس المومب بتاع العيد فاستغربت لشكلها بس قلت اكيد دى الاكياس الجديده واشتريتهم فعلا وروحت
بعدها وانا واقفه ف المطبخ لقيت ماما بتندهلى وبتقولى احمد عطشان عايز يشرب هاتيله مايه قلتلها حاضر رحت اجيب كاس المايه
زى ما يكون هما بعد ما مشيوا المره اللى فاتت يوم الفاتحه شيلت كبايه المايه اللى شربوا فيها ومدلقتش المايه منها لا شيلتها زى ما هيا
فلما رحت اجبها المره دى لقيت الكبايه زى ما هيا بالمايه اللى فيها بس الكبايه متربه شويه من كتر الركنه وخدتها ودخلت المطبخ وقعدت اغسل فيا بالصابون عشان انضفها اوووى و قعدت فتره بغسلها لقيت ماما بتندهلى تانى احمد عايز يشرب قالتها 3 مرات فانا بصتلها قلتلها طيب حاضر بعملها اهو فضحكتلى ولقيت احمد قاعد جنبها فضحكلى وانا ضحكتله بعدها لقيتنى انا واحمد واقفين جنب بعد وزى ما يكون نازلين نعمل حاجه فبقول لنفسى المره دى الموضوع هيكمل و مش هيبوظ طالما هما رجعوا تانى وكمان بابا المره دى هو اللى موجود وبيتفق وقاعد معاهم وصحيت ع كده

والدى متوفى فانا لما الموضوع باظ اتمنيت ان بابا كان يكون موجود ف الاتفاقات عشان كان فاهم فيها وهيقدر يظبتها
وانا حلمت اكتر من 5 مرات انهم رجعوا تانى وجولنا البيت وقاعدين مع بابا بيتفقوا على الاتفاقات


- الحالة الدينية لك ولمن معك فى الرؤية :
انا و ماما مواظبين ع الصلاه وتلاوه القران الحمد لله
احمد وباباه ومامته اللى اعرفه انهم بيصلوا و كان باباه ومامته حجوا قبل كده

- اسماء من فى الحلم وعلاقتك بيهم :
انا وماما و بابا هو متوفى
و الشخص اسمه احمد و باباه اسمه محمد و مامته اسمها منال

- حالتك الاجتماعية :
انا انسه و احمد عازب حتى الان

- هل أنتى موظفه ؟
نعم

- هل أنتى حامل ، أو تنتظرين حمل ؟ لا

- هل تعانى من اى هموم او ارق قبل النوم ؟
نعم ف هموم و ف كرب شديد بعد موضوع الانفصال و بدعى كتير انهم يرجعوا

- هل ترقين رقية شرعية ام لا :
اوقات كتير بسمع للرقيه الشرعيه و بقرا سوره البقره و يس و المعوزتين

- حلم عادى ام استخارة ؟
عادى كنت اصلى كتير وادعى ربنا يورينى رؤيا حق برجوعهم او لا



#2

افتراضي رد: خطيبى السابق رجع وعطشان

بسم الله الرحمن الرحيم
وبه نستعين
يوقال فى هذا المنام والله واعلم
بأن السوق فى المنام اذا كان مغلق أو نسج عنكبوت عليها او على
ما يباع كان فيها كساد او نزلت باهلها عطله وقيل ان السوق الدنيا
وأتساع السوق وقيل السوق تدل على الاضطراب وشغب من يجتمع اليه منا
العامه :بماعني اذا كانتى تشترى شىء من السوق وكان مغلق فتكون عندك مشكلة
فيها الاضطراب وشغب
أما العطش فى التأويل هو خلل فى الدين فمن راى عطشان وارد ان يشرب من نهر فلم
يشرب فأن يخرج من أحزنه ( لقوله تعالى فى قصة طالوط: أن الله مبتليكم بنهر فمن
فمن شرب منه فليس مني ومن لم يطعمه فأنه مني ) وقيل من ارد أن يشرب فلم شرب
يظفر بحاجته ومن شرب الماء البارد أصحاب مالا حلال واذا رأى أن ريان من الماء دل على صحه دينه واصلاح حاله فيه :
والله واعلم على هذا
وسلام عليكم ورحمة الله وبركاتة

بسم الله الرحمن الرحيم
وبه نستعين
بمعانا غى كل سوق تأيل
وهوا المقصود : انتى اشتريت كابيتشينوا يعنى حاجة حلوه
ده دليل على الايمان والاسلام
واخبار ساره وزواج بأذن الله
ان شاء الله
على فكره :كل احلامك
دليل الزواج والحمد الله
يارب تكونى فهمتى
وشكرا لكي
إظهار التوقيع
توقيع : زاهرة الياياسمين
#3

افتراضي تنبيه اداري

تم نقل الموضوع من قسم طلبات تفسير الاحلام.
بواسطة : زاهرة الياياسمين


قد تكوني مهتمة بالمواضيع التالية ايضاً
الموضوع كاتب الموضوع المنتدى
تفسير حلم خطيبى السابق المحبه لرسول الله احلام ورؤى تم تفسيرها
لفظ (رجع) في القرآن الكريم العدولة هدير القرآن الكريم
للمرأة المطلقة... أشياء لايجب قولها عن الزوج السابق الاعلامية لينا الثقافة والتوجيهات الزوجية
للمرأة المطلقة: أشياء لا تقوليها عن زوجك السابق صفاء الحياة الثقافة والتوجيهات الزوجية
للمرأة المطلقة..أشياء لا تقوليها عن زوجك السابق! ¥~alaa ~¥ الثقافة والتوجيهات الزوجية


الساعة الآن 03:32 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل