أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

محتارة قوى

إضافة رد  أضف للمفضلة
https://3dlat.com/showthread.php?t=279225
1398 7
#1

افتراضي محتارة قوى

كنت مرتبطة بشاب وهو فى الاول كان كويس قوى وحنين وبيحبنى قوى حب افلاطونى لحد ما جه بيتنا واختلفنا لانه كان بيشتغل فى القاهرة وبعد كده نقل اليكس وكان بيقتعنى نتجوز فى اليكس وانا وحيدة مامتى ولأنه كان مفهمنى أن المشكله مشكلة شقه وأنه هاييجى يتكلم مع أهلى عشان يشوف حل بعد ما مشى ماما اضايقت انه غير كلامه لأنه لما جه أهلة كانوا هايساعدوه ف مشكلة الشقه هو وصلهم انه معندوش استعداد يسيب اليكس بعد ما مشى انا كنت منهارة ماما وصلتله انه حتى لو جه القاهرة هى مش هاتوافق المهم بعدها لقيت نفسى مش هاقدر اضحى بيه فقلتله هاجى معاه بعتلى انه افل م الموضوع قعدنا شهرين مانتكلمش وبعد كده رجعنا نتكلم تانى سالته ليه عمل كده قالى انه على قد ما بيحب قوى على قد ما بيقفل قوى وانه تعب من المشاكل وانه تعبان نفسيا جدا الفترة دى وان الوقت متاخر وانا قلتله انى مش هارتبط بحد غيره حاولت كتير بعتله رسايل كتير ورحتله لحد اليكس قلتله انا اتعلمت وهاصلح كل حاجه ومش هاكرر أى غلط تاتى وكلام كتير وانا ماليش غيرك وهو كان دايما يقولى كده قلت له انت عايزنى معاك قالى انتى مستعجله قوى انا مش بزراير عايزة احكيلكم يا بنات على المواقف القديمة اللى قعد يفكرنى بيها في كل مرة بكلمه واقوله نبدا من جديد وانا اتغيرت والله واتعلمت م اللى فات وكلنا بنغلط وهاعمل كل اللى يرضيك واحنا مالناش غيرربعض وكلاااام كتير قالى انتى قلتى مش هاجى اليكس ولما قلتله انى سبت امى وشغلى وبعت الدنيا كلها عشانك قالى على فكره دى مش تضحيه الطبيعى انك تكونى معايا قالى فاكرة لما كنت عايز اشوفك وقعدت اتحايل عليكى قلتيلى ربع ساعه اوكى لو مش كده يبقى احسن وانا يابنات كنت في الشغل وهو عايز يشوفنى فى كافيه جنب الشغل فكنت متوترة قلتله كده بس والله ما كان قصدى حاجه وبعدها اعتذرتله والموقف انتهى والموقف ده بقى له سنه وبعدها اتعاملنا عادى وقالى اتى كنتى بتاجلى كتير وانا ماكنتش عارف أقول لالهلى ايه مع انه يا بنات كان بيقولى انا بقولهم ان انا اللى باجل وقالى اجلى براحتك بس خلينى اشوفك ونتقابل وقالى كمان انا صاحبى قالى انت اتنازلت عن حقوقك كراجل عشان كده حصل كده قصده على انه كان بيقولى ماتعمليش حاجه ف البيت واحنا ممكن ناكل اى حاجه وانا مش عايز غيرك قالى انتى كنت عايزة تاجلى الحمل وانا وافقت احنا كنا بتناقش وقلتله خلاص وقتها نبقى نشوف وهو والله قالى لو ده يريحك خلاص وكنت بقول والله كل ده لسه سابق لاوانه





ده جزء من اللى قاله كان فين كل ده لما كان بيقولى انتى فرحة حياتى وربنا يديمك نعمه عليا ولماا كان بيتحايل عليا عشان يشوفنى ولما كان بيقولى انتى مراتى وكلاااام كتيبر اشمعنى الكلام ده كله ماظهرش الا في الوقت ده. المهم يا بنات انا كنت قررت انى أبعد لانى حسيت انى عملت كل اللى اقدر عليه وفى يوم لقيته غير صورة الواتس بصورة كده بيدعى فيها لمامته ربنا يشفيها قلقت واتصلت اطمن وعرفت أن مامته تعبانه وف المستشفى قلت هابقى اتصل من وقت للتانى اطمن عليها فكنت لما اتاخر يقولى انتى لسه فاكرة عموما متشكر ع السؤال الغرب وقفوا جنبى بعت له مسدج قلت انت مدينى فرصه أكون جنبك زى مانا عايزة مايردش المهم ف مرة لقيته بيقولى انتى اتصلتى امبارح قلت له لا قالى خيبتى ظنى كنت فاكرك اتصلتى تسألى عنى امبارح ومرة تانيه بعت يقولى الإنسان لما بيكون في ظروف صعبة بيبقى محتاج من الناس القريبين منه حاجات كتير جدا رديت عليه بكلام اختصاره بساله انا حد وجوده مهم ف حياتك مردش ومرة تاتيه كنت حطه صورة عاواتس كنت ف حفله ف وانا بطمن على مامته لقيته بيقولى الصورة دى م تصورها فين بقى انا كنت عايز احجبك تقومى تعملى كظه حطه صورة مصر كلها شايفاها . بصراحه يا بنات انا مش فاهماه هو عايز منى ايه فمرة كلمته بصراحه قلت له احنا بنتكلم على أساس أى قالى انا هاسيب ده لاحساسك قلت له انا هايزة رد صريح انتى مستعجله سيبى كل حاجه لوقتها ولما سألته انت ليه مش بتكلمنى بصراحه قالى انتى مش ملاحظه ان طريقه كلامى معامى اتغيرت وقالى هو مش انى اكلمك ف الظروف دى واتابعك ده مش ليه معنى وان ظروفه ملخبطه وقالى انتى عندك شك ان انا اكتر حد نمكن لو خصلك حاجه او حد اذاكى يدافع عنك ومش رضى يقول حاجه تانيه مش عايز حتى يقولى انه عايزنى جنبه بس انا تعبانه يا بنات اعمل ايه مش عايزة اتخلى عنه ومش عايزة اضغط عليه وقعدت كم يوم مختفيه ولا سأل ولما كلمته قالى كنتى فين قلت له انت ليه مش بتسال عليا قالى انا سايب لك موضوع الاتصالات ده لفترة معينه قلت له انا عايزة أحس انك مهتم وبتسأل قالى منا زمان كنت بهتم وبسأل وكانت النتيجة محبطه قلت له انت بترد ها لى قالى لا ده مش طبعى انا لو كان طبعى كده كنت لما مامتك وصلتلى الكلام ده كنت رديت عليها رد وحش لكن انا رديت بهدوء وقالى انتى عايزة كل حاجه ترجع مرة واحده متضغطيش عليا سيبى كل حاجه لوقتها وف يوم كنت قلت له أنى خارجه مع واحده صاحبتى واخوها هايوصلنا قالى اما تيجى احكيلى اللى حصل المهم لما حكتله قالى بكره صاحبتك تكلمك ف الموضوع يالا توكلى على الله قلت له انت بتقول ايه هو انا بالنسبه لك ايه قالى احنا اخوات وأصحاب وانتى معزتك كن معزة اخواتى ويمكن اكتر قلت له انت لسه بتحبنى قالى مش زى الاول قلت له انت عايزنى معاك قالى انتى مستعجله قوى انا مش بزراير قلت له انا مش عايزة أعيش الأيام اللى تعبت فيها تانى بعد ما بعدنا عن بعض قالى الفترة دى مش انا السبب فيها السبب اللى قعد يخرم ف المركب لحد ما غرقت قلت له انت ممكن تيجى بعد ما اتعلق بيك تقولى انا اسف مش قادر قالى انا مش ندل بيقولى انه فضل يشيل وكان بيخاف يعاتبنى عشان مازعلش لحد ما حصلت المواقف الاخيره قصده على كلام ماما قعد مع نفسه وقال انا ليه فيه انسانه فارقه معايا كده وليه بتهان كده
قلت له ازاى كنت بتقولى كل كلام ده وازاى جيت بيتنا وانت شايل كل ده قالى كنت متمسك بآخر امل ايه رايكم يا بنات اعمل أى


#2

افتراضي رد: محتارة قوى

لا حبيبتي سيبيه وحاولي تنسيه
#3

افتراضي رد: محتارة قوى

حبيبتى ده مش شاريكى خالص اتركيه وربنا يرزقك بزوج صالح ان شاء الله وبلاش التعارف والمقابلات اختى حرااام شرعا
#4

افتراضي رد: محتارة قوى

اعمل ايه يا بنات
#5

افتراضي رد: محتارة قوى

سبيه يا بنتى احسن ده مش شاريكى
إظهار التوقيع
توقيع : كيوت متل التوت
#6

افتراضي رد: محتارة قوى

اصرفي نظر عن الموضوع ده لانه غير مناسب ليكي
#7

افتراضي رد: محتارة قوى

سيبيه وريحي بالك وادعي ربنا يعوضك خير
#8

افتراضي رد: محتارة قوى

امممم والله انا رئيي زى البنات
إظهار التوقيع
توقيع : مرام على


قد تكوني مهتمة بالمواضيع التالية ايضاً
الموضوع كاتب الموضوع المنتدى
ميك اب عرايس,ميك اب قوى جذاب 2025,ميك اب قوى صريح,مكياج قوى وواضح,مكياج عرايس قو ريموووو ميك اب ومكياج
ميك اب صريح وقاتم - مكياج غجرى قاتم - مكياج قوى وصريح ريموووو ميك اب ومكياج
ميك اب عرايس ميك اب قوى وواضح 2025 مكياج صارخ ريموووو ميك اب ومكياج
محتارة قوى سعادتى فى وجودك فضفضة وحل المشاكل
صاحبتى طلعت ندلة قوى اتخدعت فيها جود جيرل فضفضة وحل المشاكل


الساعة الآن 11:09 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل