بعد ماماكان زماني متطلقه.. كان اجمل يوم في حياتي

ازيكم ياقمراتي انا قولت اخش افضفض معاكم شويه علشان محدش يغلط غلطتي اينعم ربنا سترها معايا وعدت بس مش كل مره تسلم الجره
المهم انا بئالي فتره مضغوطه من المذاكره والوقت بئى ضيق وكده والجزمه اللي اسمه عمر مطلع عين امي هههههههههههه وانا زي الهبله بعد العب معاه وسيبه المذاكره ده وهو صاحي وطول ماهو نايم اعده افكر اجيبله ايه طب هنزل اتفرج ع الهدوم طب لعب طب........ وهو اصلا قد عقله الاصبع يعني لو لافيته في منديل هيكون كويس عليه بس اعمل ايه بئى المهم طبعا اعصابي اضغطت وكنت مش طايقه نفسي وعايزه اهبش في حد اكله من كتر الغيظ مين بئى اللي حصل فيه كده ......... اكيد عرفتوا هههههههههههه الغلبان ياقلب امه اللي ربنا رزقه بوحده عايزه تتكهرب والله يابنات مهما وصفتلكم انا كنت بتكلم معاه ازاي ولا كانه عدوي مش حبيبي اناكنت حاسه اني شلت الحنجره وحطيت ماسوره صرف صحي (انا اتخنقت ومش طايقه نفسي انا زهقت يا اخي انت مش حاسس بيا ولا حد حاسس بيا وهو يحاول يضحكني ويقولي خلاص ارمي عليا اليمين يمكن اهدى واضحك وانا اقوله ياخي اعملها خليني ارتاح)




والراجل يهدي فيا وانا مافيش ياحببتي طب اهدي طب فهميني طب اصبري اخلص شغل علشان اعرف اركز وانا سايقه فيها ساب الشغل والله واعد يتكلم معايا ويحاول حتى يضحكني ازعق فيه
اعد بئى يقولي والله انا حاسس بالذنب نحيتك انا اللي حطيتك في الموقف ده وخليتك مضغوطه كده بدات اهدى بئى وافوق ولما قريت الكلام اللي كتبتهوله حسيت اني عيله جزمه اوي والله واعدت احاول اظبط الكلام بس هو قالي خلاص انا حاسس بيكي واعد بئى يهزر وكده ويقول معلش استحملي فاضل كام شهر وهنزل
والله يابنات ده كله حصل بسببي انا اللي رميت ودني لدي ولدي وكل وحده عامله فيها حبيبتك اللي خايفه عليكي ولازم تنصحك هو كان الايام اللي فاتت مشغول شويتين ودول بئى مسكوني اكيد خلاص شافله شوفه تانيه يابنتي انتي في بلد وهو في بلد والكلام ده+الضغط العصبي بتاع المذاكره عملو الشغل اللي طلع في الغلبان والله ده لو كان متعصب شويه اكيد كان قالي خلاص كل واحد يروح لحاله وكنت اتحرمت من اغلى حاجه في دنيتي
وهي دي بجد نصيحتي ليكوا ايااااااااك تسمعوا لحد حتى لوكان اقرب الناس ليكي ياحبيبي انتي اللي عايشه معاه مش هما
ومهما كنتي متعصبه او مضغوطه ابعدي عن زوجك في الوقت ده لان الرجاله مابيستحملوش مش زينا