نصائح مطبخية بسيطة..نصائح عمليه
____________________
نصائح مطبخية بسيطة..نصائح عمليه
____________________
تعالي اقولك شوية أسرار و تكات وحركات عشان اكلك يبقي احلي
١_وانتي بتسوي الاكل سوية علي نار هادية هيفرق جدا معاكي في الطعم يعني بمجرد أنه يغلي هدي النار و غطي الحلة وسيبي الأكل يستوي براحته عالاخر وشوفي طعمه هيبقي ازاي هتاكلي صوابعك وراه..........
٢_خلي بالك وانتي بتحطي البهارات عشان كل اكله وليها بهاراتها المخصوصه مثلا الكمون مينفعش تحطيه مع اللحمه العصاج دائما حطي البهار المناسب للوصفة والكمية المناسبة بدون مبالغة عشان متفقديش الطعم الأصلي و اللذيذ للطبق .......
٣_جربي حطي ملعقة صغيرة سكر للملوخية و البسلة و الرز بالبصل هيديها طعم رائع وكمان هيظهر الطعم ......
٤_وانتي بتعملي الأرز بالشعرية دايما حطي الشعرية نصف مقدار الأرز عشان تديكي طعم لذيذ زي بتاع المطاعم .......
٥_إدعكي بصل السلطة الخضراء بملح و ليمون وسبيه علي جنب و يترك ولما تيجي تقدميه حطيه مع باقي المكونات لييييية بقي عشان بيكسر حدة طعم البصل و يقضي علي رائحته الغير مستحبة بالفم .....
٦_عيزة السلطة الخضراء بتاعتك تبقي زي بتاعت المطاعم ، ضيفي شرائح بصل ، كزبرة جافة ، ملح ، ليمون ، خل ، كمون ، كزبرة خضراء و بقدونس و شبت بجانب الطماطم و الخيار و أي خضار تاني انتي عيزة تزوديه......
٧_اوعي تسيبي صلصة الكشري تتسبك كتييير هما مجرد غلوتين للحصول علي القوام المضبوط وبس عشان طعمها ميغيرش.......
٨_بصل الكشري البني قبل ما تحميره حطيه في ملعقة دقيق و نفضي الدقيق الزائد و اقليه لغاية متوصلي للون اللي عيزاه وكده مش هيشرب زيت وهيقرمش........
٩_وانتي بتسلقي الفراخ والارانب شوحيها الاول في السمن مع شوية من المستكة و الحبهان وورق اللورا و الفلفل الأسمر الحب كويس وبعدين صبي عليها مايه مغليه واعملي احلي شوربة وادعيلي ........
١٠_وانتي بتشتري البهارات اشتريها حبوب و نقيها وبعدين اطحنيها و بالنسبة للكزبرة و الكمون حمصيهم الاول علي النار قبل ما تطحنيهم وشوفي فرق الطعم بنفسك......
١١_اعجني المعجنات و المخبوزات باللبن الرايب و شوفي بقي هيخلي العجينة ازاي هشة و طرية و لذيذة وكلي منها وادعيلي بردة........
١٢_عيزه ستيك اللحم زي المطعم بالظبط تبليه بملح و فلفل بس........
١٣_زودي معلقة خل او بيكنج صودا(بيكربونات الصوديوم) وانتي بتعملي الكيك هتبقي هش جدا وهتعجبك........
______________________________________
_تنظفي ( الشفاط_ المطبخ الخشب _ حوض الاستنلس _ البتوجاز _ حامل البتوجاز ) بالمواد الطبعية .
1_ الشفاط : هاتى حوالى ربع كيلو دقيق وافركى بة الشفاط وكل الدهون هاتطلع معاكى بسهولة وبعد كدة يغسل بالماية والصابون عادى تحت الحنفية ونشفى كويس
2 _ المطبخ الخشب : هاتى كيس بيكنج بودر ونضفهم على نصف كوباية خل و2 معلقة كربوناتة وشوية صابون مواعين ومن غير ماية خالص ونمسك سلك المواعين وندعك المطبخ الخشب ونشف بقطعة قماشة نظيفة وناشفة وهاتشوفى الفرق .
3 _ تنظيف الحوض الاستنلس : حطى علية حوالى ربع كوباية من الخل ومعلقتين من ملح الليمون هتلاحظى بفوران ادكى بسلك المواعين مع شوية صابون مواعين وافتحى الماية واشطفى كويس وكمان ادعكى كمان خلاط الحوض وحوض الحمام وقاعدة التواليت كمان بنفس الطريقة وهاتشوفى اللمعان بنفسك .
4 _ تنظيف البوتجاز من كل الدهون : كوباية خل نحطها على كل البوتجاز ونضيف علية 2 معلقة كبيرة ملح ليمون نحطة على كل الدهون ونسيب البوتجاز بالشكل دة من باليل للصبح بس تكون كل المكونان على دهون البوتجاز ان شاء اللة هاتقومى من النوم هتلاقى كل الدهون طلعت بسهولة من البوتجاز شيليها بقطعة قماش واغسلى البوتجاز عادى بالصابون والسلك واوعوا تغسلوا البوتجاز وفيشة الاشعال شغالة وبعد غسيل البوتجاز نشفى البوتجاز كلة كويس من الماية .
5_ ازاى ننضف حامل البوتجاز : هانعمل خلطة وهى 4 معالق نشادر وبيتباع عند العلاف او العطار ومعلقتين كبار كربوناتة ومتوفر عند العطار ونصف كوب خل .
كل المكونات نخلطهم مع بعض ونلبس كيس بلاستك فى ايدينا ونجيب حامل البوتجاز ونحط عليها كل الخلطة يعنى ندهنا بيها كلها ونجيب كيس بلاستك ونحط الحامل فى الكيس ونخلية فى البلاكونة من باليل للصبح وافتحى بالراحة الكيس هتلاقى الكيس منفوخ من الخلطة امسكى سلكة مواعين وادعكى بة تحت الحنفية وهتلاحظى الفرق والنظافة.
إظهار التوقيع
توقيع : النجمة الذهبية
التوقيع لا يظهر للزوار ..
رد: نصائح مطبخية بسيطة..نصائح عمليه
║
بارك الله فيـــــكِ وسلمت يـــداكِ║
بارك الله فيـــــكِ وسلمت يـــداكِ║
إظهار التوقيع
توقيع : أم أمة الله
التوقيع لا يظهر للزوار ..
رد: نصائح مطبخية بسيطة..نصائح عمليه
رد: نصائح مطبخية بسيطة..نصائح عمليه
إظهار التوقيع
توقيع : حياه الروح 5
التوقيع لا يظهر للزوار ..
رد: نصائح مطبخية بسيطة..نصائح عمليه
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| نصائح مطبخية بسيطة ومفيدة لكى يا عدولة | محبه لله | استشارات ونصائح مطبخية | ||
| نصائح وطرق بسيطة لتنظيم المطبخ الصغير | محبه لله | افكار وتجارب منزلية | ||
| افكار بسيطة لعمل خداديات ، لصنع الخداديات من السترات القديمة ، فكرة بسيطة و سهلة | ندى ام | افكار وتجارب منزلية | ||
| موديلات ستائر بسيطة تركي | انيا شروف | ستائر ومفروشات 2022 | ||
| نصائح مطبخية من تصميمي نصائح بسيطة للعدولات | لولو حبيب روحي | استشارات ونصائح مطبخية | ||
الساعة الآن 01:16 AM
جميع المشاركات تمثل وجهة نظر كاتبها وليس بالضرورة وجهة نظر الموقع