أو

الدخول بواسطة حسابك بمواقع التواصل

#1

Post يا توكتوك

أيووون هو البتاع ده .. التوكتوك هو فى الأصل أحد هدايا دول آسيا لمصر وبالأخص الهند وهي أول من صنعت التوكتوك .. وتلاها الصين واليابان.. و طبعاً إحنا مبنحبش نكسف أخواتنا الآسيويين فقولنا نستورده ونملي بيه الشوارع

التوكتوك وسيلة مواصلات تتسع لشخصين فى الخلف ولو لزقناهم وحشرناهم فى بعض يبقو تلاته ..





المُشكله بقي هنا مبقتش فى التوكتوك اللي بقي مالي جميع أنحاء جمهورية مصر العربيه بالكامل .. المُشكله بقت فى اللي بيسوقو التوكتوك ودول متقسمين لأنواع

الأول : عيل صغير مكملش الـ 10 سنوات وده فى الغالب أهله بيكونو مخرجينه من التعليم فبيروح يشوف أي صاحب توكتوك ويركبه وزي ما تيجي تيجي مع إن السن ده لا يصلح لقيادة شئ غير الدراجه "العجله بالبلدي" وبيبقي فرحان بالكام جنيه اللى بياخدهم من صاحب التوكتوك آخر اليوم لأنه فى النهايه مهما كان طفل برضو

الثاني: شاب صايع شكله غلط واخد ف وشه ييجي 30 أو 40 غرزه وتحس إن بوقه هيوصل لودنه وهو بيتكلم من كتر ماهو عاوج بوقه ومشغل طول اليوم مهرجانات ومقضيها جمايل مع حبايبه يوصل ده ويجيب ده.. ويعاكس دي وهي ماشيه ويشتم ده وهكذاا .. وده مش فارق معاه الفلوس أهم حاجه يقضي وقت لطيف بيتسلي يعني

الثالث: شاب خريج كليه أو أى مؤهل زهق وفاض بيه وقال يجيب حاجه تساعده على المعيشه وأهو قرش حلال أحسن ما يعمل حاجه غلط وده بقي النوع الغلبان اللي بيعاني مع النوعين اللي قبله لأنه فى الغالب بيبقي غلبان ومش عارف يتعامل مع الأشكال دي

السؤال هنا بقي هل أنتو مُقتنعين بالتوكتوك كوسيلة مواصلات ؟

هل حصلت معاكم مواقف أو مُضايقات فى أي وقت من الأوقات مع الوسيله اللطيفه دي ؟

أسأله كتير أنا عايز كل واحد يتكلم عن الإختراع العجيب ده زي ماهو حابب .. فى إنتظار تعليقاتكم


#2

افتراضي رد: يا توكتوك

يسلمو ههه
#3

افتراضي رد: يا توكتوك

مشكوورة يا قمر
#4

افتراضي رد: يا توكتوك

بووووووووصى يا دودو يا اوووووووووووختى عمووووووو التوكتك ده زيه زى اى وسيلة مواصلات بتسهل الحركة وخاصة فى ايام الشتا

بصراحة مش بحب اركبها قووووى الا فى وقت الزنقة
إظهار التوقيع
توقيع : حنين الروح123
#5

افتراضي رد: يا توكتوك

مشكوورة يا قمر
إظهار التوقيع
توقيع : الزهر مكانش


قد تكوني مهتمة بالمواضيع التالية ايضاً
الموضوع كاتب الموضوع المنتدى
سواقة توكتوك sweet angel فرفشة عدلات


الساعة الآن 10:23 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل