السلام عليكم ورحمة الله وبركاته
ازيكم ياحبوباتى
النهاردة أنا مبسوطة شويتين فقلت أنزلكم حاجة حلوة من عمايل ايديا
بالرغم من انى خايفة
جاتنى تهديدات بالخطف وكمان الطرد
شفتم بقى عمايل الأكل عملت ايه؟
المهم أنا مابتهددش وحنزل اكلات حلوة كمان وكمان
وخلى اللى يتقهر ياخواتى يتقهر
حانزلكم أكلة الكسكي
وااو الكسكسي
طب نبص بصة كده
انا طبعا كنت عاملاه في عزومة وده اللى اتبقى منها
طبعا صحة وهنا على قلوبهم
زى ماحنا شايفين كنت عاملة مع الكسكسي ديك رومى وهو اللى موجود مع الرقاق ده طبعا جزء من صدر الديك الرومى
وكمان كان فيه كفتة أرز انا كنت عاملة العزومة في موسم بس مش متذكرة كان ايه بصراحة؟
ده رابط كفتة الأرز للى عايز طريقتها
كفتة الأرز المصرية,مطبخ مايا علي,أكلات رئيسية
وده رابط الرقاق
صينية الرقاق البلدى باللحمة المفرومة بالفرن 2025,أكلات سهلة وسريعة
وهنا طريقتى في الديك الرومى
الجزء الثانى عزومتى في رمضان 2025,الشوربة و الأطباق الرئيسية
ندخل بقى على الكسكسي
طبعا كتير مننا مش بيعرف يعمله وبيستصعبه لكن هنا ماتقلقيش
أنا عندى عجان كينوود وبصراحة سهل عليا المأمورية كتر
نشوف الطريقة كده
حنجيب 3 كجم دقيق
باكو خميرة فورية
وحلة مخصوصة للكسكي
حنجيب الدقيق وننخله ونضعه بالعجان ونضع عليه مياه حبة بحبة عشان يوصل للمرحلة دى
وخلى بالكم لا تزيدوا الماية أحسن تعجن
ده سلاح العجان اللى بستخدمه
بعد كده بنضربه في الكبة عشان يوصل لكده
اللى ضربتيه حنحطه في طبق واسع وفيه قماش شاش أبيض كبير عشان حتربطيه زى الصرة
ده شكل الحلة بتاعت الكسكسي
بتكون عبارة عن حلتين في بعض الحلة اللى تحت شكلها عادى وعميقة والحلة اللى فوق بتكون زي المصفاة بتحطي في الحلة اللى تحت ماية لمنتصفها وتكون غلت كويس وحتحطى الصرة اللى ربطتيها وغطى عليها
بتاخد التبويخة الأولى ساعة بالضبط
تعرفى ازاى انه استوى ارفعى الغطا واضربي بإيدك على الصرة حنطلع صوت زى الطبلة بالضبط
ارفعي الصرة من عالنار
حطيها بالطبق وفرطيه بإيدك وتكونى مجهزة الخميرة واللبن حوالى كسرولة لبن
وتحطى الخميرة الأول وارفعى الكسكسي بأصابعك وبعدين ضيفى اللبن حبة بحبة برضه وارفعى بإيدك برضه
لحد ماتحسي ان الحبيبات الناشفة بقت طرية في إيدك
واهم حاجة في العملية دي انه الكسكس وانتى بترفعيه يتخلل أصابعك
وده شكله
بعدين حتضربيه في الكبة تانى
طبعا حبة حبة على قد الكبة اللى عندك
وبعدين حنحطيها في الشاشة البيضا تانى عشان نديله التبويخة التانية
دي بتاخد نص ساعة وبرضه اتأكدى زي ماقلتلك حترفعى الغطا وخبطى بإيدك حتلاقى صوت الطبلة
خدى بقى الكسكسي اللى على قد ماحتاكلوا وحتحطى عليه سمنة بلدى لحد ماتلاقيه بيلمع
قلبى طبعا كويس
وقدميه بطبق التقديم
هنا أنا حاطة سكر بودر
وبيتاكل برضه مع الأكل التانى من غير سكر
لكن عن نفسي باكله مع الحوادق بالسكر برضه هههههههههه
وممكن تضيفى كمان قرفة
وبالهنا والشفا يابنات