الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
وبسم الله نبدأ الباتيه المورق الهش باسهل طريقة ان شاء الله
بسم الله المقادير
4 كوب دقيق منخوول مع معلقة كبيرة بكينج بودر
معلقة كبيرة خميرة ندوبها في 3 ملاعق كبيرة مية ومعلقة صغيرة سكر
نص كوب زبادي يعني علبتين زبادي جهينة وزن العلبة الوااااحدة 80 جرام
بيضة كبيرة - نص كوب زيت - 3 ملاعق كبيرة مية للعجن
3 ملاعق كبيرة سكر بودرة - نص معلقة صغيرة ملح
نص كوب زبدة بااااردة مقطعة مكعبات صغيرة لتوريق الباااتيه
حشوات الباتيه
وممكن نختار حشوة واااحدة بس
بسم الله الطريقة السهلة اوووي
في بولة نحط الدقيق المنخول مع البكينج بودر والسكر والملح والبيضة
والزبادي والزيت والسكر والملح
وبعدين ندوب الخميرة بطبق صغنون ونحطها عالدقيق وبقية المكونات
وبعدين نعجن العجينة دقيقة كده هنلاقي لسة في قاع البولة دقيق
نحط دلوقتي المية ونعجن عشان تبقى كورة وتلم مع بعضها
ولما تبقى كورة زي كده
نعجن العجينة دلوقتي لمدة 10 دقايق كويس اووي
وبعدين بعد عجن لمدة 10 دقايق نسيبها في البولة وندخلها الفرن مطفيونسيبها تخمر لمدة ساااااعة ونصف داخل الفرن المطفي
ودلوقتي نروح نقطع نص كوباية زبدة باااردة من الثلاااجة لمكعبات صغيرة
بالسكينة ونحطها في الثلاجة بعد التقطيع عشان تفضل بااااردة
على بااال مااا العجينة تخمر ان شاء الله
وده شكلها بعد ماخمرت بفضل الله
دلوقتي نفرد العجينة كلها بايدينا كده لمستطيل
ونطلع النص كوب الزبدة المتقطعة من الثلاجة ونحطها بنص المستطيل زي الصورة
ونطبق العجينة عشان نغطي الزبدة ونقفل كويس اوووي
وبعدين نكور العجينة بدون مانعجن واي قطعة من الزبدة نلاقيها طالعة بره نحاول نطوي العجينة عليها عشان تفضل الزبدة جوه العجينةزي الصورة وطبعا الزبدة بالطريقة دي هتكون جووه مستخبية
دااخل العجينة
وبعدين نقسم العجينة نصين وناخد نص وااحد بس
والنص التاني نحطه في كيس في التلاجة على بااال مانفرد النص الاول
ونرش الرخامة بدقيق زي كده ونبتدي نفرد ان شاء الله
ونفردها لمستطيل سمك مش تخين اوووي ومش رفيع اوووي
عشان العجينة ماتموتش حبيباتي من كتر الفرد بقوة والضغط عليها بالنشابة ممكن مايخليش العجينة تنفش
يعني نخلي سمك العجينة متوسط هيبقى راائع مش تخين اووي ولا رقيق اوووي
والعجينة فيها خميرة وهتورق وتنفش ان شاء الله
والزبدة واضحة طبعا ورااائعة جوه
وهيا دي اللي هتورق الباتيه ان شاء الله
ونقطع زوايد العجينة بالسكينة عشان يتساااوى المستطيل
وطبعا الزوايد دي نلمها على بعضها ونحطها في كيس بلاستيك في الثلاااجة عشان الزبدة تفضل باااردة جوه العجينة على بال مانخلص
ونفردها تاني بفضل الله
وهكذااا لغاية مانخلص كل مقدار عجينة الباتيه ان شاء الله
واي عجينة تكون باقية من تقطيع الباتيه
نحطها بالثلاجة في كيس بلاستيك على بال
مانخلص فرد العجينة اللي قدامنا وهكذاا ........
ونقطع المستطيل لـــ 6 مستطيلات بالطوول زي كده
وعرض المستطيل بيكون عقلة ونص من اصااابعنا زي الصورة وطبعا حبيباااتي نقدر
نخلي الباااتيه الحجم الللي نحبه زي الصورة لانه هيخمر لسة او نكبره طبعا ينفع
ودلوقتي نقلب المستطيل بحيث وجه العجينة المقابل للرخامة اللي تحت
نخليه فوووق عشان نحط عليه الحشو
وده عشان يطلع الباتيه متساااوي واملس من فوووق
بحيث وجه العجينة اللي تحت اللي ممكن يكون مش نااااعم هو اللي نحط عليه الحشوة
ونحط بسطرمة مثلا او جبنة او شوكولاتة زي كده عالوجه اللي كان تحت
وباين انه مش املس زي وجه العجينة اللي تفرد بالنشابة
ونطوي العجينة عالحشوة ونضغط كويس عشان تلزق ومش تفك وهيا بتتخبز ان شاء الله
ولما نوصل لاخر المستطيل ويتبقى عندنا الزوايد دي نقطعها بالسكينة زي كده
ولو حابين باتيه بالشوكولاتة نحط معلقة صغيرة شوكولاتة شيبسي
وبرده حبيباااتي نلاحظ اننا حطينا الحشوة على وجه العجينة
اللي مش املس وكان مقااابل للرخامة
وده شكل الباتيه مورق وجمييييل اووي بفضل الله وواضحة الطبقات حتى وهو لسة نيء
ونكمل فرد العجينة بنفس الطريقة ان شاء الله لغاية مانخلص كل عجينة الباتيه
ونرص الباتيه في صينية مدهونة زيت ونسيبه لمدة نص ساعة يرتاح ويرتفع
وبعدين ندهن الباتيه ببيض بالفرشاة
ونرش سمسم على باتيه الجبنة
وحبة البركة على باتيه البسطرمة
ونرش كام واحدة شوكولاتة شيبسي على باتيه الشوكولاتة
وبعدين ندخله فرن حرارة هادية 160 الى 170 عالرف الاوسط
لمدة 30 دقيقة ان شاء الله
وبعد 20 دقيقة لما نلاقي الباتيه بقى من تحت دهبي زي كده
نطفي من تحت ونشغل الشواية من فوووق عشان ياخد لون دهبي
وبكده خلص الباتيه بفضل الله نشيله من الصواني ونقدمه حسب ذووقنا
وبسم الله نبدأ صور التقديم
الطبقات مورقة وجميييييلة
إظهار التوقيع
توقيع : وغارت الحوراء
التوقيع لا يظهر للزوار ..
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
إظهار التوقيع
توقيع : ام مالك وميرنا
التوقيع لا يظهر للزوار ..
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
إظهار التوقيع
توقيع : حياه الروح 5
التوقيع لا يظهر للزوار ..
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
رد: الباتيه الهش ,طريقه عمل الباتيه الهش , الباتيه الهش المورّق بالجبنة والشوكولاتة
الساعة الآن 11:11 AM
جميع المشاركات تمثل وجهة نظر كاتبها وليس بالضرورة وجهة نظر الموقع