10 أخطاء بتعملها البنات وبتطفش بيها الشباب!
1- تخليه يغير عن عمد:
بنات كتير بتحاول تثير غيره الولاد بأنهم يتكلموا مع ولاد تانيين ,تعمل نفسها مهتمة ومركزة قوي في الموبايل كأنها بتكلم حد تاني, أو يفضلوا يحكوا ويقولوا ده فولان قالي كذا أو جابلي كذا ده شكله معجب بي …الحاجات ديه سهل جدا إنها تتقلب عليكي وتحسسه اد ايه إنتي سهله وغير موثوق فيكي.
2- اليأس وعدم الإستقلال:
من أكتر الحاجات اللي الشباب مش بيحبها هو انه يحس إن البنت تبقي يائسانة وماسكة فيه ليل ونهار ومدياله إحساس إنهامعندهاش حاجة في حياتها غيره… الرجالة بتحب البنت الجدعة المستقلة اللي يقدر هو نفسه يعتمد عليها لو احتاجها.
3- قلة المعرفة:
اوقات البنات مش بتبقي متابعة اللي بيحصل في الحياة حواليها أو مش بتقرا كتير, وفيه بنات تانية ممكن تتعمد إنها تبين نفسها مش عارفة معلومة معينة عشان تنال اهتمامه وانه يفضل يشرحلها.. يا بنات معظم الشباب بيفضلوا البنت الذكية الواعية.. خلي بالكم من النقطة ديه.
4- الضوافر الطويلة:
الضوافر الطويلة زيادة البنات ممكن تفتكر إنها هتكون مصدر لفت انتباه أو اعجاب, بس في معظم الاوقات الرجالة بتفضل الضوافر اللي تبان طبيعية وجميلة ومش تبان إنها مخالب.
5- البرفان الزيادة:
البرفان اللي ريحته فعلا بتعمي من شدته.. بيبقي حاجة منفرة جدا ومش جذابة بالمرة, لو إنتي من البنات اللي بتحب برفان يبقي تحطي بشكل معقول ومش over.
6- متتكلميش عن حبيبك اللي قبله:
لو في مرحلة اعجاب بشخص يبقي لازم تبقي حريصة في كلامك عن حبك اللي قبله ده لو كان فيه.. يعني طبعا الصراحة مطلوبة ولازم تصارحيه بس تبقي مرة واحدة وخلاص, يعني مينفعش من وقت للتاني تفضلي تفتكري مواقف كانت بتحصل مابنكم, أو مثلا إنك تعملي مقارنة مابنهم.. ديه من اكبر الأخطاء اللي الرجالة عمرها مابتنساها.
7- الدلقة الزيادة:
بلاش تبقي مدلوقة قوي عليه. حتي لو إنتي الاعجاب قاتلك, مينفعش انه يبقي باين عليكي وكل الناس ملحظاة وخصوصا هو, الرجل لما بيحس انه تعب عشان وصل لبنت بيبقي صعب بعد كده انه يفرط فيها..
8- التقل الزيادة:
برده التقل الزيادة مش صح وليه عيوبه, انه حتي وقتها لو هو معجب بيكي ممكن يبعد أو يخاف ويحس إنك مش مهمته.. أحسن حاجة في أي حاجة هو الوسط.
9- النميمة:
الكلام الكتير عن ديه وده وكل اللي حواليكم اوقات بيبن إن إنتي كلامك كتير, وانه يخاف يقولك أو يحكيلك حاجة يحسن تروحي تحكيها مع ناس تانية زي بظبط مابتحكي معاه علي ناس تانية.. من الاخر بيقلل من ثقته فيكي.
10- إنك تحاولي تغيريه:
زي ماإنتي بتحبي إن اللي يحبك ده يحبك زي ماإنتي بكل عيوبك ومميزاتك زي مابظبط هو كمان نفسه يحس إنك بتحبيه أو معجبه بيه زي ماهو… يا ريت بلاش الضغط في إنك تغيري منه, من لبسه أو تصرفاته أو طريقة اكله أو كلامه… لو الشخص عجبك يبكي اعتبريه Package كامله علي بعض ومش اجزاء.. شعور الرجل إن حبيبته بتحاول تغيير فيه ده بيبقي شعور سلبي جدا وبيجرح كرامته وكبريائه.
إظهار التوقيع
توقيع : للجنة اسعى❤
التوقيع لا يظهر للزوار ..
رد: 10 أخطاء بتعملها البنات وبتطفش بيها الشباب!
رد: 10 أخطاء بتعملها البنات وبتطفش بيها الشباب!
الف شكر يا عدولة العدولة هدير
إظهار التوقيع
توقيع : العدولة هدير
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| حب الشباب ,علاج واسباب وكيفية الوقاية من حب الشباب ,اسرع علاج لحب الشباب 2025 | بنوتة عسولة 654 | العناية بالبشرة | ||
| اجابات أهم الأسئلة عن حب الشباب ما لا تعرفه | ساره ساسو1 | العناية بالبشرة | ||
| التخلص من حب الشباب ، التخلص من حب الشباب نهائيا ، التخلص من حب الشباب عند المراهقيين | مامى 2 | العناية بالبشرة | ||
| وصفة لحب الشباب 2025 , وصفات طبيعيه لازالة حب الشباب 2025 , كيفية القض | ريموووو | العناية بالبشرة | ||
| المهندس خالد عبدالعزيز وزير الشباب والرياضة لـ "الجمهوري | سارة سرسور | اخبار رياضية | ||
الساعة الآن 02:34 PM
جميع المشاركات تمثل وجهة نظر كاتبها وليس بالضرورة وجهة نظر الموقع