أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

محتاجة النصيحة

إضافة رد  أضف للمفضلة
https://3dlat.com/showthread.php?t=56585
3994 11
#1

خاطرة محتاجة النصيحة

[FONT=""][COLOR=""][SIZE=""]السلام عليكم ورحمة الله وبركاته
اخواتي الغاليات....ارجو منكم النصيحة فانا اثق بأرائكم وتفكيركم
بيتي خلاص اتخرب وجوزي اتجوز عليا من سنتين وباع فرشي وتركني انا واولادي لمجرد العند




دلوقتي من حوالي كام شهربيحاول معايا اني ارجع علشان نعرف نربي العيال وميتربوش مع والدين منفصلين
وعلي فكرة انا لو اتطلقت هتكون الطلقة الاخيرة
انا فاول الامر كنت رافضة الرجوع تماما الا لو طلقها ولكن للاسف انجبت له ولد ولا يستطيع ان يطلقها
وليس هذا السبب الوحيد لتمسكه بها ولكن مع مرور الوقت تغير رفضي هذا ووافقت علي الرجوع
وكان هذا بوعد منه انني لن اشعر بوجودها وكأنني الزوجة الوحيدة في حياته
ولكن تبدل هذا الكلام بأفعال تخالف ما وعدني به وهي انه يراعي مشاعرها بشدة ولا يتحدث ابدا معي وهو في البيت
يعني ممكن يكلمني وهو سايق العربية او قاعد فمكتبه ولكن بمجرد دخوله البيت ينسي خالص انه يعرفني
وحصل موقف قبل كدة خلاه نزل من نظري وهو
انا وأولادي عايشين فبيت اهلي بمصر وهو بيشتغل فدولة عربية ومراته الجديدة عايشة معاه ولينا سنتين مشفناهوش
وحصل مرة ان ابني الكبير 7 سنوات شعر بالم فاسنانه وكان الكلام دة الساعة8 بالليل وطلب مني اتصل بأبوه وطبعا لانه مش هيقدر يكلمنا قدامها قفل موبايله اول ما شاف الرقم بتاعي طبعا صدمت من الموقف وازاي يعمل معايا انا واولادي كدة بعد عشرة 8 سنين
المهم انا بعد ما اتخنقت منه وفعلا مش بحس معاه انه جوزي حتى الكلام بينا جاف جدا ولا ينحصر الا في امور الاولاد فقط وممكن كمان يكون سؤال عن الصحة فقط لا يهتم اين خرجت ومتى رجعت ولا كيف يمر يومي ولا يتحدث معي كان بيننا حياة خاصة ابدا كل ما يفعله هو مكالمة واحدة فاليوم ومصروف اول كل شهر
كما اكتشفت انه لا يريد ابدا ان نسافر لنعيش معه كما كانت حياتنا قبل زواجة بالرغم من المستوي العالي الذي يمكن ان نعيش فيه هناك ولكن لا يريد ان يجرح مشاعر الزوجة الجديد
وايضا لا يريد ان يطلقني ويساومني علي اولادي اذا اردت الطلاق فلابد ان اتنازل عن اولادي له ويربيهم هو واذا رفضت يهددني بمنع المصاريف عن اولادي
ماذا افعل انا كرهته لدرجة اني كلمته امبارح وقلتله بعد الامتحانات متخلص هاسحب ورق الاولاد وابعتهم لمامته لغاية ميرجع مصر ويتصرف معاهم بشرط ان يطلقني
امي حذرتني من هذا القرار لصعوبته علي اي ام وخصوصا لان اولادي هم الشيء الوحيد الذي يهون عليا حياتي
لا استطيع الاستمرار مع زوج لا يخاف الله ويخاف من مراته
لا استطيع ان اتعامل كأني عشيقة في السر يخفيني عنها ولا يجرؤ ان يتحدث معي امامها حتي لو في امور تخص الاولاد
لا اشعر معه بأي خصوصية ولا اتذكر حتي كيف كانت حياتنا قبل زواجه من كثرة الجفاء في علاقتي معه
ارجوكم انصحوني ماذا افعل اعيش معه كمربية للاولاد مع ان عمري 30 سنة وشبابي ضاع مع زوج لا يربطني به الا ذكري
مؤلمة ولا احترمه بعدما داس علي كل شيء يربطنا
ام اطلق منه واترك عيالي وهذا مستحيل اتحمله ابدا فأولادي هم نور عيني
ماذا افعل بالله عليكم دلوني[/SIZE][/COLOR][/FONT]


#2

افتراضي رد: محتاجة النصيحة

لاىلغشثنوزكطظجد
إظهار التوقيع
توقيع : عابره طريق
#3

افتراضي رد: محتاجة النصيحة

لا حول ولا قوة الا بالله معلش حبيبتي احيانا كتير بنجي على حالنا منشان الاولاد هم الي كاسرين طهرنا حتى لو فوق راسهم اب بالاسم احسن من احساسهم انهم ما الهم أب وبالنسبه لحياتك معه انتي حاولي انك تصلحي علاقتك فيه وبدك تصبري عليه كتير لانه هالشي ما بيجي بسهوله ومع الدعاء والاستغفار ربنا رح يحنن قلبه عليكم بس ما تقطعي اخر حبل بينكم عشان تكوني قدان ربنا واولادك انك عملتي الي عليكي عشان ما يجي يوم من الايام اولاد يلوموكي فتوكلي عالله وارجعي لجوزك ولم عيالك لانك اذا اتخليتي عنهم عمرك ما رح ترتاحي ولا تنبسطي بدونهم لا تضيعوا اولادكم بين رجليكم ما الهم ذنب باللي بيصير ويا رب يصلح حالك ويهدي بالك ويرد زوجك الك ردا جميلا
إظهار التوقيع
توقيع : عابره طريق
#4

افتراضي رد: محتاجة النصيحة

حبيبتي الله يكون بعونك انا حاسه بوجعك منيح
بس مافي مفر من هالشي
انتي انكتب عليكي تكون زوجه وام ارجعي وكملي رسالتك
وحتى لو تزوج عليكي زي ما بحكي المثل ظل راجل ولا ظل حيطة
خلاص اتوكلي ع الواحد الاحد وارجعيله وده ما يمنعش يكون ليكي شروط لضمان حياتك وحياة ولادك معاه

وربنا يسهل ويختارلك الافضل
إظهار التوقيع
توقيع : نسيم البحر
#5

افتراضي رد: محتاجة النصيحة

بصى ياست الكل فى سؤال انتى وحدك اللى هتقدرى تجاوبى عليه ؟ انتى بتقولى انك عمرك 30 سنه وانك لسه شباب طب انتى لو سيبتيه ممكن تتجوزى غيره ؟ طب هل لو اتجوزتى ولادك هيبقى مصيرهم ايه بين زوجة اب وزوج ام ؟ بمعنى انك ممكن تتحملى معاملة جوزك الجديد السيئه لأولادك مثلا او معامله زوجة ابوهم السيئه ؟كل دى اسئله اجابتها عندك وهيا اللى هتحددلك حاجه من اتنين
1/انك تطلقى وتسيبك من الراجل ده وتروحى تعيشى حياتك بعيد عنه وتنسى انك ليكى اولاد او
2/تحتسبى عند ربنا وتتحملى عشان خاطر ولادك وتعيشى معاه وتنسي انه جوزك وتعتبريه ابو ولادك وبس ومتنتظريش منه اكتر من مصاريف عيالك لأنه راجل خاين وصدقينى عيشتك وسط ولادك تساوى الدنيا وما فيها وسيبيه هو لربنا وتأكدى مليووووووون الميه ان ربنا مش هيضيع حقك مهما طال الزمن وربنا يصلحلك الحال ويفك كربك اللهم امين
#6

افتراضي رد: محتاجة النصيحة

انا شخصيا عندى الانفصال ارحم من ان واحده تشاركنى فى جوزى الفكرة دى بتدبح الست والاستمرار بس لان بيكون فى سبب انك محتاجه للبيت او ملكيش مكان تانى تروحيه
انتى قدرتى تستحملى فكرة جوازه من واحده تانيه بس كده كده انتى مش عايشه معاه وهو اضح ان معظم طاقته ووقته للزوجه الجديده فده حيبقى ريتم حياتك معاه لانه متمسك بالتانيه
لو تقدرى تتعايشى مع انك تكونى على الهامش فى حياته اتفضلى كملى للآخر واهى جوازة فاشله والسلام انما لو عاوزه تلحقى نفسك فكرى كويس من دلوقت والخيار لازم يكون ليكى انتى
#7

افتراضي رد: محتاجة النصيحة

والله تالمت جدا من قسوة ما قرات
انا برايي انك تتطلقي وتتمسكي بالاولاد اولادك مازالو صغار وما بيحقله حضانتهم وخصوصا وهو متزوج انتي توكلي على الله واكيد القضاء راح ينصفك ولكن ماتظلي على ذمة واحد متله لانه مابيستاهل تتسمي على اسمه
إظهار التوقيع
توقيع : om tareq
#8

افتراضي رد: محتاجة النصيحة

حبيبتى من رايى الانفصال هو اسلم حل
طبعا اوعى تتنزلى عن ولادك
هو اصلا هيخاف ياخدهم عشان مراته التانية
ربنا يكرمك بزوج احسن منه
إظهار التوقيع
توقيع : نجوم الليل
#9

افتراضي رد: محتاجة النصيحة

لاحول ولاقوه الا بالله العلى العظيم
شوفى حبيبتى حكايتك دى انا شوفت زيها عندنا فى العماره وححكى لك وانتى قررى - الزوجه ام لولدين والزوج تزوج اخرى وعنده اثنين من الاولاد فالزوجة لم ترضى بهذه العيشة واتطلقت منه لكنه يصرف عليها هى والاولاد ومتكفل بكل مصاريفهم فى مقابل انها تعيش مع اولادها من غير ان تتزوج غيره .
فاذا قدرتى على هذا الحل كان بها واذا لم تقدرى فاستحملى العيشه معه زوجه مع ايقاف التنفيذ ولكن ستكونى مع اولادك ففكرى كويس وانتى وحدك صاحبه القرار والله الموفق والمستعان
#10

افتراضي رد: محتاجة النصيحة

والله أتألمت جدا من كلامك مش عارفة ايه الراجل اللى عايز يتجوز على مراتة وميطلقهاش حاجة تغيظ والله وكمان بيهددك بولادك عشان تفضلى معاه
طب ماسألتيش نفسك بيهددك ليه بالاولاد بصى هو اكيد بيحبك بس هو عايز يرضى غروره بزوجة تانيه
انتى اعملى اللى عليكى وخليكى دايما على احسن وجه
يعنى سورى لو مليانة شوية خسى جامد وخليكى موزة هيتحسر اصلا انه اتجوز عليكى صدقينى الرجالة دول ما يملاش عنيهم الا التراب وعلى فكرة الرجالة كلهم كده مافيش فرق بين راجل وراجل وربنا يهديهم انتى احسن حل تهتمى بنفسك جدا وماتسأليش فيه خالص وعيشى عشان اولاد
إظهار التوقيع
توقيع : dodo modo
#11

افتراضي رد: محتاجة النصيحة

ربنا يكون في عونك ويصبرك ويقويكي
أنا من رأيي دودو مودو
اهتمي بنفسك ودلعي نفسك أكتر عن مما كنتم متجوزين
قصدي عن ما كان معاكي والكلام ده سواء كان عندك أو عند ضرتك
وحسسيه انه هو مش فارق معاكي في حاجة
وحاولي تشديه ليكي بكل الطرق ومتشغليش بالك بالتانية خالص
هو في الأول حيقاوم المهم انتي مش تستسلمي
واذا كانت التانية ماخافتش على بيتك حتخافي انتي على بيتها ليه
وبعدين هي اللي بدأت والبادي أظلم والعين بالعين والسن بالسن
وجوزك ده بتاعك وحقك انتي عايزة تسيبيهولها كدة ببساطة
طب ماهو ده اللي هي عايزاه وانتي بتحققيهولها
وربنا يلهمك العزيمة والصبر والاصرار
#12

129770 رد: محتاجة النصيحة

ربنا يفرج كربتك ويزيل همك والله النظرة فى وجه اولادك بالدنيا وما فيها وزى ما قبلتى فكرة زواجه يبقى ربنا يصبرك وتتحملى عشان خاطر اولادك لكن لو تقدرى تكملى حياتك مع اولادك من غيره وتقدرى تشتغلى وتصرفى عليهم يبقى ممكن تتطلبى الطلاق وربنا يعوضك خير فى اولادك ومن ترك شيئا لله عوضه الله خيرا منه وربنا يلهمك الصبر


قد تكوني مهتمة بالمواضيع التالية ايضاً
الموضوع كاتب الموضوع المنتدى
محتاجه لروحك هبه شلبي المنتدي الادبي
شرح حديث ( الدين النصيحة ) الـمـتـألـقـة السنة النبوية الشريفة
حديث : الدين النصيحة ضــي القمــر السنة النبوية الشريفة
نصائح للمرأه عند الحج,تعرفي علي اصدق النصائح للمرأه قبل الحج دوما لك الحمد فتاوي وفقه المرأة المسلمة
كانت النصيحة ببعير وعندنا الآن مجانا المهم أن تقرأ sawsan1 منوعات x منوعات - مواضيع مختلفة


الساعة الآن 03:00 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل