لآ تحتريني
القلبْ ساحة حربَ وجروحِي قبور
دفنت فيها .. الذكرياتَ و حنيني !
وسويت من صبري حوالينها سور
في داخله كل شي .. بينك وبيني
لا تعتذر لي ما انت صادق ومعذور
خل َالعـذر .. للي بقى من سنيني !
لو كان عندك ذوق واحساس وشعور
ما تشتكي ( ذكـراه ) .. قدام عيني !
ليه اشتري خاطرْك خاطرْك مكسور
من قبل .. لا اجيك وقبل لا تجـيني
عاد لـ ( التقديـر ) قيمه و لا دور
وشلون اقدّر وضع من لا يبيني؟!
من قلت لك تسلم حبيبي و مشكـور
وسحبت من راحة يسارك .. يميني
وانا .. نويت غياب ما بعده حضور
الله .. يغفر لي ( الجـفا ) ويهديني !!
هذي ( طبيعة نفس ) ماتقبل الجور
ماهيب في يديينك ولا في يديني ..
ولاّ انت ما يلحق ردى نفسك قصور
شوف بـ عيونك ويش سويت فيني ؟!
بعد غيابي عنك حول اربع شهور
توك تجي تسأل علامي وويني !!؟
قد قلت لك ماني على الوصل مجبور
لا غبت عنّك ( يُـوم ) .. لا تحتريني !!
رد: لآ تحتريني
إظهار التوقيع
توقيع : حبيبة نوناا
التوقيع لا يظهر للزوار ..
رد: لآ تحتريني
الساعة الآن 06:29 PM
جميع المشاركات تمثل وجهة نظر كاتبها وليس بالضرورة وجهة نظر الموقع