أو

الدخول بواسطة حسابك بمواقع التواصل

#1

شرح ازاى تحافظى على وزنك بعدما خسيتى

في موضوع الريجيم وتقليل الوزن، دايما بنتكلم ونسأل إزاي نوصل للوزن المثالي ونخس؟ وإيه الريجيم المناسب؟ وإيه الأدوية المناسبة؟ وإيه التمارين الرياضية اللي نمارسها مع الريجيم؟

كل ده كلام مهم جدا، لكن الأهم منه هو إزاي نحافظ على وزننا الصحي اللي وصلنا له بعد ما عملنا ريجيم والتزمنا به شهور طويلة؟ إزاي نثبّت وزننا؟ وليه بعض الناس وزنهم بيرجع أكتر من الأول بعد ما يوقفوا الريجيم؟

يعني إيه تثبيت الوزن؟




تثبيت الوزن هو أن تحصل على سعرات توازي المجهود المبذول يوميا، وأن تراقب ما تأكله بعد التوقّف عن الريجيم، مع مراقبة الوزن كل فترة، والمفروض إن الشخص يكون اتعوّد على طريقة الأكل الصحيحة أثناء فترة الريجيم.

وبالتالي فتثبيت الوزن يعتبر أهم مرحلة في التخسيس، ولو عندي مريض وعندي اختيارين بين التثبيت واستكمال الريجيم؛ فأنا بافضّل إننا نبدأ بالتثبيت؛ لأني لازم أعلّم المريض الأول إزاي يحافظ على وزنه؛ وده معناه إن علاج السمنة بينقسم لمرحلتين هما الرجيم ثم التثبيت.

ومرحلة التثبيت بتيجي في الوقت اللي بيكون المريض فيه راضي عن وزنه، أو لمّا يشعر إنه تعب أو زهق من الريجيم؛ ففي الحالة دي ممكن أوقّف الريجيم، ونبدأ تثبيت الوزن، وبعدين نرجع نكمّل تاني باقي الريجيم.

إزاي الشخص يعمل لنفسه نظام علشان يثبّت وزنه؟
فيه أكتر مِن شكل للتثبيت إما بتقليل كميات الأكل؛ بمعنى إن الشخص ياكل كل حاجة لكن بكميات أقل مع ممارسة التمارين الرياضية اليومية المتاحة؛ زي المشي، أو طلوع السلم، أو ركوب العجل، أو الجيم، أو السباحة.

الطريقة التانية إن الشخص يوازن بين الوجبات؛ يعني لو في اليوم الشخص اللي بيعمل تثبيت أخد راحته في الأكل؛ فاليوم اللي بعده لازم يمشي على ريجيم، ولو لَخْبَط في الأكل يومين، اليومين اللي بعدهم يمشي على الريجيم.

المهم إن الشخص يوزن نفسه مرة أسبوعيا؛ علشان لو لقى وزنه زايد يقدر يلحق نفسه بسرعة ويخس الوزن اللي زاده، ولازم ناخد في الاعتبار إن التثبيت بيختلف من شخص لآخر حسب طبيعة نشاطه، وكمان حسب الحالة المزاجية؛ يعني فيه ناس بتحب تاكل لحد ما تشبع، وفي الحالة دي عند التثبيت لازم نكتّر من الأكل اللي بيخلينا نشعر بالامتلاء؛ زي: السلطة والفاكهة.

ليه أغلب الناس بتقابلها مشكلات كتيرة في فترة التثبيت.. وإيه الأخطاء اللي بيرتكبوها في المرحلة دي؟
أول وأكبر خطأ الناس بتقع فيه؛ هو إن المريض بيبقى معتمد في وقت الريجيم اعتماد كلي على الطبيب ونظام الأكل الأسبوعي اللي الطبيب بيحدده، وبالتالي لما بييجي وقت التثبيت المريض مش بيقدر يقيّم الأداء ده لوحده؛ لأن وقت التثبيت المريض بيرجع للدكتور 4 مرات في السنة فقط لمتابعة حالته.

والحل إن المريض يتعود على كده بالتدريج؛ فنبدأ التثبيت بإننا نتابعه في الأول كل أسبوع، وبعدين كل أسبوعين، وبعد كده كل شهر، لحد ما نوصل إن لمتابعة تبقى 4 مرات في السنة.

وبكده المريض بيتعود على نظام التثبيت وبيفهمه وبيعرف أخطائه علشان يقدر يعتمد على نفسه بعد كده حتى بعد ما بيتوقف عن الريجيم تماما، ويفهم إيه هي العادات الصحية السليمة ويغيّر عاداته كلها على الأساس ده.

في الريجيم بنعتمد على معدل الحرق والسعرات الحرارية.. إزاي المريض يبقى عنده المعلومات دي علشان يقدر يعتمد على نفسه؟
عادة السيدات بيحتاجوا للحصول على 1900 سعر حراري يوميا أثناء مرحلة التثبيت، أما الرجال بيحتاجوا للحصول على 2500 سعر حراري يوميا؛ وده لأن الرجل عنده نسيج عضلي أكبر، وده بيخلّيه محتاج لسعرات حرارية أكتر.

بالإضافة إلى إن المعدل اللي بيحتاج له كل فرد بيعتمد على الوظيفة والرياضة والسن؛ لأن الناس اللي سنهم صغير بيحتاجوا عدد سعرات أكبر علشان النمو، أما بعد سن 65 سنة مش بيحصل زيادة في الوزن، وبالتالي بنحتاج لعدد سعرات حرارية أقل.

وكل فرد يقدر يحسب المعدلات المناسبة له بإنه يوزن نفسه أسبوعيا مع تسجيل عدد السعرات الحرارية اللي بيحصل عليها خلال الأسبوع، ولو لاحظ إن وزنه زاد خلال الأسبوع ده يبقى هو محتاج لتقليل عدد السعرات الحرارية بعد كده، وبكده يبقى الشخص هو الرقيب على نفسه.

إيه هي أنسب التمارين الرياضية اللي ممكن الشخص يمارسها في فترة التثبيت؟
الرياضة بكل أشكالها سواء كانت ماتش كورة أو جيم أو أيروبكس أو جري مفيدة للإنسان، لكن المشي السريع لمدة 40 دقيقة أو أكتر 5 مرات في الأسبوع هيبقى مناسب جدا لكل الأشخاص وكل الأعمار.


إظهار التوقيع
توقيع : ام نيرة
#2

افتراضي رد: ازاى تحافظى على وزنك بعدما خسيتى

شكرا ياحبيبتي عالتوضيح
#3

افتراضي رد: ازاى تحافظى على وزنك بعدما خسيتى

مشكووووووره
إظهار التوقيع
توقيع : بسم الله
#4

افتراضي رد: ازاى تحافظى على وزنك بعدما خسيتى

جزاكى الله خيرا
#5

افتراضي رد: ازاى تحافظى على وزنك بعدما خسيتى

رائع سلمت يداكى
إظهار التوقيع
توقيع : نجمة منورة
#6

افتراضي رد: ازاى تحافظى على وزنك بعدما خسيتى

اسعدنى مروركم ياقمرررات
إظهار التوقيع
توقيع : ام نيرة
#7

افتراضي رد: ازاى تحافظى على وزنك بعدما خسيتى

مشكورة يا قمر ربنا يسهلها معانا
#8

افتراضي رد: ازاى تحافظى على وزنك بعدما خسيتى

تسلمى يا قمر
إظهار التوقيع
توقيع : عاشقة اولادى
#9

افتراضي رد: ازاى تحافظى على وزنك بعدما خسيتى

شكرااااا غاليتى
إظهار التوقيع
توقيع : ريموووو
#10

افتراضي رد: ازاى تحافظى على وزنك بعدما خسيتى

جزاكى الله خيرا
إظهار التوقيع
توقيع : semsemahasan
#11

افتراضي رد: ازاى تحافظى على وزنك بعدما خسيتى

جزانى واياكىحبيبتى واشكركم
إظهار التوقيع
توقيع : ام نيرة
#12

افتراضي رد: ازاى تحافظى على وزنك بعدما خسيتى

الله عليكى
إظهار التوقيع
توقيع : روميساءالاسلام


قد تكوني مهتمة بالمواضيع التالية ايضاً
الموضوع كاتب الموضوع المنتدى
لا تفقد الأمل فى ممارسة الكرة بسبب وزنك.. نجوم تتألق فى المستطيل الأخضر بعدما ت سارة سرسور اخبار رياضية
ازاى تحافظى على بشرتك بعد الزواج Ana crazy العناية بالجسم
تحافظى على وزنك بعد التخيسيس ؟ mareoma طرق التخسيس وانقاص الوزن
ازاى تحافظى على وزنك مع الحمل والرضاعه! ام نيرة مرحلة الحمل والولاده


الساعة الآن 10:35 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل