مناقشه : هل توافقين على السكن مع أهل الزوج!؟

لا طبعا بجد الموضوع ده صعب حتى لو كانو الاتنين ملايكه
السكن مع الحما ده هو الى بيخرب العلاقه بين الزوجين
الا من رحم ربى
الاستقلاليه للزوجين فى بداية الزواج كمان مهم جداااااا
واحسسهم يتحمل المسئوليه كملن بعيد عن الاهل مهم
وكمان القرب ده بيولد المشاكل وبيبين العيوب
وعلى راى المثل نار الايجار ولا جنة الحما واهل الزوج هههه

أزرع نخلة فى الجنة فى 3 ثوانى وأحصدها يوم الحصاد


قال رسول الله صلِّ الله عليه وسلم
(من قال سبحان الله العظيم وبحمده غرست له نخله في الجنه)
صدق رسول الله صلِّ الله عليه وسلم


عايزين نزرع مليون نخله مين هتزرع معانا وتحصدها يوم الحصاد

معلش يا حبيبه
بخصوص ان الحما عندها بنت وبتحب تشوفها مبصوطه
وديه زى ديه لا يا حببتى ديه مش زى ديه ابدا
هقولك ازاى
يعنى مثلا لو خطيبة الابن عايزه تعمل الفرح فى مكان شيك وهيدفع مبلغ كبير فيه تلاقيها تقولك لا يا حببتى مينفعش كده وفرى الفلوس ديه على نفسك وبلاش الافراح الغليه ديه
او مثلا لو هتقعدى اسبوع فى فندق ولا حاجه هتقولك ولازمته ايه متقعدى فى شقتك احسن عشان تفرحى البيت والناس الى هتيجى تبارك متلقيش عروسه هيباركو لمين ولو اخترتى عفش غالى مثلا هتقول لا احنا منقدرش على كده
شوفى لو بنتها بقا
هتقول للعريس احنا لازم نعمل فرح فى مكان حلو شيك عشان بنتى مش اقل من فلانه وعلانه
العريس يا حماتى الشقه والعفش خلصو عليا ترد تقول اتصرف ان عايز بتى تزعل ولا ايه محلتيش غرها وعايزه افرح بيها
وكمان تخدها شهر العسل فى تركيا لو مش عايز تسافر يبقى شرم ولو عايز فى القاهره تبقى الكونراد او الفور سيزون
ولو مجبش العفش على مزجها يا ويله وسواد ليله وقيسى على ده كتير
طبعا انا مش قصدى انتى انا قصدى مثل يعنى
وشوفى لو مرات البن حبت تغير حاجه فى الشقه
تقول ايه
ليه يابنى دانتى متجوز من 10 سنين بس وحجتك لسه جديده ليه تغير وتعمل خليها زى مهيه كده بلا مصاريف على الفاضى
اما بنتها
ايه ده يا حببتى متغيرى الانتيريه ده ده بقاله سنتين عندك مش تجددى فى شقتك كده عشان قريبتنا لما يزروكى

عرفتى بقا يا حبيبه ان فى فرق ولا ايه رايك

هههههههههههه
عسللافالانتينا

بالنسبة انك تعيشي في نفس البيت ده مرفوض تماما بدون نقاش ولا حتى عبال لما الظروف تتحسن
لانك مش هتكوني على حريتك وهتكوني محروجة من أهله وكل تصرفاتك هتكون مراقبة

ضحك هزار مش هتعرفي تعملي حاجة هتكونوا كئنكم بتسرقواا

الواحدة لما تتزوج بتتغير بشكل بتكون خايفة على حاجتها أو متحبش حد يشاركها في حاجة تخصها وده حقك
وفيه حموات معلش في اللفظ بجحين واحدة صاحبتي كانت في تاني اسبوع زواج واتحطت في موقف انها تبات مع حماتها واولاد بنتها في شقة اخت زوجها لمدة يوم
حماتها بعدها بفترة قالتلها انتم دخلت استحميتم 3 مرات طب اعملي نفسك مش واخدة بالك لا الله المستعان

أما بالنسبة للسكن في بيت العيلة أو في نفس العمارة يعني عادى واخف بكتير ليكِ شقتك المستقلة وقافلة على نفسك
تحبي تعدى مع اهله تنزلي تحبي تعدي لوحدك تعدي ده اريح بكتييير

والحماة طيبة مش طيبة ده لنفسها والله مش عليكِ ونصيحة ليكي قبل الزواج حطي حدود محدش يتعداها علشان يعرفوها من الأول وما تقبلي تنازلات

حتى ولو هما كويسين مفيش مشكلة نصيحة من امي متحتكيش باى حد اووى ومتختلطيش جامد خلي علاقتك عادية
دي طبعا نصيحة مش علشان الزواج وكدة لا في الحياة عامة حرصي وبس

وبادري بالمعروف وعامليهم كويس لكن اسرارك أى كلام يدور بينك وبين زوجك أى راى فكرتي فيه إنتِ وزوجك يكون بنكم
وما تقولي لاى حد عايزة تغيري حاجة عايزة تجيبي شيء مش لازم تقولي دأنا عايزة اجيب كذا وربنا يوفقك

وبالنسبة لزواج البنت في بيت اهلها إن كانت بمقارنة مع زواجها في بيت أهل زوجها فاقل الضررين تعيش في بيت أهلها
بالرغم إن الواحدة مش هتكون مرتاحة برده لكن أفضل مليون مرة من العكس على الاقل تلاقي والدتها تساعدها في الطبيخ
خخخخخخخخخخ
أهم حاجة طبعا حد لاقي اليومين دول حد يساعده

وعايزة اضيف شيء بينظر للزوج على إن امه تعبت فيه وفي الأخر واحدة جت اخدته منها بسهولة جدا طيب معلش هى نفس الشيء
أهلها ربوها وتعبوا علشانها واتغرموا في النهاية مصاريف الزواج

فقبل اى شيء ما تخلي ظروف ووضع يتفرض عليك الشيء ال حباه يتعمل اعمليه مش حباه يتعمل وملكيش مزاج فيه ما يتعملش
لاننا مش هناخد ثواب عليه فايه لزمته بقى

أنا عارفة إني طولت اوووى بس نصيحة اخيرة فيه منا امهات دلوقت وبيتعرضوا لاذى من الحماة لاما بالمز او الكلام الجارح
مع ان الحماة دي كانت في يوم من الايام في وضع الزوجة مرات ابن برده نست احساسها كان ايه وقتها لما حماتها تضايقها
ولا هى سياسة ال حماتي عملته فيا اعمله في مرات إبني فناخد بالنا وياريت نكون جيل من الحموات مختلف في الفكر والعادات
ونعمل في ازواج أولادنا معاملة نرضى الله عز وجل بها
ونحسسهم فعلا انهم اغلى من اولادنا علشان والله المعاملة الكويسة هتريح جميع الاطراف الزوجة والزوج والحماة وبس كفاية كدا بقى الرغي مش هيخلص