أو

الدخول بواسطة حسابك بمواقع التواصل

#1

افتراضي مقال لكريم عبد السلام : مرسى وعبدالناصر

الأربعاء، 25 يوليو 2025 - 10:00
يوما بعد يوم، يفوت الرئيس محمد مرسى الفرص التى تلوح له ليكون رئيسا لكل المصريين، مقابل إثبات ولائه الحزبى والسياسى لجماعة الإخوان، ففى أيام قليلة غاب مرسى عن حدثين كبيرين أولهما جنازة اللواء عمر سليمان الرجل الوطنى المشهود له بخدمة بلاده كجندى مقاتل فى القوات المسلحة والمخابرات، واكتفى مرسى بإرسال مندوب عنه الأمر الذى تسبب فى استهجان شعبى كبير عبر عنه المشاركون بالجنازة فى هتافهم ضد الرئيس، أما الحدث الثانى فكان الاحتفال بذكرى ثورة التحرر الكبرى فى 23 يوليو التى نقلت مصر من عصر إلى عصر جديد، واكتفى فيها مرسى بإلقاء بيان باهت لم يأت فيه على ذكر الزعيم الخالد جمال عبدالناصر ولو بذكر مآثره وأخطائه والتأكيد على إنجازاته مع التعهد بعدم تكرار الأخطاء.

كان بمقدور الرئيس أن يرفع رصيد شعبيته كثيرا وأن يتقدم بخطوات عملية فى طريق المصالحة الوطنية وتحقيق الاصطفاف الوطنى، وعدم الاكتفاء بترديد الكلمات الحماسية فى خطاباته لو شارك بنفسه فى جنازة اللواء عمر سليمان ليؤكد أن مصر تحتفى برجالها المخلصين حتى لو شاءت الظروف أن تكون فترة خدمتهم فى عصر ضربه الفساد وثار عليه الشعب، وكان بمقدوره أن يزور ضريح الزعيم جمال عبدالناصر ليؤكد أن الثأر الإخوانى لدى العهد الناصرى لا مكان له فى مؤسسة الرئاسة وأن موقع الرئيس فوق كل الأحزاب والجماعات فى بداية الجمهورية الثانية.





خطورة ما يفعله الرئيس مرسى أنه يتراجع يوما بعد يوم إلى مربع حزبه وجماعته متخليا عن مشروع المصالحة الوطنية الذى لا يمكن أن يتم بالكلمات الانفعالية وإنما بالمبادرات الشجاعة لاحتواء الأبرياء والشرفاء ممن خدموا فى دولاب عمل النظام السابق أو شاركوا فى حزبه السياسى دون أن يتورطوا فى فساده.

وخطورة ما يفعله الرئيس أيضا أنه يتخلى عن ناخبيه من التيارات الأخرى الذين منحوه أصواتهم ومتخليا عن روح ميدان التحرير الذى ذابت فيه كل التيارات السياسية فى لحظة فارقة من تاريخنا، وهذه اللحظة هى التى جاءت به رئيسا لكل المصريين وليس لحزب أو جماعة.
المصدر : اليوم السابع


#2

افتراضي رد: مقال لكريم عبد السلام : مرسى وعبدالناصر

ايه الكلام ده ميييييين ده اللى يروح جنازه عمر سليمان
لولا ان الواحد حرام يدعى عليه هو دلوقتى بين ايدين ربنا
ومش هقول غير ربنا يديله على قد عاميله اللى عاملها فى الناس
وتعذيبهم اما مرسى فدى انسان محترم جداااااااااااااا
ولاايام بتثبت ده كويس اوى وطبيعى كمان ان اليوم السابع يقول كده حاجه متوقعه من كل الصحف والاعلام كمان
إظهار التوقيع
توقيع : بائعه الورد
#3

افتراضي رد: مقال لكريم عبد السلام : مرسى وعبدالناصر

فعلا عنده حق مليووون فى الميه مرسى مش رئيس المصريين ده رئيس الاخوان اما بقى بالنسبه لجنازة عمر سليمان فكان لازم ييجى لأن ده كان رئيس جهاز المخابرات يا اخت ساندا يعنى تعرفى ايه حضرتك بقى عن المخابرات علشان تتكلمى عنه كده ما انتى لو ليكى ولاء للبلد اللى خيرها عليكى ماكنتيش قلتى كده تقدرى تقول عمر سليمان عذب مين غير الجواسيس والمجرمين هتقولى الاخوان هقولك علاقاتهم المشبوهه مع امريكا وحماس وفتح معروووفه
فينك يا حمدين ياصباحى كنت رحمتنا من الاشكال دى
إظهار التوقيع
توقيع : راجية الفردوس الأعلى
#4

افتراضي رد: مقال لكريم عبد السلام : مرسى وعبدالناصر

اولا مافيش اى وجه مقارنه بين مرسى وعبد الناصر ابداااااا ، ثانييا بقى عدم حضور مرسى جنازة اللواء عمر سليمان ده فخر لينا انه مالوثش الجنازه بقرف الاخوان وبعدين هو فى جاسوس بيحضر جنازة رئيس المخابرات ؟؟!!!
وميرسى يا شموس عالتوبيك

#5

افتراضي رد: مقال لكريم عبد السلام : مرسى وعبدالناصر


إقتباس
ايه الكلام ده ميييييين ده اللى يروح جنازه عمر سليمان
لولا ان الواحد حرام يدعى عليه هو دلوقتى بين ايدين ربنا
ومش هقول غير ربنا يديله على قد عاميله اللى عاملها فى الناس
قال رسول الله صل الله عليه وسلم لأصحابه : من يأتينى بخبر العدو فهو معى فى الجنه ) وسليمان اتى بخبر اعداء الله على مدار 50 عاما كظابطا فى المخابرات ورئيسا لها ,,,, اتقى الله

إقتباس
اما مرسى فدى انسان محترم جداااااااااااااا
ولاايام بتثبت ده كويس اوى وطبيعى كمان
ايام ايه دى حضرتك اللى بتثبت انه كويس انتى متاكده انك عايشه فى مصر ولا حضرتك مابتشوفيش الكهربا اللى بتقطع بالأيام والميه ده غير جرائم البلطجه والسلاح و انهيار المبانى ومووت الناس فى المستشفيات بسبب اعتصام الدكاتره و ...و ... تحبى اقول كمان ولا ايييييه ؟؟؟
#6

افتراضي رد: مقال لكريم عبد السلام : مرسى وعبدالناصر


المشاركة الأصلية كتبت بواسطة سراب الدمع
اولا مافيش اى وجه مقارنه بين مرسى وعبد الناصر ابداااااا ، ثانييا بقى عدم حضور مرسى جنازة اللواء عمر سليمان ده فخر لينا انه مالوثش الجنازه بقرف الاخوان وبعدين هو فى جاسوس بيحضر جنازة رئيس المخابرات ؟؟!!!
وميرسى يا شموس عالتوبيك
طبعا لا وجه للمقارنة بعبد الناصر وحتى الآن لم يأتي الرئيس الذي يستحق المقارنة بعبد الناصر
ثم ان مرسي مش ناجح الا في حاجة واحدة وهي الكلام والضحك على عقول الشعب وبس

المشاركة الأصلية كتبت بواسطة راجية الفردوس الأعلى
فعلا عنده حق مليووون فى الميه مرسى مش رئيس المصريين ده رئيس الاخوان اما بقى بالنسبه لجنازة عمر سليمان فكان لازم ييجى لأن ده كان رئيس جهاز المخابرات يا اخت ساندا يعنى تعرفى ايه حضرتك بقى عن المخابرات علشان تتكلمى عنه كده ما انتى لو ليكى ولاء للبلد اللى خيرها عليكى ماكنتيش قلتى كده تقدرى تقول عمر سليمان عذب مين غير الجواسيس والمجرمين هتقولى الاخوان هقولك علاقاتهم المشبوهه مع امريكا وحماس وفتح معروووفه
فينك يا حمدين ياصباحى كنت رحمتنا من الاشكال دى
مشكورة حبيبتي راجية الفردوس الأعلى على رأيك
بس عايزة أزود حاجة صغننة وهي ان التعذيب كان من اختصاص أمن الدولة وليس المخابرات والظاهر ان فيه ناس كتيييييييير متعرفش الفرق بين أمن الدولة والمخابرات

المشاركة الأصلية كتبت بواسطة sadna
ايه الكلام ده ميييييين ده اللى يروح جنازه عمر سليمان
لولا ان الواحد حرام يدعى عليه هو دلوقتى بين ايدين ربنا
ومش هقول غير ربنا يديله على قد عاميله اللى عاملها فى الناس
وتعذيبهم اما مرسى فدى انسان محترم جداااااااااااااا
ولاايام بتثبت ده كويس اوى وطبيعى كمان ان اليوم السابع يقول كده حاجه متوقعه من كل الصحف والاعلام كمان
اولا يا أخت ساندا كفاية ان عمر سليمان في دار الحق واحنا في دار الباطل غير انه توفى في الأيام التي ترفع فيها الأعمال الى الله وبيتهيألي أن من توفي قتيلا وبعيدا عن أهله يعد من الشهداء وده كلام الرسول الكريم مش كلامي
وبعدين اليوم السابع جريدة محايدة
وبما انكم مش بتعترفوا بأي اعلام
ياريت تحددوا لنا المصادر اللي بتيجي على هواكم
علشان نجيب لكم الأخبار منها
وشكرا
#7

افتراضي رد: مقال لكريم عبد السلام : مرسى وعبدالناصر

اللواء عمر سليمان الرجل الوطنى المشهود له بخدمة بلاده كجندى مقاتل فى القوات المسلحة والمخابرات، واكتفى مرسى بإرسال مندوب عنه الأمر الذى تسبب فى استهجان شعبى كبير عبر عنه المشاركون بالجنازة فى هتافهم ضد الرئيس،



ولهى راجل ميه ميه مين دى اصلاااااااااا يروح لواحد كان معتقلو ومطلع عين الاخوان ومطلعهم ارهبيين

دى فعلاااااا راجل محترم





كفايه عليه يروح توفيق عكاشه العزاء علشان دى فعلااااااا شرف لواحد زيوه
#8

افتراضي رد: مقال لكريم عبد السلام : مرسى وعبدالناصر

اولا يا أخت ساندا كفاية ان عمر سليمان في دار الحق واحنا في دار الباطل غير انه توفى في الأيام التي ترفع فيها الأعمال الى الله وبيتهيألي أن من توفي قتيلا وبعيدا عن أهله يعد من الشهداء وده كلام الرسول الكريم مش كلامي
وبعدين اليوم السابع جريدة محايدة
وبما انكم مش بتعترفوا بأي اعلام
ياريت تحددوا لنا المصادر اللي بتيجي على هواكم
علشان نجيب لكم الأخبار منها
وشكرا




كمان جريده اليوم السابع دى بتاعت سويرس يعنى مسيحى همى المسيحيين عوزين الاخوان لى كل حاجه ضد مرسى بتيجى فى اليوم السابع


اه مات فى ارض الكفر والنفاق فى امريكه

يوووووووووه
ربنى يرحمو
#9

افتراضي رد: مقال لكريم عبد السلام : مرسى وعبدالناصر

والله أول مرة أسمع ان اللي بيموت في أمريكا يستحق السخط العظيم
وبعدين الرسول الكريم محددش نوع الأرض اللي المفروض الواحد يختارها علشان يموت فيها
وبعدين ماهما الاخوان فعلا ارهابيين
تقدري تقوليلي مين اللي قتل فرج فودة ومن قبله "أحمد الخازندار" .. وكيل محكمة إستئناف مصر ، ورئيس الدائرة الأولى للجنايات سنة 1948
و النقراشى باشا سنة 1948
يعني أياديهم ملوثة بالدم ومهما يعملوا عمر أيديهم ما حتكون طاهرة أبدا
وبعدين ايه اللي يثبت ان اليوم السابع ملك لسويرس


قد تكوني مهتمة بالمواضيع التالية ايضاً
الموضوع كاتب الموضوع المنتدى
قرآن كريم كامل استماع وتحميل مباشر بصوت اكثر من قارئ جزء 7 سلمى سالم8 القرآن الكريم
قرآن كريم كامل استماع وتحميل مباشر بصوت اكثر من قارئ جزء 2 سلمى سالم2 القرآن الكريم
قرآن كريم كامل استماع وتحميل مباشر بصوت اكثر من قارئ جزء 1 سلمى سالم2 القرآن الكريم
قرآن كريم كامل استماع وتحميل مباشر بصوت اكثر من قارئ جزء 6 سلمى سالم4 القرآن الكريم


الساعة الآن 06:06 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل