أو

الدخول بواسطة حسابك بمواقع التواصل

#1

مميز عاملو اولادكم كويس

السلام عليكم ازيكوا يا احلي امهات في الدنيا

منورين قسم تربية الابناء


انا جايه النهارده اكلمكوا عن موضوع مهم جدااااااااااا

وافيد الامهات بيه لان بشوف النوعيه دي بجد قدام عيني
بلاش تخلي ولادك يكرهوا وجودك بلاش تحسيهم بالذنب باحساسهم ناحيتك

وانتي في الاساس بتكوني السبب


يعني بلاش الزعيق باستمرار العمال علي بطال ده بلاش كل كلامك يبقي اوامر

بلاش الضرب بلاش بلاش بلاش


ع فكره في كتير اوى بيكرهوا وجود ابائهم بسبب دكتاتوريتهم وبسبب ان طول ما هما قاعدين بيفضلوا يزعقوا وكل كلامهم اوامر وبيبقوا مش مصاحبين ولادهم

وبيبقوا واقفين لهم ع الواحده


يعني انا عندي واحده صاحبتي بجد كانت بتكره وجود مامتها في البيت

هي بتحب مامتها وكل حاجه بس بتكره وجودها

عاوزاها ع طول يااما نايمه يااما مش في البيت خااااااالص ويا سلام لو باتت بره بالكام يوم

بتبقي مش عاوزاها ترجع تتطمن عليها بالموبايل وخلاص


عارفين مره حكتلي موقف بجد اثر في نفسيتي اوى وقلت معقوله فيه كده

بتقوللي ان مره مامتها كانت مسافره فلقيت اختها الصغيره فرحانه اوى وعماله بتقول هيه ماما هتمشي ماما هتمشي

راحت سالتها بعد ماممتها مشيت بتقوللها هو انتي ليه كنتي فرحانه اوى كده ان ماما هتمشي

قالتلها عارفين ايه؟


مش هتصدقوا والله

قالتلها اصلا انا بصراحه بكره ماما ومش بحبها تقعد معانا [IMG]https://files.***- .com/bigsmilies/mood25.gif[/IMG]


هي طبعا متقصدش انها بتكرهها هي بتكره بس وجودها

والبنت دي كانت فاكره ان هي لوحدها اللي عندها الاحساس ده

وكانت تقعد تقول طب يا تري العيب في مين فيا ولا في ماما


فسالت اختها الصغيره بتقولها ليه بتقوللي كده دي ماما بتحبك اوى


قالتها اصل ماما طول ماهي قاعده صوتها عالي وبتقعد تزعق حتي لو الغلط كبير او صغير تقعد تزعق وبحس انها بتقعد تفكرلنا في حاجات كده تزعق عليها


ولما بتيجي تطلب مني حاجه بتطلبها طريقه وحشه وروحي هاتي ومش عارف ايه


وكل شويه تحكمات وماسكالنا ع الواحده


ولما باجي اكلمها في اي حاجه تزقني وتقوللي وسعي من وشي

ياتري بقي العيب من مين من البنت اللي عندها 10 سنين دي اللي مش فاهمه حاجه ولا من الام اللي حياتها كلها زعيق في زعيق

وحياتها كلها تحكمات ومش مصاحبه اولادها

تعرفوا صاحبتي دي مخنوقه جدا من احساسها ناحية مامتها وحاسه انها عاوزه تولع في نفسها وبيبقي اهون عليها الموت ولا انها تحس انها كارهه وجود مامتها وبتبقي في قمة الحزن لما بتعمل حاجه تضايق مامتها

بس بتقوللي انا غصب عني والله احساسي ده مش بايدي اني احسه

هي بطريقتها ومعاملتها معايا مخلياني احس الاحساس ده

ونتيجة الاحساس ده مش عارفه اتعامل معاها كويس وكل اما احاول اني اتعامل كويس واقول عشان ربنا يرضي عني تيجي بتصرفاتها ترجعني تاني


لازم بجد تصاحبي اولادك بجد وتقربي منهم بلاش الزعيق كل شويه

وبلاش الضرب لانه بيجيب نتيجه عكسيه


انا عارفه انك هتقولي ما هو العيال ليهم تصرفات تخنق وبتخرج الواحد عن شعوره

هقولك فيه حاجه اسمها صبر اومال انتي عاوزه تدخلي الجنه ازاي كده وخلاص مانتي لازم تتعبي في تربية ولادك اومال الجنه ليه تحت اقدام الامهات


عشان الامهات بيتعبوا بجد في التربيه بيتعبوا في انهم يخلوا تربية ولادهم تربيه سويه تربيه صحيحه


يعني خصصي من وقتك كل يوم ساعه واحده تقعدي فيها مع بناتك واولادك والعبي معاهم واضحكي وهزري

وخلي جو البيت جو لطيف يحبوا وجودك معاهم ويحبوا جو البيت

بلاش عيشتك تبقي ممله في نظر اولادك

يعني مايبقاش كل حاجه زعيق وشخط
وضرب واهانه

وبضايق جدا لما الام تهين ابنها قدام اي حد
دي حاجه بتغيظني اووووووووى

وبضايق اكتر لما الام تقول ع بنتها او ابنها ده قليل الادب
او تقعد تعيب فيه قدام الناس
واصلا الام اللي بتقول كده او بتعيب ف بنتها او ابنها
مش بتبقي عارفه ان كل اللي بتقوله ده عيب ف حقها هي
مش ف حق ابنها او بنتها
لان الطفل عمره مابيتولد قليل الادب
او مش بيسمع الكلام
او...او...او...

الام والاب هما اللي بيشكلوا شخصيه طفلهم
تعرفي انك ممكن تشكلي شخصيه ابنك من وهو بنطنك لسه
تعرفي انك ممكن تحفظيه القران من وهو ف بطنك


ولو غلطوا عاقبيهم بس كل غلط وليه عقابه


يعني لو ابنك غلط عاقبيه
بس بطريقه حسنه
يعني بلاش اسلوب الضرب


وفي اساليب للعقاب

اولا عقاب المشاعر:
ممكن تعاقبيه بتعبيرات الوجه والخصام وهو في سن صغير جدا يعني بعد السنه
وعقاب المشاعر هو اكثر عقاب يتاثر به الطفل
يعني لما تخاصميه لما يعمل حاجه غلط ده بيجعله ان يسعي لمصالحتك ويبدا في فعل الحاجه الصح عشان تصالحيه وتزعليش منه تاني
ثانيا عقاب الحرمان:
الحرمان وسيله عقاب جيده عنما تستغلها الام استغلال صحيح
وتنتقي الام الحاجات التي تحرم ابنها منه
يعني مثلا متحرمهوش من مصروفه عارفه ليه لانه ممكن يلجأ لطريقه مش كويسه للحصول ع فلوس يعني ممكن ياخد فلوس من وراكي ياخد فلوس من زمايله ف المدرسه كده يعني انتي ممكن تقللي مصروفه
ولو حرمتيه من المصورف كله يبقي يوم مش اكتر من كده
يعني زي ماقلت ف الموضوع الحرمان الايجابي انك تحرميه من نزهه
او خروجه مع اصحابه او لو في رحله مدرسيه ف المدرسه
طبعا ده للبنات والولاد
حرمانه من شراء حلوي ليوم او يومين
حرمانه من اللعب مع اخواته او اصحابه
حرمانه من لعبه بيحبها
وممكن مثلا تفهميه انك كنتي رايحه مكان هو بيحبه وعشان عمل الغلط ده مش هتروحي

ثالثا العزل:
ممكن تعزليه ف غرفه لوحده بس اهم حاجه متكونش غرفته عشان يكون بعيد عن العابه وفراشه
بس اهم حاجه ان تكون الاوضه مش مظلمه او فيها شئ مخيف
يعني مش تقوليله انا هحبسك هنا وهنا فيه فار او هنا فيه عفريت زي ما اي ام بتعمل لااااااااء
ده ميبقاش عقاب ده يبقي ترويع وانتقام وكده هتبني شخصيه ابنك ع الجبن
وبعدين انتي هتسخدمي الاسلوب ده مش لترعيبه او تخويفه لاء ده عشان تحرميه من ممارسه نشاطاته اليوميه
بس النوع ده من العقاب مدته ع حسب السن
يعني الطفل اللي عنده ثلاث سنين يعاقب دقيقتين اوثلاثه
يعني تعزليه دقيقتين او ثلاثه
وكلما كبر زيدي ف عدد الدقايق
وده مش بحبذ تكراره اوي

يعني ممكن تستخدميه مره واحده بس لانه ممكن يعمل نتيجة عكسيه للطفل

وممكن الطفل يحب النوع ده من العقاب لانه هيبقي قاعد لوحده وفي هدوء كده يعني

وممكن يعمل توحد عند الاطفال

وممكن الطفل ياذي نفسه يحط ايده في فيشة الكهربه مثلا يعني لو استخدمتي النوع ده من العقاب يكون مكان العقاب مكان آمن

وبحبذ ان الام متستخدمش العقاب اكتر من مره


وطبعا زي ما قلت كل غلط وليه وقته
وزي ما بيقولوا كل وقت وله ادان

وطبعا في شروط للعقاب

لازم تعاقبي العقاب المناسب في الوقت المناسب والعقاب المناسب للغلط المناسب

ومش كل حاجه عقاب عقاب يعني مرتين تعاقبي ومره فوتي واعملي نفسك انك مخدتيش بالك

وكمان مش من اول مره الطفل يغلط فيها تعاقبيه لااااااااااااااء انتي هتفهميه مره واتنين والتالته تعاقبي

يعني زي ما بيقولوا التالته تابته

وزي ما قولت العقاب المناسب للغلط المناسب

وابعدي عن العقاب بالضرب لانه مش بيجيب نتيجه ايجابيه خااااااااااالص بل بالعكس





ممكن تزغدي او قرصة ودن بسيطه ده لو الغلط بسيط ميستاهلش انك تستخدمي اي وسيلة عقاب شديده

ممكن تضربيه علي ضهر ايده


لازم بجد انتي وجوزك تصاحبوا اولادكوا

يعني مثلا الاب ياخد ابنه مشواير معاه ياخده ويروحوا يحضرو دروس ف الجامع
يقعد ويتكلم معاه عملت ايه النهارده ف المدرسه ويعود الابن انه مجرد مايخرج ويرجع البيت يجي ويحكي لابوه ايه اللي حصل بره البيت
ولو حكالك ع حاجه غلط لازم تفهمه براحه لانك لو فهمته بقسوه عمره ماهيجي يحكيلك ولا يستشيرك هيروح يحكي لاصحابه والصحاب عمرهم ما بينفعوا
ولازم دايما تحفزه للامام ودايما تحسسه انه متفوق وانه شاطر ف كل حاجه

وانتي برده ياام لازم تصاحبي بنتك وتعوديها انها لما ترجع من بره تحكيلك ع كل حاجه
يعني لما تروح الحضانه وتيجي وتستريح كده
خديها كده وكلميها براحه ها عملتي ايه النهارده يا حبيبتي لعبتي مع اصحابك ولعبتوا ايه بقي والميس قالتلك ايه وانتي قولتلها ايه
واتكلمتي مع اصحابك يعني تعوديها من صغرها انها مجرد ماخرجت ورجعت تيجي تحكيلك ع كل حاجه
وتاخديها وتنزلوا تتمشوا شويه تقعدوا ف جنينه يعني حسسيها انك صاحبتها مش امها
ولو عملت حاجه غلط فهميها براحه وكلميها عن الدين كتير
وخليها تاخد امهات المؤمنين قدوه ليها

ولو سالتك اي سؤال محرج لازم لازم تردي عليها بطريقه علميه ودينيه ف نفس الوقت
انما متقوليلهاش لما تكبري عيب تتكلمي ف الحاجات دي
لانك طالما قولتي عيب يبقي فضولها عن المعرفه هيزيد وهتلجأبقي لطرق مش كويسه يعني تسال اصحابها واصحابها طبعا هيضللوها
او تدخل ع النت او...او...او... المهم هتعرف باي وسيله
فالاحسن انك تفهميها انتي ولا تعرف من بره


واوعي تغفلي عن مكافئة اولادك

كتير اوى من الامهات بيغفلوا عن مكافئه ابنائهم لما يعملوا تصرف كويس
يعني لو ابنك او بنتك جابوا درجه كويسه ف الامتحان ودوهم نزهه وخرجوهم وخلوهم يطلعوا الطاقه اللي جواهم او كافؤهم بهديه
او لو بنتك روقت الاوضه كافئيها ان شاء لو هتعمليلها كيك مثلا او تجيبيلها اي حاجه بتحبها او لعبه ضغيره او اي حاجه عشان تشجعيها

واي تصرف كويس ابنك يعملوا اوعي تنسي تكافئيه
انا بلاحظ ان كتير اوى من الاباء مش بيشوفوا غير الغلط اللي اولادهم بيعملوه
وبيبقوا مصحصحين اوى لو الطفل عمل غلط وينزلوا فيه ضرب واهانه
يااختي زي مابتبقي مصحصحه لابنك لو عمل اي غلط وبتعاقبيه
صحصحي برضه لو عمل اي تصرف كويس وكافئيه وشجعيه

كمان فيه حاجه عاوزه اوضحها

بلاش انتي والاب لو ابنكوا غلط تشدوا انتوا الاتنين

يعني لو ابنك او بنتك غلطوا وانتي عاقبتيهم
الاب يقعد معاهم ويفهم غلطهم لاء يا حبيبي انتي غلط عشان كده ماما اتصرفت معاك التصرف ده وكان المفروض تعمل كذا بدل كذا ويفهمه الصح من الغلط

ويقوله يلا بقي روح بوس ايد ماما وقوللها انا اسف وانك مش هتعمل كده تاني

طبعا الموضوع ده هيبقي باتفاق مسبق مع الاب

وانتي هتعملي نفس الحكايه لو الاب عاقب ولاده

عشان الطفل يحس ان فيه حد في البيت بيحس بيه وبيقومه للسلوك الاحسن

بدل ماينفر منكوا ويروح يشتكي لحد تاني
كده انا خلصت الموضوع وياريت المعلومه تكون وصلت

ولو استفادتوا من الموضوع قيموه

بحبكم في الله
[IMG]https://files.***- .com/bigsmilies/mood6.gif[/IMG]


#2

افتراضي رد: عاملو اولادكم كويس

جزاكى الله خيرا ... فعلا كلااامك مظبوووووووووط
إظهار التوقيع
توقيع : ng_dodo
#3

افتراضي رد: عاملو اولادكم كويس

جزاكى الله خيرا .بجد معلومات مفيدة ولازم نطبقها
#4

افتراضي رد: عاملو اولادكم كويس

موضوع بجد رائع جدا ومفيد اوى انا لو اقدر اقيمه 1000 مره كنت قيمته جزاكى الله خيرا
#5

افتراضي رد: عاملو اولادكم كويس

جزاكى الله خير موضوعك مميز ومفيد جدا والتقييم ممتااااااااااز


قد تكوني مهتمة بالمواضيع التالية ايضاً
الموضوع كاتب الموضوع المنتدى
ملف طرق طبخ اللحوم الحمراء ,ملف كامل لطبخ اللحوم Marwa El-shazly مطبخ اللحوم
اختاروهم كويس علشان متتصدموش ربي رضاك والجنة فتيات تحت العشرين
عشان خاطري......ابقي قلبي الشاي كويس ربي رضاك والجنة فتيات تحت العشرين
نتبهو جيدا فى تربيه اولادكم التربيه الاسلاميه الصحيحه لولا الطيبة قصص - حكايات - روايات
ركزى كويس dodo modo فرفشة عدلات


الساعة الآن 02:09 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل