الخشوع في الصلاه ، هنتغير عشان الجنه تستاهل

" السلام عليكم و رحمه الله و بركاته "

انا من زمان مش بدخل كتير و من زمان مش بعمل موضوعات بس فكره الموضوع دا عجبتني جدا ،، دا من اكتر الموضوعات ال عملتها و انا مبسوطه ↓ ،،
في ناس كتير جدا بتصلي بس من غير خشوع او من غير تركيز و في ناس بتكسل تصلي بس انا بعد ما قرأت و اتأملت فـ ← " ماذا فعل لک الله لكي تتجنب لقائه !! " بدأت اصلي و حبيت الصلاه جدا
- بس ازاي دلوقتي نحاول اننا منسرحش واحنا بنصلي ؟؟
= اول حاجه اتخيلو ان سيدنا محمد قاعد بيراقبك و انت بتصلي و هيقيم صلاتك ، و اتخيلو انكو بتصلوا امام لكل ملائكه الرحمن ، واتخيلوا ان الجنه ع يمينكوا و النار ع شمالكوا ،، هااا هتختارو ااايه ؟!
= و كمان حاولو كل يوم تحفظوا 5 ايات و تصلو بيهم ويااه بقى لو حفظتوهم بالتفسير بتاعهم ؛ مستحيل تعرفوا تسرحوا بعد كدا





-- و بالنسبه لصلاه السنه فهي مهمه جداا ،، كل 12 ركعه منها بيتبنيلک بيت لوحدک في الجنه ،، اه بيبقالك بيت ف الجنه و يااه بقى ع حلاوه الجنه و جمال بيتك فيها !!
واظبوا ع 4 ركعات قبل الضهر و 2 بعده ، و ركعتين بعد المغرب ، و ركعتين بعد العشا ، وركعتين قبل الغجر ،،
ان شاء الله نبدأ كلنا مع بعض من النهارده و اجرك عند ربنا ان شاء الله

#هنتعير_عشان_الجنة_تستاهل

السلام عليكم ورحمه الله و بركاته