السلام عليكم ورحمه الله وبركاته
*************************
افكـــــــــــــار مية مية للمطبخ وللتوفير كمان :
=========================
الفكره الاولي
--------------------
البصل لما تبشري البصل بالمبشره عشان تحمريه للصلصة وغيرها بتحسي انه اتعصر شويه وفيه ميه كتير
الميه بتخلي الطعم مر
الفكره اعصري البصل من الميه قبل ما تحطيه في الزيت والعصير اللي بيطلع حطيه علي الشوربه مع ملح وفلفل يبقي الشوربه حلوه وتضيع الزفاره ووفرتي البصل اللي بيتحط في الشوربة وكما البصل هيتحمر بسرعه لانه مفهوش ميه
الفكره الثانيه
-------------
لما تسوي البصل في الزيت وعايزه توفري في الزيت ايه اللي بيحص بيحروق منك ويمرر
هنعمل ايه بقي
نكتر الزيت براحتنا خالص وبعد ما يستوي هتلاقي الزيت فصل لوحده هتجيبي صفايه وتصفي البصل من الزيت وتضغطي عليه تطلعي روحه... قصدي تطلعي الزيت منه وتستخدميه في اي حاجة تانيه تحمر بيه اللحمه او الفراخ اوتعملي بيه الرز ولسان العصفور وهيكون طعمه حلو بنكهه البصل
وعلي فكره كل ما تكون النار هاديه علي الاكل كل ما يكون طعمه احلي
الفكره الثالثة
----------------
لما تضربي الطماطم في الخلاط بتحطي شويه ميه عشان الخلاط يشتغل وطبعا العصير بتاع الطماطم هيكون خفيف وياخد ناركتير في السوحابنعمل ايه نبشر طماطميتين في المبشره ونبدا بيهم في الخلاط ونشغل الخلاط ونضيف قطع الطماطم واحده واحده الخلاط هيشتغل عادي ويطلع العصير تقيل ما ياخدش وقت ويوفر الغاز وضيفي فصين توم وملح وفلفل اسود اثناء الخلط لنكهه جميله.
الفكره الرابعه
=======
الدربكه في المطبخ والتاخير في الطبيخ من غير لازمة
الحل لازم تشغلي دماغك يعني تتعودي انك ترتبي مراحل الطبخ قبل ما تبداي يعني تحطي ميه الشوربة علي النار لغايه ما تغلي تكوني غسلتي الفراخ اواللحمه وحضرتيها
او تعملي البصله وتحطيها بالزيت علي النار هاديه وهي بتستوي تكوني جهزت الخضار والطماطم استخدمي اكثر من عين عشان توفري وقت وقوفك في المطبخ
اول ما تبداي تملي حوض المطبخ ميه دافيه بمنظف وكل ما توسخي حاجة تغسليها في ساعتها بعد ما تخلصي هتلاقي المطبخ زي الفل
الفكره الخامسه
==========
غلي اللبن عشان مش يفور هتجيبي مانع الفوران عشان البوتجاز والعيون بتبوظ اكتر حاجة من اللبن لو معندكيش مانع الفوران تحطي معلقة كبيره مغسولة في اللبن وهو بيغلي او كبشه مش هيفور وتخلي النار واطيه
الفكره السادسة
===========
وانتي بتسلقي البيض عشان ميتكسرش اثناء السلق تفحصي البيضه كويس لو فيها شرخ يبقي بلاش تسلقيها هتبوظ
وبعدين تحطي شويه ملح ونقطه خل مع ماء السلق هيمنع الشروخ
الفكره السابعة
===========
وانتي بتعملي الباشميل المكرونة بتتاخر في الفرن علي ما تستوي ومش بيحمر الوش بسرعه
فكرتي اولا لازم كل المكونات تكون سخنة يعني مش تعملي المكرونه وتركنيها والعصاج وتركنيه لما يبرد غلط
اولا المكرونه تزودي سواها اكتر من العادي وتكون سخنه
هتضيفي ملعقة باشميل سخن في قاع الصينيه بعده تخلطي نص الباشميل سخن مع المكرونه وتفرشي نصها تحت وعليها العصاج برضه سخن وباقي المكرونة ونص الباشميل التاني هتحطي عليه بيضتين وهو سخن مش هيحصل اي حاجة بس حطيهم بيضه بيضه وقلبي جامد وعلي الوش وبسرعه في الفرن هتلاقيها مش هتاخد نص الوقت وتكون طبعا الفرن سخنه
#
عدلات
افكـــــــــــــار مية مية للمطبخ وللتوفير كمان ، ١٠ افكار لبيت مريح
قد تكوني مهتمة بالمواضيع التالية ايضاً