أو

الدخول بواسطة حسابك بمواقع التواصل

#1

S030 ثمرة البابايا لعلاج هيشان الشعر وتجاعيد البشره

ماسك البابايا
المقادير:
  • ¼ ثمرة بابايا
  • ملعقة كبيرة عسل نحل ويُفضّل عسل نحل الموالح
الطريقة:
1- قشّري البابايا وشيلي منها البذر والطبقة البيضاء اللي بتبقى موجودة من جوه، وبعد كده اضربيها في الخلاط مع شوية ميه صغيرين علشان نحصل على عصير لزج وسميك.

2- ضيفي على العصير ده ملعقة عسل نحل، وقلّبيهم مع بعض كويس جدا لحد ما يبقى الخليط ليّن.

والماسك ده ممكن تستخدميه للبشرة الدهنية والمختلطة لمدة من 10 : 15 دقيقة، وكمان ممكن تستخدميه كماسك للشعر الدهني أو المختلط، وتسيبيه على شعرك من 15 : 20 دقيقة، والماسك ده بيعالج مشكلة هيشان الشعر.

ولو بشرتك جافة، هنخلط 3 ملاعق من مخلوط البابايا والعسل مع ملعقة قشطة صغيرة، وندمجهم مع بعض كويس جدا، ونستخدمه كماسك للبشرة، والماسك ده نتيجته بتبقى ممتازة وبيساعد في علاج التجاعيد، وكمان بيضفي رونق للبشرة المجهدة.

وممكن تستخدمي عصير البابايا بدون إضافة العسل على بشرة الجسم، باستخدام فرشة الصبغة، وبنوزّعه على الجسم بالكامل، ومع إضافة العسل هيضفي نعومة وشد للجسم المرتخي، ورونق ونتيجة ممتازة.
ماسك الخيار باللبن لإزالة الماكياج
المقادير:
  • ثمرة خيار
  • ½ كوب لبن
الطريقة:
ابشري الخيار بالمبشرة الناعمة، وحطّي المبشور ده في شوية لبن، ورجّيه كويس جدا، والخليط ده ممكن تستخدميه في حاجات كتير جدا؛ منها:

1- مزيل طبيعي للماكياج.

2- يستخدم مرتين أو ثلاث مرات يوميا لكل أنواع البشرة، ما عدا الدهنية والمركبة بنستخدم عليها عصير الخيار فقط بدون إضافة لبن.

3- ممكن يستخدم للمنطقة تحت العين لكل أنواع البشرة؛ وده لأن الجفن بيفتقد للدهون، علشان كده ماسك الخيار باللبن بيعمل ترطيب طبيعي وبيقلّل من ظهور التجاعيد.









مزيل ماكياج طبيعي
المقادير:
  • 3 ملعقة لبن (حليب أو بودرة ومدوّبة في ميه)
  • ملعقة كبيرة مية
  • ملعقة صغيرة عسل نحل
الطريقة:
اخلطي كل المكونات دي مع بعضها كويس جدا، واستخدميه كمزيل للماكياج، وعلشان يبقى استخدامه سهل ممكن تحطّي الخليط ده في زجاجة برفان قديمة عندك، وبعد كده ترشّي منها على بشرتك، وبعد كده تمسحي وشك بالقطنة، والخليط ده ممكن تحتفظي به في الثلاجة من 4 : 7 أيام.





ودلوقتي هنعمل ماسكات بزيوت مرطبة للبشرة، واللي ممكن نستخدمها بعد ما نشيل الميك أب بالمزيل الطبيعي اللي عملناه.

زيت الزيتون واللافندر للبشرة الدهنية
المقادير:
  • ملعقة صغيرة زيت زيتون
  • ½ ملعقة صغيرة زيت اللافندر
الطريقة:
اخلطي زيت الزيتون مع زيت اللافندر كويس جدا لحد ما يبقى عامل زي الكريمة، وفايدة زيت اللافندر إنه بيمتص الدهون، وبيغذّي البشرة جدا، وكمان الماسك ده مفيد جدا لعلاج الحبوب.

وممكن تحتفظي بالماسك ده في زجاجة في الحمام أو في الثلاجة، وبنستخدمه كماسك مرطب بعد ما نستخدم مزيل الماكياج أو المنظّف أو بعد ما ناخد شاور، ونحطّ منه كمية صغيرة جدا على البشرة.

زيت الزيتون وزيت الروزماري للبشرة الجافة
المقادير:
ملعقة صغيرة زيت زيتون
½ معلقة صغيرة زيت روزماري

الطريقة:
اخلطي المكونات دي مع بعضها كويس، وممكن تستخدميه على بشرة الوش والجسم.


إظهار التوقيع
توقيع : ام نيرة
#2

افتراضي رد: ثمرة البابايا لعلاج هيشان الشعر وتجاعيد البشره

شكرا يا قمر..
إظهار التوقيع
توقيع : قوت القلوب 2
#3

افتراضي رد: ثمرة البابايا لعلاج هيشان الشعر وتجاعيد البشره

شكرا ع مرورك حبيبتى
إظهار التوقيع
توقيع : ام نيرة
#4

افتراضي رد: ثمرة البابايا لعلاج هيشان الشعر وتجاعيد البشره

يتصفح الموضوع حالياً : 14 (2 عدلات و 12 زائرة)
إظهار التوقيع
توقيع : ام نيرة


قد تكوني مهتمة بالمواضيع التالية ايضاً
الموضوع كاتب الموضوع المنتدى
معلومات هامةحول الشعرةوالطريقة المثلى للعناية بالشعر : nesrinaaa العناية بالشعر
ملف كامل للشعر د.رزان العناية بالشعر
ملف كامل لعلاج تقصف الشعر مفيد جدااااا Aziza_Algérie العناية بالشعر
سوف تندمون يوم لاينفع التدم ؟؟؟؟؟؟؟؟؟؟؟؟؟؟لومدخلتوش بنت غير كل البنات سوق عدلات النسائي العام
موسوعه كامله من الالف للياء عن العنايه المتكامله للشعر Marwa El-shazly العناية بالشعر


الساعة الآن 02:49 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل