أو

الدخول بواسطة حسابك بمواقع التواصل

#1

افتراضي اللي بتستعمل كبسولة تحت الجلد تيجي تفيدني

عدولاتي ازايكم
بصوا أنا حدخل في الموضوع على طول
أنا بستعمل وسيلة لمنع الحمل اللي هي كبسولة تحت الجلد ومركباها من 15/ 8 اللي فات وكنت مركباها في تاني يوم للدورة ونزلت الدورة بعدها يوم 8/ 9 اللي فات ومن وقتها امتنعت الدورة لحد يوم 18/ 4 اللي فات ومن ساعتها ماوقفتش يعني بقالها شهر ونص مع العلم انها مش كتير من حيث الكمية لأن الفوطة الواحدة ممكن تاخد 3أيام وماتتملاش حتى لنصها بس أنا زهقت
وروحت لدكتورة الوحدة الصحية يوم 9/ 5 وكتبتلي على (دافلون وكابرون أقراص وديوسيد)لمدة 5أيام ومفيش فايدة
رجعت للوحدة تاني يوم 14/ 5 فقابلت دكتورة تانية كتبتلي (كابرون 4حقن على يومين وديوسيد لمدة 5أيام )وبرضه مفيش فايدة أنا عارفة ان الكبسولة بتلخبط شوية في الدورة لكن أنا مستكترة المدة بصراحة
المهم فقلت مابيداهاش بقى وحجزت عند الدكتور اللي كنت بتابع عنده الحمل وحروح له بكرة الصبح ان شاء الله وربنا يستر ومايقوليش نشيل الرحم أصل عندي أورام ليفية لايمكن استئصالها الا بالرحم نفسه
ادعولي يكون خير لأني مش حشوفكم لحد يوم السبت لأني حطلع من عند الدكتور على مامتي


#2

افتراضي رد: اللي بتستعمل كبسولة تحت الجلد تيجي تفيدني

يا روحى انتى لسه صغيره متفكريش فى الحاجات اللى فى بالك
شوفى اولا ممكن يكون فى التهاب لان فى التهابات بتعمل نزف فلازم تكشفى نسا عند حد بيفهم لان الالتهابات دى مش اى حد بيعرفها وممكن تحتاج عينة من عنق الرحم ودى علاجها سهل مضادات حيوية
الحاجه التانيه انها يكون نزف من لخبطة الهرمونات ودى علاجها حقن دايسينون بتجيب من الاخر وعلى فكرة انا عايشه بيها لان دورتى غزيررررررررررة جدا
#3

افتراضي رد: اللي بتستعمل كبسولة تحت الجلد تيجي تفيدني


المشاركة الأصلية كتبت بواسطة لافالانتينا
يا روحى انتى لسه صغيره متفكريش فى الحاجات اللى فى بالك
شوفى اولا ممكن يكون فى التهاب لان فى التهابات بتعمل نزف فلازم تكشفى نسا عند حد بيفهم لان الالتهابات دى مش اى حد بيعرفها وممكن تحتاج عينة من عنق الرحم ودى علاجها سهل مضادات حيوية
الحاجه التانيه انها يكون نزف من لخبطة الهرمونات ودى علاجها حقن دايسينون بتجيب من الاخر وعلى فكرة انا عايشه بيها لان دورتى غزيررررررررررة جدا
طب بلاش أقولك على سني علشان ماتتخضيش
هههههههه
وعلى فكرة الدم اللي نازل نضييييف لأن مالهوش ريحة
#4

افتراضي رد: اللي بتستعمل كبسولة تحت الجلد تيجي تفيدني

ممكن يكون خفيييييييف خالص والتهاب برضو يبنتى انا عشرة مع دكاتره النسا 10 سنين
#5

افتراضي رد: اللي بتستعمل كبسولة تحت الجلد تيجي تفيدني


المشاركة الأصلية كتبت بواسطة لافالانتينا
ممكن يكون خفيييييييف خالص والتهاب برضو يبنتى انا عشرة مع دكاتره النسا 10 سنين
ده انتي خبيرة بقى هههههههه
بس مفيش هرش خالص
اللي أعرفه ان التهابات النسا بيكون معاها هرش مش كدة برضه
أصلي ما اتعاملتش مع دكاترة النسا غير علشان متابعة الحمل وبس
علشان كدة خبرتي على قدي
#6

افتراضي رد: اللي بتستعمل كبسولة تحت الجلد تيجي تفيدني

لآ حبيبتى ممكن يكون التهابات زى رانيا ماقالتلك
وبتبقى من غير هرش عادى يعنى
انتى بس خليكى متفائلة والف سلامه عليكى ياحبيبتى
وابقى طمنينا عليكى
إظهار التوقيع
توقيع : dodo modo
#7

افتراضي رد: اللي بتستعمل كبسولة تحت الجلد تيجي تفيدني

ان شاء الله يكون خير
ربنا يخليكوا ليا ومايحرمنيش منكم أبدا يارب
#8

افتراضي رد: اللي بتستعمل كبسولة تحت الجلد تيجي تفيدني

بتبقى من غير هرش يا شمس عشان بتبقى على عنق الرحم فمبتحسيش بحاجه من بره بس وجع زى بتاع البيريود كده لو طولتى فى الوقوف او ضهرك يوجعك من تحت
#9

افتراضي رد: اللي بتستعمل كبسولة تحت الجلد تيجي تفيدني

آه هو ساعات بكدة بيكون فيه وجع
هومفيش غير الدكتور اللي حيطمنا
ألف شكر ليكو يا أحلى عدولات
#10

افتراضي رد: اللي بتستعمل كبسولة تحت الجلد تيجي تفيدني

ربنا معاكى ياحبيبتى ويطمنك على نفسك والف الف سلامه بس سؤالى ليكى ايه اللى خلاكى تستعملى الكبسولات اللى تحت الجلد دى انا اسمع انها غير امنه وعالعموم ربنا يسترها ان شاء الله وترجعى وتطمنينا عليكى
#11

افتراضي رد: اللي بتستعمل كبسولة تحت الجلد تيجي تفيدني

ياحببة قلبي الكبسلات اللى تحت الجلد دي اسوء موانع الحمل ولمالقيتي الدوره أتخرت شهر كنتى رحتى شيلتيها
متستنيش لما الدورةتغيب شهور وبعد كده تنزفي روحي للدكتور وطمنيا ارجوكى متكسليش طلاما الدم نضيف ده يبقى من جسمك وهتلاقي نفسك مش قادره ختى تمسكى طبق استحلفك بالله تطمنينا
#12

افتراضي رد: اللي بتستعمل كبسولة تحت الجلد تيجي تفيدني

كنت ها جربها
#13

افتراضي رد: اللي بتستعمل كبسولة تحت الجلد تيجي تفيدني

شمس مستنياكي تطمنينا
#14

افتراضي رد: اللي بتستعمل كبسولة تحت الجلد تيجي تفيدني


المشاركة الأصلية كتبت بواسطة ام حمزه وعمر
ربنا معاكى ياحبيبتى ويطمنك على نفسك والف الف سلامه بس سؤالى ليكى ايه اللى خلاكى تستعملى الكبسولات اللى تحت الجلد دى انا اسمع انها غير امنه وعالعموم ربنا يسترها ان شاء الله وترجعى وتطمنينا عليكى
مشكورة ياقمر على سؤالك
أنا مستعملتش أي وسيلة تانية لأن مفيش ولا وسيلة تنفعني غير الكبسولة
* اللولب مينفعش لأن عندي أورام ليفية منهم واحد عند فتحة عنق الرحم يعني اللولب ممكن يشبك فيه عند التركيب ولو حتى اتركب ممكن بعد كدة يوقع
* الحبوب لازم تتاخد في ميعادها بالزبط وأنا معايا اتنين يتوهوا أجدع دماغ
* الحقن : الدكتورة قالتلي انها ممكن تسبب العقم والعياذ بالله لأن سني كبير
شوية " 38 سنة "
وهما التلات أسباب اللي.........أربع أسباب هههههههههههه
#15

افتراضي رد: اللي بتستعمل كبسولة تحت الجلد تيجي تفيدني


المشاركة الأصلية كتبت بواسطة مرمورة
ياحببة قلبي الكبسلات اللى تحت الجلد دي اسوء موانع الحمل ولمالقيتي الدوره أتخرت شهر كنتى رحتى شيلتيها
متستنيش لما الدورةتغيب شهور وبعد كده تنزفي روحي للدكتور وطمنيا ارجوكى متكسليش طلاما الدم نضيف ده يبقى من جسمك وهتلاقي نفسك مش قادره ختى تمسكى طبق استحلفك بالله تطمنينا
هي مش سيئة ولاحاجة وبعدين الدكتورة كانت قايلالي انها بتوقف الدورة بالشهور لأن هرموناتها قوية شويةيعني ده العادي بتاعها
#16

افتراضي رد: اللي بتستعمل كبسولة تحت الجلد تيجي تفيدني

ألف شك ليكو يا عدولات لسؤالكم الغالي
أنا رحت للدكتور بتاعي وشاف الرحم ولاقاه كويس جدا
الحمدلله وقالي ان الدم سببه ان جدار الرحم بقى أرق من الطبيعي شوية وكتبلي نوع أقراص واحد اسمه "ستيرونات "
3 أقراص يوميا / 10 أيام وقالي انه في خلال 48 ساعة لازم الدم يوقف وده اللي حصل فعلا
الدم وقف تاني يوم الصبح بس لازم أكمل ال10 أيام ولو اتكرر موضوع الدم تاني أكرر العلاج تلقائي بدون الرجوع للدكتور
#17

افتراضي رد: اللي بتستعمل كبسولة تحت الجلد تيجي تفيدني


المشاركة الأصلية كتبت بواسطة شمس لا تغيب
ألف شك ليكو يا عدولات لسؤالكم الغالي
أنا رحت للدكتور بتاعي وشاف الرحم ولاقاه كويس جدا
الحمدلله وقالي ان الدم سببه ان جدار الرحم بقى أرق من الطبيعي شوية وكتبلي نوع أقراص واحد اسمه "ستيرونات "
3 أقراص يوميا / 10 أيام وقالي انه في خلال 48 ساعة لازم الدم يوقف وده اللي حصل فعلا
الدم وقف تاني يوم الصبح بس لازم أكمل ال10 أيام ولو اتكرر موضوع الدم تاني أكرر العلاج تلقائي بدون الرجوع للدكتور
حمد الله على سلامتك حبيبتى والف حمد لله انك بخير وطمنتينا عليكى
#18

افتراضي رد: اللي بتستعمل كبسولة تحت الجلد تيجي تفيدني

مشكورة أم حمزة وعمر
حفظكي الله وأولادك من كل شر أو سوء
باقي الرد هنا
https://adlat.net/showthread.php?t=67514
#19

افتراضي رد: اللي بتستعمل كبسولة تحت الجلد تيجي تفيدني

دى حبوب تنظيم البيريود ترفعها وتنزلها بعد ما توقفيها
#20

افتراضي رد: اللي بتستعمل كبسولة تحت الجلد تيجي تفيدني

الف سلامة عليكي حبيبتي
إظهار التوقيع
توقيع : الملكة نفرتيتي
#21

افتراضي رد: اللي بتستعمل كبسولة تحت الجلد تيجي تفيدني

ان شاء الله خيروتكون حاجة بسيطة وابقي طمنينا عليكي
#22

افتراضي رد: اللي بتستعمل كبسولة تحت الجلد تيجي تفيدني

مشكورات حبيباتي الملكة نفرتيتي و فيفي على سؤالكم الغالي
باقي الرد هنا

https://adlat.net/showthread.php?t=67514


قد تكوني مهتمة بالمواضيع التالية ايضاً
الموضوع كاتب الموضوع المنتدى
الجلد يتكلم سبحان الله dodo modo الاعجاز العلمي
معلومات لا يعرفها مرضى سرطان الجلد, معلومات هامة لا يعرفها مرضى سرطان الجلد العدولة هدير العيادة الطبية
موسوعه كامله من الالف للياء عن العنايه المتكامله للشعر Marwa El-shazly العناية بالشعر
الجلد الجاف اسباب جفاف الجلد والوقايه منه هبه شلبي العناية بالجسم
مهم جدااااا للي عاوزة تهتم بجمال رجلها تدخل هنا بالصور حبيبة نوناا العناية بالجسم


الساعة الآن 09:16 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل