أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

محتاجة رأيكوا

إضافة رد  أضف للمفضلة
https://3dlat.com/showthread.php?t=351857
2326 13
#1

جديد محتاجة رأيكوا

السلام عليكم ورحمة الله وبركاته إزيكوا يا عدولات وحشتوني كتييييير كتييييييير... بقالي كتير ما كتبتش في المنتدى من ساعة رمضان اللي فات .
بس عشان كنت مشغولة جدا فقولت أعرض عليكوا مشكلتي يمكن تقدروا تساعدوني في حلها، أنا هدخل في الموضوع على طول....
بصوا يا عدولات أنا متجوزة بقالي ثلات سنين وشهر جواز صالونات عن طريق واحد شيخ جارنا هو اللي جابلي العريس واتخطبت ست شهور بس وكان خطيبي في الفترة دي متظاهر عليا إنه طيب وكويس وأنا صدقت واتجوزت في بداية الجواز كانت بتحصل مشاكل عادية على الأكل وحاجات تافهة وبعد شهر حصلت مشكلة عشان كنا عند أخوه وأنا اتكلمت فزعقلي قدامهم وغضبت عند ماما وجبنا خالي واتصالحنا وبعدين كنت حامل وكان كويس معايا وكانت بتحصل مشاكل بس تافهة وحتى لو اتعصب كنت بعديله وبعد ما ولدت بشهر جاب أبوه وأمه في البيت يقعدوا معانا بحجة إن صحاب البيت هياخدوا الشقة عشان الشقة إيجار قديم باسم أبوه وفعلا جم قعدوا وحصلت مشاكل كتير وكنت بعديها عشان خاطر إيني وقعدوا معانا سنة ونص وفي مرة اتخانق معايا ومد ايده عليا فسبت البيت وغضبت اسبوعين وكان بيحاول يصالحني وأهلي كانوا بيتدخلوا وفعلا اتصالحنا ووعدني إنه مش هيكررها تاني وبعدين بعد ست شهور عمل نفس الموضوع وجه صالحني لحد رمضان اللي فات برضه فضل اسبوعين يتخانق وسبت البيت وكان بييجي وأهله يتصلوا وأمه اتصلت تهددني وتقولي لو مرجعتيش البيت هنيجي نقعد فيه واخبطي راسك في الحيطة ورجعت برضه عشان خاطر ابني لحد آخر خناقة قد العيد الكبير باسبوعين فضل يتخانق لمدة أسبوعين يتخانق يتخانق ويمد إيده كتير وبيهدنني بالقتل وبعدين تاني يوم العيد الصبح كان ضربني وكان عايز يخنقني فهربت وخد الواد وروحت عند أمي فاخواتي وأمي راحوا يقولوا انت بتضربها لية راح شتم أمي وزقها واتخانق مع اخواتي وكسر النيش وبعدين عمل محضر وبلغ عنهم واتحبسوا يومين مع جوزي واتصالحوا وطلعوا.




مش عارفة أعمل إيه دلوقتي والله أنا تعبت ولا بييجي ولا بيسأل على الواد ولا بيبعتلوا قرش والواد دخل الحضانة عشان أنا بروح الشغل بس لسة مستلمة شغلي والواد عندي سنتين وثلات شهور وعايز مصاريف وعلاج حد يقولي أعمل إيه هو فيه واحد قريبنا محامي ممكن يرفعلي قضية بس قاللي إعملي توكيل وأنا مش عايزة أدخل في موضوع القضايا عشان تضييع الوقت قولولي أعمل إيه بس، بفكر أتصل بيه أقولوا طلقني أو أروح لأبوه وأمه اتفاهم معاهم بس الشيخ جارنا قاللي بلاش، هو مش عايز يطلق وقالي خدي حاجتك بس يا إما روحي اتطلقي في المحكمة قولولي أعمل إيه، هو إنسان سيء جدا وعصبي على طول وبيمد إيده على أتفه الأسباب ومش عايز يكون ليا رأي ولا شخصية ولا أمسك فلوس في إيده وأكون مجرد كنبة أو كرسي في البيت وأخلاقه وحشه وعلى طول بيشتمني بأهلي قولولي أتصرف معاه إزاي وإيه الخطوة اللي ممكن آخدها.


#2

افتراضي رد: محتاجة رأيكوا

ليه محدش رد عليا
#3

افتراضي رد: محتاجة رأيكوا

مدام هو العيشه معاه محاله كداليه مش تطلقي .حضرتك اديتيلو فرص كتيرة وهومعملش هخاطرلدا الحل من رايي ان تطلبي منه الطلاق لوموافقش يبقاممكن ترفعى قضيه وايةيعنى الوقت مكداكداالوقت بيعدى وحضرتك على نفس الحال يبقااستغلي لوقت وارفعى قضيه واخلصي من الهم دا.

إظهار التوقيع
توقيع : ಇESRAAಇ
#4

افتراضي رد: محتاجة رأيكوا

لا حول ولا قوة الا بالله
ربنا يصلح حالك يارب ويهديهولك ويكفيكي شر اهله
يارب الامور تتصلح وبيتك يعمر
قربي من ربنا وتضرعي اليه وان شاء الله يهديلك زوجك و يجيبلك حقك انه علي كل شئ قدير
ربنا يريح بالك ويفرح قلبك ويفك كربك ويبدل حزنك فرح اللهم امين.
إظهار التوقيع
توقيع : بحلم بالفرحة
#5

افتراضي رد: محتاجة رأيكوا

ربنا يفك كربك يارب بصى ياحبيبتى طالما هو طباعه وحشة كده انفصلى عنه اكرمكلك من العيشة مع الشخصية دى وكده كده ابنك غصب عنه فوق دماغه هيدفعله مصاريفه زائد مصاريفك
إظهار التوقيع
توقيع : حنين الروح123
#6

افتراضي رد: محتاجة رأيكوا

بصي هو دا المجتمع الشرقي يقولك استحملي عشان ابنك ومعرفش ايه لا ابنك هيعيش حتي لو كنتي مطلقه وانت مفروض من الاول لما ضربك مكنتيش سكتي اول مايصالحك ترجعيلو انتي الغلطانه مفروض كنتي سبتيه يتربا شهرين ولا حاجه ومادام وصلت سجن وكده خلاص اجوازه باظت

#7

افتراضي رد: محتاجة رأيكوا

بس أنا عندي مشكلة إن الشقة عند ماما صغيرة وأنا عندي إخوات كتير وكلهم لسة متجوزوش وأهلي مش موافقين إني آسكن في شقة لوحدي، مش عارفة أعمل إيه
#8

افتراضي رد: محتاجة رأيكوا

مش عارفه اقولك ايه , ربنا يصلحك حالك و يوفقك للصح يا رب
#9

افتراضي رد: محتاجة رأيكوا

استمري
#10

افتراضي رد: محتاجة رأيكوا

ربنا يصلح حالك يارب
#11

افتراضي رد: محتاجة رأيكوا

ربنا يصلح حالك
#12

افتراضي رد: محتاجة رأيكوا

لا حول ولا قوة الا بالله ,,ادعيله بالهداية
#13

افتراضي رد: محتاجة رأيكوا

بس ملحوظه مع احترامي
ابنك عنده سنتين و بيروح الحضانه؟؟!
إظهار التوقيع
توقيع : Zi n ab
#14

افتراضي رد: محتاجة رأيكوا

أبغض الحلال عند الله الطلاق ، لكن إذا استحال العيش
فهذا هو الخيار الأنسب ...فعلى ما اتضح ,,سيتكرر نفس المشكل
و إن عدت إلى بيت الزوجية و سوف لن تهنئين في ظل هذا الجو المشحون ..
فلنتحرر من عقدة لا يجب أن نتطلق ، أو أصبر من أجل ابني و كذا ....
توضع النقط على الحروف : إما العيش الكريم و بالاحترام المتبادل و بتحمل المسأولية ،
و إما الانفصال مادامت ظروف العيش سيئة و غير هنيئة .
هذه وجهة نظري ، أسأل الله لك الفرج العاجل بحول الله .



قد تكوني مهتمة بالمواضيع التالية ايضاً
الموضوع كاتب الموضوع المنتدى
محتاجه لروحك هبه شلبي المنتدي الادبي
محتاجة شغل تعبئة مواضيع sheroshero0o0o وظائف نسائية شاغرة
الله يخليكن ساعدوني كتير محتاجة إلكن عضوية خاصة فضفضة وحل المشاكل
محتاجة جيران منال عبد الفتاح فضفضة وحل المشاكل
أسئلة محتاجة أجوبة Lo'Lo'a منوعات x منوعات - مواضيع مختلفة


الساعة الآن 06:57 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل