أو

الدخول بواسطة حسابك بمواقع التواصل

#1

افتراضي سؤال لكل عدولة اتجوزت او مكتوب كتابها

السلام عليكم ورحمة الله وبركاته




عزيزتي كل عدولة
متزوجة او مكتوب كتابك عاوزة اسألك سؤال
لما جيتو تكتبوا الكتاب اتفقتوا مع جوزك انه يمضي على قائمة منقولات
لو أه
هل زوجك وافق علطول ولا حصلت مشاكل بينكم بسببها
لو لأ
هل لأن نظام الجواز مختلف يعني كل ناس وليهم طريقة في متطلبات الجواز زي المهر المؤخر والحاجات دي
ويا ترى ايه فكرة اهلك عن القائمة هل هي لتأمين حياتك ولا العرف بيقول كدة
الموضوع دة عندي عامل مشكلة كبيرة مع جوزي لانه بيقول دايما ان الخاين واللي ناوي على الغدر هو اللي بيطلب الطلب دة من الزوج وانا بقول ان دة امان لكل زوجة حتى بدون قائمة منقولات بحق ربنا والشرع الفرش حقها بالكامل خصوصا بعد الدخول
يا ريت كل واحدة تقولي رأيها وايه موقفها هي وزوجها من الموضوع دة
وشكرا


#2

افتراضي رد: سؤال لكل عدولة اتجوزت او مكتوب كتابها

على فكرة مش كل العقول ذى بعضها يعنى انا لما والدى اتفق مع جوزى على القايمة
وافق ومن غير تردد وده كان امتحان من والدى علشان يشوف رد فعله ايه ولما وافق عليه
والدى قال خلاص يبقى مفيش قايمة يعنى هو ايه اللى يامن عليه العفش ولا البنت
ودة كانت تجربتى
بس اعرف ناس تانية مرضوش بالقايمة دى وبتحصل مشاكل من وراها
إظهار التوقيع
توقيع : لحظة حنين
#3

افتراضي رد: سؤال لكل عدولة اتجوزت او مكتوب كتابها

وربنا الشاهد عليا انا جوزي مضالى على القايمه اللي بتتكلمي فيها دي من غير حتى ما يقرا ايه المكتوب فيها
تفكير جوزك مش صح ابدا
زي ما هو شاف ان الغدار اللي بيطلب ده
قوليله بردو ان الغدار هو اللي يخاف يعمل ده
إظهار التوقيع
توقيع : دلوعة هوبا حبيبي
#4

افتراضي رد: سؤال لكل عدولة اتجوزت او مكتوب كتابها

اكيد في قايمة والعريس بمضي عليها بكل ما فيها
ولو عايزك بجد هيرضى باي حاجة
لكن في عرسان بيحبو المشاكل
إظهار التوقيع
توقيع : الملكة نفرتيتي
#5

افتراضي رد: سؤال لكل عدولة اتجوزت او مكتوب كتابها

اهلي طلبه منه كده بس مارضيش وقال ان ده عيب عندهم بس علي فكرة دي حاجة مهمة اوي اسألي مجرب
إظهار التوقيع
توقيع : amira ali
#6

افتراضي رد: سؤال لكل عدولة اتجوزت او مكتوب كتابها

بصى حبيبتى الحق ميزعلش ودة حق الزوجة طالما عقدالقران يعنى كتابة القايمة مع عقد القران امر طبيعى

الى مش طبيعى هو رفض الزوج التوقيع عليها والطبيعى فى بلدنا لو عقد القران تم قبل تجهيز الاثاث ومش ينفع كتابة قايمة بيكتب شيك بمبلغ تقدير لقيمة القايمة والزوج بيمضى عليها عادى دا حق
#7

افتراضي رد: سؤال لكل عدولة اتجوزت او مكتوب كتابها

والله زوجى مضاها بدون أى إعتراض ولكن أظن لان ذلك عرف ليس إلا ولكن بينى وبينك الضامن ربنا فى الأول والأخر.
#8

افتراضي رد: سؤال لكل عدولة اتجوزت او مكتوب كتابها

احنا في الجزائر ما عندنا لا قائمة و لا هم يحزنون
إظهار التوقيع
توقيع : farcha


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور حب قلوب مكتوب عليها اروع صور قلوب مكتوب عليها حنين الروح123 صور حب
بطاقات عن مساء الخير 2025- أجمل الصور مكتوب عليها حياء حواء صور صباح ومساء
عدولة فرفوشة من هى؟؟ بنوتة عسولة 654 فرفشة عدلات
صور happy new year 2025 صور مكتوب عليها 2025 صور سنة سعيدة ملآك ولكن.. صور x صور
مكتوب اسمك يا بلادى ام اروى واريج أقلام عدلات الذهبية


الساعة الآن 01:41 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل