تشكيلة ساندوتشات رائعة للحفلات
تشكيلة سندوتشات رائعة للحفلاتهم كلهم 6 أنواع بشرح لكم بالتفصيل كل واحد وش تحتاجين له وشلون تشوينه
أول شي لهم كلهم تحتاجين سلايس برد وعجينه فولفون (السنبلة) الباف بستري اللي مضلعه
أول شي خبزي الفولفون خاليه في الفرن وشيلي التجويف الوسطي
والسلايس برد له طريقتين
قطعي دوائر أربعه
غطيها بفوطه وخليها عشان ماتنشف
ونشتغل بالطريقة الثانية
تابع
الطريقة الثانية
شيلي الإطراف و رقي السلايس
خلي مجموعه من اللي رقيتيهم على جنب وغطيهم بفوطه
والباقي
قطعيهم أرباع
الحين نجهز الحشوات ونشتغل
الفولفون
حشيته روبيان
اسلقي ربيان وقطعي بصل صغير جدا وفلفل اخضر صغير جدا واحمسي وبهريه عشان ماتطلع ريحه الربيان
اخلطي الكاتشاب مع المايونيز
احشي الفولفون بالخليط
صفيه او رتبية في صينيه التقديم وتعالي نجهز الصنف الثاني
نتابع
ثانيا
رول الدجاج بالجبنه
جهزي الحشوه
صدور دجاج مسلوقه ومبهره ومقطعه
ضيفي عليها جبن شيدر مبشور وجبن كرفت كاسات وملعقتين قشطه وشويه ملح وفلفل
خذي من قطع السلايس اللي قطعتيهم ارباع
حطي الحشوه في طرف
ولفيها رول واضعي عليها شوي وأنتي تلفين
حطيها بأخر طرف شويه حليب (عشان تمسك)
قطعي بصل اخضر أعواد
وبعدين ارجعي قطعي اضعف شوي
اربطي أعواد البصل حول رول الدجاج وقصي الزايد
صفيهم في صينيه التقديم وتعالي كملي الثالث
ثالثا
لبنه بالطماطم والفلفل
امسكي قطعه دائرية من السلايس بالبنة
حطي على وجهه طماطم مقطع صغير وشيلي البذور منها عشان متطلع ماي مع فلفل اخضر وزيتون اسود
ورشي وجهها بشويه سماق
صفيها في صينيه التقديم وتعالي جهزي الرابع
نتابع
رابعا
جبنه بالنعناع
اخلطي جبنه فيتا مع نعناع
حطيها بقمع تزيين الكريما وحطيها فوق دائره السلايس
صفيها في الصينيه وتعالي نكمل الخامس
خامسا
السلمون مع الكافيارلا
سلمون تقطعينه شرايح بالطول .....بالعرض ماراح يتقطع معك لأنه فيه انسجه
ادهني دائره باللبنة
حطي قطعه من السلمون ملفوفة على قطعه السلايس
وحطي بوسطها كافيار
سادسا
لفائف التيركي بالجبنه
تيركي أو دجاج أو مرتديلا او اللي تحبينه من اللحوم البارد
خذي قطعه من السلايس اللي ماتقطعت اللي بس فردناها وتركناها يعني القطعة الكبيرة
امسحيها بشويه زبده
حطي أوراق الخس بعد ماتقطعينها وتشيلين منها القطعة الجامدة
حطي عليها قطعه التيركي
حطي عليها جبنه مبشورة
وإذا في زوائد شيليها
لفيها من الجهه العريضة
وصفيها وهي واقفه
والحين أخر خطوه
جمعي كل سندوتشات وصفيها بصينيه التقديم وقدميه لضيوف وأنتي رافعه راسك
رد: تشكيلة ساندوتشات رائعة للحفلات
رد: تشكيلة ساندوتشات رائعة للحفلات
إظهار التوقيع
توقيع : ايمان المقصبي
التوقيع لا يظهر للزوار ..
رد: تشكيلة ساندوتشات رائعة للحفلات
إظهار التوقيع
توقيع : ريموووو
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| احدث سلاسل أنيقة وشيك للبنات , تشكيلة سلاسل 2025 للبنات | زهره التحرير | اكسسوارات ومجوهرات وأحذية | ||
| اشيك تشكيلة مفارش سرير 2025 مفارش سرير روعة 2025 تشكيلة مفارش سرير مميزة | فلسطين | ستائر ومفروشات 2022 | ||
| مسكات ورد للعرائس جميلة ، أزهار للحفلات رائعة ، تشكيلة ورود جميلة جدا ، باقات ورد حلو | رحيق العفة | صور ورد وازهار | ||
| تشكيلة متنوعة من المقبلات اللذيذة مناسبة للحفلات والدعوات | Wa Fa | سلطات ومقبلات | ||
| صور كنب جديدة 2025 ، احدث اشكال كنب 2025 ، تشكيلة كنبات روعة | منة الله احمد | ديكورات ومفروشات | ||
الساعة الآن 08:09 PM
جميع المشاركات تمثل وجهة نظر كاتبها وليس بالضرورة وجهة نظر الموقع