رواية: كان حلم وانتهى

بـاك ~~~

عنـــــد اسيل:


خير سالم ايش تبغى ؟؟؟

سالم اخوها الصغير: وين ماما متى تجي ؟؟


بعد يومين حبيبي خلاص لا تبكي (((( و راحت ضمته)))

سالم: طيب اسيل انا جوعاااان ابغى آكل

اسيل (تذكرت موضوع طارق) : اوكي سلوم الحين اروح السوق و اجيب لك اكل عشان تفطر

سالم: طيب اجي معك .. الله يخليكي

اسيل : لا حبيبي الجو برا حار عليك خلك هنا مع مروان و هناء ( اخوان اسيل )


هناء بضجر و تأفف : يعني من جدك انتي بتسيبي لي هالبزر وتطلعي؟؟


اسيل : عشاني يا هنوووو مارح اتاخر حببيبتي وبعدين اخوك مروان نايم لازم تجلسي مع سالم و بشتري لك اي شي تبيه

هناء بعد تفكير: اممممم طيب ابغى كاراميل و نوتيلا و تشيز كيك ... اوكي؟؟


اسيل بنفاذ صبر : ان شاء الله حبيبتي يلااا انتبهي ع سالم


يدق تلفون هناء...... و تطلع جوالها تطالع الاسم بابتسامة : اوكي اسيل نسيت اقولك ... بروح عند صاحبتي (نورة) اكيد انها تتصل

عشان تاكد علي المعاد

اسيل تطالع الساعة بيدها: بس الوقت مرررة بدري لسانا ما اذن الظهر باقي له ساعتين

هنااء: لا تخافي و بعدين انتي ناسية وين بيتها؟؟؟ قدام عمارتنا بالضبط و باخذ سالم معي


اسيل : و مروان ؟؟؟


هناء: هو يقوم الظهر عشان يروح يصلي بالمسجد لا تخافي و بطلي قرقر كتير

اسيل : ههههه طيب مااوصيك ع سلوم وانتبهي وانتي تعدي الشارع

كملت تطالع سالم : وانت سلوم خلك مطيع و اسمع كلام اختك الكبيرة عشان اشتريلك شوكولاتة الي تحبها

سالم بفرح : حاضر و لاتنسي ابغى شيبس وووووو .....

في هذي الاثناء


راحت هناء غرفتها:



ياالله .. ايش ذي الفوضى ؟؟

والله مالي خلق انظف دحين خلاص بس ارجع من عند نورة و برتب كل شي

....


تعريف باخوان اسيل و امها و ابوها ::-

....


اسيل مع اخوانها 4

واسيل زي ماقلنا اكبرهم وعمرها 17


جت بعدها هناء وعمرها 13 تدرس صف 2 متوسط (اعدادي)


وهي: بنت كوول و عالمووضة دايم وتهتم بالمظاهر و الكشخة والاناقة كثييييير ويهمها كثير شكلها قدام زميللاتها او ماتسميه

(((برستيج))) ملامحها بريئة و طفولية و جميلة لكنها


تختلف عن اختها اسيل بكل شي

باللبس والستايل و طريقة الكلام و التفكير والذوق وكل شي تقريبااااا

لكن يميزها شخصيتها القوية وثقتها بنفسها وعيبها انها عنييييدة
.....


و بعد اسيل وهناء

جا بعدهم مروان

وهو عمره 10 سنوات يدرس صف سادس ابتدائي


صفاته وشخصيته: تقدروا تقولوا عنه مجنووووووووون بشي اسمه (الكترونيات) ويفهم فيها اكثر من دراسته بعد !!


ماله بجو البنات والمغازلة ابـد ابـــــــد ابــــــــد يكره شي اسمه (((بنات))) واكره ما عليه تكلمه بنت مايعرفها حتى لو بشكل رسمي


طبعا بسبب اخته اسيل و موقف سوته معه من الصغر و من وقتها و هوا يكره هذي الكائنات


(مع ان البنات الطف الكائنات ) بس هو عنده عقدة منهم


لكنه طيب و على نياته و كمان عصبي جداااا ومزاجه متقلب

......

نجي لآخر العنقود

سالم : عمره 5 سنوات يدرس 2 روضة

دلوع امه جدااااا


و يملك اغلب صفات هالجيل: ذكي و شقي جدا مايجلس بمكان واحد ولا يسكت

و طلباته ماتخلص >>> يعني طفل و لسة شخصيته ماوضحت مرة

بس كيوووووت و دلوع عند اخته اسيل




بالنسبة لأم اسيل :

عمرها 32 سنة درست كلية اداب

انسانة بسيطة و راقية جدا اخلاق وجمال و شخصيتها جذابة


حنوووونة جدا وتخاف ع عيالها من الهوا الطاير وخاصة اخر العنقود (سلوم)




ابو اسيل : عمره 36 سنة يشتغل مهندس


انسان هادي و طموح جدا وطيب ومتفاهم لابعد حد لكن عنده الدين والوطن خط احمــر

خدوووم جدا و يحب عياله ومايفرق بين اي واحد فيهم

.

هذي كانت نبذة تعريفية عن عائلة اسيل المتواضعة

و مع الاحداث والمواقف بتعرفووهم اكثر ان شاء الله


..........


.

.

نرجع لقصتنا


بعد مالبست هناء

دخلت غرفة اخوانها (مروان وسالم )


(تقول في سرها وهي تتامل غرفتهم: ياويــــلي وانا الي اقول ع غرفتي فوضى ؟! اجل هذولي غرفتهم تصير ايش؟؟ منبع القمامة !


هناء بصوت عالي: مــــروان قووووم كل هذا نوم .......... ولسة بتكمل جت اسيل ع الصوت


و قالت لها: لالا تقوميه دحين خليه و هو لمن يأذن الظهر وترجعي من عند صاحبتك بيصحى


هناء باستغراب: بس غرفتهم مزبلة !!!!!!!

سالم مو عاجبه : اقول شوفي غرفتك اول الي ريحتها طلعت و بعدين تعالي اتكلمي .... بووووووووم

اسيل: هههههه خلاص انت وهي و يلااا اتأخرتوا ع الناس

وانا كمان اتاخرت

هناء باستغراااب: تاخرتي ع ايش!!!

اسيل بتوتر تصلح الي قالته : آ قصدي بتاخر ع السوق لازم اروح قبل الظهر عشان الفطور


و مااعطتها فرصة لأي اسالة ثانية

اسيل: يلاااا عن اذنكم


هناء : انتبهي ع نفسك


اسيل تفتح باب بيتهم : ان شاء الله لاتتاخري هنووو ^ ياويلك ارجع البيت ومالاقيك


هناء: لا توصي حريص

اسيل طالعة: يلا في امان الله


هناء وسالم: مع السلامة




و هي في طريقها للسوق


قاعده تقول في نفسها (يالله شكلي تاخرت ع طارق ... راح يسمعني كلمتين عشان التاخير هذا ... يارب استر منه متاكده وراه شي.. اسيل لا تكوني خوافه اشبك راح تقابليه في مكان عام يعني ماراح تكونوا لوحدكم بسم الله بسم الله)

صارت تكلم نفسها كذا طووول الطريق الين وصلت للسوق


و اول مادخلت وشافها ابتسم و راح لها


طارق: هلا والله اسوول وين القمر مختفي؟؟؟

اسيل بصوت منخفض : معليش كنت انيم اخوي الصغير

طارق: اوكي ولا يهمك

....اتوقف الى هنا



نكمل في البارت القادم


انتظروووووني

غدا ... ان شاء الله


مع بارت جديد واحداث جديدة