أو

الدخول بواسطة حسابك بمواقع التواصل

#1

جديد مجروحة أوي ومش عارفة أعمل إيه

السلام عليكم ورحمة الله وبركاته،إزيكوا يا عدولات أنا بقالي كتير مكتبتش في المنتدى بس قررت أكتب النهاردة، أنا متجوزة بقالي ٤ سنين وعندي ولد عنده ٣ سنين من أول جوازي وأنا في مشاكل مع جوزي تقدروا تقولوا من تاني يوم جواز وأنا بحاول أعدي المشاكل، لحد ما خلفت وبعدين جوزي جاب أبوه وأمه يقعدوا معانا في البيت من غير مناسبة بحجة ان الشقة ةتتاخد منه وعديت الموضوع وبقيت اعتماهم كويس عشان عايزة اعيش وبعدين حصلت مشكلة بيننا وضربني وغضبت عند اهلي ورجعت وبعد ست شهور حصلت مشكلة تاني بسبب انه ابوه وامه كانوا هيمشوا وهو كان عايزني اشتغل واساعده ورجعت تاني، وبعدين كنا في رمضان اللي قبل اللي فات وكان دايما بيتخانق ويضربني واهله حاولوا يرجعوني ويضغطوا عليا، وبعدين اشتغلت مشرفة في مدرسة بقبض ٦٥٠ جنيه عشان اساعد في البيت وقولت انه هيبقى كويس وبرضه شهر والتاني قبل ما اتعين حصلت مشكلة كبيرة في العيد الكبير اللي فات وضربني ضرب موت واتخانق مع اخواتي وبلغ عنهم، واتحبسوا وغضبت شهرين عند والدتي، وبعت ناس جيرانا عشان يصالحوني، وبعدين رجعت وقال قدامهم انه هيتغير وبعد كده شهر والتاني وعمل مشاكل وضربني مرة وحبسني في الأوضة وضربني بالشماعة على جسمي ودماغي لحد ما الجيران ما جم يلحقوني وروحت عملتله محضر في القسم واتنازلت عنه، وبعد كده ابوه اتوفى واهله كلهم اتجمعوا عليا واتخانقوا معايا، واخوه اتدخل واتصالحنا وقال انه عمره ما هيتخانق معايا تاني ولا يضربني وجت والدته قعدت عندنا في شهر ٣ اللي فات وقعدت شهر ونص واول لما جت كنت تعبانة اليوم ده جدا واستأذنت من الشغل فقالي جهزي الغدا وانا قاعدة معاهم بالعافية، فقاللي انتي مكشرة كدا ليه قولتله انا تعبانه راح ضربني وامه وقفت معاه، المهم بالليل روحت الطوارئ وجبت علاج كتير وخدت اجازة من الشغل يومين، وبعد كده خفيت وكنت بعامل امه والله احسن من امي وبخدمها واروح معاها مشاوير وببقى عندي شغل الصبح وأسهر وفي جزائي انها تفتري عليا وتقول اني هخنق ابني عشان شافتني بنضفلوا مناخيره، وهو جه وغلطني انا وضربني وتاني يوم شتمتني واشتكيتلوا فضربني وهما الاتنين كانوا بيتتفقوا عليا وبعد كده برضه عديت الموضوع عشان خاطر ابني وجه رمضان وكنت مرة متزوقة وكان بيكلم أمه في التليفون وبعد كده يتختنق معايا وكل ما أكلمة يشتمني ويضربني وبعد كده ضربني في مناخيري وعلى وشي وبعدين، قاللي أنا هطلقك وقاللي انتي طالق وبعدين كل يوم يقولي امشي، يتبع.


#2

افتراضي رد: مجروحة أوي ومش عارفة أعمل إيه

[mention=124036]قلب حديد[/mention];
السلام عليكم ورحمة الله وبركاته
حبيبتى مع احترامى ليكى ولاهلك
فين اهلك من كدة هو واضح متزعليش ان شخصيتو ضعيفة الله يهدية انتى كان لازم تاخدى موقف بجد وتوضعى حد للموضوع ولو امه عاملة مشاكل فمن الاحسن انها تمشي تروح بيتها ودا مش حرام اكيد تزروها تملى ويشوف طلبتها بس وهية بعيد لكن اظاهر ان الوضع مش بيتغير
بتروحى وترجعى وتروحى وترجعى وكل مرة يكدب ويضربك الا الضرب
لازم تاخدى موقف صح وصارم وتقولى طلباتك ومتخافيش من حد
ربنا موجود ادعى ربنا واستغفرى كتير على اد ماتقدرى وان شاء الله ربنا يهدية ويجعلة زوج صالح الله يهدية
إظهار التوقيع
توقيع : ام مالك وميرنا
#3

افتراضي رد: مجروحة أوي ومش عارفة أعمل إيه

المشكلة اني لما برجع مفيش حاجة بتتغير، والمرة دي زودها أوي ضرب وشتيمة وقاللي انت طالق وقاللي لازم تمشي بس أنا مكنتش عايزة أروح عند أهلي عشان ظروفهم صعبة وعددهم كبير واختي بتمتحن ثانوية عامة وانا قاعدة دلوقتي عند اهلي متضايقة جدا وبقول يا ريتني كنت قعدت في بيبي مش عارفة بجد اتصرف ازاي
#4

افتراضي رد: مجروحة أوي ومش عارفة أعمل إيه

السلام عليكم ورحمة الله وبركاته
يسر الله لكِ يا اختى الخير وجعل بعد عسركِ يسرا

كما قالت لكِ اختكِ ام مالك الامر محتاج وقفة يتدخل فيها اهلك ليتوقف عن ضربك هذا نهائى
وانتِ ايضا ارجعى لنفسك وعاتبيها بصدق فان كان فيكِ اى خطا عالجيه فقد تكونى متسببة فى كثير من الإختلافات هذه دون ان تشعرى ليستقيم امرك وترتاحى فى حياتك

ولا تنسى ان الرجوع الى الله بالتوبة والاستغفار خير ما يزيل الهموم والغموم
وفقكِ لما يحب ويرضى وانار حياتك برضاه
إظهار التوقيع
توقيع : أم أمة الله
#5

افتراضي رد: مجروحة أوي ومش عارفة أعمل إيه

لو كنت مكانك ياغالية كنت اشتيكيت عليع لعند الشرطة وبعدين اتطلقت منو
يعني هيدي رجال وقاعدة معو وصابرتلو لازم تعملي كده عشان ولدك يعني لو كبر في جو زي كده رح ةيكبر معق? [mention=124036]قلب حديد[/mention];
إظهار التوقيع
توقيع : أميرة السكون
#6

افتراضي رد: مجروحة أوي ومش عارفة أعمل إيه


المشاركة الأصلية كتبت بواسطة قلب حديد
المشكلة اني لما برجع مفيش حاجة بتتغير، والمرة دي زودها أوي ضرب وشتيمة وقاللي انت طالق وقاللي لازم تمشي بس أنا مكنتش عايزة أروح عند أهلي عشان ظروفهم صعبة وعددهم كبير واختي بتمتحن ثانوية عامة وانا قاعدة دلوقتي عند اهلي متضايقة جدا وبقول يا ريتني كنت قعدت في بيبي مش عارفة بجد اتصرف ازاي
عليكِ بالدعاء ثم الدعاء تحرى اوقات الإجابة
وادعى ربنا بكل اللى فيكِ عيطى وانكسرى لله
هو وحده قادر يحلهالك
انا كتير مر بيا صعوبات و كربات وبفضل الله اتحلت بالدعاء
اصبرى ربنا يهديهولك وادعى ربنا انه يرجعه لكِ أحسن مما كان ادعيه انه يرجعلك الانسان الصالح المتفاهم اللى بتتمنيه
الله وحده قادر على حل مشكلتك
عليكِ بالدعاء والصبر والقرآن والاستغفار حتى يأتى أمر الله
طول ما انتى صاحية استغفرى الله لان الذنوب احيانا بتكون سبب البلاء
الاستغفار سبب تفريج كل كرب
ربنا يصلحلك الحال يارب ويقر عينك بعمار بيتك
إظهار التوقيع
توقيع : بحلم بالفرحة
#7

افتراضي رد: مجروحة أوي ومش عارفة أعمل إيه

اهلا بيكى ياقمر بصي ملخص كل القصة ده شخص معندوش شخصية خالص وغلطتك من الاول انك رجعتى بعد ما مد ايده عليكى اشتكيه واعمليله محضر تعدى ومتتنازليش عن المحضر وسيبه واطلقى اكلرلك من الاهانة دى واهلك لازم يدخلو وقفو وقفة معاه عشان يفهم ان ليكى اهل وربنا يحافظ عليكى يارب
إظهار التوقيع
توقيع : حنين الروح123
#8

افتراضي رد: مجروحة أوي ومش عارفة أعمل إيه


المشاركة الأصلية كتبت بواسطة قلب حديد
المشكلة اني لما برجع مفيش حاجة بتتغير، والمرة دي زودها أوي ضرب وشتيمة وقاللي انت طالق وقاللي لازم تمشي بس أنا مكنتش عايزة أروح عند أهلي عشان ظروفهم صعبة وعددهم كبير واختي بتمتحن ثانوية عامة وانا قاعدة دلوقتي عند اهلي متضايقة جدا وبقول يا ريتني كنت قعدت في بيبي مش عارفة بجد اتصرف ازاي
حبيبتى اكيد مش هتبقي تقيلة على اهلك لو حتى هما 20 فرد عايشين فالبيت اكيد لو شايفينك بتتهانى مش هيرضيهم وهيزعلو علشانك
انا من رأيى انك المرة دى الفرصة معاكى خليكى عند اهلك وزى ماكلنا بنقولك الزمى الاستغفار والله بفصل الله بيحل اصعب المشاكل ألجئى لله فى الدعاء وخليكى فى حماية اهلك ومع الدعاء اكيد ربنا هينصرك بإذن الله ويريحك فى حياتك بالصالح واللى ربنا شايفة
بس مترجعيش خلي عندك شخصية قوية لو اهلك مش راضين عن وجودك عندهم روحى عند خالتك عند عمك اكيد هتلاقى قلب حنين عليكى ويقف جنبك
وربنا ييسرلك امورك يااختى ويكرمك برضا ربنا ويصلح حالك وبالك يارب
إظهار التوقيع
توقيع : ام مالك وميرنا
#9

افتراضي رد: مجروحة أوي ومش عارفة أعمل إيه

يا ريت برضه تشاركوني بآراء أكتر من كده
#10

افتراضي رد: مجروحة أوي ومش عارفة أعمل إيه


المشاركة الأصلية كتبت بواسطة قلب حديد
يا ريت برضه تشاركوني بآراء أكتر من كده
بصى ياجميل لما تحبى تردى على حد فى الموضوع دوسي على كلمة اقتباس اللى موجوده فى التعليق بتاعه علشان يشوف رسالتك اللى انتى حابه توصليهالو

وفى الاخر كلنا بنتمنالك الخير وربنا يرضى عنك
إظهار التوقيع
توقيع : ام مالك وميرنا
#11

افتراضي رد: مجروحة أوي ومش عارفة أعمل إيه

ربنا معاكى ويهدي سرك يا عسل
#12

افتراضي رد: مجروحة أوي ومش عارفة أعمل إيه

حبيبتى انا متفقه مع كلام ام امه الله ماشاء الله كلامها صادق لكى واستغفرى الله كثيرا وادعى ربنا يصلح لك الحال وييسر امرك ويهدى زوجك ويوفقك الله الى ما يحب ويرضى
#13

افتراضي رد: مجروحة أوي ومش عارفة أعمل إيه

ربنا يخفف عنك امين
#14

افتراضي رد: مجروحة أوي ومش عارفة أعمل إيه

رضيت بالله رباإ وبالاسلام دينا
#15

افتراضي رد: مجروحة أوي ومش عارفة أعمل إيه

لا حول ولاقوة الا بالله العلي العظيم
#16

افتراضي رد: مجروحة أوي ومش عارفة أعمل إيه

00962781340500 توفل الامارات ايلتس الكويت توفل
#17

افتراضي رد: مجروحة أوي ومش عارفة أعمل إيه

بصراحه إنتي السبب فاللي إنتي فيه ليه من الأول يمد إيده ويضربك كان ﻻزم موقف من البدايه وهوا لو فيه خوف من ربنا كان يتقي الله فيك على الأقل الرسول قال إستوصوا بالنساء خيرا ودا عمل بالعكس إلزمي الإستغفار وﻻ حول وﻻ قوة إلا بالله والدعاء في الثلث الآخر وصلي صلاة إستخاره أكيد لم تصليها عند زواجك صليها الآن وربنا يقدر لك الخير حيث كان ثم يرضيك به وليكن ملجأك إلى الله في أي مشكله تواجهك ﻷن ﻻ ملجأ من الله إلا إليه


قد تكوني مهتمة بالمواضيع التالية ايضاً
الموضوع كاتب الموضوع المنتدى
مخنوقة ومش عارفة مالى ام القمرات فضفضة وحل المشاكل
جايلك عريس ومش عارفة تعملي اية؟تعالي وانا اقولك الاميرة الحائرة فتيات تحت العشرين
عوزة تشتغلى ومش عارفة علشان العيال دلوقتى ممكن تشتغلى من البيت ادخولى shikomsoso سوق عدلات النسائي العام
عايزة تنتخبى ومش عارفة ومش فاهمة حاجه طب ادخلى happy 5o5a اخبار الانتخابات السياسية
محتارة ومش عارفة تكتبي كتابك فين تعالي اقولك سم سم123 سوق عدلات النسائي العام


الساعة الآن 11:40 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل