قولت الى مقالتوش أمى ليا و عاشت طول عمرها تخبيه عليا
أمى مش محتاجه حاجه لا لكلامى ولا لهديه علمتنى حاجات كتيره بالسنين مش بالدراسه بالوراثه الى علم فيها علم برضه فيا
اللى مقالتوش أمى ليا دا شئ تاعبنى ليها رب و عن رضاها هيحاسبنى و دا حسابه مش شويه
هى كانت عامله حساب اللحظه دى اما انا ياللأسف كنت من الناس اللى أمنت صدقتفى البتاعه اللى احنا عايشين فيها بيسموها دنيا
من لا شئ خلتنى واحد و الزمان اهو عدى فيا كنت طفل بعودى ساند على اللى عمره ممال عليا
الزمن خلانى جاحد و السنين غمت عنيه
و هى صدرها كان مخده و طرح قلبها كان موده و طرح قلبى كان قسيه
اللى مقالتوش أمى ليا إنها صبرت عليا لما عشت سنين فى خرها كبرت ساوتهابغيرها
كان لابد اعمل حسابى شوفتها فى طلعت شبابى قيد و خانقه مكانتش فارقه
انزل امشى اخرج اسرح لما بتأنبنى اشوح كنت ادور وشى اوف هى ناقصه كمانتقولى كنت فين رائحتك سجاير ولا صليت النهارده خش نام الساعه واحده
شوفت حنيتها ضعف
هى شاريه بقلب راضى و دنيا دايره و كأسها فاضى كنت بشرب فيه سكرت
ليه مصره تخنقينى يأمى مش واقتكسبينى انتهينا خلاص كبرت
اتخد فى سكه تانيه زهقت من لعبك معايا زهقت من خوفك عليا من عنين عدت خطايافى جرى حولين الجنينه و خوفها لما الليل يليل و كانت تبص بعين حزينه و كانت تقولى لسه برده فى عني عيل
كنت انام عامل حسابى بكره هصحى الاقيها جمبى يعنى هتروح منى فين بكره هصالحها و هترضه بكره انا اطيب خاطرها بكره اقولها كلمتين
بكره جاب بكره و بكره للأسف ألاقى القلب راكز
أمى ماسمعتش منى طول حياتها إلا عايز
أمى فى المطبخ كلامها فى وسط تخبيط الازايز كنت سامع صوت جرسنا و لماتليفونا يرن ... رد يابنى
مين الى طالب عمرى ماهتميت بسن كنت اعلى صوت الاغانى كنت ليه دايما انانى
كانت تعاتبنى بحزن يابنى محتاجه لسند ابوص اشوف الشعر شايب
ايوه بيتى كان لوكانده عشت فيها اكل و شارب عمرى ماهتميت بحاجه
أمى تفتح أمى تقفل أمى تمسح أمى تغسل أمى تطبخ الأم تعمل كل حاجه
من رضاعه لحد دلوقتى كنت بكبر سنتى سنتى و هى احساس الشبع
أمى يا اخر سفينه بإبتسامتها الحزينه كانت تسقينى الدلع
السنين طلبت باقتها ياللى مش عارفي قيمتها امى حصالت الوجع
أمى قبل النوم بتدعى مش علشانها كان علشانى
اللى على التسريحه دا مش دواها
دى حاجات ضايعه لقتها زى سبحتها و حاجتها ونظارتها و كل شئ واخد رائحتها
و فى حاجه مخوفانى ..ابتدى احساسى يصحى السنين على الوش واضحه رعشت الايد اللى شايله و الكلام ممزوج بكحه
زى شجره علشان نظلل لازم تميل
اللى ياما قالتلى همم اتملت علشانى هم
الاساس هى و لولاها كان زمانى زارعه مايله
امى اهى بتاخد الدواء بغصب بمحايله
يا أمى ليه ظهرك كده فى الهم ليه شايله ردى يا بيت الدعاء
ابك الاضغر عروقه اتودكت فاكره لما كان بيحبى باربعه فاكره ضحكه فاكره اغانيه فاكره دعواتك علشانه
النهارده العمر خانه ذكرياته و امنياته و حلم المه سنين حياته
النهارده اتخلى عنهم فاق..فاق لاول مره يفهم معنى أم يعنى ابه التضحيه
ياخدوا عمرى كله منى يا ملاك الموت تمهل لسه انا فى عنيها عيل سبها عمر
خدنى انا
نفسى اسمع كلمه يابنى
اللى مقالتهوش أمى ليا هو اكتر شئ تاعبنى انها كانت عارفه انى فيوم هسبها اوهيجى فى يوم تسبنى
قولت الي مقالتوش امي ليا
رد: قولت الي مقالتوش امي ليا
قد تكوني مهتمة بالمواضيع التالية ايضاً