أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

هو ده قصدي....

إضافة رد  أضف للمفضلة
https://3dlat.com/showthread.php?t=59250
2504 8
#1

افتراضي هو ده قصدي....

السلام عليكم ورحمة الله وبركاته
حبيباتي العدولات




انا اسفة لاني مرديتش عليكم بخصوص الاستفسار اللي طلبت اجابته منكم
السؤال هو هل الزواج التاني ممكن يكون عقاب للزوج وتخليص لحق الزوجة الاولي ؟؟؟
الموضوع ببساطة ان مشكلة لواحدة قريبتي اتخرب بيتها بسبب علاقة لزوجها مع واحدة تانية انتهت بجوازه منها وطبعا الجواز دا كان قسيمة الطلاق للزوجة الاولى وانتهاء حياتها معاه واستعوضت ربنا فكل حق ليها علشان تقدر تربي عيالها
بس بعد جوازه بسنتين عمل البدع علشان يرجع للزوجة الاولانية وكان دائم الشكوى لكل الناس عن مدي عذابه في هذا الزواج اللي كان شؤم عليه وعلى حياته الاولى
وقدرنا نرجع العلاقة بينه وبين زوجته الاولي بس فوجود الزوجة التانيه
المهم دلوقتي انه دايما بيقولها ان جوازته من الست التانية كانت عقاب ليه ودة تخليص حق لكل حاجة عملها فيها وانه مش راضي ابدا على التشتت اللى هو فيه ونفسه يرجع للأستقرار اللي كان فيه معاها
بصراحة انا حاسة ان كل كلامه ليها بس علشان يراضيها وانا مش برضى افهمها انه بيضحك عليها علشان الحياة تمشي وبيتها ميتخربش تاني
ادي كل الحكاية بس انا فعلا بسأل
هل فعلا ممكن يكون الزواج التاني عقاب للزوج وتخليص حق ويخلي الراجل يندم على جوازته التانية بسبب ضياع بيته الاولاني وعياله
فهمتوا يا حلوين
وبعدين انا قريت الردود بتاعتكم وعندي سؤال تاني الزوج اللي بين زوجتين لازم يعيش متهني
ولازم الزوجتين يتسابقو على رضائه طيب مكنشي من الاول ليه والكلام دة للزوجة الاولانية طبعا

وشكرا ليكم ومعلش تعبتكم معايا



إظهار التوقيع
توقيع : وردة الحب الصافي
#2

افتراضي رد: هو ده قصدي....

بصى ياورده جايز سؤالك الاخير صح مكنش ليه فى الاول واحنا طبعا منقدرش نلوم الزوجه الاولى لوحدها جايز هيا اهملت جوزها شويه وده بيحصل بس برضه واضح كده انه الزوج كان عنده استعداد للزواج التانى لأنه كان ممكن انه ينبهها او يديها انذار بس هو اصلا واضح كده ان الموضوع كان فى دماغه وعالعموم طالما ربنا اخدلها حقها منه يبقى هو ظلمها فعلا وده عقاب ربنا ليه على ظلمه لمراته الاولى
#3

افتراضي رد: هو ده قصدي....


المشاركة الأصلية كتبت بواسطة ام حمزه وعمر
بصى ياورده جايز سؤالك الاخير صح مكنش ليه فى الاول واحنا طبعا منقدرش نلوم الزوجه الاولى لوحدها جايز هيا اهملت جوزها شويه وده بيحصل بس برضه واضح كده انه الزوج كان عنده استعداد للزواج التانى لأنه كان ممكن انه ينبهها او يديها انذار بس هو اصلا واضح كده ان الموضوع كان فى دماغه وعالعموم طالما ربنا اخدلها حقها منه يبقى هو ظلمها فعلا وده عقاب ربنا ليه على ظلمه لمراته الاولى
انا مع ام حمزه
إظهار التوقيع
توقيع : عمرحبيب مامي
#4

افتراضي رد: هو ده قصدي....

فى العادى الزوج اللى بيتجوز تانى بيبقى عينه فارغه سواء زوجته مقصرة او لا الكمال لله واحده يعنى مش ممكن تكون واحده بتجيب ولاد وبتشتغل فى البيت وموظفه وتكون كمان على سنجة 10 طول الوقت وكمان مش ممكن واحده تكون بتطبخ حلو ومتابعه العيال فى الارس ونشيطه هنا وهنا لازم يكون فى قصور وفى الاخر الزوج بيتحجججججججججججج ويقول دى مقصرة ويروح يتجوز تانى

مش دايما الزواج التانى بيكون موفق غالبا الزوج بيفهم انه اتسرع بس هو بيكون عامل زى الطفل اللى مصمم على حاجه ولما يعملها خلاص بيرتاح بس احيانا بيكون موفق كمان واحيانا بيعرف الزوج قيمة الزوجه الاولى
#5

افتراضي رد: هو ده قصدي....

والله مش دايما اللي بيتجوز اتنين بيكون متهني ده فيه ناس بتكون فتحت أبواب نار بزواجها التاني لأن الغيرة بتزيد وبيحتار لو حب يرضي الطرفين واحيانا طلباتهن بتزيد عشان كل واحدة تثبت لنفسها انه ليها هي أكتر من التانية ف دي مش قاعدة
واحيانا فعلا بعض الأزواج بيندموا على الزواج التاني
وافتكر ان زوج صاحبتك ندم فعلا والا مكانش عمل المستحيل عشان يرجع لها .....وللا ايه؟
إظهار التوقيع
توقيع : رحيق
#6

S (19) رد: هو ده قصدي....


المشاركة الأصلية كتبت بواسطة لافالانتينا
فى العادى الزوج اللى بيتجوز تانى بيبقى عينه فارغه سواء زوجته مقصرة او لا الكمال لله واحده يعنى مش ممكن تكون واحده بتجيب ولاد وبتشتغل فى البيت وموظفه وتكون كمان على سنجة 10 طول الوقت وكمان مش ممكن واحده تكون بتطبخ حلو ومتابعه العيال فى الارس ونشيطه هنا وهنا لازم يكون فى قصور وفى الاخر الزوج بيتحجججججججججججج ويقول دى مقصرة ويروح يتجوز تانى

مش دايما الزواج التانى بيكون موفق غالبا الزوج بيفهم انه اتسرع بس هو بيكون عامل زى الطفل اللى مصمم على حاجه ولما يعملها خلاص بيرتاح بس احيانا بيكون موفق كمان واحيانا بيعرف الزوج قيمة الزوجه الاولى
;كلامك فمحله بس ياترى فين الراجل اللي يقدر الست وتعبها وزي ما قلتي الكمال لله واكيد الزوج بسبب مشاغل الحياة بيقصر فبعض واجباته اللي بالتالي الزوجة هي اللي بتستحملها وخصوصا لو بتشتغل
إظهار التوقيع
توقيع : وردة الحب الصافي
#7

افتراضي رد: هو ده قصدي....

انا مع لافلانتينا كل راجل لما بيتجوز تانى بيكون ليه الف مبرر وفعلا تحسى عنده حق بس هو عارف ان الست اللى معاه طالع عينها فى البيت ومفيش حد كامل وحسبى الله ونعم الوكيل
إظهار التوقيع
توقيع : سكاسك
#8

افتراضي رد: هو ده قصدي....

ربنا يهدى ازواجنا بس سيبكم من الموضوع اللى بيتعب اعصاب الواحد دا ههه
شوفولنا موضوع تانى هههههههههه
إظهار التوقيع
توقيع : أم التوائم
#9

افتراضي رد: هو ده قصدي....

ربنا يهدى ازواجنا بس سيبكم من الموضوع اللى بيتعب اعصاب الواحد دا ههه
شوفولنا موضوع تانى هههههههههه
إظهار التوقيع
توقيع : أم التوائم


قد تكوني مهتمة بالمواضيع التالية ايضاً
الموضوع كاتب الموضوع المنتدى
غلط فظيع يا بجد .. ادخلي يمكن تفهمي قصدي ايه ربي رضاك والجنة فتيات تحت العشرين
الكبيره بتنادي عليا سور قصدي ماما الورده الخجوله دردشة عدلات
غلط فظيع يا زهرتي بجد .. ادخلي يمكن تفهمي قصدي ايه ست الحسن فتيات تحت العشرين
روايتي الاولى .. اغصان الشجر اصبحت يابسة زوزو 24 أقلام عدلات الذهبية
وماكنش قصدي اني اخدعك..!! غادة إبراهيم أقلام عدلات الذهبية


الساعة الآن 01:53 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل