كيفية التغلب على الارهاق والتوتر حلول عمليه
لو دايما بتحسى بالتقصير وعدم الانجاز و (جلد الذات)
شوفى التجربه دى
دكتور نفسى عمل اختبار مجنون شوية
طلب من مجموعة متطوعين انهم يخضعوا لاختبار مدروس
الاختبار كالتالى:
قسم المتطوعين لمجموعتبن
جاب ترابيزة عليها طبقين
طبق فيه قطع كوكيز
وطبق فيه لفت
ايوة الدكتور جاببلهم لفت
المهم
طلب من المجموعة الاولى تاكل كوكيز
وطلب من المجموعة التانية تاكل اللفت
وكلهم متجمعين على نفس الترابيزة
طبعا المجموعة اللى بياكلوا اللفت كانوا ماسكين نفسهم بالعافية وبياكلوا اللفت غصب عنهم وعيونهم مانزلتش من على الكوكيز اللذيذ وطول الوقت بيحقدوا على اللى بياكلوا الكوكيز.
اما مجموعة الكوكيز المحظوظين كانوا فى قمة سعادتهم
ههههه ومستمتعين بالاختبار .
الدكتور اوهمهم ان الاختبار خلص كدة
وقالهم هنبدأ اختبار تانى مالوش علاقة بالاول.(بيكذب)
الاختبار التانى كان عبارة عن لغز حسابى
الدكتور طلب من المتطوعين انهم يحاولوا يحلوا اللغز
المفاجأة ان اللغز اصلا مالوش حل ، بس الدكتور المكار كان عايز يعرف مدى صبر المجموعتين وقدرتهم على المحاولة
ودة طبعا من غير مايقولهم ان اللغز مالوش حل
مكار والله
المفاجأة التانية ان مجموعة اللفت استسلموا بعد 5 دقايق
اما مجموعة الكوكيز فضلوا يحاولوا لمدة 30 دقيقة.
التفسير اللى خرج بيه الدكتور
ان مجموعة اللفت استنفذوا كل طاقتهم وهم بيحاولوا يمسكوا نفسهم ، حصلهم حالة من ((الارهاق النفسى)) خلتهم زهقانين انهم يحاولوا يحلوا اللغز.
على عكس طبعا المجموعة التانية اللى كانوا رايقين وبيحاولوا فى اللغز ببال رايق.
نطلع من دة كله ب إيه ؟؟؟؟؟؟
انتى لو ركزتى هتلاقى نفسك طول اليوم بتاكلى لفت ههههههه
طول اليوم بتتعرضى للارهاق النفسى
مسئوليات ،،، وطلبات ،، وزن الولاد ،، وماسكة نفسك ،، بتحاولى ماتتعصبيش ،، كلمة رخمة من زميلتك ،، ،، عدم تقدير من المقربين ليكى ،، معاملة لا تليق بيكى ،، خبر وحش ع النت ،، حال البلد ،، الدولار زاد ،، الدولار نزل ،، الاسعار ،، ومشكلة هنا وسوء تفاهم هناك ،، وكلامك يتفهم غلط
حاجات كتيرررررررر
هى الحياة كدة اكترها لفت
وياقلبى بتيجى اخر اليوم تقولى هو انا مابعرفش انجز حاجة فى حياتى ليه ؟؟؟؟؟
وتقعدى تجلدى نفسك
طبعا الله يكون فى عونك من اللى بتشوفيه.
طيب ايه مفيش حل ؟؟؟؟؟
لا ازاى ماكنتش كتبتلكم البوست
.
.
(( قبل الحل،، لازم تقتنعى انك مش مقصرة،، انتى فعلا مرهقة ،، ماتجلديش نفسك تانى ابدااااااااااااااااا ))
.
.
الحل حاجتين
اول حاجة
هتحاولى ماتتأثريش بالحاجات دى
ماتدخليهاش جوة قلبك
طنشى الحاجات الصغيرة.
فى فرق انك تطنشى بجد وانك تعملى نفسك مطنشة
لانك لو عملتى نفسك مطنشة كدة انتى بترهقى نفسك زيادة
التطنيش مهارة يمكن اكتسابها
محتاجة بس قرار وشوية محاولات
طنش ،، تعش ،، تنتعش
الحياة اصلا مش مستاهلة.
دة بالنسبة للحاجات الصغيرة هنطنشها
طيب بالنسبة المشاكل الكبيرة اللى ماتنفعش نطنشها؟؟
بسييييييطة
الحل فى الاية دى
وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ”
مع ركعتين فى جوف الليل وخلصت.
ربنا أكبر من المشكلة
والزعل وضغط الاعصاب مابيحلش مشاكل.
تانى حاجة
لو مقدرتيش تعملى الخطوة اللى فاتت على اكمل وجه
و فى حاجة مش مريحة دخلت قلبك فعلا ،، وسببت ارهاق
تخلصى من الارهاق فورا
وماتخليش فى فرصة ان تحصل تراكمات.
ازاى اتخلص من الارهاق؟؟
اعملى لنفسك switch off
افصلى
اقعدى فى هدووووووء
اسمعى قرآن❤
اعملى جلسة استرخاء (من يوتيوب)
تنفسى بعمق
اسمعى قرآن❤
كلى شيكولاته
اشربى قهوة
اعملى حاجة بتحبيها
منقول
إظهار التوقيع
توقيع : لؤلؤة الحَياة
التوقيع لا يظهر للزوار ..
رد: كيفية التغلب على الارهاق والتوتر حلول عمليه
رد: كيفية التغلب على الارهاق والتوتر حلول عمليه
إظهار التوقيع
توقيع : العدولة هدير
التوقيع لا يظهر للزوار ..
رد: كيفية التغلب على الارهاق والتوتر حلول عمليه
إظهار التوقيع
توقيع : جنا حبيبة ماما
التوقيع لا يظهر للزوار ..
رد: كيفية التغلب على الارهاق والتوتر حلول عمليه
إظهار التوقيع
توقيع : ام سيف 22
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| كولكشن محجبات 2025 ملابس محجبات ازياء محجبات جديده عمليه ملابس محجبات عمليه للعم | ريموووو | ازياء وملابس المحجبات | ||
| موديلات صيفيه عمليه ازياء عمليه صيف 2025, موديلات صيفيه ازياء صيفيه ملابس صيفيه | ريموووو | ازياء وملابس صيفية | ||
| 23 نصيحة للتغلب على الخوف,طرق للتغلب على الخوف,كيفية التغلب على الخوف | العدولة هدير | العيادة الطبية | ||
| حلول وأفكار عمليه للحد من الفوضى داخل غرفة النوم | الملكة نفرتيتي | افكار وتجارب منزلية | ||
| كولكشن صيفى 2025 ازياء صيفيه عمليه ازياء عمليه للصيف | ريموووو | ازياء وملابس صيفية | ||
الساعة الآن 05:54 PM
جميع المشاركات تمثل وجهة نظر كاتبها وليس بالضرورة وجهة نظر الموقع